ໂອກາດນີ້, ທ່ານ ພັນເອກ ສິງທອງ ອິນທະວອງ ໄດ້ຂຶ້ນລາຍງານຫຍໍ້ສະພາບຈຸດພິເສດ, ທີ່ຕັ້ງພູມສາດ ແລະ ການພັດທະນາເສດຖະກິດ - ສັງຄົມຂອງແຂວງ, ພ້ອມທັງຕີລາຄາ ການຈັດຕັ້ງປະຕິບັດໜ້າທີ່ວຽກງານປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ, ການກໍາເນີດເຕີບໃຫຍ່ຂະຫຍາຍຕົວ ຂອງກອງບັນຊາການທະຫານ ແຂວງຫຼວງພະບາງ ນັບແຕ່ວັນທີ 16 ພຶດສະພາ 1956 ຈົນເຖິງປັດຈຸບັນ. ຍົກໃຫ້ເຫັນພາລະບົດບາດ, ໜ້າທີ່ຂອງກອງບັນຊາການທະຫານແຂວງ, ລວມທັງຕີລາຄາໝາກຜົນ ການພົວພັນຮ່ວມມືກັບບັນດາກົມກອງເພື່ອນຫວຽດນາມ ທີ່ມີຊາຍແດນຕິດຈອດກັບແຂວງຫຼວງພະບາງ ໃຫ້ຮອງຫົວໜ້າກົມວິທະຍາສາດ - ປະຫວັດສາດ ການທະຫານ ກະຊວງປ້ອງກັນປະເທດ ກອງທັບປະຊາຊົນລາວ ແລະ ຊ່ຽວຊານສະຖາບັນຍຸດທະສາດປ້ອງກັນຊາດຫວຽດນາມໄດ້ຮັບຮູ້ໂດຍສັງເຂບ.
ທ່ານ ພັນເອກ ໂພນທອງ ພັນຈະເລີນພົນ ໄດ້ຕາງໜ້າຄະນະ ຂຶ້ນກ່າວສະແດງຄວາມຂອບໃຈ ຕໍ່ການຕ້ອນຮັບອັນອົບອຸ່ນ ແລະ ພ້ອມທັງກ່າວວ່າ: ການເຄື່ອນໄຫວເຮັດວຽກໃນຄັ້ງນີ້ ເພື່ອເກັບກຳຂໍ້ມູນກ່ຽວກັບໂຄງການຄົ້ນຄ້ວາ-ຂຽນບົດນິພົນ "ກໍ່ສ້າງຂອບເຂດປ້ອງກັນບໍລິເວນແຂວງບໍ່ແກ້ວ” ຮ່ວມກັບຊ່ຽວຊານຈາກສະຖາບັນຍຸດທະສາດປ້ອງກັນຊາດ ກະຊວງປ້ອງປະເທດ ສສ ຫວຽດນາມ ຢູ່ແຂວງຫຼວງພະບາງ, ແຂວງຫຼວງນໍ້າທາ ແລະ ແຂວງບໍ່ແກ້ວ.
(ຂ່າວ: ສົມພອນ ສຸວັນທອນ)
ຄໍາເຫັນ