ຂ່າວສານຫວຽດນາມລາຍງານ: ໃນວັນທີ 25 ກັນຍາ ຜ່ານມາ, ທ່ານ ຟູມິໂອະ ກິຊິດະ ນາຍົກລັດຖະມົນຕີຍີ່ປຸ່ນ ໄດ້ປະກາດບັນດາເສົາຄ້ຳນະໂຍບາຍຂອງແຜນການຊຸກຍູ້ເສດຖະກິດສະບັບໃໝ່ ທີ່ຄາດວ່າຈະຮ່າງຂຶ້ນໃນເດືອນຕຸລານີ້ ເພື່ອຊຸກຍູ້ການເພີ່ມຄ່າແຮງງານ ແລະ ຊ່ວຍເຫຼືອບັນດາຄົວເຮືອນຮັບມືກັບລາຄາທີ່ເພີ່ມຂຶ້ນ.

ຂ່າວລະບຸວ່າ: ຊຸດກະຕຸ້ນເສດຖະກິດນີ້ຄາດວ່າຈະປະກອບມີມາດຕະການຄວບຄຸມໄພເງິນເຟີ້ ແລະ ຊຸກຍູ້ການເຕີບໂຕຂອງຄ່າຈ້າງ. ທ່ານ ຟູມິໂອະ ກິຊິດະ ຍັງກ່າວວ່າ: ທ່ານຈະຕິດຕາມຕະຫຼາດເງິນຕາຢ່າງໃກ້ຊິດ ແລະ ໄດ້ກ່າວເຕືອນບັນດານັກລົງທຶນທີ່ພະຍາຍາມເທຂາຍເງິນເຢນ.

ບັນດາຄົວເຮືອນຊາວຍີ່ປຸ່ນ ມີຄວາມສ່ຽງສູງຈາກລາຄາອາຫານທີ່ເພີ່ມຂຶ້ນ, ເນື່ອງຈາກບໍລິສັດຕ່າງໆຍັງຄົງສືບຕໍ່ ນຳໃຊ້ຕົ້ນທຶນວັດຖຸດິບທີ່ສູງໃຫ້ກັບຜູ້ບໍລິໂພກ ການເລັ່ງການເພີ່ມຄ່າຈ້າງໃຫ້ທັນກັບອັດຕາເງິນເຟີ້ທີ່ເພີ່ມຂຶ້ນຈະມີບົດບາດສໍາຄັນໃນການຊຸກຍູ້ຄວາມຕ້ອງການພາຍໃນປະເທດ.