ສະພາປະຊາຊົນນະຄອນຫຼວງວຽງຈັນ ໄດ້ຈັດກອງປະຊຸມສໍາມະນາ ເພື່ອຮັບຟັງຄຳຄິດ-ຄຳເຫັນຕໍ່ຮ່າງຂໍ້ຕົກລົງ ວ່າດ້ວຍກອງທຶນພັດທະນາກິລາ-ກາຍຍະກໍາ ນະຄອນຫຼວງວຽງຈັນ ໃນວັນທີ 28 ພະຈິກຜ່ານມາທີ່ຫ້ອງວ່າການປົກຄອງນະຄອນຫຼວງວຽງຈັນ. ໂດຍການເປັນປະທານຂອງທ່ານ ນາງ ລໍາພອຍ ສີອັກຄະຈັນກໍາມະການປະຈໍາພັກຮອງປະທານສະພາປະຊາຊົນນະຄອນຫຼວງວຽງຈັນ, ເຂົ້າຮ່ວມມີບັນດາສະມາຊິກສະພາແຫ່ງຊາດ, ສະມາຊິກສະພາປະຊາຊົນນະຄອນຫຼວງ, ພະແນກການທີ່ກ່ຽວຂ້ອງ, ອົງການປົກຄອງ ພ້ອມດ້ວຍແຂກຖືກເຊີນ.
ໃນກອງປະຊຸມ, ທ່ານ ສົມພອນ ສອນດາລາ ຫົວໜ້າພະແນກສຶກສາທິການ ແລະ ກິລາ ນະຄອນຫຼວງວຽງຈັນ ໄດ້ລາຍງານຮ່າງຂໍ້ຕົກລົງວ່າດ້ວຍ ກອງທຶນພັດທະນາກິລາ-ກາຍຍະກໍາ ນະຄອນຫຼວງວຽງຈັນ ວ່າ: ເພື່ອເປັນການສຸມໃສ່ພັດທະນາກິລາໃຫ້ມີຄວາມເຂັ້ມແຂງ ແລະ ການຄຸ້ມຄອງງົບປະມານຮັບໃຊ້ພັດທະນານັກກິລາໃຫ້ໄດ້ຮັບຜົນສູງ, ເພື່ອກຽມໃສ່ງານມະຫະກຳກິລາແຫ່ງຊາດຄັ້ງທີ XII ແລະ ກິລາພາລາເກມຄັ້ງທີ IV ທີ່ນະຄອນຫຼວງວຽງຈັນ ຈະເປັນເຈົ້າພາບໃນປີ2025 ພ້ອມທັງພັດທະນານັກກິລາ ນະຄອນຫຼວງວຽງຈັນ ເພື່ອເຂົ້າຮ່ວມແຂ່ງຂັນໃນພາກພື້ນ ແລະ ສາກົນ. ດັ່ງນັ້ນ, ພະແນກສຶກສາທິການ ແລະ ກິລາ ຈຶ່ງໄດ້ເລີ່ມຮ່າງຂໍ້ຕົກລົງວ່າດ້ວຍ ກອງທຶນພັດທະນາກິລາ-ກາຍຍະກຳ ນະຄອນຫຼວງວຽງຈັນ ຂຶ້ນນັບແຕ່ປີ 2018 ເປັນຕົ້ນມາ; ມາເຖິງວັນທີ 24 ພະຈິກ 2023 ພະແນກສຶກສາທິການ ແລະ ກິລາໄດ້ນໍາຮ່າງຂໍ້ຕົກລົງສະບັບນີ້ ເຂົ້າຜ່ານລາຍງານໃນກອງປະຊຸມຄະນະປະຈໍາພັກ ນະຄອນຫຼວງວຽງຈັນ ຊຶ່ງທ່ານປະທານກອງປະຊຸມ ໄດ້ມີທິດໃຫ້ປັບປຸງທາງດ້ານເນື້ອໃນ ແລະ ເຫັນດີໃຫ້ນຳຮ່າງຂໍ້ຕົກລົງວ່າດ້ວຍ ກອງທຶນພັດທະນາກິລາ-ກາຍຍະກໍາ ເຂົ້າຜ່ານໃນກອງປະຊຸມສຳມະນາຄັ້ງນີ້.
ໂຄງຮ່າງຂໍ້ຕົກລົງວ່າດ້ວຍ ກອງທຶນພັດທະນາກິລາ-ກາຍຍະກໍາ ປະກອບມີ 8 ໝວດ, 30 ມາດຕາ. ຖ້າຫາກວ່າ ຮ່າງຂໍ້ຕົກລົງສະບັບນີ້ຖືກຮັບຮອງ ຈະເປັນການພັດທະນາຊັບພະຍາກອນມະນຸດຂອງ ນະຄອນຫຼວງວຽງຈັນ ມີສຸຂະພາບຮ່າງກາຍ ແລະ ສຸຂະພາບຈິດທີ່ແຂງແຮງ, ສ້າງໃຫ້ຄົນເຮົາເປັນຜູ້ທີ່ມີຄວາມດຸໝັ່ນ, ອົດທົນ, ທຸ່ນທ່ຽງ, ເຂັ້ມແຂງ, ມີຄວາມເສຍສະຫຼະ, ມີລະບຽບວິໄນ, ມີນ້ຳໃຈຮັກຊາດ, ເຮັດໃຫ້ສັງຄົມມີຊີວິດຊີວາແລະມີບັນຍາກາດເບີກບານມ່ວນຊື່ນ;ສົ່ງເສີມການສ້າງຂະບວນການກິລາ-ກາຍຍະກຳມວນຊົນແລະການສ້າງກິລາລະດັບສູງກ້າວໄປເຖິງການສ້າງກິລາອາຊີບ ແລະ ອະນຸລັກ, ພັດທະນາກິລາ-ພື້ນເມືອງ ຂອງປະຊາຊົນລາວບັນດາເຜົ່າ, ກິລາ-ກາຍຍະກຳອະນຸຊົນ, ເຍົາວະຊົນ, ຊາວໜຸ່ມ, ນັກຮຽນ, ນັກສຶກສາ, ຜູ້ອາຍຸສູງ, ຜູ້ຍິງ ແລະ ຄົນພິການ; ຊຸກຍູ້, ສົ່ງເສີມ ພັດທະນາກິລາ-ກາຍຍະກຳໂດຍການສ້າງໂຄງລ່າງພື້ນຖານ, ສະໜອງງົບປະມານ, ພາຫະນະ, ວັດຖຸອຸປະກອນ, ຄູຝຶກ, ຜູ້ຊ່ຽວຊານບຸກຄະລາກອນກິລາ-ກາຍຍະກຳພາຍໃນນະຄອນຫຼວງວຽງຈັນໂດຍມີນະໂຍບາຍສົ່ງເສີມສະເພາະແກ່ນັກກິລາທີ່ມີພອນສະຫວັນແລະມີຜົນງານດີເດັ່ນ; ຈະໄດ້ມີງົບປະມານພຽງພໍເພື່ອກຽມໃສ່ງານມະຫາກຳກິລາແຫ່ງຊາດຄັ້ງທີ XII ແລະ ກິລາພາລາເກມຄັ້ງທີ IV ທີ່ນະຄອນຫຼວງວຽງຈັນຈະເປັນເຈົ້າພາບໃນປີ 2025.
(ຂ່າວ: ແສງຈັນ)
ໃນກອງປະຊຸມ, ທ່ານ ສົມພອນ ສອນດາລາ ຫົວໜ້າພະແນກສຶກສາທິການ ແລະ ກິລາ ນະຄອນຫຼວງວຽງຈັນ ໄດ້ລາຍງານຮ່າງຂໍ້ຕົກລົງວ່າດ້ວຍ ກອງທຶນພັດທະນາກິລາ-ກາຍຍະກໍາ ນະຄອນຫຼວງວຽງຈັນ ວ່າ: ເພື່ອເປັນການສຸມໃສ່ພັດທະນາກິລາໃຫ້ມີຄວາມເຂັ້ມແຂງ ແລະ ການຄຸ້ມຄອງງົບປະມານຮັບໃຊ້ພັດທະນານັກກິລາໃຫ້ໄດ້ຮັບຜົນສູງ, ເພື່ອກຽມໃສ່ງານມະຫະກຳກິລາແຫ່ງຊາດຄັ້ງທີ XII ແລະ ກິລາພາລາເກມຄັ້ງທີ IV ທີ່ນະຄອນຫຼວງວຽງຈັນ ຈະເປັນເຈົ້າພາບໃນປີ2025 ພ້ອມທັງພັດທະນານັກກິລາ ນະຄອນຫຼວງວຽງຈັນ ເພື່ອເຂົ້າຮ່ວມແຂ່ງຂັນໃນພາກພື້ນ ແລະ ສາກົນ. ດັ່ງນັ້ນ, ພະແນກສຶກສາທິການ ແລະ ກິລາ ຈຶ່ງໄດ້ເລີ່ມຮ່າງຂໍ້ຕົກລົງວ່າດ້ວຍ ກອງທຶນພັດທະນາກິລາ-ກາຍຍະກຳ ນະຄອນຫຼວງວຽງຈັນ ຂຶ້ນນັບແຕ່ປີ 2018 ເປັນຕົ້ນມາ; ມາເຖິງວັນທີ 24 ພະຈິກ 2023 ພະແນກສຶກສາທິການ ແລະ ກິລາໄດ້ນໍາຮ່າງຂໍ້ຕົກລົງສະບັບນີ້ ເຂົ້າຜ່ານລາຍງານໃນກອງປະຊຸມຄະນະປະຈໍາພັກ ນະຄອນຫຼວງວຽງຈັນ ຊຶ່ງທ່ານປະທານກອງປະຊຸມ ໄດ້ມີທິດໃຫ້ປັບປຸງທາງດ້ານເນື້ອໃນ ແລະ ເຫັນດີໃຫ້ນຳຮ່າງຂໍ້ຕົກລົງວ່າດ້ວຍ ກອງທຶນພັດທະນາກິລາ-ກາຍຍະກໍາ ເຂົ້າຜ່ານໃນກອງປະຊຸມສຳມະນາຄັ້ງນີ້.
ໂຄງຮ່າງຂໍ້ຕົກລົງວ່າດ້ວຍ ກອງທຶນພັດທະນາກິລາ-ກາຍຍະກໍາ ປະກອບມີ 8 ໝວດ, 30 ມາດຕາ. ຖ້າຫາກວ່າ ຮ່າງຂໍ້ຕົກລົງສະບັບນີ້ຖືກຮັບຮອງ ຈະເປັນການພັດທະນາຊັບພະຍາກອນມະນຸດຂອງ ນະຄອນຫຼວງວຽງຈັນ ມີສຸຂະພາບຮ່າງກາຍ ແລະ ສຸຂະພາບຈິດທີ່ແຂງແຮງ, ສ້າງໃຫ້ຄົນເຮົາເປັນຜູ້ທີ່ມີຄວາມດຸໝັ່ນ, ອົດທົນ, ທຸ່ນທ່ຽງ, ເຂັ້ມແຂງ, ມີຄວາມເສຍສະຫຼະ, ມີລະບຽບວິໄນ, ມີນ້ຳໃຈຮັກຊາດ, ເຮັດໃຫ້ສັງຄົມມີຊີວິດຊີວາແລະມີບັນຍາກາດເບີກບານມ່ວນຊື່ນ;ສົ່ງເສີມການສ້າງຂະບວນການກິລາ-ກາຍຍະກຳມວນຊົນແລະການສ້າງກິລາລະດັບສູງກ້າວໄປເຖິງການສ້າງກິລາອາຊີບ ແລະ ອະນຸລັກ, ພັດທະນາກິລາ-ພື້ນເມືອງ ຂອງປະຊາຊົນລາວບັນດາເຜົ່າ, ກິລາ-ກາຍຍະກຳອະນຸຊົນ, ເຍົາວະຊົນ, ຊາວໜຸ່ມ, ນັກຮຽນ, ນັກສຶກສາ, ຜູ້ອາຍຸສູງ, ຜູ້ຍິງ ແລະ ຄົນພິການ; ຊຸກຍູ້, ສົ່ງເສີມ ພັດທະນາກິລາ-ກາຍຍະກຳໂດຍການສ້າງໂຄງລ່າງພື້ນຖານ, ສະໜອງງົບປະມານ, ພາຫະນະ, ວັດຖຸອຸປະກອນ, ຄູຝຶກ, ຜູ້ຊ່ຽວຊານບຸກຄະລາກອນກິລາ-ກາຍຍະກຳພາຍໃນນະຄອນຫຼວງວຽງຈັນໂດຍມີນະໂຍບາຍສົ່ງເສີມສະເພາະແກ່ນັກກິລາທີ່ມີພອນສະຫວັນແລະມີຜົນງານດີເດັ່ນ; ຈະໄດ້ມີງົບປະມານພຽງພໍເພື່ອກຽມໃສ່ງານມະຫາກຳກິລາແຫ່ງຊາດຄັ້ງທີ XII ແລະ ກິລາພາລາເກມຄັ້ງທີ IV ທີ່ນະຄອນຫຼວງວຽງຈັນຈະເປັນເຈົ້າພາບໃນປີ 2025.
(ຂ່າວ: ແສງຈັນ)
