 |
ສະຫາຍ ພົຈວ ບົວພັນ ອິນທະປັນຍາ ໄດ້ຮຽກຮ້ອງໃຫ້ຜູ້ເຂົ້າຮ່ວມ ຈົ່ງພ້ອມກັນເອົາໃຈໃສ່ຄົ້ນຄວ້າທາບທາມຮ່າງເນື້ອໃນ ແລະ ຍົກສູງຄວາມຮັບຜິດຊອບ ເຂົ້າໃນການປ່ອນບັດທາບທາມ ຄັດເລືອກເອົາຜູ້ທີ່ມີຄວາມຮູ້-ຄວາມສາມາດ ແລະ ມາດຖານ-ເງື່ອນໄຂ ຄົບຖ້ວນ ເຂົ້າໃນຄະນະບໍລິຫານງານສູນກາງສະຫະພັນແມ່ຍິງລາວ ຊຸດໃໝ່ ໃຫ້ຖືກຕ້ອງ, ເໝາະສົມ ແລະ ພາວະວິໄສ ພ້ອມທັງຍົກສູງຄວາມຮັບຜິດຊອບເຂົ້າໃນການປະກອບຄໍາຄິດ-ຄຳເຫັນ ໃສ່ຮ່າງບົດລາຍງານການເມືອງທັງສອງພາກ, ແຜນພັດທະນາແມ່ຍິງແຂວງ ໄລຍະ 5 ປີ ຜ່ານມາ ແລະ ຮ່າງກົດລະບຽບຂອງສະຫະພັນແມ່ຍິງລາວ ສະໄໝທີ IX ເພື່ອເຮັດໃຫ້ມີເນື້ອໃນຮັດກຸມ ແລະ ສົມບູນຄົບຖວ້ນຂຶ້ນກວ່າເກົ່າ. ຈາກນັ້ນ, ຜູ້ເຂົ້າຮ່ວມກອງປະຊຸມ ໄດ້ໃຊ້ສິດປະຊາທິປະໄຕຂອງຕົນ ປ່ອນບັດທາບທາມເອົາບຸກຄະລາກອນທີ່ຈະສະໜັກເລືອກຕັ້ງ ເຂົ້າໃນຄະນະບໍລິຫານງານສູນກາງສະຫະພັນແມ່ຍິງລາວ ສະໄໝທີ IX ຮອບທີ I ຢ່າງເປັນທາງການ. ທັງນີ້ ກໍເພື່ອເປັນການທາບທາມເປົ້າໝາຍບຸກຄະລາກອນ ທີ່ສະໝັກເລືອກຕັ້ງ ເຂົ້າໃນຄະນະບໍລິຫານງານສູນກາງສະຫະພັນແມ່ຍິງລາວ ຊຸດໃໝ່ ເພື່ອເປັນບ່ອນອີງໃນການເລືອກເຟັ້ນເອົາບຸກຄະລາກອນຜູ້ທີ່ດີເດັ່ນ ຈາກຂະບວນການວຽກງານຕົວຈິງ ໃຫ້ຖືກຕ້ອງຕາມມາດ-ຖານເງື່ອນໄຂ ທີ່ໄດ້ກໍານົດໄວ້.
 |
(ຂ່າວ: ນ. ຟອງ ນໍນິນທາ)
ຄໍາເຫັນ