ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 1 ມັງກອນປີ 2025, ຈຳນວນນັກທ່ອງທ່ຽວທີ່ເດີນທາງເຂົ້າມາ ນະຄອນຫຼວງຮ່າໂນ້ຍ ຍັງເພີ່ມຂຶ້ນສູງ, ຄາດວ່າບັນລຸ 160,000 ເທື່ອຄົນ, ເພີ່ມຂຶ້ນ 17% ເມື່ອທຽບກັບປີກ່ອນ.

ຂ່າວລາຍງານວ່າ: ພະແນກທ່ອງທ່ຽວ ນະຄອນຫຼວງຮ່າໂນ້ຍໃຫ້ຮູ້ວ່າ, ຍ້ອນວ່າປີນີ້ເວລາພັກບຸນປີໃໝ່ສາກົນພຽງແຕ່ 1 ວັນ. ດັ່ງນັ້ນ, ປະຊາຊົນສ່ວນຫຼາຍເລືອກເອົາວິທີການຜັກຜ່ອນ, ທ່ອງທ່ຽວຢູ່ກັບທີ່. ເຖິງຢ່າງໃດກໍຕາມ, ຈຳນວນນັກທ່ອງທ່ຽວມາຍັງນະຄອນຫຼວງຮ່າໂນ້ຍ ຍັງເພີ່ມຂຶ້ນສູງ, ຄາດວ່າບັນລຸ 160,000 ເທື່ອຄົນ, ເພີ່ມຂຶ້ນ 17% ເມື່ອທຽບກັບປີກ່ອນ. ກ່ອນໜ້ານັ້ນ, ນັກທ່ອງທ່ຽວສາກົນ ຄາດວ່າບັນລຸ 28,400 ເທື່ອຄົນ, ເພີ່ມຂຶ້ນ 67%. ຍອດລາຍຮັບຈາກນັກທ່ອງທ່ຽວຄາດວ່າບັນລຸ 594 ຕື້ດົງ (ເກືອບ 25 ລ້ານໂດລາ), ເພີ່ມຂຶ້ນ 26% ເມື່ອທຽບ ກັບປີ 2024.