ເມື່ອບໍ່ດົນມານີ້ ທີ່ກະຊວງດັ່ງກ່າວ.
ທ່ານລັດຖະມົນຕີໄດ້ສະແດງຄວາມຍິນດີຕ້ອນຮັບ ແລະ ສະແດງຄວາມຊົມເຊີຍຕໍ່ ທ່ານຫງວຽນ ມິງ ເຕີມ ທີ່ໄດ້ຖືກແຕ່ງຕັ້ງໃຫ້ມາດໍາລົງຕໍາແໜ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສສ ຫວຽດນາມ ປະຈໍາ ສປປ ລາວຄົນໃໝ່, ພ້ອມທັງສະແດງຄວາມຂອບໃຈແລະຕີລາຄາສູງຕໍ່ການພົວພັນຮ່ວມມືພາຍໃຕ້ການພົວພັນຮ່ວມມືມິດຕະພາບອັນຍິ່ງໃຫຍ່, ຄວາມສາມັກຄີພິິເສດ ແລະ ການຮ່ວມມືຮອບດ້ານລະຫວ່າງສອງພັກສອງລັດ ແລະ ປະຊາຊົນສອງຊາດລາວ-ຫວຽດນາມ,ຫວຽດນາມ-ລາວໄລຍະຜ່ານມາເວົ້າລວມ, ເວົ້າສະເພາະໃນຂະແໜງໂຍທາທິການ ແລະ ຂົນສົ່ງໃນການປະກອບສ່ວນຢ່າງໃຫຍ່ຫຼວງເຂົ້າໃນການເຊື່ອມຈອດກັບພາກພື້ນ ແລະ ສາກົນທັງປະກອບສ່ວນອັນສໍາຄັນເຂົ້າໃນການຮ່ວມມືພັດທະນາພື້ນຖານໂຄງລ່າງຮອບດ້ານໃນຂົງເຂດຄົມມະນາຄົມ ແລະ ຂົນສົ່ງ.
ໃນໂອກາດດັ່ງກ່າວ,ທັງສອງຝ່າຍໄດ້ປືກສາຫາລືແລກປ່ຽນຄໍາຄິດຄໍາເຫັນກ່ຽວກັບການສົ່ງເສີມການພັດທະນາພື້ນຖານໂຄງລ່າງເພື່ອການເຊື່ອມໂຍງເຊື່ອມຈອດທາງບົກ, ທາງນໍ້າ, ທາງລົດໄຟ ແລະ ທາງອາກາດໂດຍສະເພາະແມ່ນການຊຸກຍູ້ການກໍ່ສ້າງທາງດ່ວນນະຄອນຫຼວງວຽງຈັນ-ຮ່າໂນ້ຍ, ການຊອກຫາແຫຼ່ງທຶນຈາກບັນດາປະເທດຄູ່ຮ່ວມພັດທະນາ ເພື່ອພັດທະນາເສັ້ນທາງລົດໄຟ ແຕ່ນະຄອນຫຼວງວຽງຈັນ-ທ່າແຂກ ຫາ ຊາຍແດນລາວ-ຫວຽດນາມ, ຊຸກຍູ້ການກໍ່ສ້າງເສັ້ນທາງພູທີເຜີ້ງ-ນາຊອນ ແລະການພັດທະນາທ່າທຽບເຮືອ 1, 2 ແລະ 3 ຂອງທ່າເຮືອຫວຸ້ງອ່າງໃຫ້ສາມາດຮັບໃຊ້ການບໍລິການຂົນສົ່ງສິນຄ້າ.
ໃນໂອກາດຄັ້ງນີ້, ທ່ານຫງວຽນ ມິງ ເຕີມ ໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນຂອງ ທ່ານງາມປະສົງ ເມືອງມະນີ ແລະ ມີຄວາມປິຕິຍິນດີທີ່ຖືກມອບໝາຍໃຫ້ຈັດຕັ້ງປະຕິບັດໜ້າທີ່ອັນສູງສົ່ງຂອງຕົນຢູ່ ສປປ ລາວ. ພ້ອມດຽວກັນນີ້, ທ່ານຫງວຽນ ມິງ ເຕີມ ສະເໜີໃນການຮ່ວມມື ແລະ ສະໜັບສະໜູນການກໍ່ສ້າງສວນມິດຕະພາບລາວ-ຫວຽດນາມ ຢູ່ບ້ານດົງໝາກຄາຍ ເມືອງໄຊທານີ ນະຄອນຫຼວງວຽງຈັນ. ນອກຈາກນັ້ນ, ສສຫວຽດນາມ ຈະສືບຕໍ່ໃນການສະໜັບສະໜູນ-ຮ່ວມມືກັບ ກະຊວງ ຍທຂ ໃນການພັດທະນາໂຄງລ່າງພື້ນຖານ, ການພັດທະນາທາງດ້ານບຸກຄະລາກອນ, ການສ້າງຄວາມເຂັ້ມແຂງໃຫ້ແກ່ຂະແໜງໂຍທາທິການແລະ ຂົນສົ່ງໃຫ້ນັບມື້ນັບມີການພັດທະນາຂຶ້ນເລື້ອຍໆ.
(ຂ່າວ-ພາບ: ຍທຂ)
ຄໍາເຫັນ