ໃນຕອນເຊົ້າ ວັນທີ 21 ພະຈິກ 2023, ຫ້ອງວ່າການສຳນັກງານນາຍົກລັດຖະມົນຕີ (ຫສນຍ) ໄດ້ຈັດກອງປະຊຸມລາຍງານຫຍໍ້ ກ່ຽວກັບການຜັນຂະຫຍາຍຂໍ້ແຂ່ງຂັນຮັກຊາດ ແລະ ພັດທະນາ ດ້ວຍທິດ 3 ຫັນ ເພື່ອຍົກສູງຄຸນນະພາບ 3 ດີ ແລະ ປະກາດການຈັດຕັ້ງ ກົມຄົ້ນຄວ້າສັງລວມ, ກົມຈັດຕັ້ງ ແລະ ພະນັກງານ ແລະ ຫໍປະຊຸມແຫ່ງຊາດ ໂດຍການເປັນປະທານ ຂອງສະຫາຍ ອາລຸນໄຊ ສູນນະລາດ, ກຳມະການສູນກາງພັກ, ເລຂາຄະນະພັກ, ລັດຖະມົນຕີຫົວໜ້າ ຫສນຍ; ມີສະຫາຍຮອງເລຂາຄະນະພັກ, ບັນດາສະຫາຍຄະນະພັກ, ຫົວໜ້າກົມ, ຮອງຫົວໜ້າກົມ, ຫົວໜ້າ-ຮອງຫົວໜ້າຫໍປະຊຸມແຫ່ງຊາດ ພ້ອມດ້ວຍສະມາຊິກພັກ, ພະນັກງານ-ລັດຖະກອນ ທີ່ກ່ຽວຂ້ອງພາຍໃນ ຫສນຍ ເຂົ້າຮ່ວມ.
ໃນໂອກາດນີ້, ກອງປະຊຸມ ໄດ້ຮັບຟັງການລາຍງານຫຍໍ້ ກ່ຽວກັບຜົນການຜັນຂະຫຍາຍຂໍ້ແຂ່ງຂັນຮັກຊາດ-ພັດທະນາ ດ້ວຍທິດ 3 ຫັນ ເພື່ອຍົກສູງຄຸນນະພາບ 3 ດີ, ການປະກອບຄໍາເຫັນ ແລະ ຂໍ້ສະເໜີຕໍ່ຄະນະພັກ-ຄະນະນຳ ຫສນຍ ຈາກຜູ້ຕາງໜ້າຂອງບັນດາກົມ ຊຶ່ງເຫັນວ່າ ບັນດາພາກສ່ວນດັ່ງກ່າວ ໄດ້ເອົາໃຈໃສ່ຜັນຂະຫຍາຍຂໍ້ແຂ່ງຂັນ ເຂົ້າໃນແຜນວຽກຂອງພາກສ່ວນຕົນ ໂດຍສະເພາະ ການປະຕິບັດໜ້າທີ່ ທີ່ຕິດພັນກັບຂໍ້ຕົກລົງຂອງ ຫສນຍ ວ່າດ້ວຍລະບຽບການ ແລະ ກົນໄກການເຮັດວຽກ ຂອງ ຫສນຍ, ເພີ່ມຄວາມເປັນເຈົ້າການ ໃນການຍົກສູງຄວາມຮັບຜິດຊອບ ຕໍ່ໜ້າທີ່ການເມືອງຂອງຕົນໃຫ້ສູງຂຶ້ນ ໂດຍໄດ້ສ້າງແຜນດຳເນີນງານ, ກຳນົດໄລຍະເວລາຈັດຕັ້ງປະຕິບັດ ແລະ ຄາດຄະເນຜົນສໍາເລັດຢ່າງຈະແຈ້ງ; ໄດ້ເປັນເຈົ້າການຜັນຂະຫຍາຍແນວທາງນະໂຍບາຍຂອງພັກ-ລັດ, ບັນດານິຕິກຳ, ມະຕິ, ຄຳສັ່ງຂອງຂັ້ນເທິງ ອອກເປັນແຜນການ-ແຜນງານ, ໜ້າວຽກລະອຽດຂອງກົມ, ຂອງພະແນກ ມອບໝາຍໃຫ້ພະນັກງານຮັບຜິດຊອບ ຈັດຕັ້ງປະຕິບັດ ເພື່ອໃຫ້ສອດຄ່ອງກັບສະພາບຕົວຈິງ ໃນແຕ່ລະໄລຍະ, ທັງມີການຕິດຕາມຊຸກຍູ້, ຖອດຖອນບົດຮຽນ ແລະ ສະຫຼຸບລາຍງານ ເປັນປົກກະຕິ; ສາມາດແກ້ໄຂບັນດາຂອດຂັ້ນການດຳເນີນເອກະສານ ໃຫ້ມີຄວາມວ່ອງໄວ, ໂປ່ງໃສ ແລະ ມີປະສິດທິຜົນ ກວ່າເກົ່າ; ໄດ້ສຸມໃສ່ກໍ່ສ້າງພະນັກງານ-ລັດຖະກອນ ພາຍໃນ ຫສນຍ ໄປຕາມທິດຫັນເປັນຊ່ຽວຊານສະເພາະດ້ານ ເພື່ອຍົກສູງຄຸນນະພາບໃນການເປັນເສນາທິການ ໃຫ້ສົມຄູ່ກັບຄວາມຮຽກຮ້ອງຕ້ອງການຕົວຈິງຂອງວຽກງານ ໃນແຕ່ລະໄລຍະ ແລະ ສອດຄ່ອງກັບທິດທາງແຜນການ ຂອງຄະນະພັກ ຫສນຍ ວາງອອກ.
ໃນໂອກາດດຽວກັນ, ກໍໄດ້ມີພິທີປະກາດການຈັດຕັ້ງ ພາຍໃນກົມຄົ້ນຄວ້າສັງລວມ, ກົມຈັດຕັ້ງ ແລະ ພະນັກງານ ແລະ ຫໍປະຊຸມແຫ່ງຊາດ, ຊຶ່ງສະຫາຍ ນາງ ບຸນໜັກ ດາລາງາແກ້ວ, ຄະນະບໍລິຫານງານພັກ, ຫົວໜ້າກົມຈັດຕັ້ງ ແລະ ພະນັກງານ ໄດ້ຂຶ້ນຜ່ານຂໍ້ຕົກລົງຂອງທ່ານ ລັດຖະມົນຕີ, ຫົວໜ້າຫ້ອງວ່າການສຳນັກງານນາຍົກລັດຖະມົນຕີ ວ່າດ້ວຍການສັບຊ້ອນ-ແຕ່ງຕັ້ງ ພະນັກງານ-ລັດຖະກອນ ໃນນັ້ນ, ໄດ້ສັບຊ້ອນຮອງຫົວໜ້າກົມ ຈຳນວນ 3 ທ່ານ, ຫົວໜ້າພະແນກ ຈຳນວນ 1 ທ່ານ, ຮອງຫົວໜ້າພະແນກ ຈຳນວນ 3 ທ່ານ ແລະ ແຕ່ງຕັ້ງຫົວໜ້າພະແນກ ຈຳນວນ 5 ທ່ານ, ຮອງຫົວໜ້າພະແນກ ຈຳນວນ 14 ທ່ານ, ຫົວໜ້າຂະແໜງ ຈຳນວນ 1 ທ່ານ ແລະ ຮອງຫົວໜ້າຂະແໜງ ຈຳນວນ 2 ທ່ານ.
ຕອນທ້າຍ, ສະຫາຍລັດຖະມົນຕີ, ຫົວໜ້າ ຫສນຍ ກໍໄດ້ໃຫ້ກຽດໂອ້ລົມ ແລະ ໃຫ້ທິດຊີ້ນຳຕໍ່ກອງປະຊຸມ ຊຶ່ງສະຫາຍ ໄດ້ຕີລາຄາສູງຕໍ່ໝາກຜົນ ຂອງການຈັດຕັ້ງປະຕິບັດໜ້າທີ່ວຽກງານ ຕາມແນວທາງປ່ຽນແປງໃໝ່ຮອບດ້ານ ແລະ ມີຫຼັກການ ຂອງພັກ ໂດຍສະເພາະ ການນຳພາຊີ້ນໍາສະມາຊິກພັກ-ພະນັກງານ ໃນການສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານ, ຍົກສູງຄວາມຮັບຜິດຊອບ ຕໍ່ໜ້າທີ່ການເມືອງຂອງຕົນ, ຕັດສິນໃຈບຸກບືນ ຜ່ານຜ່າຄວາມຫຍຸ້ງຍາກ ເພື່ອປະຕິບັດໜ້າທີ່ ທີ່ການຈັດຕັ້ງມອບໝາຍ ໃຫ້ເຮັດສຳເລັດຕາມລະດັບຄາດໝາຍທີ່ວາງໄວ້. ພ້ອມນັ້ນ, ສະຫາຍຍັງໄດ້ເນັ້ນໜັກ ໃຫ້ບັນດາຜູ້ທີ່ໄດ້ຮັບໜ້າທີ່ໃໝ່ ໃຫ້ສືບຕໍ່ເພີ່ມທະວີກໍາລັງແຮງ ແລະ ສຸມສະຕິປັນຍາຂອງຕົນ ເຂົ້າໃນການປະຕິບັດໜ້າທີ່ການເມືອງ, ເພີ່ມທະວີກຳລັງແຮງຄວາມສາມັກຄີພາຍໃນ; ສືບຕໍ່ຮັກສາມູນເຊື້ອຄວາມເປັນແບບຢ່າງນຳໜ້າໃນການນຳພາ-ຊີ້ນຳ;ເດັດຂາດໃນການປະຕິບັດໜ້າທີ່ວຽກງານບົນຫຼັກການເຮັດວຽກເປັນໝູ່ຄະນະ; ເສີມຂະຫຍາຍພາລະບົດບາດ, ປັບປຸງແບບແຜນວິທີເຮັດວຽກ ໃຫ້ສະດວກ, ວ່ອງໄວ ແລະ ມີປະສິດທິຜົນ; ຮຽກຮ້ອງພະນັກງານຫຼັກແຫຼ່ງທຸກຂັ້ນຢູ່ພາຍໃນ ຫສນຍ ພ້ອມກັນເຊີດຊູຄວາມເປັນເຈົ້າການນຳພາຈັດຕັ້ງປະຕິບັດວຽກງານ, ຍົກສູງຄວາມເປັນເອກະພາບ ໂດຍສະເພາະ ການຈັດວາງພະນັກງານ-ລັດຖະກອນ ຕ້ອງມີຄວາມເປັນກາງ, ຍຸຕິທຳ ແລະ ແທດເໝາະກັບຄວາມຮຽກຮ້ອງຕ້ອງການຂອງໜ້າທີ່ວຽກງານຕົວຈິງ; ສືບຕໍ່ເພີ່ມທະວີ ການນຳພາຊີ້ນຳ ໃນການປະຕິບັດພາລະບົດບາດຂອງກົມກອງຕົນ ຕາມຄຳຂວັນ 3 ດີ (ເປັນເສນາທິການທີ່ດີ, ປະສານງານດີ ແລະ ບໍລິການຮັບໃຊ້ດີ) ຕາມທິດ 3 ຫັນ: (1). ຫັນປ່ຽນຈາກແນວຄິດຄອງຄອຍ, ລໍຖ້າຄຳສັ່ງ, ລັງເລ ໄປສູ່ຄວາມເປັນເຈົ້າການກ່ວາເກົ່າ; (2). ຫັນປ່ຽນຈາກການເຮັດວຽກບໍ່ມີແຜນການທີ່ຮັດກຸມ ໄປສູ່ການເຮັດວຽກຢ່າງມີລະບົບ, ມີລະບອບ, ມີລະບຽບ ໂດຍມີຈຸດສຸມ ແລະ ຄາດໝາຍທີ່ຊັດເຈນ; (3). ຫັນປ່ຽນຈາກລະບົບເຮັດວຽກມີຫຼາຍຂັ້ນຫຼາຍຂອດໄປສູ່ລະບົບການເຮັດວຽກທີ່ສະດວກ, ວ່ອງໄວ, ຖືກຕ້ອງ ແລະ ທັນສະໄໝກວ່າເກົ່າ.(ຂ່າວ-ພາບ: ຫສນຍ)
ໃນໂອກາດນີ້, ກອງປະຊຸມ ໄດ້ຮັບຟັງການລາຍງານຫຍໍ້ ກ່ຽວກັບຜົນການຜັນຂະຫຍາຍຂໍ້ແຂ່ງຂັນຮັກຊາດ-ພັດທະນາ ດ້ວຍທິດ 3 ຫັນ ເພື່ອຍົກສູງຄຸນນະພາບ 3 ດີ, ການປະກອບຄໍາເຫັນ ແລະ ຂໍ້ສະເໜີຕໍ່ຄະນະພັກ-ຄະນະນຳ ຫສນຍ ຈາກຜູ້ຕາງໜ້າຂອງບັນດາກົມ ຊຶ່ງເຫັນວ່າ ບັນດາພາກສ່ວນດັ່ງກ່າວ ໄດ້ເອົາໃຈໃສ່ຜັນຂະຫຍາຍຂໍ້ແຂ່ງຂັນ ເຂົ້າໃນແຜນວຽກຂອງພາກສ່ວນຕົນ ໂດຍສະເພາະ ການປະຕິບັດໜ້າທີ່ ທີ່ຕິດພັນກັບຂໍ້ຕົກລົງຂອງ ຫສນຍ ວ່າດ້ວຍລະບຽບການ ແລະ ກົນໄກການເຮັດວຽກ ຂອງ ຫສນຍ, ເພີ່ມຄວາມເປັນເຈົ້າການ ໃນການຍົກສູງຄວາມຮັບຜິດຊອບ ຕໍ່ໜ້າທີ່ການເມືອງຂອງຕົນໃຫ້ສູງຂຶ້ນ ໂດຍໄດ້ສ້າງແຜນດຳເນີນງານ, ກຳນົດໄລຍະເວລາຈັດຕັ້ງປະຕິບັດ ແລະ ຄາດຄະເນຜົນສໍາເລັດຢ່າງຈະແຈ້ງ; ໄດ້ເປັນເຈົ້າການຜັນຂະຫຍາຍແນວທາງນະໂຍບາຍຂອງພັກ-ລັດ, ບັນດານິຕິກຳ, ມະຕິ, ຄຳສັ່ງຂອງຂັ້ນເທິງ ອອກເປັນແຜນການ-ແຜນງານ, ໜ້າວຽກລະອຽດຂອງກົມ, ຂອງພະແນກ ມອບໝາຍໃຫ້ພະນັກງານຮັບຜິດຊອບ ຈັດຕັ້ງປະຕິບັດ ເພື່ອໃຫ້ສອດຄ່ອງກັບສະພາບຕົວຈິງ ໃນແຕ່ລະໄລຍະ, ທັງມີການຕິດຕາມຊຸກຍູ້, ຖອດຖອນບົດຮຽນ ແລະ ສະຫຼຸບລາຍງານ ເປັນປົກກະຕິ; ສາມາດແກ້ໄຂບັນດາຂອດຂັ້ນການດຳເນີນເອກະສານ ໃຫ້ມີຄວາມວ່ອງໄວ, ໂປ່ງໃສ ແລະ ມີປະສິດທິຜົນ ກວ່າເກົ່າ; ໄດ້ສຸມໃສ່ກໍ່ສ້າງພະນັກງານ-ລັດຖະກອນ ພາຍໃນ ຫສນຍ ໄປຕາມທິດຫັນເປັນຊ່ຽວຊານສະເພາະດ້ານ ເພື່ອຍົກສູງຄຸນນະພາບໃນການເປັນເສນາທິການ ໃຫ້ສົມຄູ່ກັບຄວາມຮຽກຮ້ອງຕ້ອງການຕົວຈິງຂອງວຽກງານ ໃນແຕ່ລະໄລຍະ ແລະ ສອດຄ່ອງກັບທິດທາງແຜນການ ຂອງຄະນະພັກ ຫສນຍ ວາງອອກ.
ໃນໂອກາດດຽວກັນ, ກໍໄດ້ມີພິທີປະກາດການຈັດຕັ້ງ ພາຍໃນກົມຄົ້ນຄວ້າສັງລວມ, ກົມຈັດຕັ້ງ ແລະ ພະນັກງານ ແລະ ຫໍປະຊຸມແຫ່ງຊາດ, ຊຶ່ງສະຫາຍ ນາງ ບຸນໜັກ ດາລາງາແກ້ວ, ຄະນະບໍລິຫານງານພັກ, ຫົວໜ້າກົມຈັດຕັ້ງ ແລະ ພະນັກງານ ໄດ້ຂຶ້ນຜ່ານຂໍ້ຕົກລົງຂອງທ່ານ ລັດຖະມົນຕີ, ຫົວໜ້າຫ້ອງວ່າການສຳນັກງານນາຍົກລັດຖະມົນຕີ ວ່າດ້ວຍການສັບຊ້ອນ-ແຕ່ງຕັ້ງ ພະນັກງານ-ລັດຖະກອນ ໃນນັ້ນ, ໄດ້ສັບຊ້ອນຮອງຫົວໜ້າກົມ ຈຳນວນ 3 ທ່ານ, ຫົວໜ້າພະແນກ ຈຳນວນ 1 ທ່ານ, ຮອງຫົວໜ້າພະແນກ ຈຳນວນ 3 ທ່ານ ແລະ ແຕ່ງຕັ້ງຫົວໜ້າພະແນກ ຈຳນວນ 5 ທ່ານ, ຮອງຫົວໜ້າພະແນກ ຈຳນວນ 14 ທ່ານ, ຫົວໜ້າຂະແໜງ ຈຳນວນ 1 ທ່ານ ແລະ ຮອງຫົວໜ້າຂະແໜງ ຈຳນວນ 2 ທ່ານ.
ຕອນທ້າຍ, ສະຫາຍລັດຖະມົນຕີ, ຫົວໜ້າ ຫສນຍ ກໍໄດ້ໃຫ້ກຽດໂອ້ລົມ ແລະ ໃຫ້ທິດຊີ້ນຳຕໍ່ກອງປະຊຸມ ຊຶ່ງສະຫາຍ ໄດ້ຕີລາຄາສູງຕໍ່ໝາກຜົນ ຂອງການຈັດຕັ້ງປະຕິບັດໜ້າທີ່ວຽກງານ ຕາມແນວທາງປ່ຽນແປງໃໝ່ຮອບດ້ານ ແລະ ມີຫຼັກການ ຂອງພັກ ໂດຍສະເພາະ ການນຳພາຊີ້ນໍາສະມາຊິກພັກ-ພະນັກງານ ໃນການສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານ, ຍົກສູງຄວາມຮັບຜິດຊອບ ຕໍ່ໜ້າທີ່ການເມືອງຂອງຕົນ, ຕັດສິນໃຈບຸກບືນ ຜ່ານຜ່າຄວາມຫຍຸ້ງຍາກ ເພື່ອປະຕິບັດໜ້າທີ່ ທີ່ການຈັດຕັ້ງມອບໝາຍ ໃຫ້ເຮັດສຳເລັດຕາມລະດັບຄາດໝາຍທີ່ວາງໄວ້. ພ້ອມນັ້ນ, ສະຫາຍຍັງໄດ້ເນັ້ນໜັກ ໃຫ້ບັນດາຜູ້ທີ່ໄດ້ຮັບໜ້າທີ່ໃໝ່ ໃຫ້ສືບຕໍ່ເພີ່ມທະວີກໍາລັງແຮງ ແລະ ສຸມສະຕິປັນຍາຂອງຕົນ ເຂົ້າໃນການປະຕິບັດໜ້າທີ່ການເມືອງ, ເພີ່ມທະວີກຳລັງແຮງຄວາມສາມັກຄີພາຍໃນ; ສືບຕໍ່ຮັກສາມູນເຊື້ອຄວາມເປັນແບບຢ່າງນຳໜ້າໃນການນຳພາ-ຊີ້ນຳ;ເດັດຂາດໃນການປະຕິບັດໜ້າທີ່ວຽກງານບົນຫຼັກການເຮັດວຽກເປັນໝູ່ຄະນະ; ເສີມຂະຫຍາຍພາລະບົດບາດ, ປັບປຸງແບບແຜນວິທີເຮັດວຽກ ໃຫ້ສະດວກ, ວ່ອງໄວ ແລະ ມີປະສິດທິຜົນ; ຮຽກຮ້ອງພະນັກງານຫຼັກແຫຼ່ງທຸກຂັ້ນຢູ່ພາຍໃນ ຫສນຍ ພ້ອມກັນເຊີດຊູຄວາມເປັນເຈົ້າການນຳພາຈັດຕັ້ງປະຕິບັດວຽກງານ, ຍົກສູງຄວາມເປັນເອກະພາບ ໂດຍສະເພາະ ການຈັດວາງພະນັກງານ-ລັດຖະກອນ ຕ້ອງມີຄວາມເປັນກາງ, ຍຸຕິທຳ ແລະ ແທດເໝາະກັບຄວາມຮຽກຮ້ອງຕ້ອງການຂອງໜ້າທີ່ວຽກງານຕົວຈິງ; ສືບຕໍ່ເພີ່ມທະວີ ການນຳພາຊີ້ນຳ ໃນການປະຕິບັດພາລະບົດບາດຂອງກົມກອງຕົນ ຕາມຄຳຂວັນ 3 ດີ (ເປັນເສນາທິການທີ່ດີ, ປະສານງານດີ ແລະ ບໍລິການຮັບໃຊ້ດີ) ຕາມທິດ 3 ຫັນ: (1). ຫັນປ່ຽນຈາກແນວຄິດຄອງຄອຍ, ລໍຖ້າຄຳສັ່ງ, ລັງເລ ໄປສູ່ຄວາມເປັນເຈົ້າການກ່ວາເກົ່າ; (2). ຫັນປ່ຽນຈາກການເຮັດວຽກບໍ່ມີແຜນການທີ່ຮັດກຸມ ໄປສູ່ການເຮັດວຽກຢ່າງມີລະບົບ, ມີລະບອບ, ມີລະບຽບ ໂດຍມີຈຸດສຸມ ແລະ ຄາດໝາຍທີ່ຊັດເຈນ; (3). ຫັນປ່ຽນຈາກລະບົບເຮັດວຽກມີຫຼາຍຂັ້ນຫຼາຍຂອດໄປສູ່ລະບົບການເຮັດວຽກທີ່ສະດວກ, ວ່ອງໄວ, ຖືກຕ້ອງ ແລະ ທັນສະໄໝກວ່າເກົ່າ.(ຂ່າວ-ພາບ: ຫສນຍ)
