ການຈັດກິດຈະກຳຄັ້ງນີ້, ແມ່ນເປັນການສ້າງຂະບວນການສະເຫຼີມສະຫຼອງ 3 ວັນປະຫວັດສາດ ຄື: ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 70 ປີ (22 ມີນາ 1955-22 ມີນາ 2025); ວັນຊາດ ທີ 2 ທັນວາ ຄົບຮອບ 50 ປີ (2 ທັນວາ 1975-2 ທັນວາ 2025) ແລະ ວັນເກີດປະທານ ໄກສອນ ພົມວິຫານ ຄົບຮອບ 105 ປີ (13 ທັນວາ 1920-13 ທັນວາ 2025) ໃຫ້ມີບັນຍາກາດເບີກບານມ່ວນຊື່ນ. ພ້ອມນີ້, ຍັງເປັນການໂຄສະນາສຶກສາອົບຮົມ ແລະ ປຸກລະດົມທຸກພາກສ່ວນໃນທົ່ວສັງຄົມໄດ້ຮັບຮູ້, ເຂົ້າໃຈທາດແທ້ມູນເຊື້ອອັນດີງາມຂອງພັກ ແນໃສ່ສັນລະເສີນຄຸນງາມຄວາມດີ ຂອງບັນດາບັນພະບູລຸດຜູ້ທີ່ເສຍສະຫລະຊີວິດເພື່ອຊາດເພື່ອປະຊາຊົນ ແລະ ເພື່ອປຸກລະດົມນໍ້າໃຈຮັກຊາດ, ຮັກລະບອບໃໝ່, ຍົກສູງການສ້າງເສດຖະກິດເອກະລາດ ເປັນເຈົ້າຕົນເອງ ຕາມທິດເພິ່ງຕົນເອງ, ສ້າງຄວາມເຂັ້ມແຂງດ້ວຍຕົນເອງ.
ກິດຈະກຳການຍ່າງໃນຄັ້ງນີ້, ໄດ້ຈຸດເລີ່ມຕົ້ນແຕ່ສວນເສົາຫຼັກເມືອງ ໄປຕາມເສັ້ນທາງສອງເລນ ໄປຫາສີ່ແຍກໂຮງຮຽນມັດທະຍົມສົມບູນແຂວງ (ມສ ແຂວງ) ແລະ ສືບຕໍ່ໄປຮອດສວນ 25 ປີຂອງແຂວງ ລວມໄລຍະທາງປະມານ 3 ກິໂລແມັດ.
(ຂ່າວ-ພາບ: ອັດສະວິນ)
ຄໍາເຫັນ