ສູນກາງຊາວໜຸ່ມປະຊາຊົນປະຕິວັດລາວ(ສຊປລ) ໄດ້ຈັດຊຸດຝຶກອົບຮົມສ້າງຄວາມເຂັ້ມແຂງດ້ານວຽກງານສື່ມວນຊົນປະຈໍາປີ 2023ຂຶ້ນໃນວັນທີ 22 ພະຈິກຜ່ານມາທີ່ຫ້ອງວ່າການເມືອງວັງວຽງ ແຂວງວຽງຈັນ ໂດຍການເຂົ້າຮ່ວມເປັນປະທານຂອງທ່ານ ທອງຈັນ ພູມີພັນ ຮອງເລຂາຄະນະບໍລິຫານງານ ສຊປລ ຜູ້ຊີ້ນໍາວຽກງານສື່ມວນຊົນໜຸ່ມລາວຂັ້ນສູນກາງ,ມີທ່ານນາງ ບົວໂຮມ ສົມວິຈິດ ຫົວໜ້າກົມສື່ມວນຊົນໜຸ່ມລາວ ສຊປລ, ມີຮອງກົມ, ຄະນະພະແນກ, ພະນັກງານຫຼັກແຫຼ່ງກົມສື່ມວນຊົນໜຸ່ມລາວ, ຕາງໜ້າຊາວໜຸ່ມເມືອງວັງວຽງ ແຂວງວຽງຈັນເຂົ້າຮ່ວມ.

ຊຸດອົບຮົມຄັ້ງນີ້ບັນດາສຳມະນາກອນຈະໄດ້ຮຽນຮູ້ທັກສະໃນການເປັນພິທີກອນພາກສະໜາມ ແລະ ຢູ່ເທິງເວທີ ຈາກທ່ານ ວັນໄຊ ຕະວິນຍານ ຮອງຫົວໜ້າຄະນະໂຄສະນາອົບຮົມສູນກາງພັກ ຫົວໜ້າບັນນາທິການໃຫຍ່ໜັງສືພິມປະຊາຊົນ, ສະພາວະການເປັນຜູ້ນຳຈາກທ່ານນາງ ບົວໂຮມ ສົມວິຈິດ ແລະ ການອອກແບບສື່ສັງຄົມອອນລາຍຈາກທ່ານ ບຸນເຮັງ ສຸດທິຈັກ ຜູ້ບໍລິຫານຄື້ນວິທະຍຸສິນໄຊຍຸກໃໝ່ 90,0 Mz.

ຂ່າວ-ພາບ: ຄຳສິງ ວິໄລຄຳ