ຂ່າວສານຊີອາໄອລາຍງານ ຫວ່າງມໍ່ໆມານີ້ວ່າ:ທະນາຄານກາງອາເມຣິກາໄດ້ປະກາດບົດລາຍງານການສຳຫຼວດສະພາບເສດຖະກິດທົ່ວປະເທດ.
ບົດລາຍງານດັ່ງກ່າວສະແດງໃຫ້ເຫັນວ່າ: ໃນດ້ານລາຄາສິນຄ້າໂດຍລວມຂອງອາເມຣິກາໄດ້ເພີ່ມຂຶ້ນໜ້ອຍໜຶ່ງ, ອັດຕາເພີ່ມຂຶ້ນຢູ່ໃນລະດັບທີ່ໝັ້ນທ່ຽງ ຫຼືມີຄວາມເໝາະສົມ. ລາຄາຈຳໜ່າຍສິນຄ້າສ່ວນຫຼາຍໄດ້ເພີ່ມຂຶ້ນໃນລະດັບທີ່ເໝາະສົມ. ໂດຍລວມແລ້ວ, ຄາດວ່າ ປີ 2025 ລາຄາສິນຄ້າຍັງຈະເພີ່ມຂຶ້ນຕໍ່ໄປ.
ບົດລາຍງານສຳຫຼວດສະພາບເສດຖະກິດທົ່ວປະເທດ ແມ່ນບົດລາຍງານສຳຫຼວດ ແລະ ຄາດຄະເນເສດຖະກິດອາເມຣິກາທີ່ທະນາຄານກາງອາເມຣິກາເຜີຍແຜ່ເປັນປະຈຳ. ເນື້ອໃນບົດລາຍງານດັ່ງກ່າວລວມທັງໃຈຄວາມສຳຄັນຂອງສະພາບເສດຖະກິດທ້ອງຖິ່ນ ແລະ ໃຈຄວາມສຳຄັນຂອງສະພາບເສດຖະກິດທົ່ວປະເທດ ຊຶ່ງເປັນຂໍ້ມູນອ້າງອີງທີ່ສຳຄັນສຳລັບກອງປະຊຸມຕັດສິນນະໂຍບາຍເງິນຕາຂອງທະນາຄານກາງອາເມຣິກາ.
