ຄະນະກໍາມະການຄຸ້ມຄອງອິນເຕີເນັດແຫ່ງຊາດ(ຄຄອຊ) ໄດ້ຈັດກອງປະຊຸມສະຫຼຸບວຽກງານ ປະຈຳປີ 2023ແລະ ວາງທິດທາງແຜນການ ປະຈຳປີ 2024ຂຶ້ນໃນວັນທີ 22ພະຈິກນີ້ທີ່ນະຄອນຫຼວງວຽງຈັນໂດຍການເປັນປະທານຂອງທ່ານ ພົອ ວິໄລ ຫຼ້າຄຳຟອງ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນຄວາມສະຫງົບ ປະທານຄະນະກຳມະການຄຸ້ມຄອງອິນເຕີເນັດແຫ່ງຊາດ, ເຂົ້າຮ່ວມມີບັນດາລັດຖະມົນຕີ, ຮອງລັດຖະມົນຕີ/ທຽບເທົ່າພ້ອມດ້ວຍແຂກຖືກເຊີນ.
ໃນກອງປະຊຸມ, ທ່ານ ມີນາໄຊ ພິລາວົງຫົວໜ້າສູນອິນເຕີເນັດແຫ່ງຊາດ ກະຊວງເຕັກໂນໂລຊີ ແລະ ການສື່ສານ ທັງເປັນຫົວໜ້າຫ້ອງການກອງເລຂາ ຄະນະກຳມະການຄຸ້ມຄອງອິນເຕີເນັດແຫ່ງຊາດ, ລາຍງານກ່ຽວກັບການຈັດຕັ້ງວຽກງານ ຄຄອຊ ໃນໄລຍະປີ 2023 ແລະ ທິດທາງແຜນການໃນປີ 2024 ຊຶ່ງທ່ານໄດ້ຍົກໃຫ້ເຫັນຜົນສຳເລັດຫຼາຍດ້ານ ທີ່ຕິດພັນກັບການຄຸ້ມຄອງ, ການພັດທະນາ ແລະ ການນໍາໃຊ້ ອິນເຕີເນັດ, ເຕັກໂນໂລຊີການສື່ສານຂໍ້ມູນຂ່າວສານ, ການພັດທະນາຂົງເຂດດັ່ງກ່າວເຂົ້າໃນການຈັດຕັ້ງປະຕິບັດວຽກງານ, ການດຳເນີນທຸລະກິດ, ການດຳລົງຊີວິດ, ການຕິດຕໍ່ພົວພັນຂອງສັງຄົມຕ່າງໆ, ເຫັນໄດ້ເຖິງຄວາມສໍາຄັນ ແລະ ຄວາມຈຳເປັນຂອງອິນເຕີເນັດ. ຄຽງຄູ່ກັບຜົນປະໂຫຍດອັນມະຫາສານຈາກ ອິນເຕີເນັດ, ພວກເຮົາກໍເຫັນໄດ້ແຈ້ງບັນຫາ ແລະ ສິ່ງທ້າທາຍຕ່າງໆ, ໂດຍສະເພາະແມ່ນການນໍາໃຊ້ສື່ສັງຄົມອອນລາຍ ແລະ ການນຳໃຊ້ອິນເຕີເນັດ ໄປໃນທາງທີ່ບໍ່ດີຊຶ່ງບັນດາ ຄຄອຊໄດ້ຊີ້ນຳພາກສ່ວນທີ່ກ່ຽວຂ້ອງ ສຸມໃສ່ຄົ້ນຄວ້າຫາວິທີການແກ້ໄຂ ດ້ວຍມາດຕະການຕ່າງໆ ເພື່ອແກ້ໄຂປະກົດການຫຍໍ້ທໍ້ທີ່ເກີດຂຶ້ນໃນໄລຍະຜ່ານມາກໍສາມາດຈຳກັດ ພ້ອມທັງມີຜົນສຳເລັດໃນເບື້ອງຕົ້ນ. ສ່ວນຂົງເຂດລວມສູນການສື່ສານ, ການກວດກາຄື້ນຄວາມຖີ່ວິທະຍຸສື່ສານ, ການນຳໃຊ້ສັນຍານ-ການນຳໃຊ້ສາຍສົ່ງໂທລະຄົມມະນາຄົມ, ການສຸມໃສ່ຂຶ້ນທະບຽນເລກໝາຍໂທລະສັບ, ການປັບປຸງພື້ນຖານໂຄງລ່າງດີຈີຕອນ, ການຄຸ້ມຄອງຄວາມປອດໄພທາງດ້ານໄຊເບີ, ເນື້ອໃນຂໍ້ມູນຂ່າວສານຜ່ານອິນເຕີເນັດ ແລະ ດ້ານອື່ນໆ.
ທ່ານ ສົມກຽດ ພະສີ ຮອງລັດຖະມົນຕີ ຮອງຫົວໜ້າຫ້ອງວ່າການສຳນັກງານນາຍົກລັດຖະມົນຕີ ຮອງປະທານ ຄຄອຊ ຫົວໜ້າໜ່ວຍງານຕິດຕາມ, ກວດກາ ແລະ ຕອບໂຕ້ ຫາງສຽງບໍ່ດີໃນສັງຄົມ ກໍໄດ້ຂຶ້ນລາຍງານສະພາບການຄຸ້ມຄອງ ແລະ ແກ້ໄຂບັນຫາ ທີ່ເກີດຂຶ້ນນຳສື່ສັງຄົມອອນລາຍ ພ້ອມທັງສະຫຼຸບຕີລາຄາການຈັດຕັ້ງປະຕິບັດວຽກງານຂອງໜ່ວຍງານຮອດປັດຈຸບັນແລະ ແຜນວຽກຈຸດສຸມໃນຕໍ່ໜ້າ.
ກອງປະຊຸມຍັງໄດ້ຮັບຟັງການລາຍງານ ສະພາບການພົ້ນເດັ່ນທີ່ເກີດຂຶ້ນຈາກສື່ສັງຄົມອອນລາຍ ພ້ອມທັງວິທີການແກ້ໄຂບັນຫາ ຂອງບັນດາກະຊວງ, ອົງການ, ແຂວງ/ນະຄອນຫຼວງ ແລະ ຮ່ວມກັນປະກອບຄຳເຫັນຢ່າງກົງໄປກົງມາເພື່ອຕີລາຄາ ແລະ ຖອດຖອນບົດຮຽນ ຈາກການຈັດຕັ້ງປະຕິບັດວຽກງານໃນໄລຍະຜ່ານມາ ແລະ ຮ່ວມກັນວາງທິດທາງແຜນການໃນຕໍ່ໜ້າ ເພື່ອເຮັດໃຫ້ວຽກງານການຄຸ້ມຄອງອິນເຕີເນັດ ພາຍໃນປະເທດ ມີປະສິດທິພາບ ແລະ ປະສິດທິຜົນດີຂຶ້ນກວ່າເກົ່າ.
ໃນກອງປະຊຸມ, ທ່ານ ພົອ ວິໄລ ຫຼ້າຄຳຟອງ ໄດ້ມີຄໍາເຫັນຊີ້ນຳຕໍ່ກັບການສະຫຼຸບລາຍງານ, ທິດທາງແຜນການ ແລະ ຂໍ້ສະເໜີຕ່າງໆ ໃນການຈັດຕັ້ງປະຕິບັດບັນດາວຽກງານໃນຕໍ່ໜ້າ, ໂດຍໄດ້ຕີລາຄາສູງ ຕໍ່ການຄົ້ນຄວ້າ, ການກຳນົດບັນດາເປົ້າໝາຍທີ່ມີຄວາມສຳຄັນ ແລະ ຈຳເປັນ ທີ່ຈະຕ້ອງຄຸ້ມຄອງ ແລະ ພັດທະນາວຽກງານອິນເຕີເນັດ ຊຶ່ງແມ່ນວຽກງານຂອງທຸກພາກສ່ວນ ທີ່ຈະຕ້ອງ ໄດ້ສົມທົບກັນຢ່າງແໜ້ນແຟ້ນ ແລະ ກົມກຽວ ເພື່ອເຮັດໃຫ້ອິນເຕີເນັດ ແລະ ເຕັກໂນໂລຊີດີຈີຕອນ ສາມາດປະກອບສ່ວນໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ທັງຕິດພັນກັບ 2 ວາລະແຫ່ງຊາດ ຄື: ການແກ້ໄຂບັນຫາຢາເສບຕິດ ແລະ ການແກ້ໄຂຄວາມຫຍຸ້ງຍາກທາງດ້ານ ເສດຖະກິດ-ການເງິນ, ພ້ອມທັງ ຊຸກຍູ້ ການຫັນເປັນດິຈິຕອນ ໂດຍລວມຂອງຊາດ. ໃນນັ້ນ, ນອກຈາກສືບຕໍ່ຕາມແຜນທີ່ໄດ້ກຳນົດໄວ້ແລ້ວ, ທ່ານຍັງໄດ້ເນັ້ນໜັກໃຫ້ເອົາໃຈໃສ່ບາງບັນຫາ, ເປັນຕົ້ນການຄົ້ນຄວ້າປັບປຸງພາລະບົດບາດຂອງ ຄຄອຊ ເພື່ອບໍ່ໃຫ້ທັບຊ້ອນກັບ ຄະນະກຳມະການລະດັບຊາດ ເພື່ອການຫັນເປັນດີຈີຕອນ ຂອງ ສປປ ລາວ; ການປັບປຸງ ແລະ ສ້າງບັນດາຈຸດປະສານງານ ຄຄອຊ ຢູ່ແຕ່ລະກະຊວງ, ອົງການພັກ-ລັດ ແລະ ບັນດາ ຄະນະກໍາມະການຄຸ້ມຄອງອິນເຕີເນັດ ແຫ່ງຊາດ ຂັ້ນແຂວງ; ເອົາໃຈໃສ່ຄົ້ນຄວ້າ ແລະ ປັບປຸງ ບັນດານິຕິກຳທີ່ມີແລ້ວ, ນິຕິກໍາໃດຄວນໄດ້ປັບປຸງຄືນເພື່ອໃຫ້ສອດຄ່ອງກັບສະພາບການໃໝ່ໃນປັດຈຸບັນ ເປັນຕົ້ນ ດໍາລັດ ວ່າດ້ວຍການຄຸ້ມຄອງຂໍ້ມູນຂ່າວສານຜ່ານອິນເຕີເນັດ, ສ້າງຮ່າງຍຸດທະສາດການພັດທະນາໂທລະຄົມມະນາຄົມ ແລະ ອິນເຕີເນັດ ແຫ່ງຊາດ, ຮ່າງຍຸດທະສາດຄວາມປອດໄພໄຊເບີ ແຫ່ງຊາດ ເພື່ອເປັນບ່ອນອີງໃຫ້ວຽກງານຄຸ້ມຄອງອິນເຕີເນັດ ແລະ ຄວາມປອດໄພທາງໄຊເບີ ຢ່າງຄົບຖ້ວນ, ຮັດກຸມ ແລະ ແທດເໝາະກັບສະພາບການ ໃນແຕ່ລະໄລຍະ; ເພີ່ມທະວີ ແລະ ປັບປຸງ ວຽກງານຕິດຕາມ ກວດກາ ແລະ ຕອບໂຕ້ ຫາງສຽງບໍ່ດີໃນສັງຄົມໃຫ້ເຂັ້ມແຂງ ແລະ ມີປະສິດທິພາບກວ່າເກົ່າ. ໃນນີ້, ບັນຫາເກີດຂຶ້ນຢູ່ບ່ອນໃດ, ບ່ອນນັ້ນຕ້ອງສະໜອງຂໍ້ມູນໃຫ້ສໍານັກຂ່າວທາງການ ແລະ ອອກຖະແຫຼງຂ່າວທີ່ຖືກຕ້ອງ ໃຫ້ສັງຄົມຮັບຊາບ ຢ່າງທັນການ; ເພີ່ມທະວີການຄຸ້ມຄອງຜູ້ໃຫ້ບໍລິການໂທລະຄົມມະນາຄົມ ແລະ ອິນເຕີເນັດ, ເລັ່ງຈັດຕັ້ງປະຕິບັດ ການລົງທະບຽນເລກໝາຍໂທລະສັບ ໃຫ້ສໍາເລັດຕາມແຜນການ ໃນວັນທີ 16 ທັນວາ 2023 ໂດຍໄວ; ເລັ່ງສ້າງກອງທຶນພັດທະນາໂທລະຄົມມະນາຄົມ ແລະ ອິນເຕີເນັດ ເພື່ອເປັນບ່ອນສະໜອງງົບປະມານ ໃນການຄຸ້ມຄອງ ແລະ ພັດທະນາ ໂທລະຄົມມະນາຄົມ ແລະ ອິນເຕີເນັດ. ເລັ່ງຂະຫຍາຍ ລະບົບໂທລະຄົມມະນາຄົມ ແລະ ອິນເຕີເນັດ ໄປສູ່ເຂດຫ່າງໄກສອກຫຼີກ, ປັບປຸງໂຄງສ້າງອັດຕາລາຄາ ໂທລະຄົມມະນາຄົມ ແລະ ອິນເຕີເນັດ, ມີອັດຕາລາຄາພິເສດ ເພື່ອໃຫ້ອົງການພັກ-ລັດ, ນັກຮຽນ-ນັກສຶກສາ ແລະ ປະຊາຊົນທີ່ທຸກຍາກ ສາມາດເຂົ້າເຖິງການນໍາໃຊ້ອິນເຕີເນັດໄດ້.
ປີ 2024, ຄຄອຊ ຕ້ອງໄດ້ເລັ່ງແກ້ໄຂ ບັນຫາຫຍໍ້ທໍ້ ຜ່ານທາງລະບົບໂທລະຄົມມະນາຄົມ ແລະ ອິນເຕີເນັດ, ເປັນຕົ້ນ ອາຊະຍາກໍາ ແລະ ການຕົວະຍົວະຫຼອກລວງ ຜ່ານລະບົບອິນເຕີເນັດ, ຜ່ານແກ໋ງຄອລເຊັນເຕີ; ການຮົ່ວໄຫຼຂອງເອກະສານ ຂອງພັກ-ລັດ, ການຮົ່ວໄຫຼຂໍ້ມູນສ່ວນບຸກຄົນ, ຕິດຕາມກວດກາ ບັນດາສື່ ແລະ ເວັບໄຊ ລາມົກອານາຈານ, ບັນຫາ ເກມ-ການພະນັນ, ຄາຊີໂນອອນລາຍ, ການຄ້າຂາຍຫວຍເຖື່ອນ, ການຄ້າປະເວນີ, ການຄ້າຢາເສບຕິດ ຜ່ານທາງອອນລາຍ ຕ່າງໆທີ່ຜິດກົດໝາຍ, ເພື່ອເຮັດແນວໃດໃຫ້ສະພາບແວດລ້ອມອິນເຕີເນັດ ຂອງ ສປປ ລາວ ພວກເຮົາ ມີຄວາມປອດໄພ. ທ່ານຍັງໄດ້ເນັ້ນໜັກການຮ່ວມມືແລກປ່ຽນບົດຮຽນກັບ ປະເທດຄູ່ຮ່ວມມືຍຸດທະສາດ, ບັນດາປະເທດໃນພາກພື້ນ ແລະ ອົງການສາກົນຕ່າງໆໃນວຽກງານການພັດທະນາ ແລະ ການຄຸ້ມຄອງ ອິນເຕີເນັດ.
(ຂ່າວ-ພາບ:ແສງຈັນ)
ໃນກອງປະຊຸມ, ທ່ານ ມີນາໄຊ ພິລາວົງຫົວໜ້າສູນອິນເຕີເນັດແຫ່ງຊາດ ກະຊວງເຕັກໂນໂລຊີ ແລະ ການສື່ສານ ທັງເປັນຫົວໜ້າຫ້ອງການກອງເລຂາ ຄະນະກຳມະການຄຸ້ມຄອງອິນເຕີເນັດແຫ່ງຊາດ, ລາຍງານກ່ຽວກັບການຈັດຕັ້ງວຽກງານ ຄຄອຊ ໃນໄລຍະປີ 2023 ແລະ ທິດທາງແຜນການໃນປີ 2024 ຊຶ່ງທ່ານໄດ້ຍົກໃຫ້ເຫັນຜົນສຳເລັດຫຼາຍດ້ານ ທີ່ຕິດພັນກັບການຄຸ້ມຄອງ, ການພັດທະນາ ແລະ ການນໍາໃຊ້ ອິນເຕີເນັດ, ເຕັກໂນໂລຊີການສື່ສານຂໍ້ມູນຂ່າວສານ, ການພັດທະນາຂົງເຂດດັ່ງກ່າວເຂົ້າໃນການຈັດຕັ້ງປະຕິບັດວຽກງານ, ການດຳເນີນທຸລະກິດ, ການດຳລົງຊີວິດ, ການຕິດຕໍ່ພົວພັນຂອງສັງຄົມຕ່າງໆ, ເຫັນໄດ້ເຖິງຄວາມສໍາຄັນ ແລະ ຄວາມຈຳເປັນຂອງອິນເຕີເນັດ. ຄຽງຄູ່ກັບຜົນປະໂຫຍດອັນມະຫາສານຈາກ ອິນເຕີເນັດ, ພວກເຮົາກໍເຫັນໄດ້ແຈ້ງບັນຫາ ແລະ ສິ່ງທ້າທາຍຕ່າງໆ, ໂດຍສະເພາະແມ່ນການນໍາໃຊ້ສື່ສັງຄົມອອນລາຍ ແລະ ການນຳໃຊ້ອິນເຕີເນັດ ໄປໃນທາງທີ່ບໍ່ດີຊຶ່ງບັນດາ ຄຄອຊໄດ້ຊີ້ນຳພາກສ່ວນທີ່ກ່ຽວຂ້ອງ ສຸມໃສ່ຄົ້ນຄວ້າຫາວິທີການແກ້ໄຂ ດ້ວຍມາດຕະການຕ່າງໆ ເພື່ອແກ້ໄຂປະກົດການຫຍໍ້ທໍ້ທີ່ເກີດຂຶ້ນໃນໄລຍະຜ່ານມາກໍສາມາດຈຳກັດ ພ້ອມທັງມີຜົນສຳເລັດໃນເບື້ອງຕົ້ນ. ສ່ວນຂົງເຂດລວມສູນການສື່ສານ, ການກວດກາຄື້ນຄວາມຖີ່ວິທະຍຸສື່ສານ, ການນຳໃຊ້ສັນຍານ-ການນຳໃຊ້ສາຍສົ່ງໂທລະຄົມມະນາຄົມ, ການສຸມໃສ່ຂຶ້ນທະບຽນເລກໝາຍໂທລະສັບ, ການປັບປຸງພື້ນຖານໂຄງລ່າງດີຈີຕອນ, ການຄຸ້ມຄອງຄວາມປອດໄພທາງດ້ານໄຊເບີ, ເນື້ອໃນຂໍ້ມູນຂ່າວສານຜ່ານອິນເຕີເນັດ ແລະ ດ້ານອື່ນໆ.
ທ່ານ ສົມກຽດ ພະສີ ຮອງລັດຖະມົນຕີ ຮອງຫົວໜ້າຫ້ອງວ່າການສຳນັກງານນາຍົກລັດຖະມົນຕີ ຮອງປະທານ ຄຄອຊ ຫົວໜ້າໜ່ວຍງານຕິດຕາມ, ກວດກາ ແລະ ຕອບໂຕ້ ຫາງສຽງບໍ່ດີໃນສັງຄົມ ກໍໄດ້ຂຶ້ນລາຍງານສະພາບການຄຸ້ມຄອງ ແລະ ແກ້ໄຂບັນຫາ ທີ່ເກີດຂຶ້ນນຳສື່ສັງຄົມອອນລາຍ ພ້ອມທັງສະຫຼຸບຕີລາຄາການຈັດຕັ້ງປະຕິບັດວຽກງານຂອງໜ່ວຍງານຮອດປັດຈຸບັນແລະ ແຜນວຽກຈຸດສຸມໃນຕໍ່ໜ້າ.
ກອງປະຊຸມຍັງໄດ້ຮັບຟັງການລາຍງານ ສະພາບການພົ້ນເດັ່ນທີ່ເກີດຂຶ້ນຈາກສື່ສັງຄົມອອນລາຍ ພ້ອມທັງວິທີການແກ້ໄຂບັນຫາ ຂອງບັນດາກະຊວງ, ອົງການ, ແຂວງ/ນະຄອນຫຼວງ ແລະ ຮ່ວມກັນປະກອບຄຳເຫັນຢ່າງກົງໄປກົງມາເພື່ອຕີລາຄາ ແລະ ຖອດຖອນບົດຮຽນ ຈາກການຈັດຕັ້ງປະຕິບັດວຽກງານໃນໄລຍະຜ່ານມາ ແລະ ຮ່ວມກັນວາງທິດທາງແຜນການໃນຕໍ່ໜ້າ ເພື່ອເຮັດໃຫ້ວຽກງານການຄຸ້ມຄອງອິນເຕີເນັດ ພາຍໃນປະເທດ ມີປະສິດທິພາບ ແລະ ປະສິດທິຜົນດີຂຶ້ນກວ່າເກົ່າ.
ໃນກອງປະຊຸມ, ທ່ານ ພົອ ວິໄລ ຫຼ້າຄຳຟອງ ໄດ້ມີຄໍາເຫັນຊີ້ນຳຕໍ່ກັບການສະຫຼຸບລາຍງານ, ທິດທາງແຜນການ ແລະ ຂໍ້ສະເໜີຕ່າງໆ ໃນການຈັດຕັ້ງປະຕິບັດບັນດາວຽກງານໃນຕໍ່ໜ້າ, ໂດຍໄດ້ຕີລາຄາສູງ ຕໍ່ການຄົ້ນຄວ້າ, ການກຳນົດບັນດາເປົ້າໝາຍທີ່ມີຄວາມສຳຄັນ ແລະ ຈຳເປັນ ທີ່ຈະຕ້ອງຄຸ້ມຄອງ ແລະ ພັດທະນາວຽກງານອິນເຕີເນັດ ຊຶ່ງແມ່ນວຽກງານຂອງທຸກພາກສ່ວນ ທີ່ຈະຕ້ອງ ໄດ້ສົມທົບກັນຢ່າງແໜ້ນແຟ້ນ ແລະ ກົມກຽວ ເພື່ອເຮັດໃຫ້ອິນເຕີເນັດ ແລະ ເຕັກໂນໂລຊີດີຈີຕອນ ສາມາດປະກອບສ່ວນໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ທັງຕິດພັນກັບ 2 ວາລະແຫ່ງຊາດ ຄື: ການແກ້ໄຂບັນຫາຢາເສບຕິດ ແລະ ການແກ້ໄຂຄວາມຫຍຸ້ງຍາກທາງດ້ານ ເສດຖະກິດ-ການເງິນ, ພ້ອມທັງ ຊຸກຍູ້ ການຫັນເປັນດິຈິຕອນ ໂດຍລວມຂອງຊາດ. ໃນນັ້ນ, ນອກຈາກສືບຕໍ່ຕາມແຜນທີ່ໄດ້ກຳນົດໄວ້ແລ້ວ, ທ່ານຍັງໄດ້ເນັ້ນໜັກໃຫ້ເອົາໃຈໃສ່ບາງບັນຫາ, ເປັນຕົ້ນການຄົ້ນຄວ້າປັບປຸງພາລະບົດບາດຂອງ ຄຄອຊ ເພື່ອບໍ່ໃຫ້ທັບຊ້ອນກັບ ຄະນະກຳມະການລະດັບຊາດ ເພື່ອການຫັນເປັນດີຈີຕອນ ຂອງ ສປປ ລາວ; ການປັບປຸງ ແລະ ສ້າງບັນດາຈຸດປະສານງານ ຄຄອຊ ຢູ່ແຕ່ລະກະຊວງ, ອົງການພັກ-ລັດ ແລະ ບັນດາ ຄະນະກໍາມະການຄຸ້ມຄອງອິນເຕີເນັດ ແຫ່ງຊາດ ຂັ້ນແຂວງ; ເອົາໃຈໃສ່ຄົ້ນຄວ້າ ແລະ ປັບປຸງ ບັນດານິຕິກຳທີ່ມີແລ້ວ, ນິຕິກໍາໃດຄວນໄດ້ປັບປຸງຄືນເພື່ອໃຫ້ສອດຄ່ອງກັບສະພາບການໃໝ່ໃນປັດຈຸບັນ ເປັນຕົ້ນ ດໍາລັດ ວ່າດ້ວຍການຄຸ້ມຄອງຂໍ້ມູນຂ່າວສານຜ່ານອິນເຕີເນັດ, ສ້າງຮ່າງຍຸດທະສາດການພັດທະນາໂທລະຄົມມະນາຄົມ ແລະ ອິນເຕີເນັດ ແຫ່ງຊາດ, ຮ່າງຍຸດທະສາດຄວາມປອດໄພໄຊເບີ ແຫ່ງຊາດ ເພື່ອເປັນບ່ອນອີງໃຫ້ວຽກງານຄຸ້ມຄອງອິນເຕີເນັດ ແລະ ຄວາມປອດໄພທາງໄຊເບີ ຢ່າງຄົບຖ້ວນ, ຮັດກຸມ ແລະ ແທດເໝາະກັບສະພາບການ ໃນແຕ່ລະໄລຍະ; ເພີ່ມທະວີ ແລະ ປັບປຸງ ວຽກງານຕິດຕາມ ກວດກາ ແລະ ຕອບໂຕ້ ຫາງສຽງບໍ່ດີໃນສັງຄົມໃຫ້ເຂັ້ມແຂງ ແລະ ມີປະສິດທິພາບກວ່າເກົ່າ. ໃນນີ້, ບັນຫາເກີດຂຶ້ນຢູ່ບ່ອນໃດ, ບ່ອນນັ້ນຕ້ອງສະໜອງຂໍ້ມູນໃຫ້ສໍານັກຂ່າວທາງການ ແລະ ອອກຖະແຫຼງຂ່າວທີ່ຖືກຕ້ອງ ໃຫ້ສັງຄົມຮັບຊາບ ຢ່າງທັນການ; ເພີ່ມທະວີການຄຸ້ມຄອງຜູ້ໃຫ້ບໍລິການໂທລະຄົມມະນາຄົມ ແລະ ອິນເຕີເນັດ, ເລັ່ງຈັດຕັ້ງປະຕິບັດ ການລົງທະບຽນເລກໝາຍໂທລະສັບ ໃຫ້ສໍາເລັດຕາມແຜນການ ໃນວັນທີ 16 ທັນວາ 2023 ໂດຍໄວ; ເລັ່ງສ້າງກອງທຶນພັດທະນາໂທລະຄົມມະນາຄົມ ແລະ ອິນເຕີເນັດ ເພື່ອເປັນບ່ອນສະໜອງງົບປະມານ ໃນການຄຸ້ມຄອງ ແລະ ພັດທະນາ ໂທລະຄົມມະນາຄົມ ແລະ ອິນເຕີເນັດ. ເລັ່ງຂະຫຍາຍ ລະບົບໂທລະຄົມມະນາຄົມ ແລະ ອິນເຕີເນັດ ໄປສູ່ເຂດຫ່າງໄກສອກຫຼີກ, ປັບປຸງໂຄງສ້າງອັດຕາລາຄາ ໂທລະຄົມມະນາຄົມ ແລະ ອິນເຕີເນັດ, ມີອັດຕາລາຄາພິເສດ ເພື່ອໃຫ້ອົງການພັກ-ລັດ, ນັກຮຽນ-ນັກສຶກສາ ແລະ ປະຊາຊົນທີ່ທຸກຍາກ ສາມາດເຂົ້າເຖິງການນໍາໃຊ້ອິນເຕີເນັດໄດ້.
ປີ 2024, ຄຄອຊ ຕ້ອງໄດ້ເລັ່ງແກ້ໄຂ ບັນຫາຫຍໍ້ທໍ້ ຜ່ານທາງລະບົບໂທລະຄົມມະນາຄົມ ແລະ ອິນເຕີເນັດ, ເປັນຕົ້ນ ອາຊະຍາກໍາ ແລະ ການຕົວະຍົວະຫຼອກລວງ ຜ່ານລະບົບອິນເຕີເນັດ, ຜ່ານແກ໋ງຄອລເຊັນເຕີ; ການຮົ່ວໄຫຼຂອງເອກະສານ ຂອງພັກ-ລັດ, ການຮົ່ວໄຫຼຂໍ້ມູນສ່ວນບຸກຄົນ, ຕິດຕາມກວດກາ ບັນດາສື່ ແລະ ເວັບໄຊ ລາມົກອານາຈານ, ບັນຫາ ເກມ-ການພະນັນ, ຄາຊີໂນອອນລາຍ, ການຄ້າຂາຍຫວຍເຖື່ອນ, ການຄ້າປະເວນີ, ການຄ້າຢາເສບຕິດ ຜ່ານທາງອອນລາຍ ຕ່າງໆທີ່ຜິດກົດໝາຍ, ເພື່ອເຮັດແນວໃດໃຫ້ສະພາບແວດລ້ອມອິນເຕີເນັດ ຂອງ ສປປ ລາວ ພວກເຮົາ ມີຄວາມປອດໄພ. ທ່ານຍັງໄດ້ເນັ້ນໜັກການຮ່ວມມືແລກປ່ຽນບົດຮຽນກັບ ປະເທດຄູ່ຮ່ວມມືຍຸດທະສາດ, ບັນດາປະເທດໃນພາກພື້ນ ແລະ ອົງການສາກົນຕ່າງໆໃນວຽກງານການພັດທະນາ ແລະ ການຄຸ້ມຄອງ ອິນເຕີເນັດ.
(ຂ່າວ-ພາບ:ແສງຈັນ)
