ມີມູນຄ່າທັງໝົດ 54.06 ລ້ານໂດລາສະຫະລັດ. ໃນນັ້ນ, ທຶນຈາກທະນາຄານພັດທະນາອາຊີ 48 ລ້ານໂດລາສະຫະລັດ ແລະ ທຶນຂອງລັດຖະບານ ສປປ ລາວ 6.06 ລ້ານໂດລາສະຫະລັດ.
ເບື້ອງຕົ້ນໂຄງການດັ່ງກ່າວ, ມີໄລຍະເວລາ 5 ປີ (2019-2023) ແຕ່ເນື່ອງຈາກປະສົບບັນຫາຍ້ອນມີການແຜ່ລະບາດຂອງພະຍາດໂຄວິດ 19 ໃນໄລຍະຜ່ານມາ ເຮັດໃຫ້ໂຄງການບໍ່ສາມາດຈັດຕັ້ງປະຕິບັດໄປຕາມແຜນການໄດ້, ຍ້ອນສາເຫດນັ້ນ ຜູ້ໃຫ້ທຶນຈຶ່ງໄດ້ອະນຸມັດຕໍ່ສັນຍາໂຄງການເພີ່ມເຕີມຮອດເດືອນພຶດສະພາ ປີ 2026.
ສຳລັບຕົວເມືອງທ່າແຂກ ມູນຄ່າຄາດຄະເນຈະໄດ້ຮັບແມ່ນ 26.82 ລ້ານໂດລາສະຫະລັດ ແລະ ທຶນດັ່ງກ່າວຈະໄດ້ນຳໃຊ້ເຂົ້າໃນການປັບປຸງພື້ນຖານໂຄງລ່າງດ້ານສິ່ງແວດລ້ອມຂອງຕົວເມືອງທ່າແຂກ ຊຶ່ງປະກອບດ້ວຍ 5 ກິດຈະກໍາຄື: 1. ກໍ່ສ້າງຮ່ອງລະບາຍນໍ້າໃນຕົວເມືອງ ພ້ອມຕິດຕັ້ງປະຕູນໍ້າ ແລະ ຕິດຕັ້ງຈັກດູດນ້ຳ, 2. ກໍ່ສ້າງອ່າງບໍາບັດນໍ້າເປື້ອນແບບບໍ່ລວມສູນຂະໜາດນ້ອຍ, 3. ກໍ່ສ້າງປັບປຸງສະ ໜາມກໍາຈັດຂີ້ເຫຍື້ອແບບສຸຂະອະນາໄມ, 4. ກໍ່ສ້າງປ້ອງກັນຕາຝັ່ງເຈື່ອນຕາມແມ່ນ້ຳຂອງ ແບ່ງອອກເປັນ 2 ສັນຍາຄື: ສັນຍາທີໜຶ່ງ ໂຄງການກໍ່ສ້າງປ້ອງກັນຕາຝັ່ງເຈື່ອນ (ບໍ່ລວມເຂດ B), ສັນຍາທີສອງ ໂຄງການກໍ່ສ້າງປ້ອງກັນຕາຝັ່ງເຈື່ອນ (ໂຊນ B) ແລະ 5. ກໍ່ສ້າງປັບປຸງຟື້ນຟູບູລະນະໃຈກາງຕົວເມືອງເກົ່າ ແລະ ອະນຸລັກມໍລະດົກຂອງຕົວເມືອງ.
ສຳລັບໂຄງການກໍ່ສ້າງປ້ອງກັນຕາຝັ່ງເຈື່ອນ (ບໍ່ລວມເຂດ B) ຕົວເມືອງທ່າແຂກ ແມ່ນໄດ້ນຳໃຊ້ວິທີປະມູນແບບສາກົນ ແລະ ໄດ້ປະກາດຂາຍຊອງປະມູນໃນວັນທີ 28 ສິງຫາ 2023 ໂດຍຜ່ານທາງໜັງສືພິມ, ໂທລະພາບ, ວິທະຍຸ ແລະ ເວບໄຊ ຂອງ ADB, ໄດ້ມີບໍລິສັດໃຫ້ຄວາມສົນໃຈ ແລະ ຊື້ຊອງປະມູນທັງໝົດ 21 ບໍລິສັດ. ຜ່ານການກວດກາ ປະເມີນຜົນເອກະສານການປະມູນ ທາງດ້ານເຕັກນິກ ແລະ ລາຄາ, ຄະນະກຳມະການປະມູນ ຈຶ່ງເຫັນດີເປັນເອກະພາບວ່າ: ບໍລິສັດ ແອວ ເອັສ ເອັມ ກໍ່ສ້າງ ຈໍາກັດຜູ້ດຽວ ເປັນຜູ້ປະມູນທີ່ມີເງື່ອນໄຂຖືກຕ້ອງ ແລະ ຄົບຖ້ວນ ໃນການປະມູນ ແລະ ສະເໜີລາຄາຕ່ຳ ຈຶ່ງໄດ້ນຳສະເໜີຂັ້ນເທິງ ແລະ ຜູ້ໃຫ້ທຶນ ເພື່ອຄົ້ນຄວ້າ, ຮັບຮອງເອົາເປັນຜູ້ຊະນະການປະມູນ, ຫຼັງຈາກນັ້ນຜູ້ໃຫ້ທຶນກໍ່ໄດ້ພິຈາລະນາຕໍ່ເອກະສານດັ່ງກ່າວ ແລະ ເຫັນດີຮັບຮອງເອົາ ບໍລິສັດ ແອວ ເອັສ ເອັມ ກໍ່ສ້າງ ຈໍາກັດຜູ້ດຽວ ຊະນະການປະມູນ ໃນມູນຄ່າ 4,680,873.07 ໂດລາສະຫະລັດ. ເຊິ່ງໄດ້ມີພິທີເຊັນສັນຍາການກໍ່ສ້າງ ໃນວັນທີ 30 ເມສາ 2025 ຢູ່ທີ່ໂຮງແຮມຣີເວເຣ່ຍ ເມືອງທ່າແຂກ ແຂວງຄໍາມ່ວນ ລົງນາມເຊັນສັນຍາໂດຍ ທ່ານ ສຸທັດ ສຸມາລີ ຫົວໜ້າພະແນກໂຍທາທິການ ແລະ ຂົນສົ່ງ ແຂວງຄໍາມ່ວນ ໃນນາມເຈົ້າຂອງໂຄງການຝ່າຍລັດ ແລະ ທ່ານ ລັດສະໝີ ຄໍາກົມພົງສະຫວັດ ປະທານບໍລິສັດ ແອວ ເອັສ ເອັມ ກໍ່ສ້າງ ຈຳກັດຜູ້ດຽວ ໃນນາມຜູ້ຮັບເໝົາ.
(ຂ່າວ-ພາບ: ກອງຄໍາ)
ຄໍາເຫັນ