ຂ່າວສານຊີອາໄອລາຍງານ, ໃນວັນ​ທີ 9 ມັງ​ກອນ ຜ່ານມາ ກຸ່ມ​ສາມ​ຮ່ອມ​ພູ​ຈີນ​ເປີດ​ເຜີຍ​ໃຫ້​ຮູ້​ວ່າ:ປະ​ລິ​ມານການ​ຜະ​ລິດ​ໄຟ​ຟ້າ​ຢູ່​ແລວພະ​ລັງ​ງານ​ສະ​ອ​າດ​ໃຫຍ່ກວ່າ​ໝູ່​​ຂອງ​ໂລກໃນ​ປີ2024 ໄດ້​ເພີ່ມ​ຂຶ້ນ​ຫຼາຍກວ່າ 7% ເມື່ອ​ທຽບ​ໃສ່​ເວ​ລາ​ດຽວ​ກັນ​ຂອງ​ປີ​ກາຍ ຊຶ່ງ​ເປັນ​ກຳ​ລັງ​ຄ້ຳ​ຊູ​ແຂງ​ແຮງ​ຕໍ່​ການ​ປ່ຽນ​ໃຊ້ພະ​ລັງ​ງານ​ສີ​ຂຽວ​ຂອງ​ຈີນ.

ຂ່າວລະບຸວ່າ: ​​ໂຮງ​ໄຟ​ຟ້າ​ນ້ຳ​ຕົກ​ 6 ແຫ່ງ​ຕາມສາ​ຂາແມ່​ນ້ຳ​​ຢັງ​ຊີ​ກຽງຄື: ​ອູ່​ຕົ່ງ​ເຕີ, ປາຍ​ເຮີ້​ທ່ານ, ຊີ່​ໂລ້​ຕູ້, ຊ້ຽງ​ເຈ່ຍ​ປ້າ, ສາມ​ຮ່ອມ​ພູ ແລະ​ເກີ​ໂຈ່​ປ້າ ປະ​ກອບ​ເປັນແລວພະ​ລັງ​ງານ​ສະ​ອ​າດ​ທີ່​ໃຫຍ່ກວ່າ​ໝູ່​​ຂອງໂລກ. ປີ2024, ໄດ້​ຜະ​ລິດ​ໄຟ​ຟ້າ 295,904 ຕື້​ກິ​ໂລ​ວັດ​ໂມງ, ​ເພີ່ມ​ຂຶ້ນ 7,11% ເມື່ອ​ທຽບ​ໃສ່​ເວ​ລາ​ດຽວ​ກັນ​ຂອງ​ປີ​ກາຍ, ເທົ່າ​ກັບ​ໄດ້​ຫຼຸດການ​ລະ​ບາຍ​ກາກບອນ​ດີ​ອອກ​ຊິດ 240 ລ້ານ​ໂຕນ.