ໃນວັນທີ 14 ພະຈິກນິີ້ ທີ່ຫໍສະພາແຫ່ງຊາດ, ທ່ານ ນາງ ສູນທອນ ໄຊຍະຈັກ ຮອງປະທານສະພາແຫ່ງຊາດ ໄດ້ກ່າວຖະແຫຼງຂ່າວວ່າ: ການຈັດຕັ້ງປະຕິບັດແຜນການ ປະຈໍາປີ 2023 ມີຜົນສຳເລັດຫຼາຍດ້ານ ຊຶ່ງໃນດ້ານນິຕິບັນຍັດ ໄດ້ສ້າງ ແລະ ປັບປຸງກົດໝາຍ ສາມາດປະຕິບັດໄດ້ຈໍານວນ 18 ສະບັບ; ຈັດຕັ້ງກອງປະຊຸມປະເມີນການປະຕິບັດກົດໝາຍ ຂົງເຂດປ້ອງກັນຊາດ-ປ້ອງກັນຄວາມສະຫງົບ, ກົດໝາຍຂົງເຂດຍຸຕິທໍາ ແລະ ກົດໝາຍຂົງເຂດສະພາແຫ່ງຊາດ ຈໍານວນ 11 ສະບັບ.
ພ້ອມນີ້, ກໍຍັງມີດ້ານການຕິດຕາມກວດກາ ແມ່ນໄດ້ຕິດຕາມກວດກາ, ຊຸກຍູ້ ແລະ ເກັບກໍາຂໍ້ມູນວຽກງານພົ້ນເດັ່ນ ໄດ້ຈໍານວນ 27 ຄັ້ງ, ດໍາເນີນກອງປະຊຸມຮ່ວມ ລະຫວ່າງຄະນະປະຈໍາສະພາແຫ່ງຊາດ ແລະ ລັດຖະບານ ຈຳນວນ 2 ຄັ້ງ, ໂດຍໄດ້ພິຈາລະນາ 15 ເນື້ອໃນ ແລະ ດໍາເນີນກອງປະຊຸມຮ່ວມ ລະຫວ່າງ ຄະນະປະຈໍາສະພາແຫ່ງຊາດ ກັບອົງການໄອຍະການປະຊາຊົນສູງສຸດ, ສານປະຊາຊົນສູງສຸດ, ອົງການກວດກາແຫ່ງລັດ, ອົງການກວດສອບແຫ່ງລັດ, ສູນກາງແນວລາວສ້າງຊາດ, ສະຫະພັນນັກຮົບເກົ່າແຫ່ງຊາດ ແລະ ອົງການຈັດຕັ້ງມະຫາຊົນຂັ້ນສູນກາງ ພາກສ່ວນລະ 1 ຄັ້ງ; ໄດ້ຮັບຄໍາສະເໜີ, ຄໍາຮ້ອງຂໍຄວາມເປັນທໍາຂອງພົນລະເມືອງ ລວມທັງໝົດຈໍານວນ 951 ເລື່ອງ; ຕ້ອນຮັບ ແລະ ໃຫ້ຄໍາປຶກສາແກ່ປະຊາຊົນ ໄດ້ຈຳນວນ 225 ຄັ້ງ; ຈັດຕັ້ງການປະເມີນຄວາມໄວ້ວາງໃຈ ຕໍ່ບຸກຄະລາກອນທີ່ສະພາແຫ່ງຊາດ ເລືອກຕັ້ງ ແລະ ຮັບຮອງເອົາການແຕ່ງຕັ້ງ ຢູ່ໃນວາລະການດຳເນີນກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX; ເກັບກໍາສັງລວມຄໍາສະເໜີຂອງປະຊາຊົນ ຜ່ານໂທລະສັບສາຍດ່ວນ ໄດ້ຈໍານວນ 1.509 ສາຍ, ສາມາດສັງລວມໄດ້ 761 ເນື້ອໃນ ແລະ ສົ່ງໃຫ້ກະຊວງ, ອົງການ, ຂະແໜງການ, ພາກສ່ວນກ່ຽວຂ້ອງແລ້ວ ຈໍານວນ 41 ພາກສ່ວນ ພິຈາລະນາແກ້ໄຂ.
ນອກຈາກການປະຕິບັດພາລະບົດບາດຂອງສະພາແຫ່ງຊາດແລ້ວ ຍັງໄດ້ປະຕິບັດໜ້າທີ່ວຽກງານປິ່ນອ້ອມຈຳນວນໜຶ່ງ ດັ່ງນີ້: ຄົ້ນຄວ້າສ້າງ ແລະ ປັບປຸງນິຕິກໍາ ຂອງສະພາແຫ່ງຊາດ ຈໍານວນ 15 ສະບັບ ສໍາເລັດແລ້ວ ຈໍານວນ 4 ສະບັບ; ການຈັດຝຶກອົບຮົມໃຫ້ແກ່ສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນຂັ້ນແຂວງ ແລະ ພະນັກງານ-ລັດຖະກອນ ທັງສູນກາງ ແລະ ທ້ອງຖິ່ນ ໄດ້ຈໍານວນ 34 ຄັ້ງ; ເຄື່ອນໄຫວຢ້ຽມຢາມ ແລະ ແລກປ່ຽນບົດຮຽນ ກັບບັນດາປະເທດເພື່ອນມິດຍຸດທະສາດ ແລະ ຕ່າງປະເທດ ທັງໝົດ ຈຳນວນ 8 ຄັ້ງ; ຕ້ອນຮັບຄະນະຜູ້ແທນຂັ້ນສູງຂອງຕ່າງປະເທດ ທີ່ມາຢ້ຽມຢາມ ແລະ ເຮັດວຽກ ຢູ່ ສປປ ລາວ ຈຳນວນ 15 ຄະນະ; ຕ້ອນຮັບການເຂົ້າຢ້ຽມຂໍ່ານັບ ຂອງຄະນະຜູ້ແທນພາຍໃນ ແລະ ຕ່າງປະເທດ ຈໍານວນ 25 ຄະນະ; ກະກຽມເປັນເຈົ້າພາບຈັດກອງປະຊຸມສຸດຍອດລັດຖະສະພາສາມປະເທດ ກຳປູເຈຍ-ລາວ-ຫວຽດນາມ (CLV) ຄັ້ງທີ 1 ໃນທ້າຍປີ 2023 ແລະ ກະກຽມດ້ານຕ່າງໆ ໃຫ້ແກ່ການເປັນເຈົ້າພາບກອງປະຊຸມໃຫຍ່ ສະມັດຊາລັດຖະສະພາລະຫວ່າງຊາດອາຊຽນ (AIPA) ຄັ້ງທີ 45 ຢູ່ ສປປ ລາວ ໃນປີ 2024.
ທ່ານຮອງປະທານສະພາແຫ່ງຊາດ ຍັງໄດ້ກ່າວກ່ຽວກັບທິດທາງແຜນການ ປະຈໍາປີ 2024 ຂອງສະພາແຫ່ງຊາດ ຊຸດທີ IX ວ່າ: ດ້ານນິຕິບັນຍັດ ຈະສ້າງ ແລະ ປັບປຸງກົດໝາຍ ປະຈໍາປີ 2024 ຈໍານວນ 26 ສະບັບ; ຄົ້ນຄວ້າ ກະກຽມປັບປຸງລັດຖະທໍາມະນູນ ແຫ່ງ ສປປ ລາວ ເພື່ອຂໍທິດຊີ້ນໍາຈາກກົມການເມືອງສູນກາງພັກ; ຄົ້ນຄວ້າການໃຫ້ສັດຕະຍາບັນແກ່ ສົນທິສັນຍາ-ສັນຍາສາກົນ ທີ່ ສປປ ລາວ ເປັນພາຄີ ຕາມການສະເໜີຂອງພາກສ່ວນກ່ຽວຂ້ອງ. ດ້ານການຕົກລົງບັນຫາສໍາຄັນພື້ນຖານຂອງປະເທດຊາດຈັດຕັ້ງປະຕິບັດພາລະບົດບາດ ຕົກລົງບັນຫາສໍາຄັນພື້ນຖານຂອງປະເທດຊາດ ໂດຍຜ່ານການດໍາເນີນກອງປະຊຸມສະໄໝສາມັນ ເທື່ອທີ 7 ແລະ ເທື່ອທີ 8 ຂອງສະພາແຫ່ງຊາດ ຊຸດທີ IX ເພື່ອພິຈາລະນາຮັບຮອງເອົາ ແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ, ແຜນເງິນຕາ ແລະ ວຽກງານອື່ນໆ ຕາມການຕົກລົງຂອງ ຄະນະປະຈໍາສະພາແຫ່ງຊາດ; ດໍາເນີນກອງປະຊຸມຄະນະປະຈໍາສະພາແຫ່ງຊາດ ໃນແຕ່ລະເດືອນ ເພື່ອພິຈາລະນາຕົກລົງບັນຫາສໍາຄັນຕາມຂອບເຂດສິດ ແລະ ໜ້າທີ່ຂອງຕົນ.
ນອກຈາກນີ້, ໃນປີ 2024 ກໍຍັງມີທິດທາງແຜນການດ້ານການຕິດຕາມກວດກາ ໂດຍຈະຕິດຕາມກວດກາ ການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ, ແຜນງົບປະມານ ແລະ ແຜນເງິນຕາ ປະຈຳປີ 2024, ແຜນການເຄື່ອນໄຫວຽກງານຂອງສານປະຊາຊົນສູງສຸດ ແລະ ອົງການໄອຍະການປະຊາຊົນສູງສຸດ, ອົງການສືບສວນ-ສອບສວນ ແລະ ອົງການປະຕິບັດຄໍາຕັດສິນຂອງສານ;ດໍາເນີນກອງປະຊຸມຮ່ວມ ລະຫວ່າງ ຄະນະປະຈໍາສະພາແຫ່ງຊາດກັບຄະນະລັດຖະບານ, ອົງການໄອຍະການປະຊາຊົນສູງສຸດ, ສານປະຊາຊົນສູງສຸດ, ອົງການກວດສອບແຫ່ງລັດ, ອົງການກວດກາແຫ່ງລັດ, ສູນກາງແນວລາວສ້າງຊາດ, ສະຫະພັນນັກຮົບເກົ່າແຫ່ງຊາດ ແລະ ອົງການຈັດຕັ້ງມະຫາຊົນຂັ້ນສູນກາງ; ຮັບ ແລະ ພິຈາລະນາຄຳສະເໜີ, ຄໍາຮ້ອງຂໍຄວາມເປັນທຳຂອງປະຊາຊົນ.
ສ່ວນການປະຕິບັດວຽກງານປິ່ນອ້ອມຕ່າງໆ ໃນປີ 2024 ນັ້ນ, ແມ່ນຈະຍົກສູງຂີດຄວາມສາມາດໃຫ້ແກ່ສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນຂັ້ນແຂວງ ໃນວຽກງານວິຊາສະເພາະຕ່າງໆ ຕາມການຕົກລົງຂອງຄະນະປະຈຳສະພາແຫ່ງຊາດ; ປະສານສົມທົບກັບພາກສ່ວນຕ່າງໆ ໃນການກະກຽມວຽກງານຮອບດ້ານໃນການເລືອກຕັ້ງສະມາຊິກສະພາແຫ່ງຊາດ ຊຸດທີ X ແລະ ສະມາຊິກສະພາປະຊາຊົນຂັ້ນແຂວງ ຊຸດທີ III; ກະກຽມກອງປະຊຸມລັດຖະສະພາລະຫວ່າງຊາດ ອາຊຽນ (AIPA) ຄັ້ງທີ 45 ທີ່ ສປປ ລາວ ເປັນເຈົ້າພາບ; ເປັນເຈົ້າພາບກອງປະຊຸມສອງຫ້ອງວ່າການສະພາແຫ່ງຊາດລາວ-ຫວຽດນາມ ຄັ້ງທີ XII.
(ຂ່າວ-ພາບ: ສຸກສະຫວັນ)
ພ້ອມນີ້, ກໍຍັງມີດ້ານການຕິດຕາມກວດກາ ແມ່ນໄດ້ຕິດຕາມກວດກາ, ຊຸກຍູ້ ແລະ ເກັບກໍາຂໍ້ມູນວຽກງານພົ້ນເດັ່ນ ໄດ້ຈໍານວນ 27 ຄັ້ງ, ດໍາເນີນກອງປະຊຸມຮ່ວມ ລະຫວ່າງຄະນະປະຈໍາສະພາແຫ່ງຊາດ ແລະ ລັດຖະບານ ຈຳນວນ 2 ຄັ້ງ, ໂດຍໄດ້ພິຈາລະນາ 15 ເນື້ອໃນ ແລະ ດໍາເນີນກອງປະຊຸມຮ່ວມ ລະຫວ່າງ ຄະນະປະຈໍາສະພາແຫ່ງຊາດ ກັບອົງການໄອຍະການປະຊາຊົນສູງສຸດ, ສານປະຊາຊົນສູງສຸດ, ອົງການກວດກາແຫ່ງລັດ, ອົງການກວດສອບແຫ່ງລັດ, ສູນກາງແນວລາວສ້າງຊາດ, ສະຫະພັນນັກຮົບເກົ່າແຫ່ງຊາດ ແລະ ອົງການຈັດຕັ້ງມະຫາຊົນຂັ້ນສູນກາງ ພາກສ່ວນລະ 1 ຄັ້ງ; ໄດ້ຮັບຄໍາສະເໜີ, ຄໍາຮ້ອງຂໍຄວາມເປັນທໍາຂອງພົນລະເມືອງ ລວມທັງໝົດຈໍານວນ 951 ເລື່ອງ; ຕ້ອນຮັບ ແລະ ໃຫ້ຄໍາປຶກສາແກ່ປະຊາຊົນ ໄດ້ຈຳນວນ 225 ຄັ້ງ; ຈັດຕັ້ງການປະເມີນຄວາມໄວ້ວາງໃຈ ຕໍ່ບຸກຄະລາກອນທີ່ສະພາແຫ່ງຊາດ ເລືອກຕັ້ງ ແລະ ຮັບຮອງເອົາການແຕ່ງຕັ້ງ ຢູ່ໃນວາລະການດຳເນີນກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX; ເກັບກໍາສັງລວມຄໍາສະເໜີຂອງປະຊາຊົນ ຜ່ານໂທລະສັບສາຍດ່ວນ ໄດ້ຈໍານວນ 1.509 ສາຍ, ສາມາດສັງລວມໄດ້ 761 ເນື້ອໃນ ແລະ ສົ່ງໃຫ້ກະຊວງ, ອົງການ, ຂະແໜງການ, ພາກສ່ວນກ່ຽວຂ້ອງແລ້ວ ຈໍານວນ 41 ພາກສ່ວນ ພິຈາລະນາແກ້ໄຂ.
ນອກຈາກການປະຕິບັດພາລະບົດບາດຂອງສະພາແຫ່ງຊາດແລ້ວ ຍັງໄດ້ປະຕິບັດໜ້າທີ່ວຽກງານປິ່ນອ້ອມຈຳນວນໜຶ່ງ ດັ່ງນີ້: ຄົ້ນຄວ້າສ້າງ ແລະ ປັບປຸງນິຕິກໍາ ຂອງສະພາແຫ່ງຊາດ ຈໍານວນ 15 ສະບັບ ສໍາເລັດແລ້ວ ຈໍານວນ 4 ສະບັບ; ການຈັດຝຶກອົບຮົມໃຫ້ແກ່ສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນຂັ້ນແຂວງ ແລະ ພະນັກງານ-ລັດຖະກອນ ທັງສູນກາງ ແລະ ທ້ອງຖິ່ນ ໄດ້ຈໍານວນ 34 ຄັ້ງ; ເຄື່ອນໄຫວຢ້ຽມຢາມ ແລະ ແລກປ່ຽນບົດຮຽນ ກັບບັນດາປະເທດເພື່ອນມິດຍຸດທະສາດ ແລະ ຕ່າງປະເທດ ທັງໝົດ ຈຳນວນ 8 ຄັ້ງ; ຕ້ອນຮັບຄະນະຜູ້ແທນຂັ້ນສູງຂອງຕ່າງປະເທດ ທີ່ມາຢ້ຽມຢາມ ແລະ ເຮັດວຽກ ຢູ່ ສປປ ລາວ ຈຳນວນ 15 ຄະນະ; ຕ້ອນຮັບການເຂົ້າຢ້ຽມຂໍ່ານັບ ຂອງຄະນະຜູ້ແທນພາຍໃນ ແລະ ຕ່າງປະເທດ ຈໍານວນ 25 ຄະນະ; ກະກຽມເປັນເຈົ້າພາບຈັດກອງປະຊຸມສຸດຍອດລັດຖະສະພາສາມປະເທດ ກຳປູເຈຍ-ລາວ-ຫວຽດນາມ (CLV) ຄັ້ງທີ 1 ໃນທ້າຍປີ 2023 ແລະ ກະກຽມດ້ານຕ່າງໆ ໃຫ້ແກ່ການເປັນເຈົ້າພາບກອງປະຊຸມໃຫຍ່ ສະມັດຊາລັດຖະສະພາລະຫວ່າງຊາດອາຊຽນ (AIPA) ຄັ້ງທີ 45 ຢູ່ ສປປ ລາວ ໃນປີ 2024.
ທ່ານຮອງປະທານສະພາແຫ່ງຊາດ ຍັງໄດ້ກ່າວກ່ຽວກັບທິດທາງແຜນການ ປະຈໍາປີ 2024 ຂອງສະພາແຫ່ງຊາດ ຊຸດທີ IX ວ່າ: ດ້ານນິຕິບັນຍັດ ຈະສ້າງ ແລະ ປັບປຸງກົດໝາຍ ປະຈໍາປີ 2024 ຈໍານວນ 26 ສະບັບ; ຄົ້ນຄວ້າ ກະກຽມປັບປຸງລັດຖະທໍາມະນູນ ແຫ່ງ ສປປ ລາວ ເພື່ອຂໍທິດຊີ້ນໍາຈາກກົມການເມືອງສູນກາງພັກ; ຄົ້ນຄວ້າການໃຫ້ສັດຕະຍາບັນແກ່ ສົນທິສັນຍາ-ສັນຍາສາກົນ ທີ່ ສປປ ລາວ ເປັນພາຄີ ຕາມການສະເໜີຂອງພາກສ່ວນກ່ຽວຂ້ອງ. ດ້ານການຕົກລົງບັນຫາສໍາຄັນພື້ນຖານຂອງປະເທດຊາດຈັດຕັ້ງປະຕິບັດພາລະບົດບາດ ຕົກລົງບັນຫາສໍາຄັນພື້ນຖານຂອງປະເທດຊາດ ໂດຍຜ່ານການດໍາເນີນກອງປະຊຸມສະໄໝສາມັນ ເທື່ອທີ 7 ແລະ ເທື່ອທີ 8 ຂອງສະພາແຫ່ງຊາດ ຊຸດທີ IX ເພື່ອພິຈາລະນາຮັບຮອງເອົາ ແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ, ແຜນເງິນຕາ ແລະ ວຽກງານອື່ນໆ ຕາມການຕົກລົງຂອງ ຄະນະປະຈໍາສະພາແຫ່ງຊາດ; ດໍາເນີນກອງປະຊຸມຄະນະປະຈໍາສະພາແຫ່ງຊາດ ໃນແຕ່ລະເດືອນ ເພື່ອພິຈາລະນາຕົກລົງບັນຫາສໍາຄັນຕາມຂອບເຂດສິດ ແລະ ໜ້າທີ່ຂອງຕົນ.
ນອກຈາກນີ້, ໃນປີ 2024 ກໍຍັງມີທິດທາງແຜນການດ້ານການຕິດຕາມກວດກາ ໂດຍຈະຕິດຕາມກວດກາ ການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ, ແຜນງົບປະມານ ແລະ ແຜນເງິນຕາ ປະຈຳປີ 2024, ແຜນການເຄື່ອນໄຫວຽກງານຂອງສານປະຊາຊົນສູງສຸດ ແລະ ອົງການໄອຍະການປະຊາຊົນສູງສຸດ, ອົງການສືບສວນ-ສອບສວນ ແລະ ອົງການປະຕິບັດຄໍາຕັດສິນຂອງສານ;ດໍາເນີນກອງປະຊຸມຮ່ວມ ລະຫວ່າງ ຄະນະປະຈໍາສະພາແຫ່ງຊາດກັບຄະນະລັດຖະບານ, ອົງການໄອຍະການປະຊາຊົນສູງສຸດ, ສານປະຊາຊົນສູງສຸດ, ອົງການກວດສອບແຫ່ງລັດ, ອົງການກວດກາແຫ່ງລັດ, ສູນກາງແນວລາວສ້າງຊາດ, ສະຫະພັນນັກຮົບເກົ່າແຫ່ງຊາດ ແລະ ອົງການຈັດຕັ້ງມະຫາຊົນຂັ້ນສູນກາງ; ຮັບ ແລະ ພິຈາລະນາຄຳສະເໜີ, ຄໍາຮ້ອງຂໍຄວາມເປັນທຳຂອງປະຊາຊົນ.
ສ່ວນການປະຕິບັດວຽກງານປິ່ນອ້ອມຕ່າງໆ ໃນປີ 2024 ນັ້ນ, ແມ່ນຈະຍົກສູງຂີດຄວາມສາມາດໃຫ້ແກ່ສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນຂັ້ນແຂວງ ໃນວຽກງານວິຊາສະເພາະຕ່າງໆ ຕາມການຕົກລົງຂອງຄະນະປະຈຳສະພາແຫ່ງຊາດ; ປະສານສົມທົບກັບພາກສ່ວນຕ່າງໆ ໃນການກະກຽມວຽກງານຮອບດ້ານໃນການເລືອກຕັ້ງສະມາຊິກສະພາແຫ່ງຊາດ ຊຸດທີ X ແລະ ສະມາຊິກສະພາປະຊາຊົນຂັ້ນແຂວງ ຊຸດທີ III; ກະກຽມກອງປະຊຸມລັດຖະສະພາລະຫວ່າງຊາດ ອາຊຽນ (AIPA) ຄັ້ງທີ 45 ທີ່ ສປປ ລາວ ເປັນເຈົ້າພາບ; ເປັນເຈົ້າພາບກອງປະຊຸມສອງຫ້ອງວ່າການສະພາແຫ່ງຊາດລາວ-ຫວຽດນາມ ຄັ້ງທີ XII.
(ຂ່າວ-ພາບ: ສຸກສະຫວັນ)
