ໄຊຍະບູລີ ສົ່ງເສີມການລົງທຶນ ສ້າງສີ່ງອໍານວຍຄວາມສະດວກໃຫ້ແກ່ການດໍາເນີນທຸລະກິດ

ໂດຍ: ວັນໄຊ ຕະວິນຍານ
ການຍົກສູງຄວາມຮັບຜິດຊອບວຽກງານສົ່ງເສີມການລົງທຶນເພື່ອສ້າງສີ່ງອໍານວຍຄວາມສະດວກໃຫ້ແກ່ການດໍາເນີນທຸລະກິດ, ຊຸກຍູ້ສາຂາລັດວິສາຫະກິດຫັນໄປສູ່ການດໍາເນີນທຸລະກິດຢ່າງມີຄຸນນະພາບ, ມີຜົນກໍາໄລແມ່ນແຜນງານໜຶ່ງໃນການຈັດຕັ້ງຜັນຂະຫຍາຍວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ. ແຂວງໄຊຍະບູລີຈຶ່ງໄດ້ສຸມໃສ່ປັບປຸງສະພາບແວດລ້ອມ ແລະ ການແກ້ໄຂຄວາມຫຍຸ້ງຍາກຂອງການດໍາເນີນທຸລະກິດຕາມ ຄໍາສັ່ງເລກທີ 02/ນຍ ແລະ ຄໍາສັ່ງເລກທີ 03/ນຍ ຊຶ່ງເຮັດໃຫ້ກົນໄກ ແລະ ຂັ້ນຕອນການອອກໃບອະນຸຍາດດໍາເນີນທຸລະກິດມີຄວາມສະດວກຂຶ້ນ, ສາມາດຫຼຸດຂັ້ນຕອນ ແລະ ໄລຍະເວລາສັ້ນເຂົ້າ, ລົບລ້າງຄະນະຄຸ້ມຄອງການລົງທຶນຂັ້ນແຂວງ ແລະ ປັບປຸງຄະນະປະສານງານປະຕູດຽວ ແລະ ຜູ້ປະສານງານທີ່ປະຈຳຢູ່ພະແນກການຕ່າງໆ ເພ່ືອຮັບປະກັນການປະສານງານໃຫ້ຄ່ອງຕົວກວ່າເກົ່າ. ໃນນີ້,ແຂວງໄດ້ແຕ່ງຕັ້ງຄະນະຄຸ້ມຄອງບັນຊີຮຽກການລົງທຶນ ແລະ ສ້າງບັນຊີຮຽກການລົງທຶນໄດ້ທັງໝົດ 123 ໂຄງການ, ມູນຄ່າ 99,86 ລ້ານໂດລາສະຫະລັດ ກວມເອົາ 8 ຂະແໜງການ. ເຜີຍແຜ່ບັນຊີຮຽກການລົງທຶນໃຫ້ບັນດາພະແນກການ, ຜູ້ປະກອບການ ແລະ ບັນດາເມືອງ ເພື່ອດຶງດູດການລົງທຶນຈາກພາຍໃນ ແລະ ຕ່າງປະເທດ. 
      ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ກ່າວວ່າ: ມາຮອດປັດຈຸບັນ ແຂວງໄດ້ຈັດຕັ້ງປະຕິບັດ
ຈາກບັນຊີຮຽກການລົງທຶນຈໍານວນ 18 ໂຄງການ ມູນຄ່າ 13,8 ລ້ານໂດລາ, ຕິດຕາມຊຸກຍູ້ ບັນດາໂຄງການລົງທຶນເອກະຊົນພາຍໃນ ແລະ ຕ່າງປະເທດທີ່ປະຕິບັດຢູ່ໃນແຂວງ ຈໍານວນ 160 ໂຄງການເພື່ອໃຫ້ດໍາເນີນກິດຈະການຕາມລະບຽບກົດໝາຍ. ຜ່ານການລົງຕິດຕາມ ນັບແຕ່ປີ 2021-2023 ເຫັນວ່າໂຄງການຈໍານວນໜຶ່ງ ການຈັດຕັ້ງປະຕິບັດ ບໍ່ໄປຕາມສັນຍາ, ແກ່ຍາວການພັດທະນາໂດຍບໍ່ສົມເຫດສົມຜົນ ແລະ ໄດ້ອອກຂໍ້ຕົກລົງຂອງແຂວງ ລົບລ້າງໂຄງການດັ່ງກ່າວ ໃນຈໍານວນ 55 ໂຄງການ ອອກຈາກບັນຊີການລົງທືນ.
ໃນໄລຍະດັງກ່າວ ແຂວງສາມາດດຶງດູດການລົງທຶນເອກະຊົນພາຍໃນ ແລະ ຕ່າງປະເທດມີມູນຄ່າ ເຖິງ 165 ລ້ານ ໂດລາ. ໃນນີ້: ກິດຈະການສໍາປະທານ ແລະ ຄວບຄຸມ 52 ລ້ານ ໂດລາ, ກິດຈະການທົ່ວໄປມີທຶນຈົດທະບຽນທັງໝົດ 1.938 ຕື້ກີບ. ນອກນີ້, ຍັງໄດ້ສົ່ງເສີມນັກລົງທຶນຈາກຕ່າງປະເທດລົງທຶນ ປູກພືດ
ກະສິກໍາເປັນສີນຄ້າໃນເຂດທີ່ມີເງື່ອນໄຂ ເຊັ່ນ: ຖົ່ວເຫຼືອງ, ໝາກໂມ, ເຂົ້າ, ມັນຕົ້ນ, ສາລີ ແລະ ພືດຕ່າງໆ ທີ່ສາມາດສົ່ງອອກ ຕາມບັນຊີ ທີ່ໄດ້ເຊັນສັນຍາກັບຕ່າງປະເທດຄູ່ຄ້າເພື່ອດືງດູດເງິນຕາຕ່າງປະເທດ ແລະ ການດຸ່ນດ່ຽງສິນຄ້ານໍາເຂົ້າ.ປັບປຸງຂອດການບໍລິການດ້ານການລົງທຶນ ຊຶ່ງໄດ້ສ້າງຫ້ອງການບໍລິການປະຕູດຽວ ແລະ ປະກອບພະນັກງານ ເພື່ອໃຫ້ບໍລິການແກ່ນັກລົງທຶນ ໄດ້ມີີຄວາມສະດວກ ແລະ ວ່ອງໄວຂຶ້ນກວ່າເກົ່າ.
ໃນການອະນຸມັດໂຄງການສໍາເລັດຕາມກໍານົດເວລາທີ່ກໍານົດໄວ້ໃນກົດໝາຍ (ສໍາປະທານ 65 ວັນ ແລະ ກິດຈະການຄວບຄຸມ 25 ວັນ ທາງລັດຖະການ). ພ້ອມກັນນີ້, ແຂວງກໍໄດ້ຄົ້ນຄວ້າການໃຫ້ນະໂຍບາຍສົ່ງເສີມການລົງທຶນແກ່ນັກລົງທຶນພາຍໃນ ແລະ ຕ່າງປະເທດ ທີ່ນອນຢູ່ໃນກິດຈະການສົ່ງເສີມຕາມທີ່ໄດ້ກໍານົດໄວ້ໃນກົດໝາຍ.ໄດ້ອໍານວຍຄວາມສະດວກທາງການຄ້າ, ການຂົນສົ່ງ ໃຫ້ສະດວກວອງໄວ, ລົບລ້າງຈຸດກວດກາ ຈາກ 14 ຈຸດທົ່ວແຂວງ ຍັງເຫຼືອ 3 ຈຸດ, ທີ່ເປັນຈຸດຜ່ານຂອງແຂວງໄປສູ່ແຂວງອ້ອມຂ້າງ. ເຄື່ອນໄຫວດໍາເນີນທຸລະກິດ, ຕາມນະໂຍບາຍ, ບົດບາດຂອງຕົນຢ່າງມີປະສິດທິຜົນ, ສະກັດກັ້ນການບໍລິຫານເກື້ອກູນ, ຕ້ານການຟຸມເຟືອຍຊັບສົມບັດຂອງລັດ ແລະ ລວມໝູ່, ຈໍາກັດບໍ່ໃຫ້ສ້າງກົນໄກ, ລະບອບ, ລະບຽບ, ນະໂຍບາຍຕ່າງໆ ທີ່ບໍ່ສອດຄ່ອງ, ໂດຍສະເພາະຂົງເຂດໄຟຟ້າ, ນໍ້າປະປາ ແລະ ທະນາຄານ ສະຖາບັນການເງີນຕ່າງໆ. ປັບປຸງກົນໄກບໍລິຫານ, ເຕັກນິກວິຊາການ, ບຸກຄະລະກອນ ແລະ ນະໂຍບາຍຕ່າງໆ ເຊັ່ນ: ການລະດົມເງິນຝາກທະຄານ ຫຼາຍສະກຸນເງິນ, ປັບປຸງກົນໄກການປ່ອຍສິນເຊື່ອ, ການຕິດຕາມສົ່ງເສີມ ການນໍາໃຊ້ທືນຮອນຖຶກຕາມເປົ້າໝາຍຢ່າງມີປະສິດທິຜົນ, ປີຜ່ານມາກໍຍັງເຫັນວ່າ ການລະດົມເງິນຝາກ ກັບການປ່ອຍສີນເຊື່ອຍັງລຸດໂຕນກັນຫຼາຍເຊັ່ນ: ປັດຈຸບັນເງິນຝາກໃນ 7 ທະນາຄານ ມີເຖີງ 4.167 ຕື້ກີບ ປະຕິບັດໄດ້ 84,46%, ການປ່ອຍສີນເຊື່ອພຽງແຕ່ 1.030 ຕື້ກີບ ປະຕິບັດໄດ້ 106,04%, ການປ່ອຍສິນເຊື່ອສ່ວນຫຼາຍ ຍັງແມ່ນຂົງເຂດຂະແໜງການອຸດສະຫະກໍາກວມອັດຕາສ່ວນສູງ.
     ທ່ານ ພົງສະຫວັນ ສິດທະວົງ ກ່າວຕື່ມອີກວ່າ: ສໍາລັບການແກ້ໄຂໜີ້ສິນການລົງທຶນຂອງລັດແມ່ນໄດ້ສຸມ
ໃສ່ຄຸ້ມຄອງການລົງທຶນຂອງລັດໃຫ້ສອດຄ່ອງກັບກົດໝາຍການລົງທຶນ ແລະ ນິຕິກຳຕ່າງໆທີ່ກ່ຽວຂ້ອງຢ່າງເຂັ້ມງວດ ສະແດງອອກຄື: ໂຄງການຈັດຕັ້ງປະຕິບັດຮອດປັດຈຸບັນ ມີທັງໝົດ 350 ໂຄງການ ມູນຄ່າໃນສັນຍາ 2.105,26 ຕື້ກີບ, ມູນຄ່າປະຕິບັດວຽກ 1.530,39 ຕື້ກີບ, ຊໍາລະຮອດປັດຈຸບັນ 767,23 ຕື້ກີບ, ຍັງຄ້າງຊໍາລະຕາມສັນຍາ 1.338,02 ຕື້ກີບ, ມູນຄ່າຄ້າງຕາມໜ້າວຽກສໍາເລັດ 763,49 ຕື້ກີບ. ໃນນີ້: ໂຄງການໜີ້ສີນ 253 ໂຄງການມູນຄ່າສັນຍາ 723,65 ຕື້ກີບ, ມູນຄ່າປະຕິບັດ 723,65 ຕື້ກີບ ມູນຄ່າຊໍາລະຮອດປັດຈຸບັນ 434,05 ຕື້້ກີບ, ຍັງຄ້າງຊໍາລະຕາມສັນຍາ 298,62 ຕື້ກີບ, ມູນຄ່າຄ້າງຕາມໜ້າວຽກສໍາເລັດ 298,62 ຕື້ກີບ.ໂຄງການສຶບຕໍ່ 187 ໂຄງການ ມູນຄ່າໃນສັນຍາ 1.199,48 ຕື້ກີບ, ມູນຄ່າປະຕິບັດວຽກ 783,23 ຕື້ກີບ, ມູນຄ່າຊໍາລະຮອດປັດຈຸບັນ 325,43 ຕື້ກີບ, ຍັງຄ້າງຊໍາລະຕາມສັນຍາ 874,05 ຕື້ກີບ, ມູນຄ່າຄ້າງຕາມໜ້າວຽກສໍາເລັດ 457,80 ຕື້ກີບ. ໂຄງການສະ  ເໜີໃໝ່ 10 ໂຄງການ ມູນຄ່າສັນຍາ 180,13 ຕື້ກີບ, ມູນຄ່າປະຕິບັດ 23,51 ຕື້ກີບ, ມູນຄ່າຊໍາລະຮອດປັດຈຸບັນ 7,76 ຕື້ກີບ, ຍັງຄ້າງຊໍາລະຕາມສັນຍາ 174,38 ຕື້ກີບ, ມູນຄ່າຄ້າງຕາມໜ້າວຽກສໍາເລັດ 15,75 ຕື້ກີບ.ໂຄງການຊໍາລະໝົດ ແລະ ປົດອອກຈາກການລົງທຶນຈໍານວນ 34 ໂຄງການໃນໄລຍະປະຕິບັດວາລະແຫ່ງຊາດ.ການຈັດສັນງົບປະມານການລົງທຶນສ່ວນໃຫຍ່ ແມ່ນຊຳລະໂຄງການໜີ້ສິນທີ່ປະຕິບັດສຳເລັດ 100% ທີ່ໄດ້ເປີດນໍາໃຊ້ແລ້ວ; ພ້ອມນັ້ນກໍຈໍາກັດໂຄງການໃໝ່ ເພື່ອບໍ່ໃຫ້ມີໜີ້ສິນເພີ່ມຂຶ້ນ. ໄລຍະປີ 2021-2023 ໄດ້ຮັບງົບປະມານການລົງທຶນທັງໝົດ 464,09 ຕື້ກີບ ນັບທັງທຶນພັດທະນາທ້ອງຖິ່ນຂອງໂຄງການທີ່ຕັ້ງຢູ່ແຂວງໄຊຍະບູລີ. ໃນນັ້ນ, ຈັດສັນຊໍາລະໜີ້ ເປັນສ່ວນໃຫຍ່ເທົ່ກັບ 50-60% ຂອງງົບປະມານທັງໝົດ. ໄດ້ປະຕິບັດຜົນຂອງການກວດສອບຫັກລົບມູນຄ່າ ໂຄງການທີ່ຄິດໄລ່ມູນຄ່າບໍ່ສອດຄ່ອງ ຈໍານວນ 49 ໂຄງການ, ມູນຄ່າຫັກລົບ 36,41 ຕື້ກີບ. ໄດ້ພະຍາຍາມຊໍາລະໜີ້ການລົງທຶນຂອງລັດ ແຕ່ປີ 2015 ຄືນຫຼັງທັງໝົດ 110 ໂຄງການ, ມູນຄ່າໜີ້ 289 ຕື້ກີບ, ໃນໄລຍະ 3 ປີ ຕ້ອງສູ້ຊົນແກ້ໄຂໜີ້ສິນໃຫ້ໄດ້ 30% ຫລື ເທົ່າກັບ 86,7 ຕື້ກີບ, ຜ່ານການຈັດຕັ້ງປະຕິບັດ 3 ປີ ໄດ້ຈັດສັນທຶນຊໍາລະແລ້ວຈໍານວນ 165,96 ຕື້ກວ່າກີບ ປະຕິບັດເກີນແຜນ 90%.