ພາຍຫຼັງທ່ານ ໂດນັລ ທຣຳ ປະທານາທິບໍດີ ອາເມຣິກາ ເຊັນລັດຖະບັນຍັດຖອນ ອາເມຣິກາ ອອກຈາກອົງການນີ້.
ຂ່າວລະບູວ່າ: ກ່າວຄຳເຫັນເປີດກອງປະຊຸມປະຈຳປີນັດສາມັນຂອງຄະນະບໍລິຫານງານ, ທ່ານເຕໂດຣສ ອາດານອມ ເກເບຣເຢຊູສຜູ້ອຳນວຍການ WHO ໄດ້ປົກປ້ອງວຽກງານຂອງອົງການນີ້ ກໍຄືບັນດາການປັບປຸງໃນໄລຍະມໍ່ໆມານີ້, ພ້ອມທັງຮຽກຮ້ອງໃຫ້ ອາເມຣິກາ ພິຈາລະນາຄືນການຕັດສິນຖອນຕົວ ແລະ ເຂົ້າຮ່ວມການເຈລະຈາກັບ WHO ກ່ຽວກັບບັນດາການປ່ຽນແປງຕໍ່ໄປ. ທ່ານຊີ້ແຈ້ງວ່າ WHO ສະແດງຄວາມຊົມເຊີຍຕໍ່ບັນດາຂໍ້ສະເໜີ ແລະ ແນວຄວາມຄິດຈາກ ອາເມຣິກາ ກໍຄືທຸກປະເທດສະມາຊິກເພື່ອແນໃສ່ປັບປຸງປະສິດທິຜົນໃນການເຄື່ອນໄຫວຂອງອົງການນີ້ໃນການຊ່ວຍເຫຼືອປະຊາຊົນໃນທົ່ວໂລກໃຫ້ດີກວ່າເກົ່າ. ການຫຼຸດຜ່ອນງົບປະມານຈະໄດ້ຮັບການປຶກສາຫາລືໃນກອງປະຊຸມຢູ່ ເຊີແນວ ປະເທດສະວິດທີ່ດຳເນີນໃນວັນທີ 3 - 11 ກຸມພາ ນີ້, ໃນນັ້ນມີຜູ້ຕາງໜ້າຂອງບັນດາອົງການສະມາຊິກ ຈະປຶກສາຫາລືກ່ຽວກັບແຫຼ່ງອຸປະຖຳ ແລະ ວຽກງານຂອງ WHO ໃນໄລຍະ 2026-2027.
ຄໍາເຫັນ