ກອງປະຊຸມເປີດບັ້ນທົດລອງການສໍາຫຼວດພົນລະເມືອງ ແລະທີ່ຢູ່ອາໄສ ທົ່ວປະເທດ ຄັ້ງທີ V ປີ 2025 ໄດ້ຈັດຂຶ້ນໃນວັນທີ 15 ພຶດສະພາ ນີ້ ທີ່ພະແນກແຜນການ ແລະການລົງທຶນແຂວງເຊກອງ, ໂດຍການເຂົ້າຮ່ວມຂອງທ່ານ ຂັນຕີ ສີລະວົງສາ ຮອງເຈົ້າແຂວງເຊກອງ, ຫົວໜ້າຄະນະຊີ້ນໍາຂັ້ນແຂວງ, ທ່ານ ນາງ ພອນສະຫຼີ ສຸກສະຫວັດ ຫົວໜ້າສູນສະຖິຕິແຫ່ງຊາດ, ຮອງຫົວໜ້າຄະນະຊີ້ນໍາລະດັບຊາດ, ມີເຈົ້າເມືອງລະມາມ ແລະເມືອງທ່າແຕງ, ຫົວໜ້າຫຼືຮອງພະແນກການຂັ້ນແຂວງ ພ້ອມດ້ວຍຂະແໜງການທີ່ກ່ຽວຂ້ອງຂັ້ນສູນກາງ, ຂັ້ນແຂວງ, ຂັ້ນເມືອງ ແລະນັກເດີນສໍາຫຼວດເຂົ້າຮ່ວມ.
ທ່ານ ນາງ ພອນສະຫຼີ ສຸກສະຫວັດ ກ່າວວ່າ: ການສໍາຫຼວດພົນລະເມືອງ ແລະ ທີ່ຢູ່ອາໄສ ແມ່ນພາບລວມຈໍານວນ ພົນລະເມືອງ ແລະ ອາຄານທີ່ຢູ່ອາໄສ ພາຍໃນປະເທດໃນຊ່ວງເວລາໜຶ່ງ. ການສໍາຫຼວດແມ່ນຈົດນັບປະຊາຊົນທຸກຄົນແລະອາຄານທີ່ຢູ່ອາໄສ ໃນໄລຍະເວລາສະເພາະ. ເພື່ອຮັບປະກັນວ່າການສໍາຫຼວດພົນລະເມືອງມີຄວາມສໍາເລັດນັ້ນ, ສູນສະຖິຕິແຫ່ງຊາດ ຈະໄດ້ດໍາເນີນການເຮັດທົດລອງເພື່ອທົດສອບ ບັນດາເຄື່ອງມືແລະຂະບວນການຕ່າງໆຂອງການສໍາຫຼວດພົນລະເມືອງ. ເຊິ່ງພວກເຮົາເອີ້ນວ່າ ແມ່ນການທົດລອງການສໍາຫຼວດພົນລະເມືອງ. ຊຶ່ງຈະໄດ້ຈັດຂຶ້ນ ໃນລະຫວ່າງວັນທີ 27 ພຶດສະພາ ຫາ ວັນທີ 16 ມີຖຸນາ ປີ 2024. ເຊິ່ງມີແຕ່ຄົວເຮືອນ ທີ່ນອນຢູ່ໃນເຂດສໍາລັບການທົດລອງເທົ່ານັ້ນທີ່ຈະໄດ້ຖືກຈົດນັບ. ເຊິ່ງຈະໄດ້ດໍາເນີນຢູ່ເຂດທີ່ໄດ້ຄັດເລືອກ ໃນ 4 ແຂວງ ຄື: ແຂວງບໍ່ແກ້ວ, ຫົວພັນ, ເຊກອງ ແລະ ນະຄອນຫຼວງວຽງຈັນ. ເຊິ່ງມີນັກກວດກາ ແລະ ນັກເດີນສໍາຫຼວດຫຼາຍກວ່າ 100 ຄົນຈະໄດ້ລົງໄປຫາຄົວເຮືອນປະຊາຊົນ ຈໍານວນປະມານ 25.000 ຄົວເຮືອນ ແລະ ນໍາ ໃຊ້ແທບເລັດໃນການເກັບກຳຂໍ້ມູນ.
ທ່ານ ຂັນຕີ ສີລະວົງສາ ກ່າວວ່າ: ຈຸດປະສົງການທົດລອງການສໍາຫຼວດພົນລະເມືອງຄັ້ງນີ້ ແມ່ນເພື່ອເກັບກຳສະຖິຕິພົນລະເມືອງລາວ ແລະ ຕ່າງປະເທດທີ່ດຳລົງຊີວິດຢູ່ລາວ ເກີນ 6 ເດືອນຂຶ້ນໄປ ລວມທັງເກັບກຳສະພາບການຂະຫຍາຍຕົວຂອງພົນລະເມືອງ; ເພື່ອເກັບກຳຂໍ້ມູນພື້ນຖານຂອງພົນລະເມືອງລາວ ກ່ຽວກັບການສຶກສາ, ການບໍລິການດ້ານສຸຂະພາບ, ຄຸນລັກສະນະຂອງທີ່ຢູ່ອາໄສ, ການດຳລົງຊີວິດ, ສະພາບຄວາມພິການ ແລະ ສະພາບການຍົກຍ້າຍຂອງພົນລະເມືອງ; ເກັບກຳສະພາບກຳລັງແຮງງານ ແລະ ສະພາບການມີວຽກເຮັດງານທຳ; ເປັນຖານຂໍ້ມູນອັນສຳຄັນໃຫ້ແກ່ການຄາດຄະເນພົນລະເມືອງ ແລະ ເປັນຖານຂໍ້ມູນອັບເດດໃຫ້ແກ່ການຕິດຕາມການຂຶ້ນສຳມະໂນຄົວ ແລະ ຂຶ້ນທະບຽນພົນລະເມືອງ; ສ້າງ ແລະ ປັບປຸງລະບົບຖານຂໍ້ມູນພົນລະເມືອງແຫ່ງຊາດ ໃຫ້ມີຄວາມຄົບຖ້ວນສົມບູນ ທີ່ສາມາດທຽບທັນ ແລະ ສົມທຽບກັບພາກພື້ນ ແລະ ສາກົນ; ສາມາດເກັບກຳໄດ້ຂໍ້ມູນພື້ນຖານທາງດ້ານເສດຖະກິດ ແລະ ສະພາບທ່າອ່ຽງໃນດ້ານສັງຄົມ ແລະ ຄວາມສະເໝີພາບຍິງຊາຍ. ຈາກນັ້ນທ່ານໄດ້ກ່າວເປີດບັ້ນທົດລອງການສໍາຫຼວດພົນລະເມືອງ ແລະທີ່ຢູ່ອາໄສ ທົ່ວປະເທດ ຄັ້ງທີ V ປີ 2025 ຢ່າງເປັນທາງການ.ຂ່າວ:ພຸດທະສອນ
ທ່ານ ນາງ ພອນສະຫຼີ ສຸກສະຫວັດ ກ່າວວ່າ: ການສໍາຫຼວດພົນລະເມືອງ ແລະ ທີ່ຢູ່ອາໄສ ແມ່ນພາບລວມຈໍານວນ ພົນລະເມືອງ ແລະ ອາຄານທີ່ຢູ່ອາໄສ ພາຍໃນປະເທດໃນຊ່ວງເວລາໜຶ່ງ. ການສໍາຫຼວດແມ່ນຈົດນັບປະຊາຊົນທຸກຄົນແລະອາຄານທີ່ຢູ່ອາໄສ ໃນໄລຍະເວລາສະເພາະ. ເພື່ອຮັບປະກັນວ່າການສໍາຫຼວດພົນລະເມືອງມີຄວາມສໍາເລັດນັ້ນ, ສູນສະຖິຕິແຫ່ງຊາດ ຈະໄດ້ດໍາເນີນການເຮັດທົດລອງເພື່ອທົດສອບ ບັນດາເຄື່ອງມືແລະຂະບວນການຕ່າງໆຂອງການສໍາຫຼວດພົນລະເມືອງ. ເຊິ່ງພວກເຮົາເອີ້ນວ່າ ແມ່ນການທົດລອງການສໍາຫຼວດພົນລະເມືອງ. ຊຶ່ງຈະໄດ້ຈັດຂຶ້ນ ໃນລະຫວ່າງວັນທີ 27 ພຶດສະພາ ຫາ ວັນທີ 16 ມີຖຸນາ ປີ 2024. ເຊິ່ງມີແຕ່ຄົວເຮືອນ ທີ່ນອນຢູ່ໃນເຂດສໍາລັບການທົດລອງເທົ່ານັ້ນທີ່ຈະໄດ້ຖືກຈົດນັບ. ເຊິ່ງຈະໄດ້ດໍາເນີນຢູ່ເຂດທີ່ໄດ້ຄັດເລືອກ ໃນ 4 ແຂວງ ຄື: ແຂວງບໍ່ແກ້ວ, ຫົວພັນ, ເຊກອງ ແລະ ນະຄອນຫຼວງວຽງຈັນ. ເຊິ່ງມີນັກກວດກາ ແລະ ນັກເດີນສໍາຫຼວດຫຼາຍກວ່າ 100 ຄົນຈະໄດ້ລົງໄປຫາຄົວເຮືອນປະຊາຊົນ ຈໍານວນປະມານ 25.000 ຄົວເຮືອນ ແລະ ນໍາ ໃຊ້ແທບເລັດໃນການເກັບກຳຂໍ້ມູນ.
ທ່ານ ຂັນຕີ ສີລະວົງສາ ກ່າວວ່າ: ຈຸດປະສົງການທົດລອງການສໍາຫຼວດພົນລະເມືອງຄັ້ງນີ້ ແມ່ນເພື່ອເກັບກຳສະຖິຕິພົນລະເມືອງລາວ ແລະ ຕ່າງປະເທດທີ່ດຳລົງຊີວິດຢູ່ລາວ ເກີນ 6 ເດືອນຂຶ້ນໄປ ລວມທັງເກັບກຳສະພາບການຂະຫຍາຍຕົວຂອງພົນລະເມືອງ; ເພື່ອເກັບກຳຂໍ້ມູນພື້ນຖານຂອງພົນລະເມືອງລາວ ກ່ຽວກັບການສຶກສາ, ການບໍລິການດ້ານສຸຂະພາບ, ຄຸນລັກສະນະຂອງທີ່ຢູ່ອາໄສ, ການດຳລົງຊີວິດ, ສະພາບຄວາມພິການ ແລະ ສະພາບການຍົກຍ້າຍຂອງພົນລະເມືອງ; ເກັບກຳສະພາບກຳລັງແຮງງານ ແລະ ສະພາບການມີວຽກເຮັດງານທຳ; ເປັນຖານຂໍ້ມູນອັນສຳຄັນໃຫ້ແກ່ການຄາດຄະເນພົນລະເມືອງ ແລະ ເປັນຖານຂໍ້ມູນອັບເດດໃຫ້ແກ່ການຕິດຕາມການຂຶ້ນສຳມະໂນຄົວ ແລະ ຂຶ້ນທະບຽນພົນລະເມືອງ; ສ້າງ ແລະ ປັບປຸງລະບົບຖານຂໍ້ມູນພົນລະເມືອງແຫ່ງຊາດ ໃຫ້ມີຄວາມຄົບຖ້ວນສົມບູນ ທີ່ສາມາດທຽບທັນ ແລະ ສົມທຽບກັບພາກພື້ນ ແລະ ສາກົນ; ສາມາດເກັບກຳໄດ້ຂໍ້ມູນພື້ນຖານທາງດ້ານເສດຖະກິດ ແລະ ສະພາບທ່າອ່ຽງໃນດ້ານສັງຄົມ ແລະ ຄວາມສະເໝີພາບຍິງຊາຍ. ຈາກນັ້ນທ່ານໄດ້ກ່າວເປີດບັ້ນທົດລອງການສໍາຫຼວດພົນລະເມືອງ ແລະທີ່ຢູ່ອາໄສ ທົ່ວປະເທດ ຄັ້ງທີ V ປີ 2025 ຢ່າງເປັນທາງການ.ຂ່າວ:ພຸດທະສອນ
ຄໍາເຫັນ