ເນື່ອງໃນໂອກາດວັນຊາດທີ 2 ທັນວາ ຄົບຮອບ 48 ປີ (2 ທັນວາ 1975-2 ທັນວາ 2023)ທ່ານ ຄຳສິງ ໄຊສິດທິເດດ ຫົວໜ້າພະແນກການເງິນແຂວງຄຳມ່ວນ ໄດ້ກ່າວສະແດງຄວາມຮູ້ສຶກໃນນາມທີ່ເປັນພະນັກງານນຳພາຂົງເຂດການເງິນເພື່ອຂັບເຄື່ອນເສດຖະກິດຂອງແຂວງໃຫ້ມີຄວາມເຕີບໃຫຍ່ເຂັ້ມແຂງ ແລະ ໄດ້ສະແດງຄວາມຮູ້ບຸນຄຸນຢ່າງລົ້ນເຫຼືອມາຍັງບັນດາບັນພະບູລຸດຂອງຊາດ ຜູ້ນຳພາການຕໍ່ສູ້ກູ້ຊາດ ນຳພາປວງຊົນລາວທັງຊາດຫຼຸດພົ້ນອອກຈາກການປົກຄອງຂອງຈັກກະພັດຕ່າງດ້າວ ກ້າວໄປເຖິງການສະຖາປະນາເປັນສາທາລະນະລັດ ປະຊາທິປະໄຕ ປະຊາຊົນລາວໃນປັດຈຸບັນ ແລະ ສະແດງຄວາມເຄົາລົບນັບຖືມາຍັງພະນັກງານອາວຸໂສບຳນານ, ບັນດາການນຳພັກ-ລັດທີ່ໄດ້ນຳພາປົກປັກຮັກສາ ແລະ ສ້າງສາພັດທະນາປະເທດຊາດໃນແຕ່ລະໄລຍະພາຍໃຕ້ການນຳພາ-ຊີ້ນຳຂອງຄະນະພັກແຂວງ ມາຮອດປັດຈຸບັນເຫັນວ່າແຂວງຄຳມ່ວນໄດ້ມີການພັດທະນາຢ່າງຕໍ່ເນື່ອງ ໂດຍສະເພາະວຽກງານເສດຖະກິດຂອງແຂວງ.ສິ່ງທີ່ໂດດເດັ່ນແມ່ນການພັດທະນາຕົວເມືອງທ່າແຂກໃຫ້ມີໃບໜ້າໃໝ່.
ທ່ານ ຄຳສິງ ໄຊສິດທິເດດ ກ່າວໃຫ້ຮູ້ອີກວ່າ: ແຂວງຄຳມ່ວນເປັນແຂວງທີ່ມີໂຄງການລົງທຶນໃຫຍ່ຫຼາຍໂຄງການທີ່ເປັນທ່າແຮງໃນການຈັດເກັບລາຍຮັບເຂົ້າງົບປະມານ ເຮັດໃຫ້ແຂວງຄຳມ່ວນກາຍເປັນແຂວງທີ່ສາມາດເກັບລາຍຮັບໄດ້ເກີນແຜນເປັນເວລາ 3 ປີຕິດຕໍ່ກັນ. ນັບແຕ່ປີ 2021 ເປັນຕົ້ນມາຂະແໜງການເງິນເປັນຂະແໜງການຫຼັກປະກອບສ່ວນເຮັດໃຫ້ມີຜົນສຳເລັດໃນຫຼາຍດ້ານ.ເພື່ອສະແດງເຖິງນໍ້າໃຈຮັກຊາດຂອງພະນັກງານໃນຂະແໜງການເງິນຕະຫຼອດໃນໄລຍະ 1 ປີຜ່ານມາ,ຂະແໜງການເງິນໄດ້ປະຕິບັດພາລະບົດບາດ, ສິດ, ໜ້າທີ່ ແລະ ມີຄວາມຮັບຜິດຊອບໂດຍກົງຕໍ່ການຈັດຕັ້ງປະຕິບັດແຜນງົບປະມານແຫ່ງລັດທີ່ສະພາ ແລະ ລັດຖະບານຮັບຮອງໃນແຕ່ລະປີ ແລະ ວຽກງານດັ່ງກ່າວປະກອບເຂົ້າໃນການພັດທະນາແຂວງ ກໍຄືການດຳລົງຊີວິດຂອງພະນັກງານ, ທະຫານ, ຕຳຫຼວດໃນທົ່ວແຂວງ ຊຶ່ງໃນປີ 2023 ແຂວງໄດ້ຫັນເປັນກຸ້ມຕົນເອງທາງດ້ານລາຍຈ່າຍງົບປະມານ ສາມາດສ້າງລາຍຮັບໄດ້ກຸ້ມລາຍຈ່າຍ ແລະ ເບີກຈ່າຍເງິນເດືອນໃຫ້ແກ່ພະນັກງານໄດ້ເປັນປົກກະຕິໃນແຕ່ລະເດືອນ, ສາມາດຕອບສະໜອງທາງດ້ານລາຍຈ່າຍບໍລິຫານຂອງກົງຈັກລັດໄດ້ຕາມແຜນ ນັ້ນຄືຜົນງານຂອງການຫັນເປັນແຂວງກຸ້ມຕົນເອງທາງດ້ານລາຍຈ່າຍງົບປະມານ. ພິເສດໃນປີ 2023 ດ້ານການເກັບລາຍຮັບແຂວງຄຳມ່ວນສາມາດຈັດຕັ້ງປະຕິບັດໄດ້ເກີນແຜນ ແລະ ປະຕິບັດເງິນເກີນດຸນໃຫ້ກັບສູນກາງຈຳນວນໜຶ່ງ ສ່ວນເງິນທີ່ເກີນແຜນຂອງແຂວງໄດ້ນຳໃຊ້ເຂົ້າໃນການພັດທະນາພື້ນຖານໂຄງລ່າງເປັນຕົ້ນນຳໃຊ້ເຂົ້າໃນການກໍ່ສ້າງເສັ້ນທາງລະຫວ່າງແຂວງຫາເມືອງ ແລະ ເສັ້ນທາງເຊື່ອມຕໍ່ລະຫວ່າງເມືອງຕໍ່ເມືອງ ແລະ ບັນດາໂຄງການອື່ນໆທີ່ສຳຄັນ.
ໃນໂອກາດນີ້ຂໍຮຽກຮ້ອງມາຍັງທຸກພາກສ່ວນໃນສັງຄົມ ຈົ່ງພ້ອມກັນເຊີດຊູມູນເຊື້ອການປະຕິວັດ ແລະ ມູນເຊື້ອອັນດີງາມຂອງຊາດ, ສືບຕໍ່ໃຫ້ການຮ່ວມມື ແລະ ສະໜັບສະໜູນຂະແໜງການເງິນໃນການຈັດຕັ້ງປະຕິບັດວຽກງານເພື່ອເປັນເງື່ອນໄຂເຮັດໃຫ້ການຈັດເກັບລາຍຮັບໃນແຕ່ລະປີບັນລຸ ແລະ ລື່ນແຜນການ ເພື່ອພັດທະນາແຂວງຄຳມ່ວນໃຫ້ມີບາດກ້າວຂະຫຍາຍຕົວດີຂຶ້ນ,ຮຽກຮ້ອງມາຍັງທຸກພາກສ່ວນຈົ່ງໄດ້ພ້ອມພາກັນສ້າງຜົນງານເພື່ອຂໍ່ານັບຮັບຕ້ອນ ແລະ ສະເຫຼີມສະຫຼອງວັນສຳຄັນດັ່ງກ່າວໃຫ້ເປັນຂະບວນການຟົດຟື້ນ.
ຂ່າວ-ພາບ: ກອງຄຳ
ທ່ານ ຄຳສິງ ໄຊສິດທິເດດ ກ່າວໃຫ້ຮູ້ອີກວ່າ: ແຂວງຄຳມ່ວນເປັນແຂວງທີ່ມີໂຄງການລົງທຶນໃຫຍ່ຫຼາຍໂຄງການທີ່ເປັນທ່າແຮງໃນການຈັດເກັບລາຍຮັບເຂົ້າງົບປະມານ ເຮັດໃຫ້ແຂວງຄຳມ່ວນກາຍເປັນແຂວງທີ່ສາມາດເກັບລາຍຮັບໄດ້ເກີນແຜນເປັນເວລາ 3 ປີຕິດຕໍ່ກັນ. ນັບແຕ່ປີ 2021 ເປັນຕົ້ນມາຂະແໜງການເງິນເປັນຂະແໜງການຫຼັກປະກອບສ່ວນເຮັດໃຫ້ມີຜົນສຳເລັດໃນຫຼາຍດ້ານ.ເພື່ອສະແດງເຖິງນໍ້າໃຈຮັກຊາດຂອງພະນັກງານໃນຂະແໜງການເງິນຕະຫຼອດໃນໄລຍະ 1 ປີຜ່ານມາ,ຂະແໜງການເງິນໄດ້ປະຕິບັດພາລະບົດບາດ, ສິດ, ໜ້າທີ່ ແລະ ມີຄວາມຮັບຜິດຊອບໂດຍກົງຕໍ່ການຈັດຕັ້ງປະຕິບັດແຜນງົບປະມານແຫ່ງລັດທີ່ສະພາ ແລະ ລັດຖະບານຮັບຮອງໃນແຕ່ລະປີ ແລະ ວຽກງານດັ່ງກ່າວປະກອບເຂົ້າໃນການພັດທະນາແຂວງ ກໍຄືການດຳລົງຊີວິດຂອງພະນັກງານ, ທະຫານ, ຕຳຫຼວດໃນທົ່ວແຂວງ ຊຶ່ງໃນປີ 2023 ແຂວງໄດ້ຫັນເປັນກຸ້ມຕົນເອງທາງດ້ານລາຍຈ່າຍງົບປະມານ ສາມາດສ້າງລາຍຮັບໄດ້ກຸ້ມລາຍຈ່າຍ ແລະ ເບີກຈ່າຍເງິນເດືອນໃຫ້ແກ່ພະນັກງານໄດ້ເປັນປົກກະຕິໃນແຕ່ລະເດືອນ, ສາມາດຕອບສະໜອງທາງດ້ານລາຍຈ່າຍບໍລິຫານຂອງກົງຈັກລັດໄດ້ຕາມແຜນ ນັ້ນຄືຜົນງານຂອງການຫັນເປັນແຂວງກຸ້ມຕົນເອງທາງດ້ານລາຍຈ່າຍງົບປະມານ. ພິເສດໃນປີ 2023 ດ້ານການເກັບລາຍຮັບແຂວງຄຳມ່ວນສາມາດຈັດຕັ້ງປະຕິບັດໄດ້ເກີນແຜນ ແລະ ປະຕິບັດເງິນເກີນດຸນໃຫ້ກັບສູນກາງຈຳນວນໜຶ່ງ ສ່ວນເງິນທີ່ເກີນແຜນຂອງແຂວງໄດ້ນຳໃຊ້ເຂົ້າໃນການພັດທະນາພື້ນຖານໂຄງລ່າງເປັນຕົ້ນນຳໃຊ້ເຂົ້າໃນການກໍ່ສ້າງເສັ້ນທາງລະຫວ່າງແຂວງຫາເມືອງ ແລະ ເສັ້ນທາງເຊື່ອມຕໍ່ລະຫວ່າງເມືອງຕໍ່ເມືອງ ແລະ ບັນດາໂຄງການອື່ນໆທີ່ສຳຄັນ.
ໃນໂອກາດນີ້ຂໍຮຽກຮ້ອງມາຍັງທຸກພາກສ່ວນໃນສັງຄົມ ຈົ່ງພ້ອມກັນເຊີດຊູມູນເຊື້ອການປະຕິວັດ ແລະ ມູນເຊື້ອອັນດີງາມຂອງຊາດ, ສືບຕໍ່ໃຫ້ການຮ່ວມມື ແລະ ສະໜັບສະໜູນຂະແໜງການເງິນໃນການຈັດຕັ້ງປະຕິບັດວຽກງານເພື່ອເປັນເງື່ອນໄຂເຮັດໃຫ້ການຈັດເກັບລາຍຮັບໃນແຕ່ລະປີບັນລຸ ແລະ ລື່ນແຜນການ ເພື່ອພັດທະນາແຂວງຄຳມ່ວນໃຫ້ມີບາດກ້າວຂະຫຍາຍຕົວດີຂຶ້ນ,ຮຽກຮ້ອງມາຍັງທຸກພາກສ່ວນຈົ່ງໄດ້ພ້ອມພາກັນສ້າງຜົນງານເພື່ອຂໍ່ານັບຮັບຕ້ອນ ແລະ ສະເຫຼີມສະຫຼອງວັນສຳຄັນດັ່ງກ່າວໃຫ້ເປັນຂະບວນການຟົດຟື້ນ.
ຂ່າວ-ພາບ: ກອງຄຳ
