ກອງປະຊຸມຄົບຄະນະກາງສະໄໝຂອງຄະນະບໍລິຫານງານສູນກາງສະຫະພັນກຳມະບານລາວ (ສກລ)
ສະໄໝທີ VIII ໄດ້ຈັດຂຶ້ນໃນວັນທີ 20 ທັນວານີ້, ທີ່ສູນຝຶກອົບຮົມຮ່ວມມືສາກົນລາວ-ຍີ່ປຸ່ນ ພາຍໄຕ້ການເປັນປະທານຂອງທ່ານ ເລັດ ໄຊຍະພອນ ປະທານສູນກາງສະຫະພັນກຳມະບານລາວ, ມີຄະນະບໍລິຫານງານ ສກລ, ຫົວໜ້າກົມ, ຮອງກົມ, ປະທານສະຫະພັນກຳມະບານແຂວງອ້ອມຂ້າງກ່ຽວຂ້ອງເຂົ້າຮ່ວມ.
ທ່ານ ເລັດ ໄຊຍະພອນ ກ່າວວ່າ: ກອງປະຊຸມຄັ້ງນີ້ຈັດຂຶ້ນເພື່ອສະຫຼຸບ, ຕີລາຄາຜົນຂອງການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນກຳມະບານລາວທົ່ວປະເທດ ຄັ້ງທີ VIII ກາງສະໄໝ, ແຜນພັດທະນາວຽກງານກຳມະບານ ຄັ້ງທີ IV ໃນ 9 ແຜນງານ 51 ໂຄງການໃນໄລຍະກາງສະໄໝ 2021-2023 ແລະ ກຳນົດທິດ
ທາງແຜນການທ້າຍສະໄໝ 2023-2025 ແລະ ບັນດາໜ້າວຽກທີ່ສຳຄັນທີ່ຈະຕ້ອງໄດ້ພ້ອມກັນຈັດຕັ້ງປະຕິບັດໃນປີຕໍ່ໜ້າ. ພ້ອມກັນນັ້ນຈະໄດ້ຮັບຟັງການປະກອບຄຳເຫັນຈາກພາກສ່ວນຕ່າງໆ, ຜ່ານບົດສຳຫຼວດຂອງຄະນະບໍລິຫານງານ ສກລ ສະໄໝທີ VIII ແລະ ບັນດາເນື້ອໃນເອກະສານທີ່ສຳຄັນຈຳນວນໜຶ່ງຂອງສະຫະພັນກຳມະບານລາວດັ່ງນີ້: 1. ຮ່າງບົດສະຫຼຸບການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນກຳມະບານລາວທົ່ວປະເທດຄັ້ງທີ VIII ກາງສະໄໝ 2021-2023 ແລະ ທິດທາງແຜນການທ້າຍສະໄໝ 2023-2025; 2. ຮ່າງບົດສະຫຼຸບການຈັດຕັ້ງປະຕິບັດແຜນພັດທະນາວຽກງານກຳມະບານລາວ 5 ປີ ຄັ້ງທີ IV ໄລຍະກາງສະໄໝ 2021-2023 ແລະ ວຽກງານຈຸດສຸມ 2023-2025; 3. ຮັບຟັງການປະກອບຄໍາເຫັນຈາກສະຫະພັນກໍາມະບານ 8 ພາກສ່ວນ; 4. ກອງປະຊຸມຈະໄດ້ພ້ອມກັນດໍາເນີນຊີວິດການເມືອງການນຳພາ-ຊີ້ນຳຂອງຄະນະບໍລິຫານງານສູນກາງສະຫະພັນກຳມະ ບານລາວ ສະໄໝທີ VIII ກາງສະໄໝຜ່ານມາ; ພິເສດຜູ້ແທນກອງປະຊຸມຈະໄດ້ຮັບຟັງການໂອ້ລົມຈາກກຳມະການກົມການເມືອງສູນກາງພັກ ເພື່ອເປັນການຊີ້ທິດເຍືອງທາງສືບຕໍ່ໃນການຈັດຕັ້ງປະຕິບັດໄລຍະທ້າຍສະໄໝ 2023-2025. ຕາມວາລະກອງປະຊຸມພວກເຮົາຈະໄດ້ພ້ອມກັນຄົ້ນຄວ້າ, ສະນັ້ນ, ຂໍຮຽກຮ້ອງມາຍັງບັນດາສະຫາຍຄະນະບໍລິຫານງານ ສກລ, ແຂກຮັບເຊີນ ແລະ ຜູ້ແທນກອງປະຊຸມຈົ່ງເຊີດຊູຄວາມຮັບຜິດຊອບສູງ ແລະ ພ້ອມກັນສຸມທຸກສະຕິປັນຍາໃນການຄົ້ນຄວ້າປະກອບຄຳຄິດຄໍາເຫັນໃສ່ບັນດາເນື້ອໃນເອກະສານດັ່ງກ່າວ ເພື່ອເຮັດໃຫ້ເນື້ອໃນກອງປະຊຸມບັນລຸຕາມຄາດໝາຍທີ່ວາງໄວ້.
ຂ່າວ-ພາບ: ພູວັນ+ບຸນຕອມ
ສະໄໝທີ VIII ໄດ້ຈັດຂຶ້ນໃນວັນທີ 20 ທັນວານີ້, ທີ່ສູນຝຶກອົບຮົມຮ່ວມມືສາກົນລາວ-ຍີ່ປຸ່ນ ພາຍໄຕ້ການເປັນປະທານຂອງທ່ານ ເລັດ ໄຊຍະພອນ ປະທານສູນກາງສະຫະພັນກຳມະບານລາວ, ມີຄະນະບໍລິຫານງານ ສກລ, ຫົວໜ້າກົມ, ຮອງກົມ, ປະທານສະຫະພັນກຳມະບານແຂວງອ້ອມຂ້າງກ່ຽວຂ້ອງເຂົ້າຮ່ວມ.
ທ່ານ ເລັດ ໄຊຍະພອນ ກ່າວວ່າ: ກອງປະຊຸມຄັ້ງນີ້ຈັດຂຶ້ນເພື່ອສະຫຼຸບ, ຕີລາຄາຜົນຂອງການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນກຳມະບານລາວທົ່ວປະເທດ ຄັ້ງທີ VIII ກາງສະໄໝ, ແຜນພັດທະນາວຽກງານກຳມະບານ ຄັ້ງທີ IV ໃນ 9 ແຜນງານ 51 ໂຄງການໃນໄລຍະກາງສະໄໝ 2021-2023 ແລະ ກຳນົດທິດ
ທາງແຜນການທ້າຍສະໄໝ 2023-2025 ແລະ ບັນດາໜ້າວຽກທີ່ສຳຄັນທີ່ຈະຕ້ອງໄດ້ພ້ອມກັນຈັດຕັ້ງປະຕິບັດໃນປີຕໍ່ໜ້າ. ພ້ອມກັນນັ້ນຈະໄດ້ຮັບຟັງການປະກອບຄຳເຫັນຈາກພາກສ່ວນຕ່າງໆ, ຜ່ານບົດສຳຫຼວດຂອງຄະນະບໍລິຫານງານ ສກລ ສະໄໝທີ VIII ແລະ ບັນດາເນື້ອໃນເອກະສານທີ່ສຳຄັນຈຳນວນໜຶ່ງຂອງສະຫະພັນກຳມະບານລາວດັ່ງນີ້: 1. ຮ່າງບົດສະຫຼຸບການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນກຳມະບານລາວທົ່ວປະເທດຄັ້ງທີ VIII ກາງສະໄໝ 2021-2023 ແລະ ທິດທາງແຜນການທ້າຍສະໄໝ 2023-2025; 2. ຮ່າງບົດສະຫຼຸບການຈັດຕັ້ງປະຕິບັດແຜນພັດທະນາວຽກງານກຳມະບານລາວ 5 ປີ ຄັ້ງທີ IV ໄລຍະກາງສະໄໝ 2021-2023 ແລະ ວຽກງານຈຸດສຸມ 2023-2025; 3. ຮັບຟັງການປະກອບຄໍາເຫັນຈາກສະຫະພັນກໍາມະບານ 8 ພາກສ່ວນ; 4. ກອງປະຊຸມຈະໄດ້ພ້ອມກັນດໍາເນີນຊີວິດການເມືອງການນຳພາ-ຊີ້ນຳຂອງຄະນະບໍລິຫານງານສູນກາງສະຫະພັນກຳມະ ບານລາວ ສະໄໝທີ VIII ກາງສະໄໝຜ່ານມາ; ພິເສດຜູ້ແທນກອງປະຊຸມຈະໄດ້ຮັບຟັງການໂອ້ລົມຈາກກຳມະການກົມການເມືອງສູນກາງພັກ ເພື່ອເປັນການຊີ້ທິດເຍືອງທາງສືບຕໍ່ໃນການຈັດຕັ້ງປະຕິບັດໄລຍະທ້າຍສະໄໝ 2023-2025. ຕາມວາລະກອງປະຊຸມພວກເຮົາຈະໄດ້ພ້ອມກັນຄົ້ນຄວ້າ, ສະນັ້ນ, ຂໍຮຽກຮ້ອງມາຍັງບັນດາສະຫາຍຄະນະບໍລິຫານງານ ສກລ, ແຂກຮັບເຊີນ ແລະ ຜູ້ແທນກອງປະຊຸມຈົ່ງເຊີດຊູຄວາມຮັບຜິດຊອບສູງ ແລະ ພ້ອມກັນສຸມທຸກສະຕິປັນຍາໃນການຄົ້ນຄວ້າປະກອບຄຳຄິດຄໍາເຫັນໃສ່ບັນດາເນື້ອໃນເອກະສານດັ່ງກ່າວ ເພື່ອເຮັດໃຫ້ເນື້ອໃນກອງປະຊຸມບັນລຸຕາມຄາດໝາຍທີ່ວາງໄວ້.
ຂ່າວ-ພາບ: ພູວັນ+ບຸນຕອມ
