ແລະ ສະໜອງຄວາມສະດວກໃຫ້ນັກທ່ອງທ່ຽວເຂົ້າເຖິງສະຖານທີ່ສຳຄັນດ້ານປະຫວັດສາດ ແລະ ຈຸດໝາຍປາຍທາງອັນສັກສິດຂອງຫວຽດນາມ.
ເສັ້ນທາງການບິນທີ່ລໍຄອຍມາດົນນານນີ້ຈະດໍາເນີນຖ້ຽວບິນໄປ-ກັບທັງໝົດ 28 ຖ້ຽວຕໍ່ອາທິດ. Vietjetດຳເນີນຖ້ຽວບິນປະຈຳວັນ 2 ຖ້ຽວຈາກນະຄອນຫຼວງຮ່າໂນ້ຍ ໄປຮອດ ໂກນດ່າວ ໃນຕອນເຊົ້າ ໃຊ້ເວລາບິນແມ່ນ 2 ຊົ່ວໂມງ 10 ນາທີ.
ຖ້ຽວບິນຈາກນະຄອນໂຮ່ຈິມິນໄປໂກນດ່າວແມ່ນຈະອອກສອງຖ້ຽວບິນຕອນເຊົ້າ ໂດຍໃຊ້ເວລາບິນ 40 ນາທີຊຶ່ງຈະເຮັດໃຫ້ນັກທ່ອງທ່ຽວຈະໄດ້ຮັບຄວາມສະດວກສະບາຍທີ່ສຸດ.ເກາະໂກນດ່າວຕັ້ງຢູ່ນອກຝັ່ງທະເລພາກໃຕ້ຂອງຫວຽດນາມ ເປັນເກາະທີ່ມີຊື່ສຽງໂດ່ງດັງຍ້ອນຄວາມສວຍສົດງົດງາມທາງທຳມະຊາດ ແລະ ມີຄວາມໝາຍປະຫວັດສາດອັນເລິກເຊິ່ງຂອງຫວຽດນາມ. ນອກຈາກນັ້ນຍັງເປັນສະຖານທີ່ທີ່ສົມບູນແບບສໍາລັບການພັກຜ່ອນ ແລະ ທ່ອງທ່ຽວ. ເກາະທີ່ສວຍງາມແຫ່ງນີ້ ໃນປັດຈຸບັນສາມາດເຂົ້າເຖິງໄດ້ງ່າຍກ່ວາເກົ່າໂດຍຜ່ານເຄືອຂ່າຍການບິນທີ່ປັບປຸງໃໝ່ຂອງ Vietjet.
ປັດຈຸບັນ Vietjetໄດ້ດຳເນີນການບິນໂດຍກົງຈາກນະຄອນຫຼວງວຽງຈັນໄປນະຄອນໂຮ່ຈິມິນ ແລະ ນະຄອນຫຼວງຮ່າໂນ້ຍ ຊຶ່ງເຮັດໃຫ້ນັກທ່ອງທ່ຽວສາມາດເດີນທາງເຊື່ອມຕໍ່ໄປທ່ອງທ່ຽວທີ່ເກາະໂກນດ່າວ ຢ່າງສະດວກສະບາຍ ແລະ ຍັງມີຈຸດໝາຍປາຍທາງອື່ນໆທົ່ວປະເທດຫວຽດນາມຂອງສາຍການບິນ VietJet. ສາຍການບິນພ້ອມທີ່ຈະຕ້ອນຮັບຜູ້ໂດຍສານມາສຳຜັດກັບມົນສະເໜ່ ແລະ ຄວາມສວຍງາມຂອງເກາະໂກນດ່າວໃນລະດູຮ້ອນນີ້. ໃນຕອນນີ້ນັກທ່ອງທ່ຽວທຸກທ່ານສາມາດຈອງປີ້ໄດ້ທີ່ www.vietjetair.com ແລະແອັບພລິເຄຊັນມືຖື Vietjet Air.
ຂ່າວ: ຕຸໄລເພັດ
ຄໍາເຫັນ