ຊາວຟີລິບປິນ ເປັນຫ່ວງບັນຫາ ອັດຕາເງິນເຟີ້ ແລະ ລາຄາສິນຄ້າ ຫຼາຍທີ່ສຸດ

12:29 20/01/2025

ຂ່າວຕ່າງປະເທດລາຍງານ ໃນວັນທີ 13 ມັງກອນ ຜ່ານມາ, ຜົນການສໍາຫຼວດລະດັບຊາດ ຈາກສະຖາບັນຄົ້ນຄວ້າ OCTA ພົບວ່າ: ອັດຕາເງິນເຟີ້ຫຼືລາຄາສິນຄ້າແລະການບໍລິການທີ່ເພີ່ມຂຶ້ນ, ຍັງຄົງເປັນບັນຫາທີ່ຊາວຟີລິບປິນຮູ້ສຶກເປັນຫ່ວງຫຼາຍທີ່ສຸດ.

ການສໍາຫຼວດຂອງQ4 ໃນໄຕມາດທີ 4 (ຕຸລາ-ເດືອນທັນວາ) ປີ 2024 ຊຶ່ງໄດ້ເກັບກຳຂໍ້ມູນຈາກຜູ້ໃຫຍ່ 1,200 ຄົນໃນລະຫວ່າງວັນທີ 10-16 ພະຈິກ 2024ພົບວ່າ 56% ຂອງຜູ້ຕອບແບບສອບຖາມຮູ້ສຶກເປັນຫ່ວງກ່ຽວກັບການຄວບຄຸມລາຄາສິນຄ້າ ແລະການບໍລິການທີ່ຈໍາເປັນ, ໂດຍໂຕເລກນີ້ແມ່ນຫຼຸດລົງ 10 ຈຸດ ເມື່ອທຽບກັບລະດັບ 66% ທີ່ບັນທຶກໄວ້ໃນໄຕມາດທີ 3 (ເດືອນກໍລະກົດຫາເດືອນກັນຍາ) ຂອງປີ 2024.

ນອກຈາກບັນຫາເງິນເຟີ້ແລ້ວ, ຜົນການສໍາຫຼວດເປີດເຜີຍວ່າ 44% ຂອງຊາວຟີລິບປິນມີຄວາມເປັນຫ່ວງກ່ຽວກັບການເຂົ້າເຖິງອາຫານລາຄາຖືກ, ເປັນຫ່ວງກ່ຽວກັບການປັບ ຫຼື ເພີ່ມຄ່າແຮງງານ (36%), ເປັນຫ່ວງເລື່ອງການຫຼຸດຜ່ອນຄວາມທຸກຍາກ (34%)ແລະມີຄວາມເປັນຫ່ວງກ່ຽວກັບການສ້າງວຽກເຮັດງານທຳ (29%).

ສ່ວນບັນຫາອື່ນໆ ທີ່ຊາວຟີລິບປິນຮູ້ສຶກເປັນຫ່ວງເຊັ່ນ: ການສຶກສາໂດຍບໍ່ເສຍເງິນ ແລະ ມີຄຸນນະພາບ, ການແກ້ໄຂການສໍ້ລາດບັງຫຼວງໃນລັດຖະບານ ແລະການສະກັດກັ້ນປາບກາມອາຊະຍາກຳ.

ຄໍາເຫັນ

ຂ່າວຕ່າງປະເທດ

ຫວຽດນາມ ຫັນວິທະຍາສາດເຕັກໂນໂລຊີ ເປັນກຳລັງໜູນການເຕີບໂຕເສດຖະກິດ

15/10/2026 13:21

ວິທະຍຸກະຈາຍສຽງຫວຽດນາມລາຍງານໃນວັນທີ 14 ຕຸລາ ຜ່ານມາວ່າ: ທ່ານ ໂຮ່ກວັກຢຸງ ຮອງນາຍົກລັດຖະມົນຕີ ຫວຽດນາມ ໄດ້ຮຽກຮ້ອງໃນກອງປະຊຸມກ່ຽວກັບການພັດທະນາລະບົບນິເວດນະວັດຕະກຳແຫ່ງຊາດ ທີ່ຈັດຂຶ້ນໃນວັນທີ 14 ຕຸລາ ຜ່ານມາ ຢູ່ນະຄອນຫູວງຮ່າໂນ້ຍ ວ່າ, ໃຫ້ສຸມໃສ່ແກ້ໄຂຈຸດອຸດຕັນຂອງລະບອບລະບຽບການ ແລະ ຊຸກຍູ້ການສະໜອງ - ຄວາມຕ້ອງການ, ເພີ່ມທະວີການຄົ້ນຄວ້າຕາມຄວາມຕ້ອງການຂອງວິສາຫະກິດ ເພື່ອຫັນວິທະຍາສາດເຕັກໂນໂລຊີໃຫ້ກາຍເປັນກຳລັງໜູນຂອງການເຕີບໂຕເສດຖະກິດຢ່າງແທ້ຈິງ.

ມູນຄ່າການຄ້າຂອງຈີນ ກັບປະເທດຮ່ວມກັນສ້າງ ໜຶ່ງແລວໜຶ່ງເສັ້ນທາງ ບັນລຸ 20,370 ຕື້ຢວນ

15/10/2026 13:19

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນທີ 14 ຕຸລາ ຜ່ານມາ, ຫ້ອງການຖະແຫຼງຂ່າວຂອງລັດຖະບານຈີນໄດ້ຈັດກອງປະຊຸມຖະແຫຼງຂ່າວ ເພື່ອແຈ້ງໃຫ້ຮູ້ກ່ຽວກັບສະພາບການຄ້າຂາເຂົ້າ-ຂາອອກ ໃນ 3 ໄຕມາດຂອງປີນີ້.

ປະເທດສະມາຊິກອາຊຽນ ຈະປຶກສາຫາລືກ່ຽວກັບການຄວບຄຸມໝອກຄວັນຂ້າມຊາຍແດນ

15/10/2026 13:18

ວິທະຍຸ, ໂທລະພາບສູນກາງຈີນ (CMG) ລາຍງານໃນວັນທີ 15 ຕຸລາ ຜ່ານມາວ່າ: ຟີລິບປິນທີ່ເປັນປະເທດປະທານໝູນວຽນຂອງອາຊຽນຢືນຢັນວ່າ, ປະເທດສະມາຊິກອາຊຽນຈະປຶກສາຫາລືກ່ຽວກັບການຄວບຄຸມໝອກຄວັນຂ້າມຊາຍແດນໃນກອງປະຊຸມກະກຽມຂອງລັດຖະມົນຕີຕ່າງປະເທດທີ່ຈະຈັດຂຶ້ນກ່ອນກອງປະຊຸມສຸດຍອດອາຊຽນໃນເດືອນພະຈິກໜ້ານີ້.

ກຳປູເຈຍ ປາບປາມເສັ້ນທາງການສໍ້ໂກງທາງອອນລາຍຢ່າງຂ້ຽວຂາດ

15/10/2026 13:16

ວິທະຍຸກະຈາຍສຽງຫວຽດນາມລາຍງານໃນວັນທີ 14 ຕຸລາ ຜ່ານມາວ່າ: ລັດຖະບານ ກຳປູເຈຍ ໄດ້ຢືນຢັນຄືນ ໃໝ່ຫຼັກໝັ້ນຂອງຕົນໃນການຕ້ານການສໍ້ໂກງທາງອອນລາຍ, ໃຫ້ຄຳໝັ້ນສັນຍາວ່າຈະສືບຕໍ່ປະຕິບັດກົດໝາຍຢ່າງເຂັ້ມງວດຕໍ່ບັນດາການເຄື່ອນໄຫວສໍ້ໂກງຫຼອກລວງ, ສັ່ງຟ້ອງຫົວໂປ່ ແລະ ຜູ້ມີສ່ວນກ່ຽວຂ້ອງ, ກໍຄືອາຍັດຊັບສິນຂອງອາດຊະຍາກຳ. ຂໍ້ມູນດັ່ງກ່າວໂດຍ ທ່ານ ໄຊ ສິນາຣິດ ລັດຖະມົນຕີຂັ້ນສູງ ທັງເປັນຫົວໜ້າຄະນະກຳມະການຕ້ານການສໍ້ໂກງທາງອອນລາຍ (CCOS) ຍົກອອກມາຫວ່າງມໍ່ໆມານີ້.

ດັດຊະນີ CPI ຂອງອິນເດຍໃນເດືອນກັນຍາ ເພີ່ມຂຶ້ນ 5.54%

15/10/2026 13:16

ຂ່າວຕ່າງປະເທດລາຍງານຫວ່າງມໍ່ໆມານີ້ວ່າ: ກະຊວງສະຖິຕິອິນເດຍເປີດເຜີຍວ່າ, ດັດຊະນີລາຄາຜູ້ບໍລິໂພກ (CPI) ຊຶ່ງເປັນມາດຕະການວັດແທກອັດຕາເງິນເຟີ້ທີ່ຂັບເຄື່ອນໂດຍການໃຊ້ຈ່າຍຂອງຜູ້ບໍລິໂພກ, ໄດ້ເພີ່ມຂຶ້ນ 5.54% ໃນເດືອນກັນຍາ ເມື່ອທຽບກັບປີກ່ອນ ຊຶ່ງສູງກວ່າໂຕເລກການຄາດຄະເນຂອງນັກວິເຄາະທີ່ 5.40%, ຈາກ 4.83% ໃນເດືອນສິງຫາ.

ທ່ານ ສີຈິ້ນຜິງ: “ບໍ່ມີສຸຂະພາບທົ່ວປວງຊົນ ກໍຈະບໍ່ມີຄວາມອີ່ມໜຳສຳລານຮອບດ້ານ”

14/10/2026 14:57

ຢູ່ກາງແມ່ນ້ຳຢາງຊີກ້ຽງຕອນເຈີ້ນຈ່ຽງ ແຂວງຈ່ຽງຊູ ມີເກາະດອນນ້ອຍແຫ່ງໜຶ່ງຄື ຕາແສງຊື້ເຢ້ ເມືອງຕ່ານຖູ ນະຄອນເຈີ້ນຈ່ຽງ. ຢູ່ເທິງດອນແຫ່ງນີ້ມີປະຊາຊົນອາໄສຢູ່ຈຳນວນ 5 ບ້ານ ມີປະຊາກອນໝື່ນກວ່າຄົນ, ໃນອະດີດຜ່ານມາ, ຊາວບ້ານເຄີຍປະສົບຄວາມຫຍຸ້ງຍາກດ້ານໜຶ່ງຄື: “ຢ້ານເສຍຊີວິດຍ້ອນເຈັບເປັນ ແລະ ທັງຢ້ານເສຍຊີວິດຍ້ອນການຄົມມະນາຄົມ.” ຕອນບ່າຍວັນທີ 13 ທັນວາ 2014, ທ່ານ ສີຈິ້ນຜິງ ໄດ້ເດີນທາງໄປຢ້ຽມຢາມປະຊາຊົນຢູ່ດອນດັ່ງກ່າວ ໂດຍເພິ່ນໄດ້ໄປເຖິງໂຮງໝໍຕາແສງຊື້ເຢ້ ເພື່ອສຳຫຼວດຊອກຮູ້ສະພາບການພັດທະນາວຽກງານສາທາລະນະສຸກຢູ່ຊົນນະບົດ ແລະ ການບໍລິການປິ່ນປົວພະຍາດໃຫ້ແກ່ຊາວບ້ານ.

ເດືອນກັນຍາ ຫວຽດນາມ ສົ່ງອອກຜັກ ໝາກໄມ້ ບັນລຸ 1 ຕື້ກວ່າໂດລາ

14/10/2026 13:27

ວິທະຍຸກະຈາຍສຽງຫວຽດນາມລາຍງານຫວ່າງມໍ່ໆມານີ້ວ່າ: ກະຊວງກະສິກຳ ແລະ ສິ່ງແວດລ້ອມ ຫວຽດນາມ ລາຍງານວ່າ, ການສົ່ງອອກຜັກ, ໝາກໄມ້ ໃນເດືອນກັນຍາ ບັນລຸເກືອບ 1.2 ຕື້ໂດລາ.

ຣັດເຊຍ ໝັ້ນໃຈ ສາມາດສົ່ງອອກນໍ້າມັນກາຊວນໄປຍັງຕະຫຼາດໂລກໄດ້ໂດຍບໍ່ມີບັນຫາ

14/10/2026 13:26

ສຳນັກຂ່າວສານຊິນຮວາລາຍງານໃນວັນທີ 12 ຕຸລາ ຜ່ານມາວ່າ: ທ່ານ ດີມີຕຣີ ເປສຄອບ ໂຄສົກທຳນຽບເຄຣມລິນ ກ່າວວ່າ: ຣັດເຊຍ ຈະສາມາດສົ່ງອອກນໍ້າມັນກາຊວນໄດ້ຢ່າງລາບລື່ນໂດຍບໍ່ມີບັນຫາ ເພາະວ່າຕະຫຼາດໂລກຍັງມີຄວາມຕ້ອງການສູງຫຼາຍສຳລັບຜະລິດຕະພັນນໍ້າມັນ, ຄຽງຄູ່ກັບການຫຼຸດລົງຢ່າງຫຼວງຫຼາຍຂອງການສະໜອງນໍ້າມັນ ແລະ ຜະລິດຕະພັນນໍ້າມັນໃນຕະຫຼາດ. ຍິ່ງໄປກວ່ານັ້ນ, ຣັດເຊຍບໍ່ຈຳເປັນຕ້ອງໄດ້ຮັບຄຳຮ້ອງຂໍໂດຍກົງສຳລັບການຂົນສົ່ງນໍ້າມັນເຊື້ອໄຟ ເພາະວ່າການຊື້-ຂາຍ ແລະ ຈຳໜ່າຍນໍ້າມັນເຊື້ອໄຟແມ່ນໄດ້ດຳເນີນການຜ່ານພໍ່ຄ້າຄົນກາງຢູ່ແລ້ວ.

UNCTAD ຄາດຄະເນ ເສດຖະກິດໂລກຈະເຕີບໂຕຊ້າລົງ ໃນປີ 2026

14/10/2026 13:24

ສຳນັກຂ່າວສານຊິນຮວາລາຍງານໃນວັນທີ 12 ຕຸລາ ຜ່ານມາວ່າ: ບົດລາຍງານການຄ້າ ແລະ ການພັດທະນາປີ 2026 ຈາກກອງປະຊຸມສະຫະປະຊາຊາດວ່າດ້ວຍການຄ້າ ແລະ ການພັດທະນາ (UNCTAD) ລະບຸວ່າ, ເສດຖະກິດໂລກມີທ່າອ່ຽງເຕີບໂຕ 2.6% ໃນປີ 2026, ຫຼຸດລົງຈາກ 2.9% ໃນປີ 2025. ໂດຍກຸ່ມປະເທດເສດຖະກິດກຳລັງພັດທະນາ ມີທ່າອ່ຽງຈະເຕີບໂຕ 4% ໃນປີນີ້, ຫຼຸດລົງຈາກ 4.7% ໃນປີ 2025.

ອົສຕຣາລີ ເລີ່ມຕົ້ນການກໍ່ສ້າງໂຄງການແຮ່ທາດຫາຍາກ ຂະໜາດໃຫຍ່

14/10/2026 13:23

ສຳນັກຂ່າວສານຊິນຮວາລາຍງານຫວ່າງມໍ່ໆມານີ້ວ່າ: ລັດຖະບານອົສຕຣາລີ ໄດ້ປະກາດການເລີ່ມກໍ່ສ້າງໂຄງການແຮ່ທາດທີ່ຫາຍາກໃນເຂດພາກເໜືອຂອງອົສຕຣາລີ, ໂດຍໄດ້ຮັບເງິນລົງທຶນຈາກລັດຖະບານມູນຄ່າ 1.2 ຕື້ໂດລາອົສ ຕຣາລີ. ໂຄງການດັ່ງກ່າວຄາດວ່າຈະສາມາດຜະລິດແຮ່ທາດທີ່ຫາຍາກ ເພື່ອຕອບສະໜອງຄວາມຕ້ອງການທົ່ວໂລກໄດ້ປະມານ 4-5%.

ເພີ່ມເຕີມ