ໄຊຍະບູລີ ປະກາດການປັບປຸງກົງຈັກການຈັດຕັ້ງ

ທ່ານ ສໍາລານ ສຸວັນນະໂຊດ ກໍາມະການປະຈໍາພັກແຂວງ ຫົວໜ້າຄະນະຈັດຕັ້ງແຂວງ ໄດ້ຂຶ້ນຜ່ານຂໍ້ຕົກເລກທີ 1534 ຂອງທ່ານເຈົ້າແຂວງໄຊຍະບູລີ ລົງວັນທີ 19 ສິງຫາ 2025 ວ່າດ້ວຍການອະນຸມັດໃຫ້ພະນັກງານນໍາພາຄຸ້ມຄອງອອກພັກການ ຮັບອຸດໜູນບໍານານ, ເຈົ້າແຂວງໄຊຍະບູລີ ຕົກລົງໃຫ້ ທ່ານ ຄໍາເພັດ ພົມມະລາດ ກໍາມະການພັກແຂວງ ຫົວໜ້າພະແນກເຕັກໂນໂລຊີ ແລະ ການສື່ສານແຂວງ, ທ່ານ ເສີດ ແສງສຸລິນ ກໍາມະການພັກແຂວງ ຮອງຫົວໜ້າຄະນະຈັດຕັ້ງແຂວງ ອອກພັກການລໍຖ້າຮັບອຸດໜູນບໍານານ, ທ່ານ ຄໍາຜຸຍ ອິນທະບັນດິນ ປະທານສະຫະພັນກໍາມະບານແຂວງ, ທ່ານ ໂພທອງ ບຸດສະບາ ຮອງຫົວໜ້າຫ້ອງວ່າການແຂວງ, ທ່ານ ສຸລິສັກ ຄໍາອ່ອນ ຮອງປະທານສະຫະພັນກໍາມະບານແຂວງ, ທ່ານ ສີສຸກ ສີພານິດ ຮອງຫົວໜ້າພະແນກໂຍທາ ແລະ ຂົນສົ່ງແຂວງ, ທ່ານ ອາລຸນສັກ ລິນທະວົງ ຮອງຫົວໜ້າພະແນກພາຍໃນແຂວງ, ທ່ານ ນາງ ສົມໝາຍ ລັກຊີວີ ຫົວໜ້າຂະແໜງພົນລະເມືອງຊົນເຜົ່າ ແລະ ສາສະໜາພະແນກພາຍໃນແຂວງ, ທ່ານ ສາຍສະໝອນ ພົມມະຂັນ ຮອງຫົວໜ້າຂະແໜງປົກຄອງ ແລະ ແຜນທີພະແນກພາຍໃນແຂວງ ອອກພັກການລໍຖ້າຮັບອຸດໜູນບໍານານ, ຜ່ານຂໍ້ຕົກລົງເລກທີ 1507 ຂອງເຈົ້າແຂວງໄຊຍະບູລີ ລົງວັນທີ 15 ສິງຫາ 2025 ວ່າດ້ວຍຍົກຍ້າຍພະນັກງານໄປຮັບໜ້າທີ່ໃໝ່, ເຈົ້າແຂວງໄຊຍະບູລີຕົກລົງຍົກຍ້ານທ່ານ ສີສອນພັນ ບຸນສີ ກໍາມະການພັກແຂວງ ຫົວໜ້າໂຮງຮຽນການເມືອງ ແລະ ການປົກຄອງແຂວງ ໄປຮັບໜ້າທີ່ໃໝ່ເປັນຮອງຄະນະຈັດຕັ້ງແຂວງ ເປັນເລຂາໜ່ວຍພັກຮາກຖານຄະນະຈັດຕັ້ງແຂວງ, ຍົກຍ້າຍ ທ່ານ ຄໍາໄຊ ເລົາລືເຕຊາ ຫົວໜ້າພະແນກອຸດສາຫະກໍາ ແລະ ການຄ້າແຂວງ ໄປປະຈໍາການຢູ່ຫ້ອງວ່າການແຂວງ, ຍົກຍ້າຍທ່ານ ນາງ ວຽງຄໍາ ຈັນທະວົງ ຮອງຫົວໜ້າພະແນກກະສິກໍາ ແລະ ປ່າໄມ້ແຂວງ ເປັນຮັກສາການປະທານສະຫະພັນກໍາມະບານແຂວງ, ຍົກຍ້າຍ ທ່ານ ຈັນທະສອນ ທະນູສິນ ຮອງຫົວໜ້າພະແນກອຸດສາຫະກໍາ ແລະ ການຄ້າແຂວງ ໄປເປັນຮອງປະທານສະຫະພັນກໍາມະບານແຂວງ, ຍົກຍ້າຍທ່ານ ໃໝ່ ສີບຸນເຮືອງ ຫົວໜ້າສູນບໍລິການເຕັກນິກພະແນກກະສິກໍາ ແລະ ສິ່ງແວດລ້ອມແຂວງ ໄປປະຈໍາການຢູ່ຫ້ອງການກະສິກໍາ ແລະ ສິ່ງແວດລ້ອມ ເມືອງທົ່ງມີໄຊ, ພ້ອມນີ້ ຍັງໄດ້ຜ່ານຂໍ້ຕົກລົງເລກທີ 1403 ຂອງເຈົ້າແຂວງໄຊຍະບູລີ ລົງວັນທີ 30 ກໍລະກົດ 2025 ວ່າດ້ວຍການຍົກຍ້າຍຂອງພະນັກງານ-ລັດຖະກອນໄປຮັບໜ້າທີ່ ໃໝ່. ຜ່ານຂໍ້ຕົກລົງເລກທີ 1537 ຂອງເຈົ້າແຂວງໄຊຍະບູລີ ລົງວັນທີ 13 ສິງຫາ 2025 ວ່າດ້ວຍການແຕ່ງຕັ້ງຮັກສາການຫົວໜ້າພະແນກເຕັກໂນໂລຊີ ແລະ ການສື່ສານແຂວງ, ເຈົ້າແຂວງໄຊຍະບູລີ ຕົກລົງ ແຕ່ງຕັ້ງ ທ່ານ ສອນສະຫວັນ ຈັນທະວົງ ເປັນຮັກສາການພະແນກເຕັກໂນໂລຊີ ແລະ ການສື່ສານແຂວງໄຊຍະບູລີ, ແຕ່ງຕັ້ງ ທ່ານ ນາງ ໄມພອນ ເຮີ ຮອງຫົວໜ້າໂຮງຮຽນການເມືອງ ແລະ ການປົກຄອງແຂວງ ເປັນຮັກສາການຫົວໜ້າໂຮງຮຽນການເມືອງ ແລະ ການປົກຄອງແຂວງ, ແຕ່ງຕັ້ງ ທ່ານ ໂອເລ້ ສອນພັນ ຫົວໜ້າຂະແໜງຄົ້ນຄວ້າສັງລວມ ຫ້ອງວ່າການແຂວງໄຊຍະບູລີ ແລະ ທ່ານ ອຸ່ນ ຄໍາມະວົງ ຂຶ້ນເປັນຮອງຫົວໜ້າຫ້ອງວ່າການແຂວງ, ແຕ່ງຕັ້ງ ທ່ານ ຈິລະມິດ ຄໍາພູວົງ ເປັນຮອງຫົວໜ້າພະແນກໂຍທາທິການ ແລະ ຂົນສົ່ງແຂວງ, ແຕ່ງຕັ້ງ ທ່ານ ໄຊພອນ ບຸນຊູ ເປັນຮັກສາການຫົວໜ້າພະແນກອຸດສາຫະກໍາ ແລະ ການຄ້າແຂວງ, ແຕ່ງຕັ້ງ ທ່ານ ສົມພັນ ແພງສີດາ ເປັນຮັກສາການຫົວໜ້າພະແນກກະສິກໍາ ແລະ ສິ່ງແວດລ້ອມແຂວງ. ຜ່ານຂໍ້ຕົກລົງຂອງເຈົ້າແຂວງໄຊຍະບູລີ ວ່າດ້ວຍການຍົກຍ້າຍພະນັກງານ-ລັດຖະກອນ ພະແນກຖະແຫຼງຂ່າວ, ວັດທະນະທໍາ ແລະ ການທ່ອງທ່ຽວແຂວງ ໄປຂຶ້ນກັບຄະນະໂຄສະນາອົບຮົບແຂວງ ຈໍານວນ 26 ທ່ານ ຍິງ 11 ທ່ານ. ຈາກນັ້ນ ຜ່ານຄໍາສັ່ງວ່າດ້ວຍຍຸບເລີກບັນດາຄະນະພັກຮາກຖານພະແນກການ ແລະ ມະຕິຕົກລົງ ວ່າດ້ວຍການສ້າງຕັ້ງຄະນະພັກຮາກຖານພະແນກການ ແລະ ບັນດາໜ່ວຍພັກທີ່ຂຶ້ນກັບຮາກຖານພະແນກຕື່ມອີກ. ພ້ອມນີ້ ທ່ານ ພົງສະຫວັນ ສິດທະວົງ ໄດ້ຂຶ້ນມອບຂໍ້ຕົກລົງໃຫ້ບັນດາຄະນະພັກທີ່ໄດ້ຮັບແຕ່ງຕັ້ງ ແລະ ຍົກຍ້າຍໃໝ່ຕື່ມອີກ.

(ຂ່າວ-ພາບ: ຄໍາໝັ້ນ)