 |
ສໍາລັບ ບັນທຶກຕົກລົງ ສະບັບນີ້ ນໍາໃຊ້ສະເພາະການຮ່ວມມື 03 ຝ່າຍ ທີ່ໄດ້ຕົກລົງເປັນເອກະພາບກັນ ຕາມຂອບເຂດການຮ່ວມມື ໂດຍຮ່ວມກັນຈັດຕັ້ງປະຕິບັດໂຄງການຈຸດສຸມຂອງລັດຖະບານ ໃນການທົດແທນການນໍາເຂົ້າ ແລະ ຜະ ລິດເປັນສິນຄ້າ; ຮ່ວມມືພັດທະນາໂມເດວ ທຸລະກິດກະສິກໍາ ແບບຕ່ອງໂສ້ ແບບສະເພາະ: ເຂັ້ມແຂງດ້ານຕະຫຼາດ, ພັດທະ ນາເຕັກນິກການຜະລິດ, ພັດທະນາສີມືແຮງງານ-ການຄຸ້ມຄອງບໍລິຫານ, ພັດທະນາປັບປຸງເງື່ອນໄຂໃຫ້ສອດຄ່ອງເງື່ອນໄຂການເຂົ້າເຖິງແຫຼ່ງທຶນ ຕົ້ນທຶນເໝາະສົມ; ຮ່ວມມືພັດທະນາ/ຄັດຈ້ອນເປົ້າໝາຍ ຜູ້ສະໜອງຫຼັກ ແລະ ຂະຫຍາຍສະມາຊິກຜູ້ຜະລິດ, ຫົວໜ່ວຍຜູ້ຜະລິດ, ກຸ່ມຜະລິດ ແລະ ສະຫະກອນ ທີ່ມີເງື່ອນໄຂຄົບຖ້ວນ ເຂົ້າຮ່ວມໂຄງການ.
ພ້ອມນັ້ນ; ຍັງຮ່ວມມືພັດທະນາຜະລິດຕະພັນສິນເຊື່ອ, ກົນໄກການຮ່ວມມື, ຖານຂໍ້ມູນຂ່າວສານ ທີ່ຕອບສະໜອງເງື່ອນໄຂການເຂົ້າເຖິງແຫຼ່ງທຶນຄູ່ຮ່ວມພັດທະນາທັງພາຍໃນ ແລະສາກົນ; ຮ່ວມມືພັດທະນາເຄື່ອງມື, ຄູ່ມືການຜະລິດ, ການ ຝຶກອົບຮົມ ແລະ ບໍາລຸງສ້າງ ພາກສ່ວນສະມາຊິກທຸລະກິດກະສິກໍາລາວ ຢ່າງຕໍ່ເນື່ອງ ຮັບປະກັນ ແລະ ຮັບມືຄວາມສ່ຽງດ້ານຕ່າງໆ; ຮ່ວມມື ສ້າງນິຕິກໍາ ແລະ ສະເໜີກົນໄກປົກປ້ອງ, ສະຫງວນອາຊີບ, ການຜະລິດສິນຄ້າ ທີ່ຄົນລາວ ສາມາດຜະລິດ ກຸ້ມຕົນເອງ ເປັນການທົດແທນການນໍາເຂົ້າ; ຮ່ວມມືຍົກສູງບົດບາດການຜະລິດສິນຄ້າ ທີ່ມີຄຸນນະພາບ ໃຫ້ຮອງຮັບການແຂ່ງຂັນພາຍໃນ ແລະ ເຊື່ອມໂຍງພາຍນອກ (ສາກົນ); ສະໜັບສະໜູນກິດຈະກໍາທາງການຕະຫຼາດຂອງແຕ່ລະຝ່າຍ ເຊັ່ນ: ການປະຊາສຳພັນ, ການວາງສະແດງ ແລະ ອື່ນໆ ຜ່ານຊ່ອງທາງຂອງຕົນ ທີ່ມີຢູ່; ສ້າງທີມເຮັດວຽກຮ່ວມກັນເພື່ອຄົ້ນຄ້ວາກົນໄກ, ເງື່ອນໄຂການອອກສິນເຊື່ອ ໃຫ້ສອດຄ່ອງກັບເງື່ອນໄຂຂອງ ຜູ້ສະໜອງທຶນ ແລະ ຮ່ວມມື ດ້ານອື່ນໆ ຕາມການຕົກລົງກັນ ຕາມແຕ່ລະໄລຍະ.
 |
ການເຊັນສັນຍາ ບັນທຶກຕົກລົງ ຍຸດທະສາດ 03 ຝ່າຍ ຄັ້ງນີ້; ຝ່າຍ ສຄອຊ ຕາງໜ້າລົງນາມເຊັນ ໂດຍທ່ານ ບຸນເລີດ ຫຼວງປະເສີດ ຮອງປະທານ ສຄອຊ; ຝ່າຍ ສຄກລ ຕາງໜ້າເຊັນແມ່ນ ທ່ານ ຄໍາອ້ວນ ຄໍາພູແກ້ວ ຮອງປະທານ ສຄກລ ແລະ ຝ່າຍ ທນບ ຕາງໜ້າລົງນາມເຊັນ ໂດຍ ທ່ານ ສຸພັກ ຖິ່ນໄຊພອນ ຜູ້ອໍານວຍການ ທນບ; ມີການເຂົ້າຮ່ວມເປັນສັກຂີພະຍານ ຂອງທັງ 03 ຝ່າຍ ຊຶ່ງຂອບເຂດ MOA ມີໄລຍະເວລາ 05 ປີ (10/2025 -10/2030 ) ນັບເເຕ່ວັນລົງນາມເຊັນເປັນຕົ້ນໄປ ແລະ ຈະຈັດກອງປະຊຸມໃຫຍ່ສະຫຼູບຜົນດໍາເນີນໂຄງການ 1 ປີ/ຄັ້ງ ເພື່ອຮັບຮອງແຜນເຄື່ອນໄຫວ ແລະ ກິດຈະກໍາຮອບດ້ານ ແລະ ກອງປະຊຸມທົບທວນຄວາມຄືບໜ້າການຈັດຕັ້ງປະຕິບັດ 06 ເດືອນຕົ້ນປີທຸກໆປີ; ມີການແຕ່ງຕັ້ງຄະນະ ບໍລິຫານງານ ແລະ ນໍາພາດໍາເນີນກອງປະຊຸມ ຈາກ 03 ຝ່າຍ ແລະ ໝູນວຽນກັນເປັນປະທານໃນທຸກໆປີ.
(ຂ່າວ: ຣັດສະໝີ ດວງສັດຈະ)
ຄໍາເຫັນ