ອັດຕາເງິນເຟີ້ ປະຈໍາເດືອນພະຈິກ 2023 ຫຼຸດລົງໃນລະດັບ 0,6% ທຽບໃສ່ເດືອນຕຸລາ, ແຕ່ສະພາບລາຄາສິນຄ້າ ຍັງສືບຕໍ່ເພີ່ມຂຶ້ນ ຢູ່ລະດັບ 0,7% ໂດຍໃນນີ້ອັດຕາເງິນເຟີ້ສິນຄ້າພາຍໃນ ເພີ່ມຂຶ້ນ 0,4% ແລະ ອັດຕາເງິນເຟີ້ສິນຄ້ານໍາເຂົ້າ ເພີ່ມຂຶ້ນ 1,3%.
ສູນສະຖິຕິແຫ່ງຊາດ, ກະຊວງແຜນການ ແລະ ການລົງທຶນ ໄດ້ເຜີຍແຜ່ບົດລາຍງານສະພາບອັດຕາເງິນເຟີ້ ປະຈໍາເດືອນພະຈິກ 2023 ໃຫ້ຮູ້ວ່າ: ສະພາບລາຄາສິນຄ້າ ແລະ ບໍລິການ ໃນເດືອນພະຈິກ 2023 ແມ່ນຍັງສືບຕໍ່ເພີ່ມຂຶ້ນ, ດັດຊະນີລາຄາສິນຄ້າລວມ ຢູ່ໃນລະດັບ 208,1 ຊຶ່ງເພີ່ມຂຶ້ນຈາກ 166,2 ໃນເດືອນພະຈິກ 2022. ສະນັ້ນ, ເຮັດໃຫ້ອັດຕາເງິນເຟີ້ລວມຂອງ ສປປ ລາວ ໃນເດືອນພະຈິກ ຢູ່ໃນລະດັບ 25,2% ຫຼຸດລົງຈາກ 25,8% ໃນເດືອຕຸລາ. ໃນນີ້, ໝວດສິນຄ້າທີ່ມີອັດຕາເງິນເຟີ້ສູງກວ່າສູງແມ່ນ ໝວດຮ້ານອາຫານ ແລະ ໂຮງແຮມ ເພີ່ມຂຶ້ນ 35,2%; ໝວດເຄື່ອງນຸ່ງຫົ່ມ ແລະ ເກີບ ເພີ່ມຂຶ້ນ 31,8%; ໝວດຮັກສາສຸຂະພາບ ແລະ ຢາ ເພີ່ມຂຶ້ນ 26,5%; ໝວດສະບຽງອາຫານ ແລະ ເຄື່ອງດື່ມບໍ່ມີທາດເຫຼົ້າ ເພີ່ມຂຶ້ນ 26,4%; ໝວດເຄື່ອງໃຊ້ໃນເຮືອນ ເພີ່ມຂຶ້ນ 25,3%; ໝວດເຫຼົ້າ ແລະ ຢາສູບ ເພີ່ມຂຶ້ນ 24,5%; ໝວດຄົມມະນາຄົມ ແລະ ຂົນສົ່ງ ເພີ່ມຂຶ້ນ 22,1%; ໝວດສິນຄ້າ ແລະ ບໍລິການອື່ນໆ ເພີ່ມຂຶ້ນ 21,8%.
ເມື່ອທຽບລາຄາສິນຄ້າ ແລະ ບໍລິການ ເດືອນພະຈິກ 2023 ທຽບກັບເດືອນຕຸລາປີດຽວກັນນີ້, ເຫັນວ່າລາຄາສິນຄ້າ ຍັງມີທ່າອ່ຽງເພີ່ມຂຶ້ນ ຢູ່ໃນລະດັບ 0,4% ໃນນີ້: ໝວດເຄື່ອງນຸ່ງຫົ່ມ ແລະ ເກີບ ເພີ່ມຂຶ້ນ 3,5%; ໝວດຮ້ານອາຫານ ແລະ ໂຮງແຮມ ເພີ່ມຂຶ້ນ 2,9%; ໝວດຮັກສາສຸຂະພາບ ແລະ ຢາ ເພີ່ມຂຶ້ນ 2,6%; ໝວດທີ່ພັກອາໄສ, ໄຟຟ້າ, ນໍ້າປະປາ ແລະ ເຊື້ອເພີ່ງຫຸງຕົ້ມ ເພີ່ມຂຶ້ນ 2,2%; ມີພຽງໝວດສະບຽງອາຫານ ແລະ ເຄື່ອງດື່ມບໍ່ແມ່ນທາດເຫຼົ້າ ຫຼຸດລົງ -0,6%.
ບົດລາຍງານຍັງລະບຸວ່າ: ອັດຕາເງິນເຟີ້ສິນຄ້າພາຍໃນ ແມ່ນຄິດໄລ່ຈາກ 230 ລາຍການ ກວມເອົາ 47,4% ຂອງລາຍການສິນຄ້າທັງໝົດ ແລະ ກວມເອົານໍ້າໜັກ 69,3%. ອັດຕາເງິນເຟີ້ສິນຄ້າພາຍໃນ ເດືອນພະຈິກ ຢູ່ໃນລະດັບ 25,6% ແຕ່ຖ້າທຽບໃສ່ເດືອນຜ່ານມາ ເພີ່ມຂຶ້ນ 0,4% ຕົ້ນຕໍແມ່ນການເໜັງຕີງຂອງລາຄາ ເຊັ່ນ: ເຂົ້າສານ, ຊີ້ນ ໂດຍສະເພາະແມ່ນ ຊີ້ນໝູ, ງົວ ແລະ ຄວາຍ, ຄຳຮູບປະພັນ.
ສຳລັບອັດຕາເງິນເຟີ້ສິນຄ້ານໍາເຂົ້າ ແມ່ນຄິດໄລ່ຈາກ 255 ລາຍ ກວມເອົາ 52,6% ຂອງລາຍການສິນຄ້າທັງໝົດ ແລະ ກວມເອົານໍ້າໜັກ 30,7%. ອັດຕາເງິນເຟີ້ສິນຄ້ານໍາເຂົ້າຂອງເດືອນພະຈິກ ຢູ່ໃນລະດັບ 24,5% ຖ້າທຽບໃສ່ເດືອນຜ່ານາ ເພີ່ມຂຶ້ນ 1,3% ຕົ້ນຕໍແມ່ນການເໜັງຕີງຂອງລາຄານໍ້າມັນເຊື້ອໄຟ, ເຄື່ອງນຸ່ງຫົ່ມ, ເຄື່ອງໃຊ້ໃນເຮືອນ, ເຄື່ອງອີເລັກໂຕຣນິກຕ່າງໆ.
(ຂ່າວ-ພາບ: ສຸກສະຫວັນ)
ສູນສະຖິຕິແຫ່ງຊາດ, ກະຊວງແຜນການ ແລະ ການລົງທຶນ ໄດ້ເຜີຍແຜ່ບົດລາຍງານສະພາບອັດຕາເງິນເຟີ້ ປະຈໍາເດືອນພະຈິກ 2023 ໃຫ້ຮູ້ວ່າ: ສະພາບລາຄາສິນຄ້າ ແລະ ບໍລິການ ໃນເດືອນພະຈິກ 2023 ແມ່ນຍັງສືບຕໍ່ເພີ່ມຂຶ້ນ, ດັດຊະນີລາຄາສິນຄ້າລວມ ຢູ່ໃນລະດັບ 208,1 ຊຶ່ງເພີ່ມຂຶ້ນຈາກ 166,2 ໃນເດືອນພະຈິກ 2022. ສະນັ້ນ, ເຮັດໃຫ້ອັດຕາເງິນເຟີ້ລວມຂອງ ສປປ ລາວ ໃນເດືອນພະຈິກ ຢູ່ໃນລະດັບ 25,2% ຫຼຸດລົງຈາກ 25,8% ໃນເດືອຕຸລາ. ໃນນີ້, ໝວດສິນຄ້າທີ່ມີອັດຕາເງິນເຟີ້ສູງກວ່າສູງແມ່ນ ໝວດຮ້ານອາຫານ ແລະ ໂຮງແຮມ ເພີ່ມຂຶ້ນ 35,2%; ໝວດເຄື່ອງນຸ່ງຫົ່ມ ແລະ ເກີບ ເພີ່ມຂຶ້ນ 31,8%; ໝວດຮັກສາສຸຂະພາບ ແລະ ຢາ ເພີ່ມຂຶ້ນ 26,5%; ໝວດສະບຽງອາຫານ ແລະ ເຄື່ອງດື່ມບໍ່ມີທາດເຫຼົ້າ ເພີ່ມຂຶ້ນ 26,4%; ໝວດເຄື່ອງໃຊ້ໃນເຮືອນ ເພີ່ມຂຶ້ນ 25,3%; ໝວດເຫຼົ້າ ແລະ ຢາສູບ ເພີ່ມຂຶ້ນ 24,5%; ໝວດຄົມມະນາຄົມ ແລະ ຂົນສົ່ງ ເພີ່ມຂຶ້ນ 22,1%; ໝວດສິນຄ້າ ແລະ ບໍລິການອື່ນໆ ເພີ່ມຂຶ້ນ 21,8%.
ເມື່ອທຽບລາຄາສິນຄ້າ ແລະ ບໍລິການ ເດືອນພະຈິກ 2023 ທຽບກັບເດືອນຕຸລາປີດຽວກັນນີ້, ເຫັນວ່າລາຄາສິນຄ້າ ຍັງມີທ່າອ່ຽງເພີ່ມຂຶ້ນ ຢູ່ໃນລະດັບ 0,4% ໃນນີ້: ໝວດເຄື່ອງນຸ່ງຫົ່ມ ແລະ ເກີບ ເພີ່ມຂຶ້ນ 3,5%; ໝວດຮ້ານອາຫານ ແລະ ໂຮງແຮມ ເພີ່ມຂຶ້ນ 2,9%; ໝວດຮັກສາສຸຂະພາບ ແລະ ຢາ ເພີ່ມຂຶ້ນ 2,6%; ໝວດທີ່ພັກອາໄສ, ໄຟຟ້າ, ນໍ້າປະປາ ແລະ ເຊື້ອເພີ່ງຫຸງຕົ້ມ ເພີ່ມຂຶ້ນ 2,2%; ມີພຽງໝວດສະບຽງອາຫານ ແລະ ເຄື່ອງດື່ມບໍ່ແມ່ນທາດເຫຼົ້າ ຫຼຸດລົງ -0,6%.
ບົດລາຍງານຍັງລະບຸວ່າ: ອັດຕາເງິນເຟີ້ສິນຄ້າພາຍໃນ ແມ່ນຄິດໄລ່ຈາກ 230 ລາຍການ ກວມເອົາ 47,4% ຂອງລາຍການສິນຄ້າທັງໝົດ ແລະ ກວມເອົານໍ້າໜັກ 69,3%. ອັດຕາເງິນເຟີ້ສິນຄ້າພາຍໃນ ເດືອນພະຈິກ ຢູ່ໃນລະດັບ 25,6% ແຕ່ຖ້າທຽບໃສ່ເດືອນຜ່ານມາ ເພີ່ມຂຶ້ນ 0,4% ຕົ້ນຕໍແມ່ນການເໜັງຕີງຂອງລາຄາ ເຊັ່ນ: ເຂົ້າສານ, ຊີ້ນ ໂດຍສະເພາະແມ່ນ ຊີ້ນໝູ, ງົວ ແລະ ຄວາຍ, ຄຳຮູບປະພັນ.
ສຳລັບອັດຕາເງິນເຟີ້ສິນຄ້ານໍາເຂົ້າ ແມ່ນຄິດໄລ່ຈາກ 255 ລາຍ ກວມເອົາ 52,6% ຂອງລາຍການສິນຄ້າທັງໝົດ ແລະ ກວມເອົານໍ້າໜັກ 30,7%. ອັດຕາເງິນເຟີ້ສິນຄ້ານໍາເຂົ້າຂອງເດືອນພະຈິກ ຢູ່ໃນລະດັບ 24,5% ຖ້າທຽບໃສ່ເດືອນຜ່ານາ ເພີ່ມຂຶ້ນ 1,3% ຕົ້ນຕໍແມ່ນການເໜັງຕີງຂອງລາຄານໍ້າມັນເຊື້ອໄຟ, ເຄື່ອງນຸ່ງຫົ່ມ, ເຄື່ອງໃຊ້ໃນເຮືອນ, ເຄື່ອງອີເລັກໂຕຣນິກຕ່າງໆ.
(ຂ່າວ-ພາບ: ສຸກສະຫວັນ)
