ວາລະສານທາງການແພດທີ່ມີຊື່ສຽງໂດ່ງດັງລະດັບສາກົນ The Lancet ໄດ້ຕີພິມບົດຄວາມທັດ ສະນະທີ່ສຳຄັນຈາກມູນນິທິ ( GX Foundation) ຊຶ່ງໄດ້ນຳສະເໜີວິທີການແບບໃໝ່ໃນການຕໍ່ສູ້ກັບວິກິດການພະຍາດໄຂ້ເລືອດອອກທົ່ວໂລກ. ບົດຄວາມດັ່ງກ່າວໄດ້ຊີ້ໃຫ້ເຫັນວ່າ ໃນຍຸກທີ່ມີການປ່ຽນແປງຂອງສະພາບດິນຟ້າອາກາດ, ການຂະຫຍາຍຕົວຂອງຕົວເມືອງຢ່າງໄວ ວາ ແລະ ມີການເຄື່ອນຍ້າຍຂອງປະຊາກອນທີ່ເພີ່ມຂຶ້ນ; ມາດຕະການປ້ອງກັນທາງກາຍຍະພາບທີ່ນຳພາໂດຍຊຸມຊົນ, ໃຊ້ເຕັກໂນໂລຊີແບບພື້ນຖານ ແລະ ມີຕົ້ນທຶນຕໍ່າແມ່ນທາງອອກທີ່ເປັນໄປໄດ້ .ວິທີການນີ້ຈະຊ່ວຍແກ້ໄຂຈຸດອ່ອນຂອງຍຸດທະສາດການປ້ອງກັນແບບເກົ່າທີ່ເນັ້ນໜັກການສັ່ງການຈາກພາກລັດລົງສູ່ທ້ອງຖິ່ນພຽງຢ່າງດຽວ. ບົດຄວາມດັ່ງກ່າວ ນຳພາໂດຍທ່ານສາດສະດາຈານ ນາງ CHAN Ying-yang Emily (CEO) ແລະ ຂຽນຮ່ວມໂດຍທ່ານ LEUNG Chun-ying ປະທານມູນນິທິ, ທ່ານ ນາງ Caroline DUBOIS ຜູ້ອຳນວຍການເຂດອາຟຣິກກາ ແລະ ເຍົາວະຊົນ), ທ່ານ ດຣ HUANG Zhe ຜູ້ຈັດການໂຄງການອາວຸໂສ ແລະ ທ່ານນາງ YUNG Louise ເຈົ້າໜ້າທີ່ໂຄງການອາວຸໂສ ຊຶ່ງເນື້ອໃນບົດຄວາມຂຽນວ່າ: ໃນປີ 2024 ທີ່ຜ່ານມາ, ໂຕເລກຜູ້ຕິດເຊື້ອພະຍາດໄຂ້ເລືອດອອກທົ່ວໂລກໄດ້ເພີ່ມຂຶ້ນສູງເກີນ 14.4 ລ້ານຄົນ ຊຶ່ງເປັນສະຖິຕິສູງສຸດໃນປະ
ຫວັດສາດ. ເນື່ອງຈາກໃນປັດຈຸບັນຍັງບໍ່ມີຢາຕ້ານໄວຣັດທີ່ໃຊ້ປິ່ນປົວໂດຍກົງເຮັດໃຫ້ວິທີການປ້ອງກັນແບບເກົ່າເລີ່ມມີຂໍ້ຈຳກັດຫຼາຍຂຶ້ນເຊັ່ນ: ການສີດພົ່ນສານເຄມີທີ່ສົ່ງຜົນກະ ທົບຕໍ່ສິ່ງແວດລ້ອມ ແລະ ການທີ່ຍຸງເລີ່ມຕ້ານກັບຢາ, ບໍ່ສາມາດໃຊ້ຢາ ກັບຍຸງໄດ້ ລວມໄປເຖິງການຄວບຄຸມທາງຊີວະພາບທີ່ມີຕົ້ນທຶນສູງ ແລະ ອາດສົ່ງຜົນກະທົບຕໍ່ລະບົບນິເວດ. ດ້ວຍເຫດນີ້, ມູນນິທິ GX ຈຶ່ງໄດ້ລິເລີ່ມຍຸດທະສາດການປ້ອງກັນແບບຄົບວົງຈອນທີ່ເນັ້ນ “ການຄວບຄຸມທາງກາຍຍະພາບ” ໂດຍການນຳສະເໜີ “5 ມາດຕະການປ້ອງກັນຍຸງ” ຄື: ໂຄມໄຟດັກຍຸງ, ຊຸດກວດພະຍາດໄຂ້ເລືອດອອກແບບໄວ (Rapid Test Kits), ມຸ້ງ, ແຜ່ນກາວດັກຈັບແມງໄມ້, ສື່ການຮຽນ-ການສອນໃຫ້ຄວາມຮູ້. ຮູບແບບການເຮັດວຽກທີ່ເປັນ “ເຕັກໂນໂລຊີພື້ນຖານ, ຕົ້ນທຶນຕາໍ່ ແລະ ນຳພາໂດຍຊຸມຊົນ” ນີ້ໄດ້ພິສູດໃຫ້ເຫັນແລ້ວວ່າ: ມີປະສິດທິພາບສູງ, ມີຄວາມປອດໄພ ແລະ ໄດ້ຮັບການຕອບຮັບເປັນຢ່າງດີຈາກຊຸມຊົນໃນບັນດາປະເທດຄູ່ຮ່ວມງານຂອງມູນນິທິ GX. ນີ້ແມ່ນຜົນສຳເລັດທີ່ສຳຄັນຂອງໂຄງການມູນນິທິ GX:
- ປະເທດຕີມໍແລັດສະເຕ: ພາຍຫຼັງການຈັດຕັ້ງປະຕິບັດມາດຕະການຂອງມູນນິທິ GX ໃນປີ 2023 ແລະ 2024, ອັດຕາການເກີດພະຍາດໄຂ້
ເລືອດອອກໄດ້ຫຼຸດລົງປະມານ 10% ແລະ ຍັງຄົງຮັກສາທ່າອ່ຽງການຫຼຸດລົງຢ່າງຕໍ່ເນື່ອງຈົນເຖິງປີ 2025 ຊຶ່ງຜົນສຳເລັດນີ້ແມ່ນມີຄວາມແຕກຕ່າງຢ່າງຊັດເຈນ ເມື່ອທຽບກັບບັນດາປະເທດໃກ້ຄຽງທີ່ພົບກັບການເພີ່ມຂຶ້ນຂອງຈຳນວນຜູ້ຕິດເຊື້ອຢ່າງຮຸນແຮງ ໃນໄລຍະເວລາດຽວກັນ.
- ປະເທດຮອນດູຣັດ (Honduras):
ພາຍຫຼັງການເຂົ້າໄປຊ່ວຍເຫຼືອຂອງມູນນິທິ GX ໃນປີ 2024, ອັດຕາການຫຼຸດລົງຂອງຜູ້ຕິດເຊື້ອໄຂ້ເລືອດອອກໃນແຕ່ລະອາທິດແມ່ນສູງເຖິງ
18.11% ຊຶ່ງສູງກວ່າໄລຍະຄວບຄຸມທີ່ສັງເກດ ໄດ້ 7.09% ເມື່ອທຽບໃສ່ປະເທດເພື່ອນບ້ານໃນພາກພື້ນຕົວຢ່າງ: ເອລ ຊານວາດໍ, ປານາມາ ແລະ ເມັກຊິໂກ ແມ່ນເຫັນວ່າ ການລະບາດໄດ້ສະ ຫງົບລົງຢ່າງໄວວາກວ່າ. ສິ່ງນີ້ໄດ້ຢືນຢັນໃຫ້ເຫັນເຖິງຜົນກະທົບອັນສຳຄັນຂອງຍຸດທະສາດນີ້ຕໍ່ກັບການລະບາດໃນພາກພື້ນໃນປີ 2024.
- ປະເທດລາວ: ການຕິດຕັ້ງໂຄມໄຟດັກຍຸງໃນ 24 ຈຸດ ຕາມແລວທາງ
ທາງລົດໄຟ ລາວ-ຈີນ ໄດ້ພິສູດໃຫ້ເຫັນເຖິງປະສິດທິພາບສູງ ໂດຍມີຜູ້ໃຊ້ງານເຖິງ 68.62% ຢືນຢັນເຖິງຜົນປະໂຫຍດໃນການຄວບຄຸມຍຸງ. ທີ່ສຳ
ຄັນທີ່ສຸດແມ່ນບໍ່ມີລາຍງານການຕິດເຊື້ອໃນກຸ່ມພະນັກງານເລີຍ ໃນໄລຍະ 12 ເດືອນຜ່ານມາ. ຫຼັງຈາກການຈັດຕັ້ງປະຕິບັດມາດຕະການດັ່ງກ່າວ.
- ປະເທດກຳປູເຈຍ: ມາດຕະການປ້ອງກັນ ແລະ ການລິເລີ່ມໃຫ້ຄວາມຮູ້ດ້ານສຸຂະພາບຕາມແລວທາງ ທາງດ່ວນພະນົມເປັນ-ສີຫານຸວິນ ໄດ້ຊ່ວຍສ້າງຈິດສຳນຶກໃຫ້ປະຊາຊົນໃນເຂດນັ້ນຢ່າງຫຼວງຫຼາຍ. ໃນຂະນະນີ້, ວຽກງານດັ່ງກ່າວແມ່ນພວມດຳເນີນໄປຢ່າງຕໍ່ເນື່ອງຢູ່ສະໜາມບິນສາກົນເຕໂຊ ແລະ ໂຄງການຄຸ້ມຄອງຊັບພະຍາກອນນ້ຳແບບຄົບວົງຈອນ ຟູນັນ ເຕໂຊ.
- ວານູອາຕູ: ໂຄງການຕ່າງໆກຳລັງຖືກຈັດຕັ້ງປະຕິບັດໃນຫຼາຍໂຮງ ໝໍ, ສະຖານທີ່ສາທາລະນະສຸກ ແລະ ສະໜາມບິນທົ່ວປະເທດ.
ທ່ານປະທານມູນນິທິ GX LEUNG ChunYing ໄດ້ເນັ້ນໜັກເຖິງລັກສະນະສອງຢ່າງຂອງພາລະ ກິດຂອງມູນນິທິ GX ບໍ່ພຽງແຕ່ເປັນອົງການ “ມຸ່ງເນັ້ນການປະຕິບັດ” ໄດ້ອຸທິດຕົນ ເພື່ອວຽກງານແນວໜ້າໄລຍະ ຍາວ ແລະ ການບັນເທົາທຸກດ້ານມະນຸດສະທຳສາກົນເທົ່ານັ້ນ, ແຕ່ຍັງເປັນສະຖາບັນທີ່ມີຄວາມສາມາດດ້ານການຄົ້ນຄວ້າ ແລະ ອີງໃສ່ຄວາມຮູ້ໂດຍອີງໃສ່ການຈັດຕັ້ງປະຕິບັດຕົວຈິງຂອງ “ການແກ້ໄຂຕາມແນວທາງຂອງ ສປ ຈີນ”, ມູນນິທິ GX ຈະສືບຕໍ່ສຸມໃສ່ບັນຫາສາທາລະນະສຸກທີ່ຫຼາກຫຼາຍ, ລວບລວມປະສົບການແນວໜ້າຢ່າງເປັນລະບົບ, ສົ່ງເສີມການແລກປ່ຽນຂ້າມຂະແໜງການ, ສະສົມປະສົບການປະຕິບັດຕົວຈິງ ແລະ ປະກອບ ສ່ວນເຂົ້າໃນການພັດທະນາທຶນການສຶກສາດ້ານສາທາລະນະສຸກທົ່ວ ໂລກ. ທ່ານສາດສະດາຈານ ນາງ CHAN YingYang Emily ຜູ້ອຳນວຍການໃຫຍ່ຂອງມູນນິທິ GX ໄດ້ເນັ້ນໜັກເຖິງຄວາມສຳຄັນທີ່ກວ້າງຂວາງຂອງການຄົ້ນພົບດັ່ງກ່າວ. ໃນໄລຍະເວລາທີ່ມາດຕະການສາທາລະນະສຸກທົ່ວໂລກປະເຊີນກັບສິ່ງທ້າທາຍຫຼາຍຢ່າງ, ມູນນິທິ GX ໄດ້ຢືນຢັນຄວາມເປັນໄປໄດ້ໃນທາງປະຕິບັດຂອງ “ການແກ້ໄຂຕາມແນວທາງຂອງ ສປ ຈີນ” ໃນບັນດາປະເທດທີ່ມຸ່ງໄປສູ່
ເສັ້ນທາງ “ໜຶ່ງແລວ ໜຶ່ງເສັ້ນທາງ” ຢ່າງສຳເລັດຜົນ. ວິທີການນີ້ສະເໜີຂໍ້ໄດ້ປຽບສອງຢ່າງຄື: ການຄວບຄຸມຄ່າໃຊ້ຈ່າຍ ແລະ ຄວາມຍືນຍົງດ້ານສິ່ງແວດລ້ອມແຕ່ສິ່ງທີ່ສຳຄັນກວ່ານັ້ນແມ່ນມັນກະຕຸ້ນຄວາມຮັບຮູ້ກ່ຽວກັບການປ້ອງກັນຢ່າງມີປະສິດທິພາບໃນລະດັບຮາກຖານ, ຫຼຸດຜ່ອນຊ່ອງຫວ່າງລະຫວ່າງຮູບແບບທີ່ນຳພາໂດຍລັດຖະບານ ແລະ ການປົກປ້ອງສາທາລະນະສຸກປະຈຳວັນ. ການພິມເຜີຍແຜ່ການຄົ້ນພົບເຫຼົ່ານີ້ອີກເທື່ອໜຶ່ງໃນ The Lancet ສະແດງໃຫ້ເຫັນວ່າ: ການປະຕິບັດດ້ານສາທາລະນະສຸກຂອງຈີນທີ່ “ເນັ້ນໃສ່ປະຊາຊົນ, ສະພາບການສະເພາະ” ໄດ້ຮັບຄວາມສົນໃຈ ແລະ ການຮັບຮູ້ທີ່ໜ້າເຊື່ອຖືຢ່າງຫຼວງຫຼາຍພາຍໃນຊຸມຊົນວິຊາການສາກົນ, ພ້ອມທັງເພີ່ມຄວາມໝັ້ນໃຈ ແລະ ແຮງກະຕຸ້ນທີ່ສຳຄັນເຂົ້າໃນວຽກງານແຖວໜ້າ. ໃນອະນາຄົດ, ມູນນິທິ GX ຈະສືບຕໍ່ຮ່ວມມືກັບພະແນກສາທາລະນະສຸກ ແລະ ສະຖາບັນການສຶກສາໃນບັນດາປະເທດຄູ່ຮ່ວມງານ ເພື່ອສ້າງລະບົບຕິດຕາມ, ກວດກາທີ່ເຂັ້ມແຂງກວ່າເກົ່າ. ເປົ້າໝາຍແມ່ນເພື່ອຫັນປ່ຽນການສະໜອງການປ້ອງກັນໃຫ້ກາຍເປັນຊັບພະຍາກອນສຸຂະ ພາບທີ່ຍືນຍົງທີ່ຊຸມຊົນສາມາດຄຸ້ມຄອງໄດ້ຢ່າງເປັນອິດສະຫຼະ, ເສີມຂະຫຍາຍຄວາມສາມາດຂອງຮາກຖານໃນການຕ້ານການລະບາດ. ມູນນິທິ GX ຍັງຈະສົ່ງເສີມການແລກປ່ຽນຂ້າມຊາຍແດນ, ເຮັດໃຫ້ບັນດາປະເທດກຳລັງ ພັດທະນາສາມາດເຂົ້າໃຈ ແລະ ຮັບຮອງເອົາ “ການແກ້ໄຂຕາມແນວທາງຂອງ ສປ ຈີນ” ນີ້ເປັນການຕອບສະໜອງຮ່ວມກັນຕໍ່ກັບສິ່ງທ້າທາຍຂອງພະ ຍາດທີ່ຕິດຕໍ່ທີ່ເປັນພາຫະນຳເຊື້ອທີ່ ຮຸນແຮງຂຶ້ນຍ້ອນການປ່ຽນແປງຂອງດິນຟ້າອາກາດ ແລະ ການຂະຫຍາຍຕົວຂອງຕົວເມືອງ.
ຜົນການສຶກສາສະບັບເຕັມໄດ້ຖືກຕີພິມໃນໜັງສືພິມ The Lancet ແລະ ມີຢູ່ໃນອອນລາຍທີ່ https://www.thelancet.com/journals/lancet/article/PIIS0140-6736(26)00323-5/fulltext
ຄໍາເຫັນ