ກຳມະການສູນກາງພັກ ເລຂາພັກແຂວງ ເຈົ້າແຂວງໆຊຽງຂວາງ, ມີຄະນະປະຈຳພັກແຂວງ, ກຳມະການພັກແຂວງ, ຫົວໜ້າ-ຮອງຫົວໜ້າພະແນກການ, ກຳລັງປ້ອງກັນຊາດ-ປ້ອງກັນຄວາມສະຫົງບ ແລະ ບັນດາພະນັກງານ-ລັດຖະກອນເຂົ້າຮ່ວມ.
ທ່ານ ບຸນຈັນ ສີວົງພັນ ໄດ້ປາຖະກະຖາເອກະສານວັນສ້າງຕັ້ງພັກປະຊາຊົນປະຕິວັດລາວຄົບຮອບ 70 ປີ (22ມີນາ1955-22ມີນາ2025), ມະຕິກອງປະຊຸມລັດຖະບານເປີດກ້ວາງຄັ້ງທີ II ປະຈຳປີ 2024, ດຳລັດວ່າດ້ວຍການປະຕິບັດນະໂຍບາຍຕໍ່ຜູ້ທີ່ມີຜົນງານ ແລະ ຄຸນງາມຄວາມດີໃນພາລະກິດການປະຕິວັດຊາດປະຊາທິປະໄຕ, ຄຳແນະນຳຂອງຄະນະປະຈຳພັກແຂວງວ່າດ້ວຍການກະກຽມ ແລະ ສະເຫຼີມສະຫຼອງ 3 ວັນປະຫັວດສາດໃນປີ 2025, ມະຕິວ່າດ້ວຍການແຕ່ງຕັ້ງຄະນະຮັບຜິດຊອບການກະກຽມ ແລະ ສະເຫຼີມສະຫຼອງ 3 ວັນປະຫັວດສາດຢູ່ແຂວງຊຽງຂວາງ, ຊຶ່ງບາງຕອນ ທ່ານໄດ້ກ່າວວ່າ: ເພື່ອເສີມຂະຫຍາຍມູນເຊືອທາດແທ້ຂອງພັກປະຊາຊົນປະຕິວັດລາວ, ພັກເຮົາມີຄວາມຈົງຮັກພັກດີ ແລະ ຍຶດໝັ້ນໃນແນວຄຶດ-ທິດສະດີມາກ-ເລນິນ, ແນວຄິດໄກສອນພົມວິຫານກໍຄືຈຸໝາຍສັງຄົມນິຍົມຢ່າງໜັກ ແໜ້ນ, ຢຶດໝັ້ນ ແລະ ປະຕິບັດຢ່າງຖືກຕ້ອງບັນດາຫຼັກການພື້ນຖານດ້ານການຈັດຕັ້ງ ແລະ ການເຄື່ອນໄຫວຂອງພັກນັ້ນ ຄືຫຼັກການລວມສູນປະຊາທິປະໄຕ, ເວລາໃດກໍຖືສຳຄັນການເສີມຂະຫຍາຍຄວາມສາມັກຄີເປັນເອກະພາບບົນພື້ນຖານແນວທາງນະໂຍບາຍຂອງພັກ, ພັກເຮົາເວລາໃດກໍຢຶດໝັ້ນໃນທາດແທ້ຖືປະຊາຊົນເປັນກົກ ແລະ ມີຄວາມຈົງຮັກພັກດີຕໍ່ຜົນປະໂຫຍດລວມຂອງຊາດ, ຂອງປະຊາຊົນ, ຖືການສະນັບສະໜູນຂອງປະຊາຊົນເປັນສິ່ງສຳຄັນຕັດສິນບົດບາດນຳພາ ແລະ ການກຳອຳນາດຂອງພັກ. ຈາກນັ້ນ ຈິ່ງມີຄວາມເປັນເຈົ້າການປັບປຸງແບບແຜນວິທີນຳພາຂອງພັກ, ເຄື່ອນໄຫວຕິດແທດກັບປະຊາຊົນ, ເຄົາລົບສິດເປັນເຈົ້າຂອງປະຊາຊົນເຮັດທຸກສິ່ງ ທຸກຢ່າງເພື່ອຄວາມຮັ່ງມີຜາສຸກຂອງປະຊາຊົນ ແລະ ຄວາມມັ່ງຄັ່ງເຂັ້ມແຂງຂອງປະເທດຊາດ, ພັກສະແດງຄວາມກ້າຫານ, ກ້າປະເຊີນໜ້າກັບບັນຫາຕົວຈິງ, ກ້າຮັບເອົາຄວາມເປັນຈິງ ແລະ ກ້າປ່ຽນແປງໂຕເອງ, ດ້ວຍການນຳພາເດັດຂາດ, ໂດຍກົງ, ຮອບດ້ານ, ກຳອຳນາດຕາມກົດໝາຍເຊີດຊູລັກຊະນະນຳໜ້າຂອງພັກ ແລະ ຄວາມເປັນແບບຢ່າງຂອງສະມາຊິກພັກ, ຄວາມເດັດຂາດເຂັ້ມງວດໃນການຈຳກັດແກ້ໄຂປະກົດການຫຍໍ້ທໍ້ທີ່ເຮັດໃຫ້ພັກເຊື່ອມອິດທິພົນ, ບົດບາດ ແລະ ຄວາມເຊື່ອໝັ້ນຈາກປະຊາຊົນ, ພັກເຮົາເວລາໃດກໍ່ຢຶດໝັ້ນຈິດໃຈຊາດ, ເອກະລາດເປັນເຈົ້າຕົນເອງເພິ່ງຕົນເອງ ສ້າງຄວາມເຂັ້ມແຂງດ້ວຍຕົນເອງ ຕັ້ງໜ້າເສີມກຳລັງແຮງພາຍໃນຊາດສົມທົບກັບການພົວພັນຮ່ວມມືກັບພັກປະເທດເພື່ອນມິດຍຸດທະສາດ ແລະ ການຍາດແຍງເອົາການສະນັບສະໜູນຊ່ວຍເຫຼືອຈາກພາຍນອກຢ່າງມີຫຼັກການ ສ້າງເປັນກຳລັງແຮງສັງລວມເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ.
(ຂ່າວ: ບຸນມີ ແສງທຸມມີ)
ຄໍາເຫັນ