ຍິນດີຕ້ອນຮັບທ່ານສູ່ຂະບວນລົດໄຟຕາມທາງລົດໄຟລາວ-ຈີນ, ສະບາຍດີ !” ຕອນເຊົ້າ 8 ໂມງປາຍ, ຢູ່ສະຖານີລົດໄຟຄຸນໝິງ, ນາງ ຈ້າວຢິງຈິ້ງ (Zhao Yingjing) ທີ່ໃສ່ຊຸດສີຟ້າໄດ້ຢືນຢູ່ໜ້າປະຕູຕູ້ລົດ, ຕ້ອນຮັບຜູ້ໂດຍສານຂຶ້ນຂະບວນລົດໄຟໂດຍສານສາກົນ “ເລກຟູ້ຊິງ” D887 ຈາກນະຄອນຄຸນໝິງຫານະຄອນຫຼວງວຽງຈັນ ດ້ວຍໃບໜ້າຍິ້ມແຍ້ມແຈ່ມໃສ.
ນາງ ຈ້າວຢິງຈິ້ງ ໄດ້ຫວນຄືນເລື່ອງໃນອະດີດວ່າ: “ແຕ່ກ່ອນ, ຂ້າພະເຈົ້າເຄີຍຕ້ອນຮັບຄະນະນັກທ່ອງທ່ຽວຕ່າງປະເທດທີ່ມີສະມາຊິກ 23 ຄົນ.” ພາຍຫຼັງໄດ້ຮັບຮູ້ວ່າ, ຄະນະນັກທ່ອງທ່ຽວຕ່າງປະເທດງວດນີ້ແມ່ນມາຈາກປະເທດລາວເພື່ອມາສຳຜັດ “ຄວາມໄວຈີນ” ຢູ່ນະຄອນຄຸນໝິງ, ຫົວໜ້າຂະບວນລົດໄຟ ສາມາດເວົ້າພາສາຕ່າງປະເທດໄດ້ 4 ພາສາ ນາງໄດ້ເປັນ “ໄກ້ນຳທ່ຽວ” ໃນຕູ້ລົດ, ໄດ້ອະທິບາຍຂະບວນການພັດທະນາເສັ້ນທາງລົດໄຟຂອງຈີນ ແລະ ວິທີການນຳໃຊ້ອຸປະກອນປະເພດຕ່າງໆໃນລົດດ້ວຍພາສາລາວຢ່າງຫຼ່ຽນໄຫຼ.
“ໃນໄລຍະຂີ່ລົດໄຟບໍ່ຕ້ອງປິດໂທລະສັບມືຖື, ເພາະມັນບໍ່ໄດ້ສ້າງການລົບກວນຕໍ່ການປະຕິບັດງານຂອງຂະບວນລົດໄຟ, ສ່ວນຫຼາຍສັນຍານມືຖືແມ່ນເຕັມ, ຮູ້ສຶກດີທີ່ສຸດ!” ນັກທ່ອງທ່ຽວຕ່າງປະເທດຄົນໜຶ່ງໄດ້ຍົກນິ້ວໂປ້ຍ້ອງວ່າ: “ໃນຕູ້ລົດໄຟງຽບດີ, ລົດໄຟແລ່ນໄດ້ຢ່າງໝັ້ນທ່ຽງ, ຈົນເຖິງຂັ້ນຜູ້ໂດຍສານກໍບໍ່ມີຄວາມຮູ້ສຶກຕໍ່ລົດໄຟເພີ່ມຄວາມໄວ ຫຼື ຫຼຸດຄວາມໄວ.”
ທາງລົດໄຟ ລາວ-ຈີນ ມີຄວາມຍາວທັງໝົດ 1.035 ກິໂລແມັດ, ໄດ້ເຊື່ອມຕໍ່ນະຄອນຄຸນໝິງຂອງປະເທດຈີນ ແລະ ນະຄອນຫຼວງວຽງຈັນ ຂອງປະເທດລາວ, ເປັນເສັ້ນທາງລົດໄຟສາກົນສາຍທຳອິດ ທີ່ໄດ້ເຊື່ອມຕໍ່ໂດຍກົງລະຫວ່າງຈີນກັບຕ່າງປະເທດ ນັບແຕ່ການສະເໜີຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ” ໃນ 10 ປີມານີ້. ວັນທີ13 ເມສາຜ່ານມາ, ທາງລົດໄຟລາວ-ຈີນ ໄດ້ເປີດນຳໃຊ້ຂະບວນລົດໄຟໂດຍສານສາກົນຢ່າງເປັນທາງການ, ນາງ ຈ້າວຢິງຈິ້ງ ກໍແມ່ນຫົວໜ້າປະຈໍາຂະບວນລົດໄຟຖ້ຽວທຳອິດ.
ຫຼາຍປີກ່ອນ, ພໍ່ເຖົ້າຂອງນາງ ຈ້າວຢິງຈິ້ງ ມາສ້າງທາງລົດໄຟເສີງຕູ່-ຄຸນໝິງ ຢູ່ແຂວງຢຸນນານ ແລະ ຕັດສິນໃຈດຳລົງຊີວິດຢູ່ທີ່ນີ້. ນາງ ຈ້າວຢິງຈິ້ງ ກ່າວວ່າ: “ຄວາມຝັນຂອງພໍ່ເຖົ້າໃນຊາດນີ້ກໍຄື ສ້າງທາງລົດໄຟໄປສູ່ຕ່າງປະເທດ. ປັດຈຸບັນ, ຂ້າພະເຈົ້າຮູ້ສຶກດີໃຈທີ່ສຸດ, ເພາະວ່າ, ຂ້າພະເຈົ້າບໍ່ພຽງແຕ່ເປັນສັກຂີພິຍານຕໍ່ເລື່ອງນີ້ເທົ່ານັ້ນ, ຂ້າພະເຈົ້າຍັງມີສ່ວນຮ່ວມອີກດ້ວຍ.”
ອີງຕາມແຫຼ່ງຂ່າວຈາກກຸ່ມບໍລິສັດທາງລົດໄຟແຫ່ງຊາດຈີນແຈ້ງໃຫ້ຮູ້ວ່າ: ນັບແຕ່ການເປີດນຳໃຊ້ທາງລົດໄຟ ລາວ-ຈີນ ເປັນຕົ້ນມາ, ທາງລົດໄຟສາຍນີ້ໄດ້ຂົນສົ່ງສິນຄ້າ ແລະ ຜູ້ໂດຍສານສາກົນເປັນຈຳນວນຫຼວງຫຼາຍຢ່າງປອດໄພ ແລະ ໝັ້ນທ່ຽງມາໂດຍຕະຫຼອດ. ໃນໄລຍະພັກລະດູຮ້ອນປີນີ້, ຈຳນວນຜູ້ໂດຍສານທີ່ຂີ່ຂະບວນລົດໄຟໂດຍສານສາກົນຕາມທາງລົດໄຟ ລາວ-ຈີນ ເດີນທາງໄປຕ່າງປະເທດ ຫຼື ໄປທ່ຽວຕ່າງປະເທດໄດ້ເພີ່ມຂຶ້ນຢ່າງຕໍ່ເນື່ອງ. ຝ່າຍຕ່າງໆໄດ້ຮ່ວມກັນຊຸກຍູ້ໃຫ້ການແຈ້ງຜ່ານດ່ານຂອງຜູ້ໂດຍສານມີຄວາມສະດວກສະບາຍກວ່າເກົ່າ, ຄຸນນະພາບໃນການຂີ່ລົດໄຟໄດ້ຖືກຍົກສູງຂຶ້ນຢ່າງໜັກ ແໜ້ນ.
ນາງ ຈ້າວຢິງຈິ້ງ ມີຄວາມໝັ້ນໃຈຢ່າງເຕັມປ່ຽມຕໍ່ອະນາຄົດ, ນາງກ່າວວ່າ: “ນີ້ແມ່ນຂະບວນລົດໄຟທີ່ໄດ້ບັນທຸກຄວາມຝັນ, ບັນທຸກຄວາມສຸກ ແລະ ບັນທຸກມິດຕະພາບ. ຂ້າພະເຈົ້າຫວັງວ່າ ຂະບວນລົດໄຟຂອງພວກເຮົາສາມາດແລ່ນໄປສູ່ຈຸດໝາຍປາຍທາງທີ່ໄກກວ່າເກົ່າ, ແລ່ນໄດ້ໄວກວ່າເກົ່າ ແລະ ແລ່ນໄດ້ດີກວ່າເກົ່າ. ພ້ອມທັງສາມາດນຳເອົາຄວາມປາຖະໜາທີ່ດີງາມ ແລະ ຄວາມສຸກໃຫ້ແກ່ປະຊາຊົນສອງຊາດລາວ ແລະ ຈີນນັບມື້ນັບຫຼາຍຂຶ້ນ.”
ແຫຼ່ງຂ່າວ: ໜັງສືພິມລາຍວັນກວາງໝິງ, ເວັບໄຊປະຊາຊົນຂອງຈີນ
ນາງ ຈ້າວຢິງຈິ້ງ ໄດ້ຫວນຄືນເລື່ອງໃນອະດີດວ່າ: “ແຕ່ກ່ອນ, ຂ້າພະເຈົ້າເຄີຍຕ້ອນຮັບຄະນະນັກທ່ອງທ່ຽວຕ່າງປະເທດທີ່ມີສະມາຊິກ 23 ຄົນ.” ພາຍຫຼັງໄດ້ຮັບຮູ້ວ່າ, ຄະນະນັກທ່ອງທ່ຽວຕ່າງປະເທດງວດນີ້ແມ່ນມາຈາກປະເທດລາວເພື່ອມາສຳຜັດ “ຄວາມໄວຈີນ” ຢູ່ນະຄອນຄຸນໝິງ, ຫົວໜ້າຂະບວນລົດໄຟ ສາມາດເວົ້າພາສາຕ່າງປະເທດໄດ້ 4 ພາສາ ນາງໄດ້ເປັນ “ໄກ້ນຳທ່ຽວ” ໃນຕູ້ລົດ, ໄດ້ອະທິບາຍຂະບວນການພັດທະນາເສັ້ນທາງລົດໄຟຂອງຈີນ ແລະ ວິທີການນຳໃຊ້ອຸປະກອນປະເພດຕ່າງໆໃນລົດດ້ວຍພາສາລາວຢ່າງຫຼ່ຽນໄຫຼ.
“ໃນໄລຍະຂີ່ລົດໄຟບໍ່ຕ້ອງປິດໂທລະສັບມືຖື, ເພາະມັນບໍ່ໄດ້ສ້າງການລົບກວນຕໍ່ການປະຕິບັດງານຂອງຂະບວນລົດໄຟ, ສ່ວນຫຼາຍສັນຍານມືຖືແມ່ນເຕັມ, ຮູ້ສຶກດີທີ່ສຸດ!” ນັກທ່ອງທ່ຽວຕ່າງປະເທດຄົນໜຶ່ງໄດ້ຍົກນິ້ວໂປ້ຍ້ອງວ່າ: “ໃນຕູ້ລົດໄຟງຽບດີ, ລົດໄຟແລ່ນໄດ້ຢ່າງໝັ້ນທ່ຽງ, ຈົນເຖິງຂັ້ນຜູ້ໂດຍສານກໍບໍ່ມີຄວາມຮູ້ສຶກຕໍ່ລົດໄຟເພີ່ມຄວາມໄວ ຫຼື ຫຼຸດຄວາມໄວ.”
ທາງລົດໄຟ ລາວ-ຈີນ ມີຄວາມຍາວທັງໝົດ 1.035 ກິໂລແມັດ, ໄດ້ເຊື່ອມຕໍ່ນະຄອນຄຸນໝິງຂອງປະເທດຈີນ ແລະ ນະຄອນຫຼວງວຽງຈັນ ຂອງປະເທດລາວ, ເປັນເສັ້ນທາງລົດໄຟສາກົນສາຍທຳອິດ ທີ່ໄດ້ເຊື່ອມຕໍ່ໂດຍກົງລະຫວ່າງຈີນກັບຕ່າງປະເທດ ນັບແຕ່ການສະເໜີຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ” ໃນ 10 ປີມານີ້. ວັນທີ13 ເມສາຜ່ານມາ, ທາງລົດໄຟລາວ-ຈີນ ໄດ້ເປີດນຳໃຊ້ຂະບວນລົດໄຟໂດຍສານສາກົນຢ່າງເປັນທາງການ, ນາງ ຈ້າວຢິງຈິ້ງ ກໍແມ່ນຫົວໜ້າປະຈໍາຂະບວນລົດໄຟຖ້ຽວທຳອິດ.
ຫຼາຍປີກ່ອນ, ພໍ່ເຖົ້າຂອງນາງ ຈ້າວຢິງຈິ້ງ ມາສ້າງທາງລົດໄຟເສີງຕູ່-ຄຸນໝິງ ຢູ່ແຂວງຢຸນນານ ແລະ ຕັດສິນໃຈດຳລົງຊີວິດຢູ່ທີ່ນີ້. ນາງ ຈ້າວຢິງຈິ້ງ ກ່າວວ່າ: “ຄວາມຝັນຂອງພໍ່ເຖົ້າໃນຊາດນີ້ກໍຄື ສ້າງທາງລົດໄຟໄປສູ່ຕ່າງປະເທດ. ປັດຈຸບັນ, ຂ້າພະເຈົ້າຮູ້ສຶກດີໃຈທີ່ສຸດ, ເພາະວ່າ, ຂ້າພະເຈົ້າບໍ່ພຽງແຕ່ເປັນສັກຂີພິຍານຕໍ່ເລື່ອງນີ້ເທົ່ານັ້ນ, ຂ້າພະເຈົ້າຍັງມີສ່ວນຮ່ວມອີກດ້ວຍ.”
ອີງຕາມແຫຼ່ງຂ່າວຈາກກຸ່ມບໍລິສັດທາງລົດໄຟແຫ່ງຊາດຈີນແຈ້ງໃຫ້ຮູ້ວ່າ: ນັບແຕ່ການເປີດນຳໃຊ້ທາງລົດໄຟ ລາວ-ຈີນ ເປັນຕົ້ນມາ, ທາງລົດໄຟສາຍນີ້ໄດ້ຂົນສົ່ງສິນຄ້າ ແລະ ຜູ້ໂດຍສານສາກົນເປັນຈຳນວນຫຼວງຫຼາຍຢ່າງປອດໄພ ແລະ ໝັ້ນທ່ຽງມາໂດຍຕະຫຼອດ. ໃນໄລຍະພັກລະດູຮ້ອນປີນີ້, ຈຳນວນຜູ້ໂດຍສານທີ່ຂີ່ຂະບວນລົດໄຟໂດຍສານສາກົນຕາມທາງລົດໄຟ ລາວ-ຈີນ ເດີນທາງໄປຕ່າງປະເທດ ຫຼື ໄປທ່ຽວຕ່າງປະເທດໄດ້ເພີ່ມຂຶ້ນຢ່າງຕໍ່ເນື່ອງ. ຝ່າຍຕ່າງໆໄດ້ຮ່ວມກັນຊຸກຍູ້ໃຫ້ການແຈ້ງຜ່ານດ່ານຂອງຜູ້ໂດຍສານມີຄວາມສະດວກສະບາຍກວ່າເກົ່າ, ຄຸນນະພາບໃນການຂີ່ລົດໄຟໄດ້ຖືກຍົກສູງຂຶ້ນຢ່າງໜັກ ແໜ້ນ.
ນາງ ຈ້າວຢິງຈິ້ງ ມີຄວາມໝັ້ນໃຈຢ່າງເຕັມປ່ຽມຕໍ່ອະນາຄົດ, ນາງກ່າວວ່າ: “ນີ້ແມ່ນຂະບວນລົດໄຟທີ່ໄດ້ບັນທຸກຄວາມຝັນ, ບັນທຸກຄວາມສຸກ ແລະ ບັນທຸກມິດຕະພາບ. ຂ້າພະເຈົ້າຫວັງວ່າ ຂະບວນລົດໄຟຂອງພວກເຮົາສາມາດແລ່ນໄປສູ່ຈຸດໝາຍປາຍທາງທີ່ໄກກວ່າເກົ່າ, ແລ່ນໄດ້ໄວກວ່າເກົ່າ ແລະ ແລ່ນໄດ້ດີກວ່າເກົ່າ. ພ້ອມທັງສາມາດນຳເອົາຄວາມປາຖະໜາທີ່ດີງາມ ແລະ ຄວາມສຸກໃຫ້ແກ່ປະຊາຊົນສອງຊາດລາວ ແລະ ຈີນນັບມື້ນັບຫຼາຍຂຶ້ນ.”
ແຫຼ່ງຂ່າວ: ໜັງສືພິມລາຍວັນກວາງໝິງ, ເວັບໄຊປະຊາຊົນຂອງຈີນ
