ສະຫາຍ ທອງລຸນ ສີສຸລິດ ເລຂາທິການໃຫຍ່ ປະທານປະເທດ ແຫ່ງ ສປປ ລາວ ພ້ອມຄະນະ ໄດ້ລົງເຄື່ອນໄຫວຢ້ຽມຢາມ ແລະ ພົບປະໂອ້ລົມພະນັກງານຫຼັກແຫຼ່ງ ແຂວງວຽງຈັນ ໃນວັນທີ 14 ທັນວາ ນີ້ ໂດຍມີ ສະຫາຍ ຄຳພັນ ສິດທິດຳພາ ເລຂາພັກແຂວງ ເຈົ້າແຂວງວຽງຈັນ, ມີບັນດາຄະນະປະຈຳພັກແຂວງ, ກຳມະການພັກແຂວງ ພ້ອມດ້ວຍພະນັກງານຫຼັກແຫຼ່ງຂອງແຂວງເຂົ້າຮ່ວມ.
ສະຫາຍເລຂາພັກແຂວງ ເຈົ້າແຂວງວຽງຈັນ ໄດ້ລາຍງານສະພາບລວມໂດຍຫຍໍ້ ກ່ຽວກັບສະພາບການພັດທະນາເສດຖະກິດ-ສັງຄົມຂອງແຂວງ ຊຶ່ງເຫັນວ່າເສດຖະກິດມີທ່ວງທ່າຂະຫຍາຍຕົວ ສະເລ່ຍໂຕເລກ GDP ຢູ່ທີ່ 4,7% ສະເລ່ຍໃສ່ຫົວຄົນໄດ້ 19,93 ລ້ານກີບ, ການພັດທະນາດ້ານພື້ນຖານໂຄງລ່າງ ແຕ່ລະເມືອງມີເສັ້ນທາງໄປຮອດ, ທົ່ວແຂວງ ມີໄຟຟ້າເຂົ້າເຖິງທຸກເມືອງ, ເດັກນ້ອຍໃນເກນອາຍຸ ໄດ້ເຂົ້າຮຽນໜັງສື, ການແກ້ໄຂຄວາມທຸກຍາກໄດ້ຮັບການເອົາໃຈໃສ່ຢ່າງຈິງຈັງ ປັດຈຸບັນໃນທົ່ວແຂວງຍັງມີຄອບຄົວທີ່ຍັງບໍ່ພົ້ນທຸກ 3.720 ຄອບຄົວເທົ່າກັບ 4,72% ເມື່ອທຽບໃສ່ຈຳນວນພົນລະເມືອງທັງໝົດ, ພ້ອມນີ້ປະຊາຊົນທົ່ວແຂວງນຳໃຊ້ວິດຖ່າຍ 100% ແລະ ປະກາດຢຸດຕິການຖ່າຍຊະຊາຍຢ່າງເປັນທາງການແລ້ວ.
ໃນໂອກາດນີ້, ສະຫາຍ ທອງລຸນ ສີສຸລິດ ໄດ້ເນັ້ນໜັກໃຫ້ບັນດາການນຳແຂວງ ເພີ່ມທະວີການຊີ້ນຳ-ນຳພາ ໃຫ້ຫຼາຍຂຶ້ນກວ່າເກົ່າ ໂດຍສະເພາະວຽກງານການສຶກສາອົບຮົມການເມືອງແນວຄິດໃຫ້ແກ່ພະນັກງານ-ລັດຖະກອນ ຕະຫຼອດຮອດປະຊາຊົນບັນດາເຜົ່າໃຫ້ກຳໄດ້ແນວທາງການປ່ຽນແປງຂອງພັກ, ຮັບຮູ້ສະພາບການຂອງໂລກຢ່າງແທ້ຈິງ, ມີຄວາມເຊື່ອໝັ້ນຕໍ່ພັກ-ລັດ ໃນການແກ້ບັນຫາບ້ານເມືອງໂດຍສະເພາະການແກ້ໄຂບັນຫາດ້ານວິກິດການເງິນທີ່ປະເທດເຮົາກຳລັງປະເຊີນຢູ່ໃນປັດຈຸບັນ; ເສີມຂະຫຍາຍນຳໃຊ້ທ່າແຮງບົ່ມຊ້ອນທີ່ມີຂອງແຂວງເພື່ອນຳມາສ້າງສາພັດທະນາແຂວງໃຫ້ຈະເລີນກ້າວໜ້າ, ເອົາໃຈໃສ່ແກ້ໄຂຄວາມທຸກຍາກຂອງປະຊາຊົນບັນດາເຜົ່າທີ່ເປັນສິ່ງກີດຂວາງການພັດທະນາໃຫ້ຫຼຸດໜ້ອຍຖອຍລົງ ແລະ ຫຼຸດພົ້ນອອກຈາກຄວາມທຸກຍາກເທື່ອລະກ້າວ, ພ້ອມນີ້ ສະຫາຍຍັງໄດ້ຮຽກຮ້ອງມາຍັງຄະນະພັກແຂວງວຽງຈັນ ໃຫ້ເອົາໃຈໃສ່ກະກຽມຄວາມພ້ອມໃຫ້ແກ່ການດຳເນີນກອງປະຊຸມໃຫຍ່ 3 ຂັ້ນຂອງພັກໃຫ້ມີຄວາມຮອບຄອບ ຖືກຕ້ອງຕາມລະບຽບການ ແລະ ຂັ້ນຕອນຂອງການດຳເນີນກອງປະຊຸມ ຕິດພັນກັບວຽກງານປ້ອງກັນຊາດ-ປ້ອງກັນຄວາມສະຫງົບ ໃຫ້ຖືກວຽກງານດັ່ງກ່າວເປັນຫລັກ ແລະ ເປັນໜ້າທີ່ຂອງທົ່ວປວງຊົນລາວບັນດາເຜົ່າເວົ້າລວມ ເວົ້າສະເພາະກໍແມ່ນຊາວແຂວງວຽງຈັນ.
ໃນໂອກາດມາເຄື່ອນໄຫວຢູ່ແຂວງວຽງຈັນໃນຄັ້ງນີ້ ສະຫາຍເລຂາທິການໃຫຍ່ໄດ້ໄປຢ້ຽມຢາມ ຟາມຄຳພູວອນ ຢູ່ເມືອງໂພນໂຮງ ຊຶ່ງເປັນຟາມລ້ຽງສັດຂອງຄົນລາວ 100% ມີເນື້ອທີ່ປະມານ 20 ກວ່າເຮັກຕາ, ໃນນັ້ນມີໝູ 6 ພັນກວ່າໂຕ, ໄກ່ 3 ພັນກວ່າໂຕ, ຢ້ຽມຢາມໂຄງການກໍ່ສ້າງສະຖານີຄ່ຽນຖ່າຍສິນຄ້າ ແລະ ເຂື່ອນໄຟຟ້ານໍ້າມັງ 3 ຢູ່ເມືອງທຸລະຄົມຕື່ມອີກ.
ຂ່າວ-ພາບ: ແຂວງວຽງຈັນ
ສະຫາຍເລຂາພັກແຂວງ ເຈົ້າແຂວງວຽງຈັນ ໄດ້ລາຍງານສະພາບລວມໂດຍຫຍໍ້ ກ່ຽວກັບສະພາບການພັດທະນາເສດຖະກິດ-ສັງຄົມຂອງແຂວງ ຊຶ່ງເຫັນວ່າເສດຖະກິດມີທ່ວງທ່າຂະຫຍາຍຕົວ ສະເລ່ຍໂຕເລກ GDP ຢູ່ທີ່ 4,7% ສະເລ່ຍໃສ່ຫົວຄົນໄດ້ 19,93 ລ້ານກີບ, ການພັດທະນາດ້ານພື້ນຖານໂຄງລ່າງ ແຕ່ລະເມືອງມີເສັ້ນທາງໄປຮອດ, ທົ່ວແຂວງ ມີໄຟຟ້າເຂົ້າເຖິງທຸກເມືອງ, ເດັກນ້ອຍໃນເກນອາຍຸ ໄດ້ເຂົ້າຮຽນໜັງສື, ການແກ້ໄຂຄວາມທຸກຍາກໄດ້ຮັບການເອົາໃຈໃສ່ຢ່າງຈິງຈັງ ປັດຈຸບັນໃນທົ່ວແຂວງຍັງມີຄອບຄົວທີ່ຍັງບໍ່ພົ້ນທຸກ 3.720 ຄອບຄົວເທົ່າກັບ 4,72% ເມື່ອທຽບໃສ່ຈຳນວນພົນລະເມືອງທັງໝົດ, ພ້ອມນີ້ປະຊາຊົນທົ່ວແຂວງນຳໃຊ້ວິດຖ່າຍ 100% ແລະ ປະກາດຢຸດຕິການຖ່າຍຊະຊາຍຢ່າງເປັນທາງການແລ້ວ.
ໃນໂອກາດນີ້, ສະຫາຍ ທອງລຸນ ສີສຸລິດ ໄດ້ເນັ້ນໜັກໃຫ້ບັນດາການນຳແຂວງ ເພີ່ມທະວີການຊີ້ນຳ-ນຳພາ ໃຫ້ຫຼາຍຂຶ້ນກວ່າເກົ່າ ໂດຍສະເພາະວຽກງານການສຶກສາອົບຮົມການເມືອງແນວຄິດໃຫ້ແກ່ພະນັກງານ-ລັດຖະກອນ ຕະຫຼອດຮອດປະຊາຊົນບັນດາເຜົ່າໃຫ້ກຳໄດ້ແນວທາງການປ່ຽນແປງຂອງພັກ, ຮັບຮູ້ສະພາບການຂອງໂລກຢ່າງແທ້ຈິງ, ມີຄວາມເຊື່ອໝັ້ນຕໍ່ພັກ-ລັດ ໃນການແກ້ບັນຫາບ້ານເມືອງໂດຍສະເພາະການແກ້ໄຂບັນຫາດ້ານວິກິດການເງິນທີ່ປະເທດເຮົາກຳລັງປະເຊີນຢູ່ໃນປັດຈຸບັນ; ເສີມຂະຫຍາຍນຳໃຊ້ທ່າແຮງບົ່ມຊ້ອນທີ່ມີຂອງແຂວງເພື່ອນຳມາສ້າງສາພັດທະນາແຂວງໃຫ້ຈະເລີນກ້າວໜ້າ, ເອົາໃຈໃສ່ແກ້ໄຂຄວາມທຸກຍາກຂອງປະຊາຊົນບັນດາເຜົ່າທີ່ເປັນສິ່ງກີດຂວາງການພັດທະນາໃຫ້ຫຼຸດໜ້ອຍຖອຍລົງ ແລະ ຫຼຸດພົ້ນອອກຈາກຄວາມທຸກຍາກເທື່ອລະກ້າວ, ພ້ອມນີ້ ສະຫາຍຍັງໄດ້ຮຽກຮ້ອງມາຍັງຄະນະພັກແຂວງວຽງຈັນ ໃຫ້ເອົາໃຈໃສ່ກະກຽມຄວາມພ້ອມໃຫ້ແກ່ການດຳເນີນກອງປະຊຸມໃຫຍ່ 3 ຂັ້ນຂອງພັກໃຫ້ມີຄວາມຮອບຄອບ ຖືກຕ້ອງຕາມລະບຽບການ ແລະ ຂັ້ນຕອນຂອງການດຳເນີນກອງປະຊຸມ ຕິດພັນກັບວຽກງານປ້ອງກັນຊາດ-ປ້ອງກັນຄວາມສະຫງົບ ໃຫ້ຖືກວຽກງານດັ່ງກ່າວເປັນຫລັກ ແລະ ເປັນໜ້າທີ່ຂອງທົ່ວປວງຊົນລາວບັນດາເຜົ່າເວົ້າລວມ ເວົ້າສະເພາະກໍແມ່ນຊາວແຂວງວຽງຈັນ.
ໃນໂອກາດມາເຄື່ອນໄຫວຢູ່ແຂວງວຽງຈັນໃນຄັ້ງນີ້ ສະຫາຍເລຂາທິການໃຫຍ່ໄດ້ໄປຢ້ຽມຢາມ ຟາມຄຳພູວອນ ຢູ່ເມືອງໂພນໂຮງ ຊຶ່ງເປັນຟາມລ້ຽງສັດຂອງຄົນລາວ 100% ມີເນື້ອທີ່ປະມານ 20 ກວ່າເຮັກຕາ, ໃນນັ້ນມີໝູ 6 ພັນກວ່າໂຕ, ໄກ່ 3 ພັນກວ່າໂຕ, ຢ້ຽມຢາມໂຄງການກໍ່ສ້າງສະຖານີຄ່ຽນຖ່າຍສິນຄ້າ ແລະ ເຂື່ອນໄຟຟ້ານໍ້າມັງ 3 ຢູ່ເມືອງທຸລະຄົມຕື່ມອີກ.
ຂ່າວ-ພາບ: ແຂວງວຽງຈັນ
