ຂ່າວສານຫວຽດນາມລາຍງານວ່າ: ໃນຮອບຊື້-ຂາຍ ໃນວັນທີ 9 ມັງກອນ ຜ່ານມາ, ລາຄາຄໍາຂອງໂລກໄດ້ເພີ່ມຂຶ້ນໃນລະດັບສູງທີ່ສຸດໃນຮອບເກືອບ 4 ອາທິດ ຍ້ອນຄວາມຕ້ອງການທີ່ຈະລົງທຶນໃນຊັບສິນທີ່ປອດໄພໃນຂະນະທີ່ນັກລົງທຶນຄາດຄະເນນະໂຍບາຍຂອງປະທານາທິບໍດີອາເມຣິກາຄົນໃໝ່ຈະມີຜົນກະທົບແນວໃດຕໍ່ເສດຖະກິດ ແລະ ເງິນເຟີ້ ຫຼື ບໍ່.

ຂ່າວລະບຸວ່າ: ໃນລະຫວ່າງຮອບຊື້-ຂາຍນີ້, ລາຄາຄໍາເພີ່ມຂຶ້ນ 0.3% ເປັນ 2,670.16 ໂດລາ/ອອນ, ໃນຂະນະທີ່ລາຄາຄໍາຂອງອາເມຣິກາ ຊື້-ຂາຍລ່ວງໜ້າ ເພີ່ມຂຶ້ນ 0.6% ເປັນ 2,689.50 ໂດລາ/ອອນ.

ທ່ານ ຈີໂອວານນິ ສຕາວໂນໂວນັກວິເຄາະທະນາຄານການລົງທຶນນາໆຊາດ ແລະບໍລິສັດບໍລິການທາງດ້ານການເງິນ(UBS)ກ່າວວ່າ: ຄວາມຕ້ອງການຂອງການລົງທຶນໃນຊັບສິນທີ່ປອດໄພແມ່ນສະໜັບສະໜູນຄໍາເລັກນ້ອຍ, ຊົດເຊີຍຄວາມກົດດັນຂອງລາຄາທີ່ຫຼຸດລົງຈາກສະກຸນເງິນໂດລາທີ່ແຂງຄ່າແລະ ອັດຕາດອກເບ້ຍທີ່ສູງຂຶ້ນ.

ໃນຕະຫຼາດໂລຫະມີຄ່າອື່ນໆ, ລາຄາເງິນເພີ່ມຂຶ້ນ 0.3% ເປັນ 30.21 ໂດລາ/ອອນ, ໃນຂະນະທີ່ລາຄາ ແພັດຕິນຳ (platinum) ຫຼຸດລົງ 0.2% ເປັນ 953.55 ໂດລາ/ອອນ.