ແລະ ຕາງໜ້າຮັບໂດຍ ສະຫາຍ ເຍ່ຍຊົົ່ງ ຫວັງທ່າວກຳມະການສູນກາງຊາວໜຸ່ມ ປະຊາຊົນ ປະຕິວັດລາວ, ເລຂາຄະນະບໍລິຫານງານຊາວໜຸ່ມ ແຂວງໄຊສົມບູນ.
ສະຫາຍ ເຍ່ຍຊົົ່ງ ຫວັງທ່າວ ໄດ້ສະຫຼຸບປະເມີນຜົນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ປະຈຳປີ 2023 ແລະ ທິດທາງແຜນການປີ 2024 ວ່າ: ທົ່ວແຂວງ ມີສະມາຊິກຊາວໜຸ່ມ 10.000 ກວ່າຄົນ ຍິງ 4.000 ກວ່າຄົນ, ມີເຍົາວະຊົນທັນວາ 4.000 ກວ່າຄົນ ແລະ ມີອະນຸຊົນທັນວາ 2.800 ກວ່າຄົນ ຕະຫຼອດໄລຍະຜ່ານມາ ຄະນະບໍລິຫານງານຊາວໜຸ່ມ ແຂວງໄຊສົມບູນ ໄດ້ເອົາໃຈໃສ່ເຄື່ອນໄຫວວຽກງານຢ່າງຕັ້ງໜ້າ ສາມາດຍາດໄດ້ຜົນສໍາເລັດຫລາຍດ້ານ ເປັນຕົ້ນ ໄດ້ເອົາໃຈໃສ່ສຶກສາອົບຮົມການເມືອງແນວຄິດໃຫ້ສະມາຊິກຊາວໝຸ່ມ ເຮັດໃຫ້ສະມາຊິກຊາວໜຸ່ມລາວບັນດາເຜົ່າ ມີນໍ້າໃຈຮັກຊາດ, ມີສະຕິຕໍ່ຊາດ, ຕໍ່ກົດໝາຍ, ຕໍ່ການຈັດຕັ້ງ ແລະ ມີນໍ້າໃຈເສຍສະຫລະ, ປະກອບສ່ວນເຂົ້າໃນການສ້າງສາພັດທະນາປະເທດຊາດ, ເອົາໃຈໃສ່ຄົ້ນຄວ້າຮໍ່າຮຽນ ຍົກລະດັບຄວາມຮູ້ ຄວາມສາມາດດ້ານວິຊາສະເພາະ, ມີຄຸນສົມບັດສິນທຳປະຕິວັດ ຮັບປະກັນການປະຕິບັດໜ້າທີ່ວຽກງານຢ່າງມີປະສິດທິພາບ ແລະ ປະສິດທິຜົນ ພ້ອມທັງ ສ້າງສາເສດຖະກິດຄອບຄົວ ເປັນຕົ້ນ ການປູກຝັງ, ລ້ຽງສັດ ແລະ ອື່ນໆ ເຮັດໃຫ້ການຈັດຕັ້ງ ແລະ ບຸກຄົນໃນຖັນແຖວຊາວໜຸ່ມກາຍເປັນຕົວແບບ 4 ບຸກ ນອກຈາກນີ້, ກໍໄດ້ລະດົມສະມາຊິກຊາວໜຸ່ມບ້ານຜູ້ທີ່ດ້ອຍໂອກາດ ເຂົ້າຝຶກອົບຮົມວິຊາຊ່າງຕັດຫຍິບ ແລະ ຊ່າງສ້ອມແປງລົດຈັກ ໄດ້ສຳເລັດ 2 ຊຸດ ແລະ ຍັງໄດ້ສົ່ງໄປຝຶກອົບຮົມ ຢູ່ສູນອື່ນໆ ຕື່ມອີກ.
ໂອກາດນີ້, ສະຫາຍ ມອນໄຊ ລາວມົວຊົ່ງ ໄດ້ໂອ້ລົມເນັ້ນໃຫ້ຄະນະບໍລິຫານງານຊາວໜຸ່ມ ແຂວງໄຊສົມບູນ ເອົາໃຈໃສ່ສືບຕໍ່ສຶກສາອົມຮົມການເມືອງ-ແນວຄິດ ໃຫ້ສະມາຊິກຊາວໜຸ່ມໃຫ້ມີຄຸນທາດການເມືອງໜັກແໜ້ນ,ມີຄຸນສົມບັດສິນທຳປະຕິວັດ, ເສີມຂະຫຍາຍນໍ້າໃຈຮັກຊາດ ຮັກລະບອບໃໝ່ ຮັກບ້ານເກີດເມືອງນອນ, ຮູ້ຈຳແນກມິດສັດຕູຢ່າງຈະແຈ້ງ, ມີແບບແຜນໃນການເຮັດວຽກ ຕາມຫຼັກການລວມສູນປະຊາທິປະໄຕ ພ້ອມທັງ ພັດທະນາຕົນເອງໃນທຸກດ້ານ ເພື່ອສ້າງໃຫ້ສະມາຊິກຊາວໝຸ່ມ ກາຍເປັນຜູ້ສືບທອດທີ່ດີຂອງພັກ ໃນອະນາຄົດ ໄປພ້ອມກັບການຈັດຕັ້ງປະຕິບັດວຽກງານວິຊາສະເພາະ ໃຫ້ມີຜົນສຳເລັດເປັນກ້າວໆ ແລະ ໃຫ້ສືບຕໍ່ຮັກສາມູນເຊື້ອນາມມະຍົດຊາວໜຸ່ມແຂວງ ທີ່ໄດ້ຮັບທຸງໄຊນໍາໜ້າຂະບວນການແຂ່ງຂັນ 4 ບຸກ ໄວ້ໃຫ້ຍືນຍົງ ແລະ ພັດທະນາຂຶ້ນເລື້ອຍໆ.
(ຂ່າວ: ພຸດທະສອນ ເວດສະວົງ)
ຄໍາເຫັນ