ເພື່ອສະເຫຼີມສະຫຼອງວັນຊາດທີ 2 ທັນວາ ຄົບຮອບ 48 ປີ ແລະ ວັນຄົບຮອບເປີດດຳເນີນງານທາງລົດໄຟລາວ-ຈີນຄົບຮອບ 2 ປີ. ບໍລິສັດທາງລົດໄຟລາວ-ຈີນຈຳກັດໄດ້ຈັດງານແຂ່ງຂັນແລ່ນມາລາທອນຂຶ້ນໃນວັນທີ 1 ທັນວານີ້ ທີ່ບຶງທາດຫຼວງ ນະຄອນຫຼວງວຽງຈັນໂດຍໃຫ້ກຽດກ່າວເປີດງານຂອງທ່ານ ງາມປະສົງ ເມືອງມະນີ ລັດຖະມົນຕີກະຊວງໂຍທາທິການ ແລະ ຂົນສົ່ງ(ຍທຂ); ມີທ່ານ ຫຼິວ ຫົງ ຜູ້ອຳນວຍການໃຫຍ່ບໍລິສັດທາງລົດໄຟລາວ-ຈີນ, ບັນດາການນໍາພັກ-ລັດພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານງາມປະສົງ ເມືອງມະນີກ່າວວ່າ: ງານແລ່ນມາລາທອນຄັ້ງນີ້ຈັດຂຶ້ນເພື່ອກຽມຕ້ອນຮັບປີທ່ອງທ່ຽວລາວ ປີ2024ແລະ ຫວັງວ່າທາງລົດໄຟລາວ-ຈີນຈະໃຫ້ການສະໜອງການບໍລິການຂົນສົ່ງຜູ້ໂດຍສານທີ່ດີ ແລະ ດຶງດູດນັກທ່ອງທ່ຽວມາທ່ອງທ່ຽວລາວເພີ່ມຂຶ້ນອີກ. ທ່ານຍັງໄດ້ຢັ້ງຢືນຕໍ່ຜົນງານທີ່ດີຂອງບໍລິສັດທາງລົດໄຟລາວ-ຈີນດ້ານຄວາມປອດໄພ, ການເຝົ້າລະວັງຕິດຕາມໄພທາງທຳມະຊາດ, ການຂົນສົ່ງຜູ້ໂດຍສານ ແລະ ສິນຄ້າ, ການຝຶກອົບຮົມພະນັກງານລາວ, ການປະຕິບັດໜ້າທີ່ຮັບຜິດຊອບຕໍ່ສັງຄົມໃນ 2 ປີທີ່ຜ່ານມາ. ລົດໄຟ EMU ຂະບວນລ້ານຊ້າງ ເປັນນາມບັດອັນສວຍງາມຂອງປະເທດລາວ, ທາງລົດໄຟລາວ-ຈີນໄດ້ກາຍເປັນເສັ້ນທາງອັນສຳຄັນທີ່ເຊື່ອມຕໍ່ອາຊີຕາເວັນອອກສ່ຽງໃຕ້ກັບຈີນ, ອາຊີແລະເອີຣົບ ແລະ ເປັນເສັ້ນທາງແຫ່ງຄວາມຜາສຸກ,ເສັ້ນທາງແຫ່ງການພັດທະນາ ແລະ ເສັ້ນທາງແຫ່ງມິດຕະພາບທີ່ສ້າງຜົນປະໂຫຍດໃຫ້ແກ່ປະຊາຊົນລາວ-ຈີນບັນດາເຜົ່າ.
ທ່ານ ຫຼິວ ຫົງກ່າວວ່າ: ການຮັບໃຊ້ວຽກງານການພັດທະນາເສດຖະກິດ-ສັງຄົມຂອງລາວ ແລະ ປະຊາຊົນລາວບັນດາເຜົ່າ, ຊຸກຍູ້ວຽກງານດ້ານການກິລາ, ສົ່ງເສີມໂຄສະນາການທ່ອງທ່ຽວ ແລະ ວັດທະນະທຳ, ເສີມສ້າງສຸຂະພາບຂອງປະຊາຊົນໃຫ້ແຂງແຮງ ແລະ ສ້າງກຳລັງໃຈຄວາມເບີກບານໃຫ້ແກ່ປະຊາຊົນ ແມ່ນຄວາມມຸ່ງຫວັງໃນການຮັບໃຊ້ສັງຄົມຂອງບໍລິສັດທາງລົດໄຟລາວ-ຈີນ. ການແຂ່ງຂັນແລ່ນມິນິມາລາທອນໃນຄັ້ງນີ້ແມ່ນຄັ້ງທໍາອິດ ຊຶ່ງມີຄວາມຍາວ 10 ກິໂລແມັດປະກອບມີຫຼາຍລາງວັນ, ເງິນລາງວັນລາງວັນຜູ້ຊະນະເລີດມີ10 ລາງວັນ, ໂມເດວລົດໄຟEMU, ຫຼຽນໄຊ, ຂັນລາງວັນ ແລະ ລາງວັນອື່ນໆ.ໃນນັ້ນເງິນລາງວັນແບ່ງເປັນດັ່ງນີ້: ອັນດັບທີ 1 (8.880.000ກີບ), ອັນດັບທີ 2 (6.880.000 ກີບ), ອັນດັບທີ 3 (3.880.000 ກີບ), ອັນດັບທີ 4-10 (2.880.000 ກີບ), ສຳລັບນັກກິລາທີ່ແລ່ນຄົບຕາມໄລຍະທາງຈະໄດ້ຮັບລາງວັນຊົມເຊີຍເປັນຫຼຽນທີ່ລະນຶກຊຶ່ງນັກກິລາເລີ່ມຕົ້ນແລ່ນໄປຕາມເສັ້ນທາງອ້ອມຮອບດ້ວຍບຶງທາດຫຼວງ.
ພິທີມອບລາງວັນມີທ່ານລັດຖະມົນຕີກະຊວງ ຍທຂ, ກະຊວງສຶກສາທິການ ແລະ ກິລາ, ທ່ານລັດຖະມົນຕີຈາກກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ທ່ານເລຂາຄະນະບໍລິຫານງານສູນກາງຊາວໜຸ່ມ ປະຊາຊົນ ປະຕິວັດລາວ ແລະ ຜູ້ອຳນວຍການບໍລິສັດທາງລົດໄຟລາວ-ຈີນ ເຂົ້າຮ່ວມເປັນຜູ້ມອບລາງວັນໃຫ້ແກ່ຜູ້ຊະນະເລີດໃນການແຂ່ງຂັນ.
ຂ່າວ-ພາບ: ຍຸພິນທອງ
ທ່ານງາມປະສົງ ເມືອງມະນີກ່າວວ່າ: ງານແລ່ນມາລາທອນຄັ້ງນີ້ຈັດຂຶ້ນເພື່ອກຽມຕ້ອນຮັບປີທ່ອງທ່ຽວລາວ ປີ2024ແລະ ຫວັງວ່າທາງລົດໄຟລາວ-ຈີນຈະໃຫ້ການສະໜອງການບໍລິການຂົນສົ່ງຜູ້ໂດຍສານທີ່ດີ ແລະ ດຶງດູດນັກທ່ອງທ່ຽວມາທ່ອງທ່ຽວລາວເພີ່ມຂຶ້ນອີກ. ທ່ານຍັງໄດ້ຢັ້ງຢືນຕໍ່ຜົນງານທີ່ດີຂອງບໍລິສັດທາງລົດໄຟລາວ-ຈີນດ້ານຄວາມປອດໄພ, ການເຝົ້າລະວັງຕິດຕາມໄພທາງທຳມະຊາດ, ການຂົນສົ່ງຜູ້ໂດຍສານ ແລະ ສິນຄ້າ, ການຝຶກອົບຮົມພະນັກງານລາວ, ການປະຕິບັດໜ້າທີ່ຮັບຜິດຊອບຕໍ່ສັງຄົມໃນ 2 ປີທີ່ຜ່ານມາ. ລົດໄຟ EMU ຂະບວນລ້ານຊ້າງ ເປັນນາມບັດອັນສວຍງາມຂອງປະເທດລາວ, ທາງລົດໄຟລາວ-ຈີນໄດ້ກາຍເປັນເສັ້ນທາງອັນສຳຄັນທີ່ເຊື່ອມຕໍ່ອາຊີຕາເວັນອອກສ່ຽງໃຕ້ກັບຈີນ, ອາຊີແລະເອີຣົບ ແລະ ເປັນເສັ້ນທາງແຫ່ງຄວາມຜາສຸກ,ເສັ້ນທາງແຫ່ງການພັດທະນາ ແລະ ເສັ້ນທາງແຫ່ງມິດຕະພາບທີ່ສ້າງຜົນປະໂຫຍດໃຫ້ແກ່ປະຊາຊົນລາວ-ຈີນບັນດາເຜົ່າ.
ທ່ານ ຫຼິວ ຫົງກ່າວວ່າ: ການຮັບໃຊ້ວຽກງານການພັດທະນາເສດຖະກິດ-ສັງຄົມຂອງລາວ ແລະ ປະຊາຊົນລາວບັນດາເຜົ່າ, ຊຸກຍູ້ວຽກງານດ້ານການກິລາ, ສົ່ງເສີມໂຄສະນາການທ່ອງທ່ຽວ ແລະ ວັດທະນະທຳ, ເສີມສ້າງສຸຂະພາບຂອງປະຊາຊົນໃຫ້ແຂງແຮງ ແລະ ສ້າງກຳລັງໃຈຄວາມເບີກບານໃຫ້ແກ່ປະຊາຊົນ ແມ່ນຄວາມມຸ່ງຫວັງໃນການຮັບໃຊ້ສັງຄົມຂອງບໍລິສັດທາງລົດໄຟລາວ-ຈີນ. ການແຂ່ງຂັນແລ່ນມິນິມາລາທອນໃນຄັ້ງນີ້ແມ່ນຄັ້ງທໍາອິດ ຊຶ່ງມີຄວາມຍາວ 10 ກິໂລແມັດປະກອບມີຫຼາຍລາງວັນ, ເງິນລາງວັນລາງວັນຜູ້ຊະນະເລີດມີ10 ລາງວັນ, ໂມເດວລົດໄຟEMU, ຫຼຽນໄຊ, ຂັນລາງວັນ ແລະ ລາງວັນອື່ນໆ.ໃນນັ້ນເງິນລາງວັນແບ່ງເປັນດັ່ງນີ້: ອັນດັບທີ 1 (8.880.000ກີບ), ອັນດັບທີ 2 (6.880.000 ກີບ), ອັນດັບທີ 3 (3.880.000 ກີບ), ອັນດັບທີ 4-10 (2.880.000 ກີບ), ສຳລັບນັກກິລາທີ່ແລ່ນຄົບຕາມໄລຍະທາງຈະໄດ້ຮັບລາງວັນຊົມເຊີຍເປັນຫຼຽນທີ່ລະນຶກຊຶ່ງນັກກິລາເລີ່ມຕົ້ນແລ່ນໄປຕາມເສັ້ນທາງອ້ອມຮອບດ້ວຍບຶງທາດຫຼວງ.
ພິທີມອບລາງວັນມີທ່ານລັດຖະມົນຕີກະຊວງ ຍທຂ, ກະຊວງສຶກສາທິການ ແລະ ກິລາ, ທ່ານລັດຖະມົນຕີຈາກກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ທ່ານເລຂາຄະນະບໍລິຫານງານສູນກາງຊາວໜຸ່ມ ປະຊາຊົນ ປະຕິວັດລາວ ແລະ ຜູ້ອຳນວຍການບໍລິສັດທາງລົດໄຟລາວ-ຈີນ ເຂົ້າຮ່ວມເປັນຜູ້ມອບລາງວັນໃຫ້ແກ່ຜູ້ຊະນະເລີດໃນການແຂ່ງຂັນ.
ຂ່າວ-ພາບ: ຍຸພິນທອງ
