ຂ່າວສານຊີອາໄອ ລາຍງານໃນວັນທີ 16 ມັງກອນ ຜ່ານມາ, ອີງ​ຕາມ​ຂໍ້​ມູນ​​ປະ​ຈຳ​ປີ 2024 ຂອງ​ອຸດ​ສາ​ຫະ​ກຳ​ຜະ​ລິດ​​ເຮືອຈີນ​ສະ​ແດງ​ໃຫ້​ເຫັນ​ວ່າ: ຕົວ​ຊີ້​ວັດສຳ​ຄັນ 3 ຢ່າງ​ດ້ານ​ອຸດ​ສາ​ຫະ​ກຳ​ຜະ​ລິດ​ເຮືອຂອງ​ຈີນ​ໄດ້ເປັນ​ອັນ​ດັບ 1 ຂອງ​ໂລກ​ມາ​ເປັນ​ເວ​ລາ 15 ປີ​ລຽນ​ຕິດ.

ປີ 2024, ປະ​ລິ​ມານການ​ຜະ​ລິດ​ຂອງ​ອຸດ​ສາ​ຫະ​ກຳ​ຜະ​ລິດ​ເຮືອ​ຂອງ​ຈີນໄດ້​ສຳ​ເລັດ 55.7%, ໝາຍ​ຄວາມ​ວ່າ ໃນ​ກຳ​ປັ່ນ​ທີ່ມອບ​ໃຫ້​ແກ່​ລູກ​ຄ້າ​ທົ່ວ​ໂລກ​ໃນ​ປີ 2024 ນັ້ນ ມີ​ຫຼາຍກວ່າ​ເຄິ່ງ​ໜຶ່ງ​ແມ່ນ​ຜະ​ລິດ​ໂດຍ​ປະ​ເທດ​ຈີນ; ​ຈີນ​ໄດ້​ຮັບໃບ​ສັ່ງ​​ຜະ​ລິດ​ເຮືອ​ທີ່ກວມ​ເອົາ 63.1%ຂອງ​ຕະຫຼາດ​ທົ່ວ​ໂລກ; ​ໃບ​ສັ່ງ​ຜະ​ລິດເຮືອ​ທີ່​ຈີນ​ຮັບ​ໃໝ່ກໍ​ມີ​ຈຳ​ນວນຫຼາຍ​ສົມ​ຄວນ, ປີ 2024 ຈີນ​ໄດ້​ຮັບ​ໃບ​ສັ່ງ​ຜະ​ລິດເຮືອ​ໃໝ່ກວມ 74.1% ຂອງ​ຕະຫຼາດ​ທົ່ວ​ໂລກ ຊຶ່ງ​ໝາຍ​ຄວາມ​ວ່າ ໃນ​ຕໍ່​ໜ້າ​ນີ້​ໃນ​ຈຳ​ນວນເຮືອ​ທີ່​ຜະ​ລິດ​ໃໝ່​ນັ້ນ ມີຫຼາຍກວ່າ 70% ແມ່ນ​ຜະ​ລິດ​ໂດຍ​ປະ​ເທດ​ຈີນ.