ໃນວັນທີ 27 ພະຈິກ ຜ່ານມາ, ທ່ານ ເພັດພິໄຊ ສູນວິໄລ ຮອງເຈົ້າແຂວງໄຊຍະບູລີ ໄດ້ຖະແຫຼງຊີ້ແຈງຕໍ່ກັບເຫດການທີ່ເກີດຂຶ້ນ ໃນຄັ້ງວັນທີ 23/11/2023 ທີ່ໄດ້ມີບຸກຄົນເອົາຄຣິບເດັກນ້ອຍ ເພດຍິງ ຖືກມັດແຂນໄຂວ່ຫຼັງຫ້ອຍໄວ້ຢູ່ຮາວຕາກເຄື່ອງ ລົງຢູ່ໃນສື່ສັງຄົມອອນລາຍ, ເຟສບຸກ, ຕິກຕ໋ອກ ຊຶ່ງເຫດການດັ່ງກ່າວມີຫຼາຍຄົນພົບເຫັນ ແລະ ໄດ້ເບິ່ງຕ່າງກໍມີຄໍາຄິດ, ຄໍາເຫັນຕ່າງໆນາໆ ແລະ ກາຍເປັນກະແສວິພາກວິຈານ ໃນສື່ສັງຄົມອອນລາຍຢ່າງໜັກໜ່ວງ ກ່ຽວກັບການກະທໍາຂອງຜູ້ໃຫຍ່ຕໍ່ເດັກນ້ອຍທີ່ໄຮ້ດຽງສາ ຢ່າງທາລຸນ ແລະ ບໍ່ສົມເຫດສົມຜົນ ຫຼື ເອີ້ນວ່າເກີນກວ່າເຫດ.
ພາຍຫຼັງໄດ້ມີຄຣິບລົງໃນສື່ສັງຄົມອອນລາຍ ອົງການປົກຄອງແຂວງ ກໍໄດ້ຊີ້ນໍາໃຫ້ກອງບັນຊາການ ປກສ ແຂວງ ແລະ ພາກສ່ວນທີ່ກ່ຽວຂ້ອງ ລົງໄປເກັບກໍາຂໍ້ມູນ ແລະ ກວດສອບສະຖານທີ່ເກີດເຫດ ຢູ່ທີ່ ບ້ານໂພນແກ້ວ ເມືອງໄຊຍະບູລີ ຈຶ່ງຮູ້ວ່າ: ເຫດການດັ່ງກ່າວນັ້ນແມ່ນມີມູນຄວາມຈິງແທ້, ຍ້ອນວ່າຜູ້ເປັນແມ່ຢາກໃຫ້ລູກເຂັດຫຼາບ ເພາະເດັກນ້ອຍຄົນດັ່ງກ່າວມັກລັກເງິນພໍ່ແມ່ເລື້ອຍໆ ຊຶ່ງລາຍລະອຽດຂອງເຫດການມີດັ່ງນີ້: ໃນຕອນເຊົ້າຂອງວັນທີ 23/11/2023 ເວລາ8 ໂມງ 15 ນາທີ ໄດ້ມີທ້າວ ລາວ ຊົງ ອາຍຸ 42 ປີອາຊີບປະຊາຊົນ ຊຶ່ງແມ່ນຜົວຂອງນາງ ເຢັ່ງ ຢ່າງ ອາຍຸ 32 ປີອາຊີບປະຊາຊົນ ຢູ່ບ້ານໂພນແກ້ວ ເມືອງໄຊຍະບູລີ; ດ້ວຍຄວາມໃຈຮ້າຍຍ້ອນວ່າລູກສາວຜູ້ນີ້ຜ່ານມາເຄີຍລັກເງິນພໍ່ແມ່ຫຼາຍຄັ້ງ, ເວົ້າບໍ່ຟັງຄວາມ ຈາກນັ້ນຜູ້ເປັນແມ່ຈຶ່ງໃຊ້ເຊືອກມັດແຂນໄຂວ່ຫຼັງ ນາງ ເລຍຊົງ ອາຍຸ 8 ປີ (ຜູ້ເປັນລູກສາວ) ຫ້ອຍໄວ້ຮາວຕາກເຄື່ອງຂ້າງເຮືອນ, ເພື່ອໃຫ້ລູກສາວເຂັດຫຼາບ, ຈາກນັ້ນລູກສາວຈຶ່ງໄດ້ສາລະພາບວ່າໄດ້ລັກເອົາເງິນຂອງແມ່ ຈໍານວນ 2.000 ກີບ ທີ່ຢູ່ໃນຖົງເຄື່ອງນັ້ນ. ຫຼັງຈາກນັ້ນ ນາງ ເຢັ່ງ ຢາງ ຜູ້ເປັນແມ່ ໄດ້ຂີ່ລົດນໍາຜົວໄປສົ່ງແຮງງານທີ່ມາເກັບກູ້ໝາກເດືອຍ ແລະ ຜູ້ກ່ຽວກໍໄດ້ຮ້ອງບອກຜູ້ເປັນແມ່ເຖົ້າໃຫ້ແກ້ມັດໃຫ້ນາງ ເລຍ ຊົງ. ເວລານັ້ນໄດ້ມີ ທ້າວ ເອ ຢາງ ຊຶ່ງເປັນນ້ອງຊາຍຂອງ ນາງ ເຢັ່ງ ຢາງ ໄດ້ຜ່ານມາເຫັນຈຶ່ງໄດ້ ຖ່າຍຄຣິບ ເອົາລົງ ເຟສບຸກ ຂອງຕົນເອງ ແລະ ເປັນຜູ້ຊ່ວຍແກ້ເຊືອກໃຫ້ ນາງ ເລຍ ຊົງ ດ້ວຍຄວາມປອດໄພ.
ແຕ່ຕໍ່ເຫດການດັ່ງກ່າວນັ້ນ ຊຶ່ງໄດ້ມີຫຼາຍຄົນໄດ້ເຂົ້າມາສະແດງຄວາມຄິດເຫັນຫຼາຍຢ່າງ ໂດຍສະເພາະແມ່ນສະແດງຄວາມຄິດເຫັນຕໍ່ກັບການກະທໍາຂອງຜູ້ໃຫຍ່ ຕໍ່ເດັກນ້ອຍທີ່ໄຮ້ດຽງສາ. ດັ່ງນັ້ນ, ໃນວັນທີ 25 ພະຈິກ ຜ່ານມາ ເພື່ອເປັນການປົກປ້ອງສິດທິເດັກທີ່ຖືກໃຊ້ຄວາມຮຸນແຮງຈາກ ຜູ້ປົກຄອງ, ສັງຄົມ. ໂດຍໄດ້ຮັບການຊີ້ນໍາຈາກຄະນະປະຈໍາພັກແຂວງ, ສະນັ້ນ, ຄະນະຮັບຜິດຊອບວຽກງານທີ່ກ່ຽວຂ້ອງຈຶ່ງໄດ້ລົງໄປແກ້ໄຂ ພ້ອມທັງເຮັດບົດບັນທຶກ ສຶກສາອົມຮົມ ໃຫ້ກັບຜູ້ປົກຄອງ, ຜູ້ທີ່ຖ່າຍຄຣິບ ຢູ່ທີ່ບ້ານໂພນແກ້ວ ເມືອງໄຊຍະບູລີ ແລະ ໄດ້ໃຫ້ທ້າວ ເອ ຢາງ ຜູ້ເປັນອາວທີ່ຖ່າຍຄຣິບນັ້ນ, ຖ່າຍເອົາຄຣິບການສາລະພາບ ແລະ ຄໍາຂໍໂທດຂອງຜູ້ເປັນພໍ່ທີ່ມີການກະທໍາທາລຸນລູກ, ເອີ້ນວ່າທໍາເກີນກວ່າເຫດນັ້ນ ມາຊີ້ແຈງ ແລະ ຂໍໂທດຕໍ່ການຈັດຕັ້ງ ແລະ ສັງຄົມໃຫ້ຊາບເຖິງເຫດການໃນຄວາມເປັນຈິງ.
ຂ່າວ-ພາບ: ມະໄລວັນ
ພາຍຫຼັງໄດ້ມີຄຣິບລົງໃນສື່ສັງຄົມອອນລາຍ ອົງການປົກຄອງແຂວງ ກໍໄດ້ຊີ້ນໍາໃຫ້ກອງບັນຊາການ ປກສ ແຂວງ ແລະ ພາກສ່ວນທີ່ກ່ຽວຂ້ອງ ລົງໄປເກັບກໍາຂໍ້ມູນ ແລະ ກວດສອບສະຖານທີ່ເກີດເຫດ ຢູ່ທີ່ ບ້ານໂພນແກ້ວ ເມືອງໄຊຍະບູລີ ຈຶ່ງຮູ້ວ່າ: ເຫດການດັ່ງກ່າວນັ້ນແມ່ນມີມູນຄວາມຈິງແທ້, ຍ້ອນວ່າຜູ້ເປັນແມ່ຢາກໃຫ້ລູກເຂັດຫຼາບ ເພາະເດັກນ້ອຍຄົນດັ່ງກ່າວມັກລັກເງິນພໍ່ແມ່ເລື້ອຍໆ ຊຶ່ງລາຍລະອຽດຂອງເຫດການມີດັ່ງນີ້: ໃນຕອນເຊົ້າຂອງວັນທີ 23/11/2023 ເວລາ8 ໂມງ 15 ນາທີ ໄດ້ມີທ້າວ ລາວ ຊົງ ອາຍຸ 42 ປີອາຊີບປະຊາຊົນ ຊຶ່ງແມ່ນຜົວຂອງນາງ ເຢັ່ງ ຢ່າງ ອາຍຸ 32 ປີອາຊີບປະຊາຊົນ ຢູ່ບ້ານໂພນແກ້ວ ເມືອງໄຊຍະບູລີ; ດ້ວຍຄວາມໃຈຮ້າຍຍ້ອນວ່າລູກສາວຜູ້ນີ້ຜ່ານມາເຄີຍລັກເງິນພໍ່ແມ່ຫຼາຍຄັ້ງ, ເວົ້າບໍ່ຟັງຄວາມ ຈາກນັ້ນຜູ້ເປັນແມ່ຈຶ່ງໃຊ້ເຊືອກມັດແຂນໄຂວ່ຫຼັງ ນາງ ເລຍຊົງ ອາຍຸ 8 ປີ (ຜູ້ເປັນລູກສາວ) ຫ້ອຍໄວ້ຮາວຕາກເຄື່ອງຂ້າງເຮືອນ, ເພື່ອໃຫ້ລູກສາວເຂັດຫຼາບ, ຈາກນັ້ນລູກສາວຈຶ່ງໄດ້ສາລະພາບວ່າໄດ້ລັກເອົາເງິນຂອງແມ່ ຈໍານວນ 2.000 ກີບ ທີ່ຢູ່ໃນຖົງເຄື່ອງນັ້ນ. ຫຼັງຈາກນັ້ນ ນາງ ເຢັ່ງ ຢາງ ຜູ້ເປັນແມ່ ໄດ້ຂີ່ລົດນໍາຜົວໄປສົ່ງແຮງງານທີ່ມາເກັບກູ້ໝາກເດືອຍ ແລະ ຜູ້ກ່ຽວກໍໄດ້ຮ້ອງບອກຜູ້ເປັນແມ່ເຖົ້າໃຫ້ແກ້ມັດໃຫ້ນາງ ເລຍ ຊົງ. ເວລານັ້ນໄດ້ມີ ທ້າວ ເອ ຢາງ ຊຶ່ງເປັນນ້ອງຊາຍຂອງ ນາງ ເຢັ່ງ ຢາງ ໄດ້ຜ່ານມາເຫັນຈຶ່ງໄດ້ ຖ່າຍຄຣິບ ເອົາລົງ ເຟສບຸກ ຂອງຕົນເອງ ແລະ ເປັນຜູ້ຊ່ວຍແກ້ເຊືອກໃຫ້ ນາງ ເລຍ ຊົງ ດ້ວຍຄວາມປອດໄພ.
ແຕ່ຕໍ່ເຫດການດັ່ງກ່າວນັ້ນ ຊຶ່ງໄດ້ມີຫຼາຍຄົນໄດ້ເຂົ້າມາສະແດງຄວາມຄິດເຫັນຫຼາຍຢ່າງ ໂດຍສະເພາະແມ່ນສະແດງຄວາມຄິດເຫັນຕໍ່ກັບການກະທໍາຂອງຜູ້ໃຫຍ່ ຕໍ່ເດັກນ້ອຍທີ່ໄຮ້ດຽງສາ. ດັ່ງນັ້ນ, ໃນວັນທີ 25 ພະຈິກ ຜ່ານມາ ເພື່ອເປັນການປົກປ້ອງສິດທິເດັກທີ່ຖືກໃຊ້ຄວາມຮຸນແຮງຈາກ ຜູ້ປົກຄອງ, ສັງຄົມ. ໂດຍໄດ້ຮັບການຊີ້ນໍາຈາກຄະນະປະຈໍາພັກແຂວງ, ສະນັ້ນ, ຄະນະຮັບຜິດຊອບວຽກງານທີ່ກ່ຽວຂ້ອງຈຶ່ງໄດ້ລົງໄປແກ້ໄຂ ພ້ອມທັງເຮັດບົດບັນທຶກ ສຶກສາອົມຮົມ ໃຫ້ກັບຜູ້ປົກຄອງ, ຜູ້ທີ່ຖ່າຍຄຣິບ ຢູ່ທີ່ບ້ານໂພນແກ້ວ ເມືອງໄຊຍະບູລີ ແລະ ໄດ້ໃຫ້ທ້າວ ເອ ຢາງ ຜູ້ເປັນອາວທີ່ຖ່າຍຄຣິບນັ້ນ, ຖ່າຍເອົາຄຣິບການສາລະພາບ ແລະ ຄໍາຂໍໂທດຂອງຜູ້ເປັນພໍ່ທີ່ມີການກະທໍາທາລຸນລູກ, ເອີ້ນວ່າທໍາເກີນກວ່າເຫດນັ້ນ ມາຊີ້ແຈງ ແລະ ຂໍໂທດຕໍ່ການຈັດຕັ້ງ ແລະ ສັງຄົມໃຫ້ຊາບເຖິງເຫດການໃນຄວາມເປັນຈິງ.
ຂ່າວ-ພາບ: ມະໄລວັນ
