ຈໍາກັດຜູ້ດຽວ ແລະ ບໍລິສັດ ມາວາລິກ ແຮວ ຈໍາກັດ ໃນວັນທີ 23 ມີນາ ຜ່ານມາທີ່ບ້ານໜອງທານະຄອນຫຼວງວຽງຈັນ.
ເປັນກຽດລົງນາມໃນພິທີເຊັນບົດບັນທຶກຄວາມເຂົ້າໃຈ ໂດຍທ່ານ ນາງພຸດທະສອນ ສະວິສຸກ ອຳນວຍການ ບໍລິສັດ ເດິພາວເວີ ອັອຟ ໄລ ຂາເຂົ້າ - ຂາອອກ ຈໍາກັດຜູ້ດຽວ ຕາງໜ້າຝ່າຍ ສປປລາວ ແລະ ທ່ານ ນາງ ສາວິກຕຣີ ອີມທອງຄໍາ ຜູ້ອຳນວຍການ ໂຮງງານ ມາວາລິກ ແຮວ ຈໍາກັດ ຕາງໜ້າຝ່າຍຣາຊະອານາຈັກໄທ, ໃຫ້ກຽດເຂົ້າຮ່ວມ ເປັນສັກຂີພິຍານ ຂອງທ່ານ ພູທົງ ສຸວັນທອງ ຄະນະປະຈໍາພັກເມືອງ ເລຂາຊາວໜຸ່ມເມືອງຈັນທະບູລີ ຜູ້ຊີ້ນໍາ ສະມາຄົມນັກທຸລະກິດໜຸ່ມເມືອງຈັນທະບູລີ, ມີທ່ານ ຄໍາຈັນ ໂສຕາປະເສີດ ປະທານກຳມາທິການບັນດາເຜົ່າ ສະມາຊິກສະພາແຫ່ງຊາດ ຊຸດທີ 9 ປະຈໍາເຂດເລືອກຕັ້ງທີ 4 ແຂວງອຸດົມໄຊ, ທ່ານ ປຸກ ຕາມ່ອງ ຄະນະປະຈໍາ ຊາວໜຸ່ມເມືອງຈັນທະບູລີ ປະທານສະມາຄົມນັກທຸລະກິດໜຸ່ມເມືອງຈັນທະບູລີ, ທ່ານ ພັນນຸລັກ ຊາມຸນຕີ ຮອງປະທານ ສະມາຄົມນັກທຸລະກິດໜຸ່ມ ແຂວງວຽງຈັນ ພ້ອມດ້ວຍ ແຂກຖືກເຊີນ.
ທ່ານ ປຸກ ຕາມ່ອງ ໃຫ້ຮູ້ວ່າ: ຈຸດປະສົງຂອງການ ຈັດພິທີເຊັນບົດບັນທຶກຄວາມເຂົ້າໃຈ ໃນຄັ້ງນີ້ ກໍເພື່ອຮ່ວມມື ລະຫວ່າງ ບໍລິສັດ ເດິພາວເວີ ອັອຟ ໄລ ຂາເຂົ້າ - ຂາອອກ ຈໍາກັດຜູ້ດຽວ ຕາງໜ້າຝ່າຍປະເທດລາວ ແລະ ບໍລິສັດ ມາວາລິກ ແຮວ ຈໍາກັດ ຕາງໜ້າ ຝ່າຍປະເທດໄທ ຊຶ່ງເປັນໂຮງງານຜະລິດສິນຄ້າ ທີ່ເປັນອາຫານເສີມ ແລະ ເຄື່ອງສຳອາງທີ່ມີຄຸນນະພາບ ແລະ ໄດ້ມາດຕະຖານລະດັບສາກົນ ພ້ອມເປັນການສົ່ງເສີມໃຫ້ປະຊາຊົນລາວ ໄດ້ໃຊ້ສິນຄ້າທີ່ມີຄຸນນະພາບ. ທ່ານປຸກ ຕາມ່ອງ ຍັງໃຫ້ຮູ້ອີກວ່າ: ກ່ອນຈະມີພິທີດັ່ງກ່າວ ໃນໄລຍະຜ່ານມາ ທັງສອງຝ່າຍກໍໄດ້ມີການພົວພັນ ແລະ ຜະລິດສິນຄ້າເຂົ້າມາຈໍາໜ່າຍໃນ ສປປ ລາວ ເປັນໄລຍະ 1ປີກວ່າ ເຫັນໄດ້ວ່າຜະລິດຕະພັນດັ່ງກ່າວ ມີການຕອບຮັບຈາກລູກຄ້າເປັນຢ່າງດີ ແລະ ສາມາດສົ່ງເສີມໃຫ້ ຊາວໜຸ່ມ, ໄວໜຸ່ມ ໄດ້ມີວຽກເຮັດງານທຳໂດຍນໍາເອົາສິນຄ້າດັ່ງກ່າວ ໄປຈໍາໜ່າຍຕໍ່ ຈົນກາຍເປັນຜູ້ປະກອບການ, ເປັນນັກທຸລະກິດໄດ້. ດັ່ງນັ້ນຈຶ່ງປຶກສາຫາລືກັນເພື່ອເຊື່ອມສາຍສຳພັນໃນດ້ານທຸລະກິດ ລະຫວ່າງ ສອງຊາດ ລາວ-ໄທ ໃຫ້ແໜ້ນແຟ້ນຂຶ້ນກວ່າເກົ່າ ແລະ ເປັນການດຶງນັກທຸລະກິດຈາກຕ່າງປະເທດ ກໍຄື ຣາຊະອານາຈັກໄທ ມາລົງທຶນໃນ ສປປ ລາວ ແລະ ໃນອະນາຄົດ ຈະຮ່ວມມືກັນລົງທຶນສ້າງໂຮງງານໃນ ສປປ ລາວ.
ໃນພິທີ, ທ່ານ ພູທົງ ສຸວັນທອງ ໄດ້ໃຫ້ຄໍາເຫັນຕໍ່ພິທີ ຊຶ່ງກ່ອນອື່ນ ໄດ້ສະແດງຄວາມຊົມເຊີຍຕໍ່ສະມາຄົມນັກທຸລະກິດໜຸ່ມເມືຶອງຈັນທະບູລີ ກໍຄື ບໍລິສັດ ເດິພາວເວີ ອັອຟ ໄລ ທີ່ມີຄວາມເອົາໃຈໃສ່ ຈັດສັນສິນຄ້າທີ່ມີຄຸນນະພາບ ຈາກຕ່າງປະເທດ ແລະ ຜະລິດສິນຄ້າພາຍໃນ, ການດຳເນີນທຸລະກິດ ຕ້ອງກຳແໜ້ນແນວທາງນະໂຍບາຍຂອງພັກ ແລະ ກົດໝາຍຂອງ ສປປລາວເປັນຫຼັກ ຕ້ອງມີເອກະສານຢັ້ງຢືນຄວາມຖືກຕ້ອງ ແລະ ໃນການຢັ້ງຢືນຄຸນນະພາບສິນຄ້າ ຈາກພາກສ່ວນທີ່ກ່ຽວຂ້ອງແຕ່ລະຂະແໜງການ ເພື່ອເປັນບ່ອນອີງຕໍ່ຜູ້ບໍລິໂພກ ແລະ ຊົມໃຊ້ຜະລິດຕະພັນດັ່ງກ່າວ ແລະ ອີກອັນໜຶ່ງກໍຢາກໃຫ້ທາງສະມາຄົມນັກທຸລະກິດໜຸ່ມ, ພະຍາຍາມສ້າງນັກທຸລະກິດ,ສ້າງຜູ້ປະກອບການໃຫ້ນັບມື້ນັບຫຼາຍຂຶ້ນ,ສົ່ງເສີມສິນຄ້າພາຍໃນ ໃຫ້ຂະຫຍາຍຕົວຂຶ້ນເທື່ອລະກ້າວ. ພ້ອມດຽວກັນນັ້ນ ທ່ານ ຄໍາຈັນ ໂສຕາປະເສີດກ່າວວ່າ: ຍາມໃດການນໍາພັກ - ລັດກໍມີນະໂຍບາຍສົ່ງເສີມທຸລະກິດ ທັງພາຍໃນ ແລະ ຕ່າງປະເທດ ໃຫ້ບັນດານັກທຸລະກິດໄດ້ມີການລົງທຶນພາຍໃນ ຈະເປັນດ້ານກະສິກໍາ,ປູກຝັງ-ລ້ຽງສັດ, ດ້ານອຸດສາຫະກໍາ ແລະ ຜະລິດສິນຄ້າພາຍໃນໃຫ້ນັບມືນັບຫຼາຍຂຶ້ນໃຫ້ທຽບທັນພາກພື້ນ ແລະ ສາກົນ ສາມາດນໍາເອົາຜະລິດຕະພັນພາຍໃນສົ່ງອອກຈາກຕ່າງປະເທດ,ດຶງເອົານັກລົງທຶນຈາກຕ່າງປະເທດ ເຂົ້າມາລົງທຶນ ພາຍໃນໃຫ້ຫຼາຍຂຶ້ນ ເພື່ອຫຼຸດຜ່ອນການນໍາສິນຄ້າຈາກຕ່າງປະເທດເຂົ້າມາ.
(ຂ່າວ: ແສງຈັນ)
ຄໍາເຫັນ