ເຖິງເວລາທີ່ຕ້ອງໄດ້ປ່ຽນແລ້ວ! ກັບ Appຫວຍອິນຊີ Insee Hub

ໃນວັນທີ 20 ພຶດສະພາ ຜ່ານມາ ທີ່ພັດຕະຄານເຊັນພິລາ ໄດ້ຈັດງານແນະນຳການປັບປຸງແບຣນຂອງບໍລິສັດໃຫ້ມີຄວາມທັນສະໄໝຂຶ້ນກວ່າເກົ່າ ຫັນປ່ຽນເຂົ້າສູ່ຍຸກສະໄໝໃໝ່ ພ້ອມທັງແນະນຳໂລໂກ້ໃໝ່, ພີເຊັນເຕີໃໝ່ຂອງແຕ່ລະຜະລິດຕະພັນ ແລະ ໂຄງການດີດີທີ່ຈະເປັນອີກແຮງສະໜັບສະໜູນໃນການພັດທະນາສັງຄົມ ໂດຍງານໃນຄັ້ງນີ້ໃຫ້ກຽດເຂົ້າຮ່ວມໂດຍທ່ານ ສະເຫຼີມໄຊ ກົມມະສິດ ຮອງນາຍົກລັດຖະມົນຕີລັດຖະມົນຕີກະຊວງການຕ່າງປະເທດ, ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ, ທ່ານ ຄຳເຜັ່ນ ບຸບຜາວົງ ອຳນວຍການ ຫວຍພັດທະນາລາວ ພ້ອມດ້ວຍຄະນະ.
ປັດຈຸບັນ, ບໍລິສັດ ອິນຊີ ກຣຸບ ມີຫຼາກຫຼາຍຜະລິດຕະພັນປະກອບມີ: ຫວຍ 6 ໂຕ, ຫວຍ 12 ລາສີ, INSEE SHOPPING 1414, ອິນຊີ ເງິນຕິດປີກບິນ ແລະ ອິນຊີ ປະກັນຊີວິດ, ຜະລິດຕະພັນ ແລະ ບໍລິການອື່ນໆອີກຫຼາກຫຼາຍໃນອະນາຄົດ. ໂດຍພາຍໃນງານຄັ້ງນີ້ ກໍໄດ້ມີການພັດທະນາແອັບພິເຄຊັນ INSEE HUB ພ້ອມທັງ Option ຫຼັກທີ່ໜ້າສົນໃຈ ເຊັ່ນ: ຫວຍ 6 ໂຕ, ຫວຍ 12 ລາສີ ການຊຳລະການຊື້ເລກໄດ້ຫຼາຍທະນາຄານ.
ໂລໂກ້ໃໝ່ຂອງຫວຍອິນຊີ ຈາກມາດຕະຖານເກົ່າ ສູ່ໂສມໜ້າໃໝ່ທີ່ດີຂຶ້ນກ່ວາເດີມ ການປັບໂລໂກ້ໃນຄັ້ງນີ້ ຍັງມາພ້ອມກັນກັບສະໂລແກນທີ່ວ່າ “ສິ່ງດີດີເກີດຂຶ້ນໄດ້ສະເໝີ” ຊຶ່ງສະໂລແກນນີ້ໄດ້ຮັບແຮງບັນດານໃຈຈາກລູກຄ້າຂອງຫວຍອິນຊີທີ່ຖືກລາງວັນ 12 ລາສີ ແລະ ກໍຍັງໄດ້ປັບປະສານລາຍແຕ້ມໂຫລາສາດທີ່ງົດງາມແບບລາວໆພາຍໃນແອັບອີກດ້ວຍ ແລະ ພິເສດໄປກວ່ານັ້ນຍັງໄດ້ແນະນຳ ວິດີໂອໂຄສະນາ ທີ່ສ້າງຂຶ້ນແບບພິເສດ ຊຶ່ງມີເນື້ອຫາໃນການສົ່ງເສີມໃຫ້ສ່ຽງໂຊກແບບມີສະໄຕລ, ໃຊ້ຈ່າຍຢ່າງມີເຫດຜົນ, ລົງທຶນເພື່ອອະນາຄົດ ຊຶ່ງພີເຊັນເຕີທັງ 4 ທ່ານ ໄດ້ແກ່:
* ນາງ ອາໂນມາ ລັດທິດາພີທີກອນ ແລະ ຜູ້ປະກາດຂ່າວຊື່ດັງ ຈາກໂທລະພາບແຫ່ງຊາດ ພີເຊັນເຕີ ອິນຊີປະກັນຊີວິດ ຈຳກັດ ຜູ້ດຽວ.
* ທ່ານ ສຸລິຍັນ ຍັງນຸວົງ (ກິນ້ອຍ ລາວສະຕາ)ພີທີກອນອາລົມດີທີ່ມີເອກະລັກເປັນຂອງຕົວເອງ ພີເຊັນເຕີ ສະຖາບັນການເງິນຈຸລະພາກທີ່ບໍ່ຮັບເງິນຝາກ ອິນຊີ ຈຳກັດ.
* ທ່ານ ສຸດທະວີ ອຸບົນພາສຸດ (ລັກກີ້)ນາຍແບບ ແລະ ລີວິວສິນຄ້າ ພີເຊັນເຕີ ແອັບພິເຄຊັນ INSEE HUB.
* ທ່ານ ນາງ ວຽງສະຫວັນ ສຸທັນນຸວົງ (ຈູລີ້)ຮອງອັນດັບສອງ Miss Laos 2022 ພີເຊັນເຕີ ອິນຊີ INSEE SHOPPING 1414.
ນອກນັ້ນ, ບໍລິສັດ ອິນຊີ ກຣຸບ ຍັງໄດ້ລິເລີ່ມໂຄງການທີ່ຈະຊ່ວຍສ້າງອາຊີບໃຫ້ກັບຄົນຍຸກໃໝ່ເຊັ່ນ: ໂຄງການສຸດຍອດນັກຂາຍຍອດນິຍົມ ແລະ ໂຄງການສຸດຍອດນັກຂາຍແຫ່ງຍຸກສະໄໝ, ໂຄງການເຫຼົ່ານີ້ ເປັນໂຄງການທີ່ຈະຊ່ວຍສ້າງອາຊີບ ສ້າງລາຍໄດ້ ໃຫ້ແກ່ບຸກຄົນທົ່ວໄປທີ່ຕ້ອງການມີລາຍໄດ້ ຈາກການເປັນຕົວແທນຂາຍກັບທາງບໍລິສັດ.
ຕະຫຼອດໄລຍະເວລາທີ່ຜ່ານມາ ບໍລິສັດ ອິນຊີ ກຣຸບ ໄດ້ໃຫ້ຄວາມສຳຄັນຕໍ່ກັບສັງຄົມເປັນຢ່າງສູງ ໄດ້ຊ່ວຍເຫຼືອລັດຖະບານເອົາເງິນສົດທີ່ຈໍລະຈອນຢູ່ທ້ອງຕະຫຼາດກັບເຂົ້າສູ່ລະບົບການເງິນ, ທະນາຄານຂອງລັດ ແລະ ເພີ່ມລາຍຮັບເຂົ້າງົບປະມານແຫ່ງລັດ ເພື່ອຮັບໃຊ້ເຂົ້າໃນສາທາລະນະປະໂຫຍດລວມຂອງຊາດ ແລະ ຊ່ວຍປະກອບສ່ວນເປັນກຳລັງແຮງໜຶ່ງໃນການສ້າງວຽກເຮັດງານທຳ ໃຫ້ກັບປະຊາຊົນລາວບັນດາເຜົ່າຈຳນວນໜຶ່ງໃນຂອບເຂດທົ່ວປະເທດ.
ສາມາດດາວໂຫຼດແອັບ INSEE HUB ໄດ້ແລ້ວຕອນນີ້, ດາວໂຫຼດເລີຍ!