ທ່ານ ສອນໄຊ ສີພັນດອນ ນາຍົກລັດຖະມົນຕີແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂ່ຳນັບຂອງທ່ານ ທ່ານ ກິມ ເທ ຮຶມ ເຈົ້າແຂວງຊຸງຊອງນຳໂດ ສ ເກົາຫຼີພ້ອມດ້ວຍຄະນະ ທີ່ມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນວັນທີ 7 ທັນວານີ້ທີ່ສໍານັກງານນາຍົກລັດຖະມົນຕີ.
ໃນໂອກາດດັ່ງກ່າວ, ທ່ານ ສອນໄຊ ສີພັນດອນ ສະແດງຄວາມຕ້ອນຮັບ, ຊົມເຊີຍ ແລະຕີລາຄາສູງຕໍ່ທ່ານ ກິມ ເທ ຮຶມ ພ້ອມດ້ວຍຄະນະ ທີ່ໄດ້ມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ຊຶ່ງເປັນການປະກອບສ່ວນເສີມຂະຫຍາຍສາຍພົວພັນມິດຕະພາບ ແລະ ການຮ່ວມມື ລະຫວ່າງ ສປປ ລາວ ແລະ ສເກົາຫຼີ ໃຫ້ນັບມື້ນັບກວ້າງຂວາງຍິ່ງໆຂຶ້ນ. ສະແດງຄວາມຊົມເຊີຍ ແລະ ຕີລາຄາສູງຕໍ່ໝາກຜົນໃນເບື້ອງຕົ້ນຂອງການຮ່ວມມືກັນ ລະຫວ່າງ ກະຊວງແຮງງານ ແລະ ສະຫວັດດີການສັງຄົມຂອງ ສປປ ລາວ ແລະ ແຂວງ ຊຸງຊອງນຳໂດ ຂອງ ສເກົາຫຼີ ໂດຍສະເພາະການຮ່ວມມືດ້ານແຮງງານ ຊຶ່ງເປັນການເປີດໂອກາດໃຫ້ແກ່ແຮງງານລາວໄດ້ໄປເຮັດວຽກຕາມລະດູການຢູ່ບັນດາເມືອງຂອງແຂວງຊຸງຊອງນຳໂດ ຊຶ່ງນອກຈາກຈະເປັນການສ້າງລາຍຮັບແກ່ແຮງງານລາວແລ້ວ ຍັງເປັນການສົ່ງເສີມການພັດທະນາທັກສະສີມືແຮງງານ ແລະ ຮຽນຮູ້ແບບແຜນການເຮັດວຽກແບບອຸດສະຫະກຳ ດ້ານກະສິກຳ ນຳອີກ.
ທ່ານນາຍົກລັດຖະມົນຕີກ່າວວ່າ: ຜ່ານມາຂ້າພະເຈົ້າກໍໄດ້ຮັບການລາຍງານວ່າທາງແຂວງຊຸງຊອງນຳໂດ ໄດ້ໃຫ້ການຊ່ວຍເຫຼືອຫຼາຍດ້ານແກ່ ສປປ ລາວ ເປັນຕົ້ນໄດ້ຊ່ວຍເຫຼືອລົດຮັບສົ່ງຄົນເຈັບ, ເຄື່ອງຄອມພີວເຕີ, ໂຕະຕັ່ງນັກຮຽນ ແລະ ເຄື່ອງແຈ້ງເຕືອນອັກຄີໄຟຈຳນວນໜຶ່ງ ໃຫ້ແກ່ ສປປ ລາວ ໂດຍຜ່ານກະຊວງແຮງງານ ແລະ ສະຫວັດດີການສັງຄົມ; ການຮ່ວມມື ແລະ ຊ່ວຍເຫຼືອຂອງພວກທ່ານ ເປັນການປະກອບສ່ວນທີ່ສຳຄັນໃນການພັດທະນາເສດຖະກິດ-ສັງຄົມຂອງ ສປປ ລາວ.
ໃນຕໍ່ໜ້າ ສະເໜີໃຫ້ສອງຝ່າຍຈົ່ງສືບຕໍ່ຮ່ວມມືກັນຈັດຕັ້ງປະຕິບັດບັນດາເນື້ອໃນບົດບັດທຶກການຮ່ວມມືທີ່ສອງຝ່າຍໄດ້ລົງນາມຮ່ວມກັນ ໃຫ້ເກີດຜົນຫຼາຍຂຶ້ນກວ່າເກົ່າ ໂດຍສະເພາະການສ້າງເງື່ອນໄຂ ແລະສົ່ງເສີມໃຫ້ແຮງງານລາວໄດ້ມີໂອກາດໄປເຮັດວຽກຕາມລະດູການຢູ່ບັນດາເມືອງຂອງແຂວງຊຸງຊອງນຳໂດ ໃຫ້ຫຼາຍຂຶ້ນ, ພ້ອມນີ້ກໍພ້ອມກັນຄົ້ນຄວ້າ ແລະ ຊອກກາລະໂອກາດໃນການຂະຫຍາຍອອກໄປສູ່ຂົງເຂດວຽກງານອື່ນໆໃຫ້ກວ້າງຂວາງກວ່າເກົ່າ ລວມທັງດ້ານການຄ້າ, ການທ່ອງທ່ຽວ, ກະສິກຳ ແລະ ອື່ນໆ. ຂ້າພະເຈົ້າເຊື້ອໝັ້ນວ່າ ການຮ່ວມມືລະຫວ່າງສອງລັດຖະບານ ແລະ ປະຊາຊົນຂອງສອງຊາດ ລາວ-ສເກົາຫຼີ ຈະສືບຕໍ່ເສີມຂະຫຍາຍສາຍພົວພັນໃຫ້ແໜ້ນແຟ້ນຍິ່ງໆຂຶ້ນ ພ້ອມທັງການໄປມາຫາສູ່ກັນ, ແລກປ່ຽນຖອດຖອນບົດຮຽນນໍາກັນ ແລະ ໃຫ້ການສະໜັບສະໜູນຊຸກຍູ້ຊຶ່ງກັນ ແລະ ກັນ ໃຫ້ນັບມືນັບຫຼາຍຂຶ້ນ.ຕາງໜ້າໃຫ້ລັດຖະບານ, ຂ້າພະເຈົ້າ ຂໍສະແດງຄວາມຂອບໃຈຢ່າງຈິງໃຈມາຍັງທ່ານເຈົ້າແຂວງ ແລະ ທຸກພາກສ່ວນທີ່ກ່ຽວຂ້ອງຂອງແຂວງຊຸງຊອງນຳໂດ ກໍຄືລັດຖະບານແຫ່ງ ສ ເກົາຫຼີ ທີ່ໄດ້ໃຫ້ການສະໜັບສະໜູນຊ່ວຍເຫຼືອ ສປປ ລາວ ໃນການສ້າງສາພັດທະນາປະເທດຊາດ ກໍຄືພັດທະນາເສດຖະກິດ-ສັງຄົມຂອງ ສປປ ລາວໃຫ້ມີຄວາມເຂັ້ມແຂງ.
ທ່ານເຈົ້າແຂວງຊຸງຊອງນຳໂດ ກໍໄດ້ສະແດງຄວາມຂອບອົກຂອບໃຈຕໍ່ການຕ້ອນຮັບອັນອົບອຸ່ນຂອງທ່ານນາຍົກລັດຖະມົນຕີ, ພ້ອມທັງໄດ້ແຈ້ງຈຸດປະສົງຂອງການເດີນທາງມາຢ້ຽມຢາມ ສປປລາວໃຫ້ທ່ານນາຍົກລັດຖະມົນຕີໄດ້ຮັບຊາບ.
(ຂ່າວ-ພາບ: ແສງຈັນ)
ໃນໂອກາດດັ່ງກ່າວ, ທ່ານ ສອນໄຊ ສີພັນດອນ ສະແດງຄວາມຕ້ອນຮັບ, ຊົມເຊີຍ ແລະຕີລາຄາສູງຕໍ່ທ່ານ ກິມ ເທ ຮຶມ ພ້ອມດ້ວຍຄະນະ ທີ່ໄດ້ມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ຊຶ່ງເປັນການປະກອບສ່ວນເສີມຂະຫຍາຍສາຍພົວພັນມິດຕະພາບ ແລະ ການຮ່ວມມື ລະຫວ່າງ ສປປ ລາວ ແລະ ສເກົາຫຼີ ໃຫ້ນັບມື້ນັບກວ້າງຂວາງຍິ່ງໆຂຶ້ນ. ສະແດງຄວາມຊົມເຊີຍ ແລະ ຕີລາຄາສູງຕໍ່ໝາກຜົນໃນເບື້ອງຕົ້ນຂອງການຮ່ວມມືກັນ ລະຫວ່າງ ກະຊວງແຮງງານ ແລະ ສະຫວັດດີການສັງຄົມຂອງ ສປປ ລາວ ແລະ ແຂວງ ຊຸງຊອງນຳໂດ ຂອງ ສເກົາຫຼີ ໂດຍສະເພາະການຮ່ວມມືດ້ານແຮງງານ ຊຶ່ງເປັນການເປີດໂອກາດໃຫ້ແກ່ແຮງງານລາວໄດ້ໄປເຮັດວຽກຕາມລະດູການຢູ່ບັນດາເມືອງຂອງແຂວງຊຸງຊອງນຳໂດ ຊຶ່ງນອກຈາກຈະເປັນການສ້າງລາຍຮັບແກ່ແຮງງານລາວແລ້ວ ຍັງເປັນການສົ່ງເສີມການພັດທະນາທັກສະສີມືແຮງງານ ແລະ ຮຽນຮູ້ແບບແຜນການເຮັດວຽກແບບອຸດສະຫະກຳ ດ້ານກະສິກຳ ນຳອີກ.
ທ່ານນາຍົກລັດຖະມົນຕີກ່າວວ່າ: ຜ່ານມາຂ້າພະເຈົ້າກໍໄດ້ຮັບການລາຍງານວ່າທາງແຂວງຊຸງຊອງນຳໂດ ໄດ້ໃຫ້ການຊ່ວຍເຫຼືອຫຼາຍດ້ານແກ່ ສປປ ລາວ ເປັນຕົ້ນໄດ້ຊ່ວຍເຫຼືອລົດຮັບສົ່ງຄົນເຈັບ, ເຄື່ອງຄອມພີວເຕີ, ໂຕະຕັ່ງນັກຮຽນ ແລະ ເຄື່ອງແຈ້ງເຕືອນອັກຄີໄຟຈຳນວນໜຶ່ງ ໃຫ້ແກ່ ສປປ ລາວ ໂດຍຜ່ານກະຊວງແຮງງານ ແລະ ສະຫວັດດີການສັງຄົມ; ການຮ່ວມມື ແລະ ຊ່ວຍເຫຼືອຂອງພວກທ່ານ ເປັນການປະກອບສ່ວນທີ່ສຳຄັນໃນການພັດທະນາເສດຖະກິດ-ສັງຄົມຂອງ ສປປ ລາວ.
ໃນຕໍ່ໜ້າ ສະເໜີໃຫ້ສອງຝ່າຍຈົ່ງສືບຕໍ່ຮ່ວມມືກັນຈັດຕັ້ງປະຕິບັດບັນດາເນື້ອໃນບົດບັດທຶກການຮ່ວມມືທີ່ສອງຝ່າຍໄດ້ລົງນາມຮ່ວມກັນ ໃຫ້ເກີດຜົນຫຼາຍຂຶ້ນກວ່າເກົ່າ ໂດຍສະເພາະການສ້າງເງື່ອນໄຂ ແລະສົ່ງເສີມໃຫ້ແຮງງານລາວໄດ້ມີໂອກາດໄປເຮັດວຽກຕາມລະດູການຢູ່ບັນດາເມືອງຂອງແຂວງຊຸງຊອງນຳໂດ ໃຫ້ຫຼາຍຂຶ້ນ, ພ້ອມນີ້ກໍພ້ອມກັນຄົ້ນຄວ້າ ແລະ ຊອກກາລະໂອກາດໃນການຂະຫຍາຍອອກໄປສູ່ຂົງເຂດວຽກງານອື່ນໆໃຫ້ກວ້າງຂວາງກວ່າເກົ່າ ລວມທັງດ້ານການຄ້າ, ການທ່ອງທ່ຽວ, ກະສິກຳ ແລະ ອື່ນໆ. ຂ້າພະເຈົ້າເຊື້ອໝັ້ນວ່າ ການຮ່ວມມືລະຫວ່າງສອງລັດຖະບານ ແລະ ປະຊາຊົນຂອງສອງຊາດ ລາວ-ສເກົາຫຼີ ຈະສືບຕໍ່ເສີມຂະຫຍາຍສາຍພົວພັນໃຫ້ແໜ້ນແຟ້ນຍິ່ງໆຂຶ້ນ ພ້ອມທັງການໄປມາຫາສູ່ກັນ, ແລກປ່ຽນຖອດຖອນບົດຮຽນນໍາກັນ ແລະ ໃຫ້ການສະໜັບສະໜູນຊຸກຍູ້ຊຶ່ງກັນ ແລະ ກັນ ໃຫ້ນັບມືນັບຫຼາຍຂຶ້ນ.ຕາງໜ້າໃຫ້ລັດຖະບານ, ຂ້າພະເຈົ້າ ຂໍສະແດງຄວາມຂອບໃຈຢ່າງຈິງໃຈມາຍັງທ່ານເຈົ້າແຂວງ ແລະ ທຸກພາກສ່ວນທີ່ກ່ຽວຂ້ອງຂອງແຂວງຊຸງຊອງນຳໂດ ກໍຄືລັດຖະບານແຫ່ງ ສ ເກົາຫຼີ ທີ່ໄດ້ໃຫ້ການສະໜັບສະໜູນຊ່ວຍເຫຼືອ ສປປ ລາວ ໃນການສ້າງສາພັດທະນາປະເທດຊາດ ກໍຄືພັດທະນາເສດຖະກິດ-ສັງຄົມຂອງ ສປປ ລາວໃຫ້ມີຄວາມເຂັ້ມແຂງ.
ທ່ານເຈົ້າແຂວງຊຸງຊອງນຳໂດ ກໍໄດ້ສະແດງຄວາມຂອບອົກຂອບໃຈຕໍ່ການຕ້ອນຮັບອັນອົບອຸ່ນຂອງທ່ານນາຍົກລັດຖະມົນຕີ, ພ້ອມທັງໄດ້ແຈ້ງຈຸດປະສົງຂອງການເດີນທາງມາຢ້ຽມຢາມ ສປປລາວໃຫ້ທ່ານນາຍົກລັດຖະມົນຕີໄດ້ຮັບຊາບ.
(ຂ່າວ-ພາບ: ແສງຈັນ)
