ສະພາທິດສະດີສູນກາງພັກ (ສທພ) ໄດ້ຈັດກອງປະຊຸມພິຈາລະນາ-ຮັບຮອງເນື້ອໃນຜົນການຄົ້ນຄວ້າໂຄງການລະດັບຊາດພາຍໃຕ້ຫົວຂໍ້ “ການກໍ່ສ້າງພັກໃນເງື່ອນໄຂພັກດຽວກຳອຳນາດ ຢູ່ ສປປ ລາວ”ຂຶ້ນໃນວັນທີ 3 ມິຖຸນາ ນີ້ ທີ່ສຳນັກງານ ສທພ ໂດຍການເປັນປະທານຂອງ ສະຫາຍ ຄໍາພັນ ເຜີຍຍະວົງ ຄະນະເລຂາທິການສູນກາງພັກຫົວໜ້າຄະນະໂຄສະນາອົບຮົມສູນກາງພັກປະທານສະພາທິດສະດີສູນກາງພັກ; ມີ ສະຫາຍ ສົມສະຫວາດ ເລັ່ງສະຫວັດ ທີ່ປຶກສາ ສທພ ທີ່ປຶກສາຄະນະຮັບຜິດຊອບການຄົ້ນຄວ້າແນວຄິດ ໄກສອນ ພິມວິຫານ ທີ່ປຶກສາໃນການພິຈາລະນາ-ຮັບຮອງເນື້ອໃນໂຄງການຄົ້ນຄວ້າລະດັບຊາດ ແລະ ມີພາກສ່ວນກ່ຽວຂ້ອງເຂົ້າຮ່ວມ.
ສະຫາຍ ຄໍາພັນ ເຜີຍຍະວົງ ໄດ້ກ່າວວ່າ: ໂຄງການດັ່ງກ່າວ ເປັນໜຶ່ງໃນບັນດາໂຄງການຄົ້ນຄວ້າທາງດ້ານທິດສະດີ-ພຶດຕິກຳ ທີ່ຄະນະເລຂາທິການສູນກາງພັກໄດ້ອະນຸມັດ ຕາມມະຕິຕົກລົງ ສະບັບເລກທີ 108/ຄລສພ, ລົງວັນທີ 5 ກັນຍາ 2012 ຊຶ່ງແມ່ນ 1 ໃນ 9 ໂຄງການຄົ້ນຄວ້າລະດັບຊາດ; ໂຄງການນີ້ໄດ້ເລີ່ມຈັດຕັ້ງປະຕິບັດໃນປີ 2019 ເປັນຕົ້ນມາ, ພ້ອມກັນນັ້ນ ກໍໄດ້ຜ່ານການຈັດຕັ້ງດຳເນີນກອງປະຊຸມສຳມະນາລະດົມຄວາມຄິດເຫັນ ຢູ່ຂັ້ນທ້ອງຖິ່ນ ແລະ ໄດ້ຜ່ານການປັບປຸງປະກອບຄຳເຫັນພາຍໃນຄະນະຮັບຜິດຊອບໂຄງການຫຼາຍຄັ້ງ;ສ່ວນການຄົ້ນຄວ້າໂຄງການຕ່າງໆມາຮອດປັດຈຸບັນສາມາດຮັບຮອງເອົາເນື້ອໃນຜົນການຄົ້ນຄວ້າໂຄງການລະດັບຊາດໄດ້ 4 ໂຄງການ.
ສຳລັບໂຄງການຄົ້ນຄວ້າ ຫົວຂໍ້ “ການກໍ່ສ້າງພັກໃນເງື່ອນໄຂພັກດຽວກຳອຳນາດ ຢູ່ ສປປ ລາວ” ຜ່ານການຄົ້ນຄວ້າຕົວຈິງເຫັນໄດ້ວ່າຄະນະຮັບຜິດຊອບໂຄງການໄດ້ມີຄວາມເອົາໃຈໃສ່ຢ່າງຈົດຈໍ່ຊຶ່ງເນື້ອໃນຜົນການຄົ້ນຄວ້າໄດ້ສ່ອງແສງໃຫ້ເຫັນເຖິງທິດສະດີ-ພຶດຕິກຳ ແຫ່ງການຈັດຕັ້ງນຳພາຂອງພັກເຮົາ ຕະຫຼອດໄລຍະຜ່ານມາ ແລະ ບັນດາເນື້ອໃນດັ່ງກ່າວ ໄດ້ເປັນການຢັ້ງຢືນໃຫ້ເຫັນເຖິງບົດບາດການນຳພາຂອງພັກເຮົາ ໂດຍຢຶດໝັ້ນລັດທິມາກ-ເລນິນ, ແນວຄິດໄກສອນ ພົມວິຫານ; ພັກເຮົາໄດ້ຢັ້ງຢືນຢ່າງຈະແຈ້ງກ່ຽວກັບການກໍ່ສ້າງພັກໃຫ້ມີຄວາມໜັກແໜ້ນ ແລະ ມີຄວາມເຂັ້ມແຂງຢ່າງຮອບດ້ານ; ພັກເຮົາຖືວ່າການນຳພາເປັນຫຼັກການໜຶ່ງທີ່ສຳຄັນໃນຂະບວນວິວັດ ແຫ່ງການເຕີບໃຫຍ່ຂະຫຍາຍຕົວຂອງພັກເຮົາ ແລະ ການນຳພາຕ້ອງຕິດພັນກັບການຈັດຕັ້ງປະຕິບັດຕົວຈິງຢ່າງສອດຄ່ອງ. ດັ່ງນັ້ນ, ການກໍ່ສ້າງພັກໃນເງື່ອນໄຂພັກດຽວກຳອຳນາດ ຢູ່ ສປປ ລາວ ແມ່ນເນື້ອໃນອັນສຳຄັນ ແລະ ສ່ອງແສງໃຫ້ເຫັນລັກສະນະ ຂອງຍຸກສະໄໝແຫ່ງການຈັດຕັ້ງນຳພາຂອງພັກເຮົາ ເພື່ອນຳພາປະເທດຊາດກ້າວສູ່ຈຸດໝາຍສັງຄົມນິຍົມ.
ສະຫາຍ ບົວຈັນ ເພັງສະຫວັດ ຫົວໜ້າໂຄງການຄົ້ນຄວ້າດັ່ງກ່າວ ໄດ້ລາຍງານວ່າ: ຜົນການຄົ້ນຄວ້າໂຄງການຄົ້ນຄວ້າລະດັບຊາດ ຫົວຂໍ້ “ການກໍ່ສ້າງພັກໃນເງື່ອນໄຂພັກດຽວກຳອຳນາດ ຢູ່ ສປປ ລາວ” ປະກອບມີ 3 ພາກ ຄື: ພາກທີໜຶ່ງເປັນພາກທິດສະດີ ກ່ຽວກັບການກໍ່ສ້າງພັກໃນເງື່ອນໄຂພັກດຽວກຳອຳນາດ; ພາກທີສອງເປັນພາກພຶດຕິກຳ ແຫ່ງການກໍ່ສ້າງພັກປະຊາຊົນປະຕິວັດລາວໃນເງື່ອນໄຂພັກດຽວກຳອຳນາດ; ພາກທີສາມ ວິໄສທັດ ແລະ ວິທີການກໍ່ສ້າງພັກປະຊາຊົນລາວ ໃນເງື່ອນໄຂພັກດຽວ ກຳອຳນາດ ຢູ່ ສປປ ລາວ ໃນໄລຍະໃໝ່.
ຈາກນັ້ນ, ບັນດາສະຫາຍທີ່ເຂົ້າຮ່ວມກໍໄດ້ປະກອບຄໍາເຫັນຕໍ່ເນື້ອໃນຂອງໂຄງການຄົ້ນຄວ້າ ຢ່າງພາວະວິໄສ, ຈະແຈ້ງຕໍ່ບັນຫາຕ່າງໆ ເພື່ອເຮັດໃຫ້ເນື້ອໃນໂຄງການບົດຄົ້ນຄວ້ານີ້ ໄດ້ຮັບການປັບປຸງໃຫ້ຄົບຖ້ວນຖືກຕ້ອງ ສອດຄ່ອງກັບສະພາບຄວາມເປັນຈິງ ໃນປັດຈຸບັນ ແລະ ໃນຕໍ່ໜ້າ. ພ້ອມນີ້, ກໍໄດ້ມີການລົງຄະແນນສຽງຮັບຮອງເອົາເນື້ອໃນ ຜົນການຄົ້ນຄວ້າໂຄງການລະດັບຊາດຫົວຂໍ້ດັ່ງກ່າວ ໃນດ້ານຫຼັກການ ແລະ ພາຍຫຼັງປັບປຸງແມ່ນຜ່ານກອງເລຂາ ກ່ອນຈະສົ່ງໃຫ້ຄະນະພິຈາລະນາ-ຮັບຮອງ ເພື່ອຄົ້ນຄວ້າພິຈາລະນາຈັດພິມ.
(ຂ່າວ-ພາບ: ສຸກສະຫວັນ)
ສະຫາຍ ຄໍາພັນ ເຜີຍຍະວົງ ໄດ້ກ່າວວ່າ: ໂຄງການດັ່ງກ່າວ ເປັນໜຶ່ງໃນບັນດາໂຄງການຄົ້ນຄວ້າທາງດ້ານທິດສະດີ-ພຶດຕິກຳ ທີ່ຄະນະເລຂາທິການສູນກາງພັກໄດ້ອະນຸມັດ ຕາມມະຕິຕົກລົງ ສະບັບເລກທີ 108/ຄລສພ, ລົງວັນທີ 5 ກັນຍາ 2012 ຊຶ່ງແມ່ນ 1 ໃນ 9 ໂຄງການຄົ້ນຄວ້າລະດັບຊາດ; ໂຄງການນີ້ໄດ້ເລີ່ມຈັດຕັ້ງປະຕິບັດໃນປີ 2019 ເປັນຕົ້ນມາ, ພ້ອມກັນນັ້ນ ກໍໄດ້ຜ່ານການຈັດຕັ້ງດຳເນີນກອງປະຊຸມສຳມະນາລະດົມຄວາມຄິດເຫັນ ຢູ່ຂັ້ນທ້ອງຖິ່ນ ແລະ ໄດ້ຜ່ານການປັບປຸງປະກອບຄຳເຫັນພາຍໃນຄະນະຮັບຜິດຊອບໂຄງການຫຼາຍຄັ້ງ;ສ່ວນການຄົ້ນຄວ້າໂຄງການຕ່າງໆມາຮອດປັດຈຸບັນສາມາດຮັບຮອງເອົາເນື້ອໃນຜົນການຄົ້ນຄວ້າໂຄງການລະດັບຊາດໄດ້ 4 ໂຄງການ.
ສຳລັບໂຄງການຄົ້ນຄວ້າ ຫົວຂໍ້ “ການກໍ່ສ້າງພັກໃນເງື່ອນໄຂພັກດຽວກຳອຳນາດ ຢູ່ ສປປ ລາວ” ຜ່ານການຄົ້ນຄວ້າຕົວຈິງເຫັນໄດ້ວ່າຄະນະຮັບຜິດຊອບໂຄງການໄດ້ມີຄວາມເອົາໃຈໃສ່ຢ່າງຈົດຈໍ່ຊຶ່ງເນື້ອໃນຜົນການຄົ້ນຄວ້າໄດ້ສ່ອງແສງໃຫ້ເຫັນເຖິງທິດສະດີ-ພຶດຕິກຳ ແຫ່ງການຈັດຕັ້ງນຳພາຂອງພັກເຮົາ ຕະຫຼອດໄລຍະຜ່ານມາ ແລະ ບັນດາເນື້ອໃນດັ່ງກ່າວ ໄດ້ເປັນການຢັ້ງຢືນໃຫ້ເຫັນເຖິງບົດບາດການນຳພາຂອງພັກເຮົາ ໂດຍຢຶດໝັ້ນລັດທິມາກ-ເລນິນ, ແນວຄິດໄກສອນ ພົມວິຫານ; ພັກເຮົາໄດ້ຢັ້ງຢືນຢ່າງຈະແຈ້ງກ່ຽວກັບການກໍ່ສ້າງພັກໃຫ້ມີຄວາມໜັກແໜ້ນ ແລະ ມີຄວາມເຂັ້ມແຂງຢ່າງຮອບດ້ານ; ພັກເຮົາຖືວ່າການນຳພາເປັນຫຼັກການໜຶ່ງທີ່ສຳຄັນໃນຂະບວນວິວັດ ແຫ່ງການເຕີບໃຫຍ່ຂະຫຍາຍຕົວຂອງພັກເຮົາ ແລະ ການນຳພາຕ້ອງຕິດພັນກັບການຈັດຕັ້ງປະຕິບັດຕົວຈິງຢ່າງສອດຄ່ອງ. ດັ່ງນັ້ນ, ການກໍ່ສ້າງພັກໃນເງື່ອນໄຂພັກດຽວກຳອຳນາດ ຢູ່ ສປປ ລາວ ແມ່ນເນື້ອໃນອັນສຳຄັນ ແລະ ສ່ອງແສງໃຫ້ເຫັນລັກສະນະ ຂອງຍຸກສະໄໝແຫ່ງການຈັດຕັ້ງນຳພາຂອງພັກເຮົາ ເພື່ອນຳພາປະເທດຊາດກ້າວສູ່ຈຸດໝາຍສັງຄົມນິຍົມ.
ສະຫາຍ ບົວຈັນ ເພັງສະຫວັດ ຫົວໜ້າໂຄງການຄົ້ນຄວ້າດັ່ງກ່າວ ໄດ້ລາຍງານວ່າ: ຜົນການຄົ້ນຄວ້າໂຄງການຄົ້ນຄວ້າລະດັບຊາດ ຫົວຂໍ້ “ການກໍ່ສ້າງພັກໃນເງື່ອນໄຂພັກດຽວກຳອຳນາດ ຢູ່ ສປປ ລາວ” ປະກອບມີ 3 ພາກ ຄື: ພາກທີໜຶ່ງເປັນພາກທິດສະດີ ກ່ຽວກັບການກໍ່ສ້າງພັກໃນເງື່ອນໄຂພັກດຽວກຳອຳນາດ; ພາກທີສອງເປັນພາກພຶດຕິກຳ ແຫ່ງການກໍ່ສ້າງພັກປະຊາຊົນປະຕິວັດລາວໃນເງື່ອນໄຂພັກດຽວກຳອຳນາດ; ພາກທີສາມ ວິໄສທັດ ແລະ ວິທີການກໍ່ສ້າງພັກປະຊາຊົນລາວ ໃນເງື່ອນໄຂພັກດຽວ ກຳອຳນາດ ຢູ່ ສປປ ລາວ ໃນໄລຍະໃໝ່.
ຈາກນັ້ນ, ບັນດາສະຫາຍທີ່ເຂົ້າຮ່ວມກໍໄດ້ປະກອບຄໍາເຫັນຕໍ່ເນື້ອໃນຂອງໂຄງການຄົ້ນຄວ້າ ຢ່າງພາວະວິໄສ, ຈະແຈ້ງຕໍ່ບັນຫາຕ່າງໆ ເພື່ອເຮັດໃຫ້ເນື້ອໃນໂຄງການບົດຄົ້ນຄວ້ານີ້ ໄດ້ຮັບການປັບປຸງໃຫ້ຄົບຖ້ວນຖືກຕ້ອງ ສອດຄ່ອງກັບສະພາບຄວາມເປັນຈິງ ໃນປັດຈຸບັນ ແລະ ໃນຕໍ່ໜ້າ. ພ້ອມນີ້, ກໍໄດ້ມີການລົງຄະແນນສຽງຮັບຮອງເອົາເນື້ອໃນ ຜົນການຄົ້ນຄວ້າໂຄງການລະດັບຊາດຫົວຂໍ້ດັ່ງກ່າວ ໃນດ້ານຫຼັກການ ແລະ ພາຍຫຼັງປັບປຸງແມ່ນຜ່ານກອງເລຂາ ກ່ອນຈະສົ່ງໃຫ້ຄະນະພິຈາລະນາ-ຮັບຮອງ ເພື່ອຄົ້ນຄວ້າພິຈາລະນາຈັດພິມ.
(ຂ່າວ-ພາບ: ສຸກສະຫວັນ)
ຄໍາເຫັນ