ໃນຕອນເຊົ້າວັນທີ 22 ພະຈິກນີ້ທີ່ຫ້ອງປະຊຸມໃຫຍ່ ຫ້ອງວ່າການແຂວງ ໄດ້ຈັດກອງປະຊຸມອົງການປົກຄອງແຂວງວຽງຈັນ ໂດຍການເປັນກຽດເຂົ້າຮ່ວມຂອງ ທ່ານ ຄຳພັນ ສິດທິດຳພາ ເຈົ້າແຂວງວຽງຈັນ, ມີບັນດາການນຳແຂວງ, ຫົວໜ້າພະແນກການ, ກົມກອງ, ອົງການ ແລະ ທ່ານເຈົ້າເມືອງ 11 ຕົວເມືອງພາຍໃນແຂວງເຂົ້າຮ່ວມ.
ທ່ານ ຄຳພັນ ສິດທິດຳພາ ໄດ້ກ່າວເປີດກອງປະຊຸມໃນຄັ້ງນີ້ວ່າ: ກອງປະຊຸມອົງການປົກຄອງແຂວງວຽງຈັນ ຄັ້ງນີ້ຈະໄດ້ພ້ອມກັນທົບທວນຫວນຄືນເຖິງຜົນງານ, ໝາກຜົນຂອງການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ ປະຈຳປີ 2023 ແລະ ກຳນົດວາງທິດທາງແຜນການ, ຄາດໝາຍສູ້ຊົນ ປະຈຳປີ 2024 ຂອງແຂວງວຽງຈັນ, ພ້ອມດຽວກັນນີ້ ຈະໄດ້ຮັບຟັງການລາຍງານຄວາມຄືບໜ້າຂອງການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແລະ ຢາເສບຕິດ. ຄຽງຄູ່ກັນນີ້ ຈະໄດ້ຮັບຟັງການປະກອບຄໍາເຫັນຂອງບັນດາພະແນກການກ່ຽວຂ້ອງໃນຫົວຂໍ້ຕ່າງໆ ທີ່ຕິດພັນກັບຄວາມຮັບຜິດຊອບຂອງຕົນ. ນອກຈາກບັນຫາຫົວຂໍ້ທີ່ຕັ້ງຂຶ້ນໃນກອງປະຊຸມຂອງອົງການປົກຄອງແຂວງໃນເທື່ອນີ້ ຍັງມີຫຼາຍບັນຫາທີ່ຈະໄດ້ພ້ອມກັນທົບທວນຄືນຢ່າງເປັນລະບົບ, ຊອກໃຫ້ເຫັນຜົນງານໝາກຜົນທີ່ພົ້ນເດັ່ນທີ່ເຮັດໄດ້ ເພື່ອເສີມຂະຫຍາຍ ແລະ ຊອກໃຫ້ເຫັນດ້ານອ່ອນ, ຂໍ້ຄົງຄ້າງ, ສາເຫດທີ່ພາໃຫ້ອ່ອນເພື່ອພ້ອມກັນຕີລາຄາ ຫາວິທີທາງອອກ ບົນພື້ນຖານແນວທາງ, ລະບຽບກົດໝາຍ, ມະຕິ, ຄຳສັ່ງຕ່າງໆ ເພື່ອກ້າວໄປສູ່ການກຳນົດທິດທາງໜ້າທີ່ໃຫ້ເປັນຈຸດສຸມ, ມີວິທີການຈັດຕັ້ງປະຕິບັດຢ່າງຈະແຈ້ງ, ມີປະສິດທິຜົນ ແລະ ສອດຄ່ອງກັບສະພາບຄວາມເປັນຈິງຂອງແຂວງ, ທັງສາມາດໄດ້ຮັບຄວາມຮ່ວມມືສະໜັບສະໜູນຈາກການຈັດຕັ້ງທຸກພາກສ່ວນ ແລະ ປະຊາຊົນບັນດາເຜົ່າທີ່ມີສ່ວນກ່ຽວຂ້ອງ. ຫວັງຢ່າງຍິ່ງວ່າກອງປະຊຸມຂອງອົງການປົກຄອງແຂວງເທື່ອນີ້ ຈະເປັນໂອກາດອັນດີໃນການເຕົ້າໂຮມເອົາສະຕິປັນຍາ, ການປະກອບຄໍາຄິດ-ຄຳເຫັນອັນມີຄຸນຄ່າຈາກບັນດາສະຫາຍເຂົ້າໃນການຄົ້ນຄວ້າຊອກທິດທາງ, ວິທີການ, ປັບປຸງແກ້ໄຂໃຫ້ບັນດາບັນຫາທີ່ຄົງຄ້າງມີທາງອອກທີ່ດີ, ມີຜົນສຳເລັດອັນຈົບງາມ, ຍົກສູງຄວາມຮັບຜິດຊອບໜ້າທີ່ການເມືອງຂອງຕົນ, ຕັ້ງໜ້າຄົ້ນຄວ້າ, ປະກອບຄຳເຫັນຢ່າງກົງໄປກົງມາ ແລະ ສ້າງສັນ ເພື່ອສ້າງຄວາມເປັນເອກະພາບແຕ່ລະບັນຫາຕາມລະບຽບກົດໝາຍ ແລະ ສະພາບຄວາມເປັນຈິງຂອງທ້ອງຖິ່ນ. ເປັນກຳລັງແຮງ ແລະ ຮ່ວມກັນຊອກຫາທາງອອກ ແລະ ວິທີແກ້ໄຂຢ່າງຖືກຕ້ອງສອດຄ່ອງ ໃນສະເພາະໜ້າ ແລະ ຍາວນານ, ເຮັດໃຫ້ແຂວງວຽງຈັນ ມີການປ່ຽນແປງໃໝ່, ມີການພັດທະນາດີຂຶ້ນ ແລະ ສໍາເລັດຕາມຄາດໝາຍວາງໄວ້.
ກອງປະຊຸມຄັ້ງນີ້ ກໍເພື່ອເປັນການກະກຽມເນື້ອໃນ ຂອງກອງປະຊຸມຄົບຄະນະບໍລິຫານງານພັກແຂວງ ແລະ ກອງປະຊຸມສະພາປະຊາຊົນແຂວງ ສະໄໝສາມັນເທື່ອທີ 6 ຊຸດທີ II ທີ່ຈະເປີດຂຶ້ນໃນມໍ່ໆນີ້ອີກດ້ວຍ.
ຂ່າວ-ພາບ:ແຂວງວຽງຈັນ
ທ່ານ ຄຳພັນ ສິດທິດຳພາ ໄດ້ກ່າວເປີດກອງປະຊຸມໃນຄັ້ງນີ້ວ່າ: ກອງປະຊຸມອົງການປົກຄອງແຂວງວຽງຈັນ ຄັ້ງນີ້ຈະໄດ້ພ້ອມກັນທົບທວນຫວນຄືນເຖິງຜົນງານ, ໝາກຜົນຂອງການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ ປະຈຳປີ 2023 ແລະ ກຳນົດວາງທິດທາງແຜນການ, ຄາດໝາຍສູ້ຊົນ ປະຈຳປີ 2024 ຂອງແຂວງວຽງຈັນ, ພ້ອມດຽວກັນນີ້ ຈະໄດ້ຮັບຟັງການລາຍງານຄວາມຄືບໜ້າຂອງການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແລະ ຢາເສບຕິດ. ຄຽງຄູ່ກັນນີ້ ຈະໄດ້ຮັບຟັງການປະກອບຄໍາເຫັນຂອງບັນດາພະແນກການກ່ຽວຂ້ອງໃນຫົວຂໍ້ຕ່າງໆ ທີ່ຕິດພັນກັບຄວາມຮັບຜິດຊອບຂອງຕົນ. ນອກຈາກບັນຫາຫົວຂໍ້ທີ່ຕັ້ງຂຶ້ນໃນກອງປະຊຸມຂອງອົງການປົກຄອງແຂວງໃນເທື່ອນີ້ ຍັງມີຫຼາຍບັນຫາທີ່ຈະໄດ້ພ້ອມກັນທົບທວນຄືນຢ່າງເປັນລະບົບ, ຊອກໃຫ້ເຫັນຜົນງານໝາກຜົນທີ່ພົ້ນເດັ່ນທີ່ເຮັດໄດ້ ເພື່ອເສີມຂະຫຍາຍ ແລະ ຊອກໃຫ້ເຫັນດ້ານອ່ອນ, ຂໍ້ຄົງຄ້າງ, ສາເຫດທີ່ພາໃຫ້ອ່ອນເພື່ອພ້ອມກັນຕີລາຄາ ຫາວິທີທາງອອກ ບົນພື້ນຖານແນວທາງ, ລະບຽບກົດໝາຍ, ມະຕິ, ຄຳສັ່ງຕ່າງໆ ເພື່ອກ້າວໄປສູ່ການກຳນົດທິດທາງໜ້າທີ່ໃຫ້ເປັນຈຸດສຸມ, ມີວິທີການຈັດຕັ້ງປະຕິບັດຢ່າງຈະແຈ້ງ, ມີປະສິດທິຜົນ ແລະ ສອດຄ່ອງກັບສະພາບຄວາມເປັນຈິງຂອງແຂວງ, ທັງສາມາດໄດ້ຮັບຄວາມຮ່ວມມືສະໜັບສະໜູນຈາກການຈັດຕັ້ງທຸກພາກສ່ວນ ແລະ ປະຊາຊົນບັນດາເຜົ່າທີ່ມີສ່ວນກ່ຽວຂ້ອງ. ຫວັງຢ່າງຍິ່ງວ່າກອງປະຊຸມຂອງອົງການປົກຄອງແຂວງເທື່ອນີ້ ຈະເປັນໂອກາດອັນດີໃນການເຕົ້າໂຮມເອົາສະຕິປັນຍາ, ການປະກອບຄໍາຄິດ-ຄຳເຫັນອັນມີຄຸນຄ່າຈາກບັນດາສະຫາຍເຂົ້າໃນການຄົ້ນຄວ້າຊອກທິດທາງ, ວິທີການ, ປັບປຸງແກ້ໄຂໃຫ້ບັນດາບັນຫາທີ່ຄົງຄ້າງມີທາງອອກທີ່ດີ, ມີຜົນສຳເລັດອັນຈົບງາມ, ຍົກສູງຄວາມຮັບຜິດຊອບໜ້າທີ່ການເມືອງຂອງຕົນ, ຕັ້ງໜ້າຄົ້ນຄວ້າ, ປະກອບຄຳເຫັນຢ່າງກົງໄປກົງມາ ແລະ ສ້າງສັນ ເພື່ອສ້າງຄວາມເປັນເອກະພາບແຕ່ລະບັນຫາຕາມລະບຽບກົດໝາຍ ແລະ ສະພາບຄວາມເປັນຈິງຂອງທ້ອງຖິ່ນ. ເປັນກຳລັງແຮງ ແລະ ຮ່ວມກັນຊອກຫາທາງອອກ ແລະ ວິທີແກ້ໄຂຢ່າງຖືກຕ້ອງສອດຄ່ອງ ໃນສະເພາະໜ້າ ແລະ ຍາວນານ, ເຮັດໃຫ້ແຂວງວຽງຈັນ ມີການປ່ຽນແປງໃໝ່, ມີການພັດທະນາດີຂຶ້ນ ແລະ ສໍາເລັດຕາມຄາດໝາຍວາງໄວ້.
ກອງປະຊຸມຄັ້ງນີ້ ກໍເພື່ອເປັນການກະກຽມເນື້ອໃນ ຂອງກອງປະຊຸມຄົບຄະນະບໍລິຫານງານພັກແຂວງ ແລະ ກອງປະຊຸມສະພາປະຊາຊົນແຂວງ ສະໄໝສາມັນເທື່ອທີ 6 ຊຸດທີ II ທີ່ຈະເປີດຂຶ້ນໃນມໍ່ໆນີ້ອີກດ້ວຍ.
ຂ່າວ-ພາບ:ແຂວງວຽງຈັນ
