ຂ່າວສານຊີອາໄອ ລາຍງານຫວ່າງບໍ່ດົນມານີ້ວ່າ: ທ່ານ ອັນ​ໂຕ​ນີ​ໂອ ກູ​ເຕີ​ເຣັ​ສ ເລ​ຂາ​ທິ​ການ​ໃຫຍ່​ອົງ​ການ​ສະ​ຫະ​ປະ​ປະ​ຊາ​ຊາດ​ໄດ້​ກ່າວ​ຄຳ​ອວຍ​ພອນ​ປີ​ໃໝ່​ສາ​ກົນ​ 2025 ຜ່ານ​ທາງວິ​ດີ​ໂອ​ໂດຍ​ກ່າວວ່າ: ປີ 2024, ສົງ​ຄາມ​ພວມ​ເຮັດ​ໃຫ້​ເກີດ​ມີ​ຄວາ​ມ​ເຈັບປວດ​ທໍ​ລະ​ມານ ແລະ​ການ​ຊັດ​ເຊ​ພະ​ເນ​ຈອນ​ທີ່ມະ​ຫາ​ສານ, ຄວາມ​ບໍ່​ສະ​ເໝີ​ພາບ​ກັນ​ແລະ​ການ​ແບ່ງ​ແຍກ​ກັນ​ມີ​ຢູ່​ໃນ​ທົ່ວທະວີບ,​ເຮັດ​ໃຫ້​ມີຄວາມ​ເຄັ່ງ​ຕຶງ​ແລະ​ບໍ່​​ໄວ້​ເນື້ອ​ເຊື່ອ​ໃຈ​ກັນ​ທີ່​ຮ້າຍ​ແຮງ​ຂຶ້ນ​ຕື່ມ. ແຕ່​ເຖິງວ່າ​​ຢູ່​ໃນ​ໄລ​ຍະ​ເວ​ລາ​ທີ່ມືດ​ມົວ​ທີ່​ສຸດ​ກໍ​ຕາມ, “ຂ້າ​ພະ​ເຈົ້າ​ກໍ​ເຄີຍ​ໄດ້​ເຫັນຄວາມ​ຫວັງ​ໃນ​ການ​ຊຸກ​ຍູ້​ການ​ຫັນ​ປ່ຽນ​ແລະ​ການ​ປະ​ຕິ​ຮູບ”.

ທ່ານກ່າວ​ວ່າ: “ຂ້າ​ພະ​ເຈົ້າ​ໄດ້​ເຫັນ​ຄວາມ​ຫວັງ​ຢູ່​ນຳ​ໂຕວິ​ລະ​ຊົນ​ທີ່​ຢຶດ​ໝັ້ນມະ​ນຸດ​ສະ​ທຳ,ໄດ້​ເຫັນ​ຄວາມ​ຫວັງ​​ຢູ່​ໃນ​ປະ​ເທດ​ພວມ​ພັດ​ທະ​ນາ.” ໃນ​ເດືອນ​ກັນ​ຍາ​ປີ​ 2024 ນີ້ ຜູ້​ນຳ​ບັນ​ດາ​ປະ​ເທດ​ໃນ​ໂລກ​ໄດ້​ຮ່ວມ​ກັນ​ຮັບ​ຮອງ “ສັນ​ຍາ​ວ່າ​ດ້ວຍ​ອະ​ນາ​ຄົດ” ຊຶ່ງໄດ້​ເຮັດ​ໃຫ້​ຊາວ​ໂລກ​ໄດ້​ເຫັນ​ຄວາມ​ຫວັງ​ເຊັ່ນ​​ກັນ. ທ່ານ​ຮຽກ​ຮ້ອງ​ໃຫ້​ບັນ​ດາ​ປະ​ເທດ​ໃນ​ໂລກ​ຮ່ວມ​ແຮງ​ຮ່ວມ​ໃຈ​ກັນ,ເພື່ອ​ເຮັດ​ໃຫ້​ປີ 2025 ກາຍ​ເປັນ​ຈຸດ​ເລີ່ມ​ຕົ້ນ​ໃໝ່​. ​ພ້ອມ​ກັນ​ນັ້ນ,ທ່ານ​ຍັງ​ໄດ້​ຮຽກ​ຮ້ອງ​ໃຫ້​ບັນ​ດາ​ປະ​ເທດ​ໃນ​ໂລກ​ຫຼຸດ​ປະ​ລິ​ມານການ​ລະ​ບາຍ​ກາກບອນ​ດີ​ອອກ​ຊິດ​ໃນ​ປີ 2025.