 |
ໃນພິທີ, ບັນດາສະຫາຍທີ່ເຂົ້າຮ່ວມກອງປະຊຸມໄດ້ມີການປະກອບຄຳເຫັນໃສ່ເນື້ອໃນເອກະສານກອງປະຊຸມໃຫຍ່ອົງຄະນະພັກແຂວງຄັ້ງທີ X (ບົດລາຍງານການເມືອງ, ແຜນພັດທະນາເສດຖະກິດ-ສັງຄົມ ແລະ ບົດສຳຫຼວດການນຳພາລວມຂອງຄະນະບໍລິຫານງານພັກແຂວງ ສະໄໝທີ IX) ເປັນຄັ້ງສຸດທ້າຍ. ຈາກນັ້ນ, ສະຫາຍ ເລຂາຄະນະບໍລິຫານງານພັກແຂວງ ກໍໄດ້ລາຍງານຜົນສຳເລັດການດຳເນີນຊີວິດການເມືອງທ້າຍສະໄໝ ຂອງຄະນະບໍລິຫານງານພັກແຂວງສະໄໝທີ IX ໂດຍສັງເຂບ ພ້ອມທັງຊີ້ແຈງ, ການຕຳນິສົ່ງຂ່າວຕໍ່ການນຳພາລວມຂອງຄະນະບໍລິຫານງານພັກແຂວງ. ຈາກນັ້ນ, ສະຫາຍ ວິໄລວົງ ບຸດດາຄຳ ກໍໄດ້ຜ່ານມາດຖານເງື່ອນໄຂ ຂອງຄະນະບໍລິຫານງານພັກແຂວງ, ຄະນະປະຈຳພັກແຂວງ, ເລຂາ-ຮອງເລຂາພັກແຂວງ ແລະ ປະທານ-ຮອງປະທານກວດກາຄະນະພັກ.
ໃນກອງປະຊຸມ, ສະຫາຍ ບຸນທອງ ຈິດມະນີ ກໍຍັງໄດ້ໃຫ້ກຽດມີຄຳເຫັນໂອ້ລົມ ແລະ ແນະນຳບາງບັນຫາສຳຄັນກ່ອນຈະດຳເນີນການທາບທາມ ພ້ອມທັງໄດ້ມີການແນະນຳວຽກງານໃນການກະກຽມກອງປະຊຸມໃຫຍ່ອົງຄະນະພັກແຂວງສະຫວັນນະເຂດ ສະໄໝທີ X ທີ່ຈະເປີດຂຶ້ນໃນຕໍ່ໜ້ານີ້ເພື່ອໃຫ້ມີຜົນສຳເລັດຢ່າງຈົບງາມ ແລະ ບັນລຸໄດ້ຕາມຄາດໝາຍທີ່ວາງໄວ້.
 |
ໃນກອງປະຊຸມດັ່ງກ່າວ, ຕາງໜ້າຈາກຄະນະຈັດຕັ້ງສູນກາງພັກກໍໄດ້ແນະນຳລະບຽບການທາບທາມ. ຈາກນັ້ນ, ກໍໄດ້ດຳເນີນການປ່ອນບັດທາບທາມຄະນະບໍລິຫານງານພັກແຂວງຮອບທີ 3 ແລະ ທາບທາມຄະນະປະຈຳພັກແຂວງ, ເລຂາ-ຮອງເລຂາພັກແຂວງ, ປະທານ-ຮອງປະທານກວດກາຄະນະພັກຮອບທີ 2 ຢ່າງເປັນທາງການ.
(ຂ່າວ: ສະຫວັນນະເຂດ)
ຄໍາເຫັນ