ມີຄະນະບໍລິຫານງານຊາວໜຸມປະຊາຊົນ ປະຕິວັດລາວ ແຂວງ, ພະແນກການອ້ອມຂ້າງແຂວງ, ອົງການທຽບເທົ່າຂັ້ນແຂວງ, ອະດີດພະນັກງານການນຳ, ສອງກຳລັງປະກອບອາວຸດ ແລະ ສະມາຊິກຊາວໜຸ່ມ ເຂົ້າຮ່ວມ.
ໃນພິທີ, ໄດ້ຮັບຊົມການຖ່າຍທອດບັນຍາກາດພິທີໂຮມຊຸມນຸມໃຫຍ່ສະເຫຼີມສະຫຼອງວັນສ້າງຕັ້ງ ຄຊປປ ລາວ ຄົບຮອບ 70 ປີ ຈາກສູນກາງ ພ້ອມທັງຮັບຟັງ ສະຫາຍ ມອນໄຊ ລາວມົວຊົງ ກຳມະການສຳຮອງສູນກາງພັກ ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ ຂຶ້ນລາຍງານຫຍໍ້ຜົນການເຄື່ອນໄຫວຂອງ ຄຊປປ ລາວ ໄລຍະ 70 ປີ ຜ່ານມາ. ຈາກນັ້ນ ກໍໄດ້ຮັບຟັງສູນທອນພົດຈາກ ສະຫາຍ ທອງລຸນ ສີສຸລິດ ເລຂາທິການໃຫຍ່ ປະທານປະເທດ ແຫ່ງ ສປປ ລາວ ໄດ້ຍົກໃຫ້ເຫັນເຖິງຄວາມເປັນມາ, ມູນເຊື້ອທີ່ອົງອາດກ້າຫານຂອງຄະນະ ຊປປ ລາວ ພາຍໃຕ້ການນໍາພາຂອງພັກ ປະຊາຊົນ ປະຕິວັດລາວ ແລະ ມູນເຊື້ອການຕໍ່ສູ້ ຂອງຊາວໜຸ່ມລາວ ແຕ່ລະຮຸ່ນ.
ໂອກາດນີ້, ສະຫາຍ ເຫລັກໄຫລ ສີວິໄລ ກໍໄດ້ຍົກໃຫ້ເຫັນກ່ຽວກັບການເຄື່ອນໄຫວຂອງຊາວໜຸ່ມແຂວງເຊກອງ ແຕ່ອະດີດເຖິງປັດຈຸບັນ ພ້ອມທັງໄດ້ຮຽກຮ້ອງມາຍັງຄະນະຊາວໜຸ່ມທົ່ວແຂວງ ຈົ່ງພ້ອມກັນສືບຕໍ່ເອົາໃຈໃສ່ໂຄສະນາເຜີຍແຜ່ເຊື່ອມຊຶມເອກະສານສຳຄັນຂອງຊາດ, ຂອງພັກ ເປັນເຈົ້າການສຶກສາອົບຮົມການເມືອງແນວຄິດໃຫ້ບັນດາສະມາຊິກຊາວໜຸ່ມຢ່າງທົ່ວເຖິງ, ສືບຕໍ່ເສີມຂະຫຍາຍມູນເຊື້ອດຸໝັ່ນ, ເສີມຂະຫຍາຍວັດທະນະທຳອັນດີງາມຂອງຊາດ, ເປັນເຈົ້າການຝຶກຝົນຫຼ່ໍຫຼອມຕົນເອງ, ຊອກຮູ້ຮ່ຳຮຽນສ້າງຕົນເອງໃຫ້ເປັນບຸກຄົນທີ່ມີຄຸນນະພາບສູງ, ເອົາໃຈໃສ່ສ້າງຄວາມເຂັ້ມແຂງ ປະກອບສ່ວນເຂົ້າໃນຂະບວນການຕ້ານ ແລະ ສະກັດກັ້ນປະກົດການຫຍໍ້ທໍ້ໃນສັງຄົມ ແລະ ພ້ອມທັງເປັນກຳລັງແຮງທີ່ດີຂອງພັກ, ຂອງລັດ ໃນການສ້າງສາພັດທະນາປະເທດຊາດໃຫ້ຈະເລີນຮຸ່ງເຮືອງ.
(ພາບ-ຂ່າວ: ອັດສະວິນ)
ຄໍາເຫັນ