ທະນາຄານພັດທະນາອາຊີຄາດຄະເນຈັງຫວະການເຕີບໂຕຂອງກຸ່ມເສດຖະກິດກຳລັງພັດທະນາໃນອາຊີ-ປາຊີຟິກແມ່ນ 4,9%

ທະນາຄານພັດທະນາອາຊີຄາດຄະເນຈັງຫວະການເຕີບໂຕຂອງກຸ່ມເສດຖະກິດກຳລັງພັດທະນາໃນອາຊີ-ປາຊີຟິກແມ່ນ 4,9%

10:54 11/04/2025

ຂ່າວສານຊີອາໄອ ລາຍງານວ່າ: ໃນວັນທີ 9 ເມສາ ຜ່ານມານີ້, ທະນາຄານພັດທະນາອາຊີໄດ້ເປີດເຜີຍບົດລາຍງານ “ການຄາດຄະເນການພັດທະນາຂອງອາຊີປີ 2025” ໂດຍລະບຸວ່າ: ຍ້ອນຖືກຜົນກະທົບຈາກປັດໄຈຕ່າງໆ ຄື: ຄວາມບໍ່ແນ່ນອນທາງດ້ານການຄ້າ ແລະ ສະຫະລັດ ອາເມຣິກາເພີ່ມພາສີເປັນຕົ້ນ,

ຄາດວ່າຈັງຫວະການເຕີບໂຕຂອງກຸ່ມເສດຖະກິດກຳລັງພັດທະນາໃນພາກພື້ນອາຊີ-ປາຊີຟິກແມ່ນ 4,9% ໃນປີນີ້ ແລະ 4,7% ໃນປີ 2026.

ບົດລາຍງານລະບຸຕື່ມວ່າ: ເຖິງວ່າພາກພື້ນອາຊີ-ປາຊີຟິກຈະປະເຊີນກັບສະພາບການທີ່ກຳແພງການຄ້າຮຸນແຮງຂຶ້ນ ແລະການຄ້າບໍ່ມີຄວາມແນ່ນອນຢ່າງຊັດເຈນກໍຕາມ, ແຕ່ຄວາມຕ້ອງການພາຍໃນອັນເຂັ້ມແຂງ ແລະການສົ່ງອອກຜະລິດຕະພັນເອເລັກໂຕຣນິກຈະສືບຕໍ່ຄ້ຳປະກັນການເຕີບໂຕຂອງເສດຖະກິດ. ພາກພື້ນອາຊີ-ປາຊີຟິກແມ່ນຢູ່ໄລຍະການປັບປຸງທີ່ສຳຄັນ, ການເພີ່ມທະວີການຮ່ວມມືໃນພາກພື້ນຕື່ມອີກແມ່ນມີຄວາມສຳຄັນທີ່ສຸດຕໍ່ການຮັບມືກັບສິ່ງທ້າທາຍຮ່ວມຕ່າງໆ ເຊັ່ນ: ຄວາມໝັ້ນຄົງດ້ານພະລັງງານ, ໄພພິບັດ ແລະອື່ນໆ. ການເພີ່ມທະວີການສ້າງກົນໄກຮ່ວມມືຂ້າມປະເທດຈະສ້າງພື້ນຖານທີ່ໜາແໜ້ນໃຫ້ແກ່ການເຕີບໂຕແບບຕໍ່ເນື່ອງ ແລະຄວາມໝັ້ນຄົງ.

ຄໍາເຫັນ

ຂ່າວຕ່າງປະເທດ

ອິນໂດເນເຊຍ ກຳນົດລາຄານໍ້າມັນເຊື້ອໄຟ ເພື່ອຊ່ວຍເຮືອປະມົງຂະໜາດກາງ

15/07/2026 14:31

ສຳນັກຂ່າວສານຊິນຮວາລາຍງານໃນວັນທີ 14 ກໍລະກົດ ຜ່ານມາວ່າ: ລັດຖະບານອິນໂດເນເຊຍລາຍງານວ່າ, ທ່ານ ພຣາໂບໂວ ຊູບຽນໂຕ ປະທານາທິບໍດີອິນໂດເນເຊຍ ໄດ້ອະນຸມັດລາຄານໍ້າມັນເຊື້ອໄຟພິເສດ 15,000 ຣູເປຍຕໍ່ລິດ ສຳລັບເຮືອປະມົງທີ່ມີກຳລັງການບັນທຸກທັງໝົດ 30-200 ໂຕນ, ເພື່ອຊ່ວຍຫຼຸດຜ່ອນຄ່າໃຊ້ຈ່າຍໃນການດຳເນີນງານທີ່ເພີ່ມຂຶ້ນສຳລັບທຸລະກິດປະມົງຂະໜາດກາງ.

ກຳປູເຈຍ ກູ້ຢືມເງິນ 119 ລ້ານໂດລາ ເພື່ອຂະຫຍາຍທ່າເຮືອອັດຕະໂນມັດສີຫານຸວິລ

15/07/2026 14:29

ສຳນັກຂ່າວສານຊິນຮວາລາຍງານໃນວັນທີ 14 ກໍລະກົດ ຜ່ານມາວ່າ: ກະຊວງການຕ່າງປະເທດ ແລະ ການຮ່ວມມືສາກົນຂອງກຳປູເຈຍ ລາຍງານວ່າ, ໄດ້ຮັບເງິນກູ້ຈຳນວນ 119 ລ້ານໂດລາ ຈາກຍີ່ປຸ່ນ ເພື່ອສະໜັບສະໜູນໂຄງການພັດທະນາສະຖານີຂົນສົ່ງສິນຄ້າແຫ່ງໃໝ່ຂອງທ່າເຮືອອັດຕະໂນມັດສີຫານຸວິລ ໄລຍະທີ 2, ທ່ານ ປຣັກ ໂສຄົນ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ກຳປູເຈຍ ແລະ ທ່ານ ອູເອໂນະ ອັດຊູຊິ ເອກອັກຄະຣາຊະທູດຍີ່ປຸ່ນປະຈຳກຳປູເຈຍ ໄດ້ລົງນາມໃນສັນຍາກູ້ຢືມເງິນໃນວັນທີ 13 ກໍລະກົດ ຜ່ານມາ.

ມາເລເຊຍ ປັບປຸງແຮງຈູງໃຈດ້ານລົດ EV ເພື່ອເລັ່ງການຂະຫຍາຍສະຖານີສາກໄຟ

13/07/2026 14:16

ສຳນັກຂ່າວສານຊິນຮວາລາຍງານຫວ່າງມໍ່ໆມານີ້ວ່າ: ທ່ານ ຊິມຈືຊິນ ຮອງລັດຖະມົນຕີກະຊວງການລົງທຶນ, ການຄ້າ ແລະ ອຸດສາຫະກຳມາເລເຊຍໄດ້ເປີດເຜີຍວ່າ, ລັດຖະບານມາເລເຊຍກຳລັງປັບປຸງມາດຕະການຈູງໃຈເພື່ອເລັ່ງການເຕີບໂຕຂອງລະບົບນິເວດລົດໄຟຟ້າ (EV) ຂອງປະເທດ. ລວມທັງສົ່ງເສີມການເປີດພື້ນຖານໂຄງລ່າງດ້ານການສາກໄຟ ແລະ ສະໜັບສະໜູນການນຳໃຊ້ລົດໄຟຟ້າທີ່ກວ້າງຂວາງ. ໂດຍມາເລເຊຍມີເປົ້າໝາຍທີ່ຈະຕິດຕັ້ງສະຖານີສາກລົດໄຟຟ້າ 30,000 ແຫ່ງທົ່ວປະເທດພາຍໃນປີ 2030.

ເກືອບເຄິ່ງໜຶ່ງຂອງຜູ້ໃຫຍ່ອົສຕຣາລີໃຊ້ Gen AI

13/07/2026 14:15

ຂ່າວຕ່າງປະເທດລາຍງານໃນທ້າຍອາທິດຜ່ານມາວ່າ: ມະຫາວິທະຍາໄລແຫ່ງຊາດອົສຕຣາລີ ແລະ ຄູ່ຮ່ວມງານຂອງຕົນໄດ້ເຜີຍແຜ່ບົດລາຍງານກ່ຽວກັບການນໍາໃຊ້ປັນຍາປະດິດ (AI) ໃນອົສຕຣາລີ, ໂດຍອີງໃສ່ການສຳຫຼວດຜູ້ໃຫຍ່ຫຼາຍກວ່າ 3,500 ຄົນ ແລະ ການສໍາພາດຜູ້ນໍາອົງກອນຕ່າງໆ ຊຶ່ງບົດລາຍງານຊີ້ໃຫ້ເຫັນວ່າເກືອບເຄິ່ງໜຶ່ງຂອງຜູ້ໃຫຍ່ອົສຕຣາລີໄດ້ໃຊ້ປັນຍາປະດິດທີ່ສ້າງສັນ (Generative AI), ໂດຍຫຼາຍຄົນລະບຸວ່າຊ່ວຍເພີ່ມປະສິດທິພາບໃນການເຮັດວຽກ ແລະ ການສຶກສາ.

3 ເດືອນ ມຽນມາສົ່ງອອກພືດຕະກຸນຖົ່ວຫຼາຍກວ່າ 1 ລ້ານໂຕນ

13/07/2026 14:13

ສຳນັກຂ່າວສານຊິນຮວາລາຍງານໃນທ້າຍອາທິດຜ່ານມາວ່າ: ສະມາຄົມຜູ້ຄ້າຂາຍພືດຕະກຸນຖົ່ວ, ໝາກຖົ່ວຝັກຍາວ, ສາລີ ແລະ ງາຂອງມຽນມາລາຍງານວ່າ, ການສົ່ງອອກພືດຕະກຸນຖົ່ວ, ໝາກຖົ່ວຝັກຍາວ, ສາລີ ແລະ ງາໃນໄລຍະສາມເດືອນທຳອິດຂອງປີງົບປະມານ 2026-2027 ຊຶ່ງເລີ່ມຕົ້ນໃນເດືອນເມສາ ສູງເກີນ 1 ລ້ານໂຕນ, ສ້າງລາຍຮັບໄດ້ຫຼາຍກວ່າ 538 ລ້ານໂດລາ.

ນະວັດຕະກຳດ້ານເຕັກໂນໂລຊີພະລັງງານໄຟຟ້າຂອງຈີນເປັນອັນດັບໜຶ່ງຂອງໂລກ

13/07/2026 14:12

ວິທະຍຸໂທລະພາບສູນກາງຈີນ (CMG) ລາຍການວ່າ: ຫວ່າງມໍ່ໆມານີ້ ເວທີປຶກສາຫາລືການເມືອງຂັ້ນສູງກ່ຽວກັບການພັດທະນາແບບຍືນຍົງຂອງອົງການສະຫະປະຊາຊາດ ໄດ້ເຜີຍແຜ່ບົດລາຍງານຄົ້ນຄວ້າ "ຕົວຊີ້ວັດການພັດທະນາພະລັງງານໄຟຟ້າທົ່ວໂລກ (2026)".

ເສັ້ນທາງການພັດທະນາການທ່ອງທ່ຽວທີ່ມີເອກະລັກຂອງຈີນ

10/07/2026 11:35

ຈາກຖ້ຳຫີນເກົ່າແກ່ຮອດໂຮງງານທັນສະໄໝ, ຈາກເຂດພາກເໜືອທີ່ມີຫິມະ ແລະ ນ້ຳກ້ອນ ຮອດ ເມືອງແຄມນ້ຳທາງພາກແມ່ນ້ຳຢາງຊີກ້ຽງ, ຈີນກຳລັງບຸກເບີກເສັ້ນທາງພັດທະນາການທ່ອງທ່ຽວທີ່ມີເອກະລັກຂອງຕົນ, ສຳລັບການເຊື່ອມໂຍງວັດທະນະທຳກັບການທ່ອງທ່ຽວຢ່າງເລິກເຊິ່ງ, ແມ່ນສັນຍາລັກພົ້ນເດັ່ນທີ່ສຸດຂອງເສັ້ນທາງດັ່ງກ່າວ.

ຈຳນວນຜູ້ເສຍຊີວິດຍ້ອນພະຍາດອີໂບລາ ໃນກົງໂກ ເກີນ 500 ຄົນ

09/07/2026 13:23

ສຳນັກຂ່າວສານຊິນຮວາລາຍງານໃນວັນທີ 8 ກໍລະກົດ ຜ່ານມາວ່າ: ອົງການອະນາໄມໂລກ (WHO) ລາຍງານວ່າການລະບາດຂອງພະຍາດອີໂບລາ ສາຍພັນ Bundibugyo ໃນພາກຕາເວັນອອກຂອງສາທາລະນະລັດ ປະຊາທິປະໄຕ ກົງໂກ ຫຼື DR Congo ຍັງສືບຕໍ່ແຜ່ລະບາດ, ໂດຍຍັງບໍ່ສາມາດຢືນຢັນຂອບເຂດທີ່ແນ່ນອນຂອງການລະບາດໄດ້ ແລະ ສະຖານະການຍັງຄົງບໍ່ແນ່ນອນ.

ອາກາດຮ້ອນຮຸນແຮງ ສົ່ງຜົນກະທົບຕໍ່ສຸຂະພາບຈິດຂອງໄວໜຸ່ມ

09/07/2026 13:16

ສຳນັກຂ່າວສານຊິນຮວາລາຍງານໃນວັນທີ 7 ກໍລະກົດ ຜ່ານມາວ່າ: ການສຶກສາທີ່ສຳຄັນທີ່ນຳພາໂດຍມະຫາ ວິທະຍາໄລຊິດນີຂອງອົສຕຣາລີ ຊຶ່ງໄດ້ຕີພິມໃນວາລະສານສະຖາບັນຈິດຕະແພດເດັກ ແລະ ໄວໜຸ່ມ ຂອງ ສະຫະລັດ ອາເມຣິກາ ເປີດເຜີຍວ່າ: ສະພາບອາກາດຮ້ອນຮຸນແຮງເຮັດໃຫ້ໄວໜຸ່ມສ່ຽງຕໍ່ການເຂົ້າໂຮງໝໍຍ້ອນບັນຫາສຸຂະພາບຈິດ ເພີ່ມຂຶ້ນຢ່າງຫຼວງຫຼາຍ, ສະທ້ອນໃຫ້ເຫັນເຖິງຄວາມກັງວົນດ້ານສາທາລະນະສຸກທີ່ເພີ່ມຂຶ້ນຈາກການປ່ຽນແປງຂອງດິນຟ້າອາກາດ. ທ່ານ ໄຊເບລ ເດ ນັກຈິດຕະແພດເດັກ ແລະ ໄວໜຸ່ມຈາກໂຮງໝໍເດັກຊິດນີ ໄດ້ກ່າວວ່າ: ການປ່ຽນແປງຂອງດິນຟ້າອາກາດກຳລັງສົ່ງຜົນກະທົບຕໍ່ສຸຂະພາບຈິດຂອງເດັກນ້ອຍ ແລະ ໄວໜຸ່ມໃນຫຼາຍດ້ານ.

ການເຕີບໂຕຂອງອຸດສາຫະກໍາທີ່ກ່ຽວຂ້ອງກັບປັນຍາປະດິດຂອງຈີນ ຈະບັນລຸຫຼາຍກວ່າ 30%

09/07/2026 13:06

ວິທະຍຸໂທລະພາບສູນກາງຈີນ (CMG) ລາຍງານໃນວັນທີ 8 ກໍລະກົດ ຜ່ານມາວ່າ: ຄະນະກຳມະການພັດທະນາ ແລະ ປະຕິຮູບແຫ່ງຊາດຈີນໄດ້ເປີດເຜີຍໃນວັນທີ 7 ກໍລະກົດ ຜ່ານມາວ່າ, ປີກາຍນີ້ ຍອດມູນຄ່າອຸດສາຫະກໍາທີ່ກ່ຽວຂ້ອງກັບປັນຍາປະດິດຂອງຈີນມີຫຼາຍກວ່າ 1,000 ຕື້ຢວນ, ອີງຕາມການຄາດຄະເນໃນເບື້ອງຕົ້ນ, ຈັງຫວະການເຕີບໂຕຂອງອຸດສາຫະກໍາດັ່ງກ່າວໃນປີນີ້ຈະບັນລຸຫຼາຍກວ່າ 30%. ພ້ອມດຽວກັນນີ້, ຈີນຈະຕິດຕາມຜົນສະທ້ອນຂອງປັນຍາປະດິດຕໍ່ການປະກອບອາຊີບ ເພື່ອຊຸກຍູ້ໃຫ້ປັນຍາປະດິດສ້າງອາຊີບໃໝ່ ແລະ ເພີ່ມຄວາມສາມາດໃຫ້ແກ່ອາຊີບດັ້ງເດີມ, ລວມເຖິງການສົ່ງເສີມການປະຍຸກໃຊ້ປັນຍາປະດິດໃນອາຊີບທີ່ “ອັນຕະລາຍ, ເປີະເປື້ອນ, ເໝື່ອຍ ແລະ ໜັກ” ເປັນບຸລິມະສິດ.

ເພີ່ມເຕີມ