ກອງປະຊຸມຕີລາຄາການຈັດຕັັ້ງປະຕິບັດວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ, ແຕ່ທ້າຍປີ2021-2023ແລະທິດທາງແຜນການ2024-2025ຢູ່ແຂວງສະຫວັນນະເຂດໄດ້ຈັດຂຶ້ນທີ່ສະໂມສອນຂອງຫ້ອງວ່າການປົກຄອງແຂວງສະຫວັນນະເຂດ, ໃນວັນທີ11ທັນວານີ້ໃຫ້ກຽດເຂົ້າຮ່ວມເປັນປະທານໃນກອງປະຊຸມຄັ້ງນີ້ໂດຍທ່ານບຸນໂຈມອຸບົນປະເສີດເຈົ້າແຂວງສະຫວັນນະເຂດ ໂດຍມີ ບັນດາທ່ານຄະນະນຳຂອງແຂວງໄດ້ເຂົ້າຮ່ວມ.
ໃນໂອກາດນີ້, ທ່ານຄຳຜຸຍສີບຸນເຮືອງຫົວໜ້າພະແນກແຜນການແລະການລົງທຶນແຂວງໄດ້ຜ່ານບົດສະຫຼຸບຕີລາຄາການຈັດຕັັ້ງປະຕິບັດວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ, ແຕ່ທ້າຍປີ2021-2023ຊຶ່ງເຫັນໄດ້ດ້ານຜົນສໍາເລັດຫຼາຍດ້ານ, ໃນນີ້ວຽກຈຸດສຸມ1: ການສົ່ງເສີມການຜະລິດເພື່ອທົດແທນການນໍາເຂົ້າແລະເປັນສິນຄ້າສົ່ງອອກເພື່ອສ້າງຖານລາຍຮັບທີ່ເຂັ້ມແຂງ-ຍືນຍົງ (ຫັນປ່ຽນໄປສູ່ສັງຄົມການຜະລິດ) ມີທັງໝົດ21 ຄາດໝາຍ,  ຈັດຕັ້ງປະຕິບັດໄດ້20 ຄາດໝາຍແລະ1 ຄາດໝາຍບໍ່ສາມາດຈັດຕັ້ງປະຕິບັດໄດ້ (ຫຼຸດລາຄາຫົວໜ່ວຍໄຟຟ້າກຸ່ມຜະລິດກະສິກຳ),  ວຽກຈຸດສຸມທີ2: ສ້າງຄວາມເຂັ້ມແຂງດ້ານການເກັບລາຍຮັບງົບປະມານມີ24 ຄາດໝາຍ, ຈັດຕັ້ງປະຕິບັດໄດ້24 ຄາດໝາຍ, ຜ່ານການຈັດຕັ້ງປະຕິບັດມີຜົນສໍາເລັດ, ວຽກຈຸດສຸມທີ3: ສົ່ງເສີມການປະຢັດ, ຕ້ານການຟຸ່ມເຟືອຍ, ຍົກສູງປະສິດທິຜົນການລົງທຶນ-ລາຍຈ່າຍງົບປະມານແລະການແກ້ໄຂໜີ້ສິນ, ມີ11 ຄາດໝາຍ, ປະຕິບັດໄດ້11 ຄາດໝາຍ, ຜ່ານການຈັດຕັ້ງປະຕິບັດມີຜົນສໍາເລັດ, ວຽກຈຸດສຸມທີ4: ສ້າງສະຖຽນລະພາບດ້ານເງິນຕາ, ມີ6 ຄາດໝາຍ, ຈັດຕັ້ງປະຕິບັດໄດ້6 ຄາດໝາຍ, ຜ່ານການຈັດຕັ້ງປະຕິບັດມີຜົນສໍາເລັດ, ຈຸດສຸມທີ5: ຍົກສູງປະສິດທິພາບການຄຸ້ມຄອງລັດດ້ວຍກົດໝາຍ, ວຽກປັບປຸງກົງຈັກແລະຂຽນກຳນົດຕຳແໜ່ງງານໃຫ້ສຳເລັດຂັ້ນແຂວງແລະເມືອງໃນຕົ້ນເດືອນມັງກອນ2024ນີ້, ຈຸດສຸມທີ5 ຍົກສູງປະສິດທິພາບການຄຸ້ມຄອງລັດດ້ວຍກົດໝາຍ, ວຽກປັບປຸງກົງຈັກແລະຂຽນກຳນົດຕຳແໜ່ງງານໃຫ້ສຳເລັດຂັ້ນແຂວງແລະເມືອງໃນຕົ້ນເດືອນມັງກອນ2024ນີ້, ວຽກການບໍລິການຜ່ານປະຕູດຽວເປີດກອງປະຊຸມສຳມະນາເຜີຍແຜ່ເຊື່ອມຊຶມດຳລັດວ່າດ້ວຍການຮັບຮອງແລະປະກາດໃຊ້ຍຸດທະສາດແຫ່ງຊາດວ່າດ້ວຍການບໍລິການຂອງລັດຜ່ານກົນໄກປະຕູດຽວສະບັບເລກທີ302/ນຍ, ລົງວັນທີ1 ພະຈິກ2023.
(ຂ່າວ-ພາບ: ສະຫວັນະເຂດ)