ໂດຍ: ວັນເພັງ
ວັນຊາດທີ 2 ທັນວາ ເປັນວັນທີ່ມີຄວາມໝາຍ-ຄວາມສຳຄັນທາງປະຫວັດສາດຂອງຊາດ ກໍຄື ປວງຊົນຊາດທັງຊາດ ທັງເປັນວັນເອກອ້າງທະນົງໃຈ, ຮູ້ບຸນຄຸນຕໍ່ບັນພະບູລຸດ, ນັກຮົບທີ່ເສຍສະຫຼະເລືອດເນື້ອໃນການຕໍ່ສູ້ກັບພວກລ່າເມືອງຂຶ້ນແບບເກົ່າແລະແບບໃໝ່ຈົນສາມາດກອບກູ້ເອົາເອກະລາດປະຊາທິປະໄຕແລະ ສະຖາປະນາ ສປປ ລາວ ຂຶ້ນໃນວັນທີ 2 ທັນວາ ປີ 1975.
ທ່ານ ກາດຳ ອິນທະປັນຍາ ເລຂາພັກບ້ານ ນາຍບ້ານໆໂພນທອງ ເມືອງໄຊເສດຖາ ນະຄອນຫຼວງວຽງຈັນ ໄດ້ໃຫ້ສຳພາດຕໍ່ນັກຂ່າວໜັງສືພິມ ປະຊາຊົນໃນໂອກາດວັນຊາດທີ 2 ທັນວາຄົບຮອບ 48 ປີໃກ້ມາເຖິງນີ້ເມື່ອວັນທີ 28 ພະຈິກ ຜ່ານມາວ່າ: ຕະຫຼອດໄລຍະ 48 ປີ ຂ້າພະເຈົ້າມີຄວາມຮູ້ສຶກພູມໃຈ, ດີໃຈຫຼາຍ, ພ້ອມມີຄວາມເອກອ້າງທະນົງໃຈ ແລະ ຮູ້ບຸນຄຸນຕໍ່ວິລະບູລຸດ, ນັກຮົບທີ່ເສຍສະຫຼະເລືອດເນື້ອໃນການຕໍ່ສູ້ກັບພວກລ່າເມືອງຂຶ້ນແບບເກົ່າ ແລະ ແບບໃໝ່ ຈົນສາມາດກອບກູ້ເອົາເອກະລາດ ປະຊາທິປະໄຕ ແລະ ນຳເອົາໄຊຊະນະ ມາສູ່ປະຊາຊົນໃຫ້ໄດ້ຢູ່ເຢັນເປັນສຸກມາຮອດປັດຈຸບັນ.ຄຽງຄູ່ກັນນັ້ນ, ເພື່ອໃຫ້ມີຄວາມໝາຍເລິກເຊິ່ງ ແລະ ກວ້າງຂວາງ ໃນແຕ່ລະປີ ທາງພາກສ່ວນກ່ຽວຂ້ອງຕ່າງໆກໍໄດ້ມີການຈັດຫວນຄືນມູນເຊື້ອຂອງວັນສຳຄັນດັ່ງກ່າວ ແລະ ອື່ນໆ. ພ້ອມນັ້ນ, ແຕ່ລະສໍານັກງານອົງການກໍໄດ້ມີການປະດັບປະດາທຸງທິວ, ທຸກຊາດ, ທຸກພັກພ້ອມເຮັດອະນາໄມສຳນັກງານ, ບ້ານເຮືອນ, ຖະໜົນຫົນທາງໃຫ້ມີຄວາມສະອາດງາມຕາ, ມີການຮັກສາຄວາມສະຫງົບ ແລະ ຄວາມປອດໄພ ເພື່ອປ້ອງກັນປະກົດການຫຍໍ້ທໍ້ຕ່າງໆ.
ທ່ານ ກາດຳອິນທະປັນຍາກ່າວຕື່ມວ່າ: ສໍາລັບພາຍໃນບ້ານໂພນທອງ ຊຶ່ງກໍຄືທຸກໆປີກໍຈະມີກິດຈະກຳຕ່າງໆ ເພື່ອຂໍ່ານັບຮັບຕ້ອນ ໂດຍສະເພາະໃກ້ຈະຮອດວັນດັ່ງກ່າວ ກໍໄດ້ຍົກສູງວຽກງານ ປະຊາສຳພັນໃຫ້ປະຊາຊົນພາຍໃນບ້ານຂອງຕົນໃຫ້ເອົາໃຈໃສ່ ເປັນເຈົ້າການຮັກສາຄວາມສະຫງົບ, ຄວາມປອດໄພ, ຮ່ວມກັນອອກແຮງງານອະນາໄມລວມທຸກໆວັນເສົາ (ເສົາແດງ) ແລະ ເນັ້ນໃຫ້ທຸກໆຄອບຄົວເອົາໃຈໃສ່ອະນາໄມເດີ່ນບ້ານ, ໜ້າເຮືອນຂອງຕົນໃຫ້ສະອາດງາມຕາ ໂດຍສະເພາະຄອບຄົວທີ່ມີເຮືອນຢູ່ແຄມທາງຍິ່ງຕ້ອງເອົາໃຈໃສ່ໃນການປະດັບປະດາ ຕິດທຸງຊາດ, ທຸງພັກ, ທຸງທິວ ໃຫ້ສວຍງາມ. ພ້ອມນັ້ນ, ຍັງໄດ້ເນັ້ນໃຫ້ກໍາລັງປ້ອງກັນຊາດ-ປ້ອງກັນຄວາມສະຫງົບບ້ານ ອອກເວນຍາມບ້ານໃຫ້ເຂັ້ມງວດ ຕະຫຼອດ 24 ຊົ່ວໂມງ ເພື່ອຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງບ້ານ ແລະ ຍັງຮຽກຮ້ອງໃຫ້ປະຊາຊົນມີສ່ວນຮ່ວມເປັນຫູເປັນຕາຊ່ວຍກັນຕ້ານປະກົດການຫຍໍ້ທໍ້ອາດເກີດຂຶ້ນໃນທຸກໆຮູບແບບ.
ໃນໂອກາດວັນຊາດ ທີ 2 ທັນວາ ໃກ້ມາເຖິງນີ້ ທ່ານ ກາດຳອິນທະປັນຍາຕາງໜ້າໃຫ້ຄະນະບ້ານກໍຄື ປະຊາຊົນບ້ານໂພນທອງ ຂໍອວຍພອນໃຫ້ພະນັກງານ, ທະຫານ, ຕໍາຫຼວດ, ທຸກຊັ້ນຄົນໃນສັງຄົມ ແລະ ປະຊາຊົນບັນດາເຜົ່າໃນທົ່ວປະເທດ ຈົ່ງມີສຸຂະພາບແຂງແຮງ, ມີຄວາມຈະເລີນຜາສຸກ ແລະ ຂໍອວຍພອນຄະນະນໍາທຸກຂັ້ນ, ການນໍາພັກ-ລັດຈົ່ງມີສຸຂະພາບພາລະນາໄມແຂງແຮງສືບຕໍ່ຊີ້ນຳ-ນຳພາ ປະເທດຊາດໃຫ້ມີຄວາມຮຸ່ງເຮືອງສິວິໄລຕະຫຼອດໄປ.
ວັນຊາດທີ 2 ທັນວາ ໝັ້ນຍື່ນ!
ວັນຊາດທີ 2 ທັນວາ ເປັນວັນທີ່ມີຄວາມໝາຍ-ຄວາມສຳຄັນທາງປະຫວັດສາດຂອງຊາດ ກໍຄື ປວງຊົນຊາດທັງຊາດ ທັງເປັນວັນເອກອ້າງທະນົງໃຈ, ຮູ້ບຸນຄຸນຕໍ່ບັນພະບູລຸດ, ນັກຮົບທີ່ເສຍສະຫຼະເລືອດເນື້ອໃນການຕໍ່ສູ້ກັບພວກລ່າເມືອງຂຶ້ນແບບເກົ່າແລະແບບໃໝ່ຈົນສາມາດກອບກູ້ເອົາເອກະລາດປະຊາທິປະໄຕແລະ ສະຖາປະນາ ສປປ ລາວ ຂຶ້ນໃນວັນທີ 2 ທັນວາ ປີ 1975.
ທ່ານ ກາດຳ ອິນທະປັນຍາ ເລຂາພັກບ້ານ ນາຍບ້ານໆໂພນທອງ ເມືອງໄຊເສດຖາ ນະຄອນຫຼວງວຽງຈັນ ໄດ້ໃຫ້ສຳພາດຕໍ່ນັກຂ່າວໜັງສືພິມ ປະຊາຊົນໃນໂອກາດວັນຊາດທີ 2 ທັນວາຄົບຮອບ 48 ປີໃກ້ມາເຖິງນີ້ເມື່ອວັນທີ 28 ພະຈິກ ຜ່ານມາວ່າ: ຕະຫຼອດໄລຍະ 48 ປີ ຂ້າພະເຈົ້າມີຄວາມຮູ້ສຶກພູມໃຈ, ດີໃຈຫຼາຍ, ພ້ອມມີຄວາມເອກອ້າງທະນົງໃຈ ແລະ ຮູ້ບຸນຄຸນຕໍ່ວິລະບູລຸດ, ນັກຮົບທີ່ເສຍສະຫຼະເລືອດເນື້ອໃນການຕໍ່ສູ້ກັບພວກລ່າເມືອງຂຶ້ນແບບເກົ່າ ແລະ ແບບໃໝ່ ຈົນສາມາດກອບກູ້ເອົາເອກະລາດ ປະຊາທິປະໄຕ ແລະ ນຳເອົາໄຊຊະນະ ມາສູ່ປະຊາຊົນໃຫ້ໄດ້ຢູ່ເຢັນເປັນສຸກມາຮອດປັດຈຸບັນ.ຄຽງຄູ່ກັນນັ້ນ, ເພື່ອໃຫ້ມີຄວາມໝາຍເລິກເຊິ່ງ ແລະ ກວ້າງຂວາງ ໃນແຕ່ລະປີ ທາງພາກສ່ວນກ່ຽວຂ້ອງຕ່າງໆກໍໄດ້ມີການຈັດຫວນຄືນມູນເຊື້ອຂອງວັນສຳຄັນດັ່ງກ່າວ ແລະ ອື່ນໆ. ພ້ອມນັ້ນ, ແຕ່ລະສໍານັກງານອົງການກໍໄດ້ມີການປະດັບປະດາທຸງທິວ, ທຸກຊາດ, ທຸກພັກພ້ອມເຮັດອະນາໄມສຳນັກງານ, ບ້ານເຮືອນ, ຖະໜົນຫົນທາງໃຫ້ມີຄວາມສະອາດງາມຕາ, ມີການຮັກສາຄວາມສະຫງົບ ແລະ ຄວາມປອດໄພ ເພື່ອປ້ອງກັນປະກົດການຫຍໍ້ທໍ້ຕ່າງໆ.
ທ່ານ ກາດຳອິນທະປັນຍາກ່າວຕື່ມວ່າ: ສໍາລັບພາຍໃນບ້ານໂພນທອງ ຊຶ່ງກໍຄືທຸກໆປີກໍຈະມີກິດຈະກຳຕ່າງໆ ເພື່ອຂໍ່ານັບຮັບຕ້ອນ ໂດຍສະເພາະໃກ້ຈະຮອດວັນດັ່ງກ່າວ ກໍໄດ້ຍົກສູງວຽກງານ ປະຊາສຳພັນໃຫ້ປະຊາຊົນພາຍໃນບ້ານຂອງຕົນໃຫ້ເອົາໃຈໃສ່ ເປັນເຈົ້າການຮັກສາຄວາມສະຫງົບ, ຄວາມປອດໄພ, ຮ່ວມກັນອອກແຮງງານອະນາໄມລວມທຸກໆວັນເສົາ (ເສົາແດງ) ແລະ ເນັ້ນໃຫ້ທຸກໆຄອບຄົວເອົາໃຈໃສ່ອະນາໄມເດີ່ນບ້ານ, ໜ້າເຮືອນຂອງຕົນໃຫ້ສະອາດງາມຕາ ໂດຍສະເພາະຄອບຄົວທີ່ມີເຮືອນຢູ່ແຄມທາງຍິ່ງຕ້ອງເອົາໃຈໃສ່ໃນການປະດັບປະດາ ຕິດທຸງຊາດ, ທຸງພັກ, ທຸງທິວ ໃຫ້ສວຍງາມ. ພ້ອມນັ້ນ, ຍັງໄດ້ເນັ້ນໃຫ້ກໍາລັງປ້ອງກັນຊາດ-ປ້ອງກັນຄວາມສະຫງົບບ້ານ ອອກເວນຍາມບ້ານໃຫ້ເຂັ້ມງວດ ຕະຫຼອດ 24 ຊົ່ວໂມງ ເພື່ອຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງບ້ານ ແລະ ຍັງຮຽກຮ້ອງໃຫ້ປະຊາຊົນມີສ່ວນຮ່ວມເປັນຫູເປັນຕາຊ່ວຍກັນຕ້ານປະກົດການຫຍໍ້ທໍ້ອາດເກີດຂຶ້ນໃນທຸກໆຮູບແບບ.
ໃນໂອກາດວັນຊາດ ທີ 2 ທັນວາ ໃກ້ມາເຖິງນີ້ ທ່ານ ກາດຳອິນທະປັນຍາຕາງໜ້າໃຫ້ຄະນະບ້ານກໍຄື ປະຊາຊົນບ້ານໂພນທອງ ຂໍອວຍພອນໃຫ້ພະນັກງານ, ທະຫານ, ຕໍາຫຼວດ, ທຸກຊັ້ນຄົນໃນສັງຄົມ ແລະ ປະຊາຊົນບັນດາເຜົ່າໃນທົ່ວປະເທດ ຈົ່ງມີສຸຂະພາບແຂງແຮງ, ມີຄວາມຈະເລີນຜາສຸກ ແລະ ຂໍອວຍພອນຄະນະນໍາທຸກຂັ້ນ, ການນໍາພັກ-ລັດຈົ່ງມີສຸຂະພາບພາລະນາໄມແຂງແຮງສືບຕໍ່ຊີ້ນຳ-ນຳພາ ປະເທດຊາດໃຫ້ມີຄວາມຮຸ່ງເຮືອງສິວິໄລຕະຫຼອດໄປ.
ວັນຊາດທີ 2 ທັນວາ ໝັ້ນຍື່ນ!
