ທ່ານ ຄຳພັນ ສິດທິດຳພາ ໄດ້ສະແດງການຕ້ອນຮັບຢ່າງອົບອຸ່ນ ພ້ອມທັງລາຍງານສະພາບລວມຂອງແຂວງວຽງຈັນ ໂດຍສະເພາະ ບັນດາທ່າແຮງທີ່ສຳຄັນໃນການພັດທະນາຂອງແຂວງ, ພ້ອມທັງສະແດງຄວາມຊົມເຊີຍ ຕໍ່ບັນດາໂຄງການ ທີ່ປະເທດລຸກຊຳບວກ ໄດ້ໃຫ້ການຊ່ວຍເຫຼືອແຂວງວຽງຈັນ ໃນໄລຍະຜ່ານມາ ເປັນຕົ້ນ ວຽກງານສາທາລະນະສຸກ ເປັນຕົ້ນແມ່ນການປັບປຸງ-ກໍ່ສ້າງອາຄານໂຮງໝໍຂອງແຂວງ, ວຽກງານການສຶກສາ, ວຽກງານກະສິກຳ ແລະ ອື່ນໆ. ສຳລັບໃນຕໍ່ໜ້າຫວັງວ່າ ຈະໄດ້ຮັບການຊ່ວຍເຫຼືອຕື່ມອີກ ເພື່ອເຮັດໃຫ້ແຂວງວຽງຈັນ ໄດ້ຮັບການພັດທະນາດີຂຶ້ນ. ພ້ອມນີ້, ແຂວງວຽງຈັນ ແລະ ອົງການປົກຄອງແຂວງ ຍິນດີໃຫ້ການຮ່ວມມື ແລະ ປະກອບສ່ວນຢ່າງເຕັມທີ່.
ທ່ານ ໂທມັສ ລາມມາຣ ກໍໄດ້ກ່າວສະແດງຄວາມຂອບໃຈ ໃນການຕ້ອນຮັບຢ່າງອົບອຸ່ນ ພ້ອມທັງຍົກໃຫ້ເຫັນການພົວພັນຮ່ວມມື ລະຫວ່າງລັດຖະບານລຸກຊຳບວກ ກັບແຂວງວຽງຈັນ ໄດ້ມີການຮ່ວມມືເປັນເວລາດົນນານ ຊຶ່ງມີຫຼາຍໂຄງການ ທີ່ໄດ້ໃຫ້ການຊ່ວຍເຫຼືອ ເປັນຕົ້ນວຽກງານສາທາ ກໍຄືການປັບປຸງກໍ່ສ້າງໂຮງໝໍແຂວງ. ປັດຈຸບັນ ເປັນໂຮງໝໍແຂວງທີ່ດີທີ່ສຸດໃນ ສປປ ລາວ, ພ້ອມທັງຍົກໃຫ້ເຫັນເຖິງ ບັນດາໂຄງການພັດທະນາທ້ອງຖິ່ນ, ການກໍ່ສ້າງອາຄານຮຽນ, ການສົ່ງເສີມວິຊາຊີບ ແລະ ອື່ນໆ.
(ແຫຼ່ງຂ່າວ: ແຂວງວຽງຈັນ)
ຄໍາເຫັນ