ພິທີປະກາດຍົກຍ້າຍ,ແຕ່ງຕັ້ງ ແລະ ມອບ-ຮັບໜ້າທີ່ລະຫວ່າງເລຂາພັກເມືອງ,ເຈົ້າເມືອງຜູ້ເກົ່າ ແລະ ເລຂາພັກເມືອງ, ວ່າການເຈົ້າເມືອງໆຄອບ ຜູ້ໃໝ່ ໄດ້ຈັດຂຶ້ນໃນວັນທີ 28 ທັນວານີ້ທີ່ຫ້ອງປະຊຸມໃຫຍ່ຂອງເມືອງດັ່ງກ່າວ, ເຂົ້າຮ່ວມເປັນກຽດໂດຍ ທ່ານ ພົງສະຫວັນ ສິດທະວົງ ກໍາມະການສູນກາງພັກເລຂາພັກແຂວງເຈົ້າແຂວງໄຊຍະບູລີ, ມີການນໍາຂອງແຂວງ, ມີກໍາມະການປະຈໍາພັກ, ກໍາມະການພັກເມືອງ, ມີຫົວໜ້າ, ຮອງຫົວໜ້າຫ້ອງການ, ມີຫົວໜ້າດ່ານ ຕມ, ດ່ານພາສີສາກົນປາງມອນ ແລະ ເລຂາພັກບ້ານທົ່ວເມືອງຄອບເຂົ້າຮ່ວມຢ່າງພ້ອມພຽງ.
ໃນພິທີ ທ່ານ ສໍາລານ ສຸວັນນະໂຊດ ກໍາມະການປະຈໍາພັກແຂວງຫົວໜ້າຄະນະຈັດຕັ້ງແຂວງ ໄດ້ຂຶ້ນຜ່ານຂໍ້ຕົກລົງຂອງທ່ານເຈົ້າແຂວງ ວ່າດ້ວຍການຍົກຍ້າຍ ພະນັກງານໄປຮັບໜ້າທີ່ໃໝ່ໂດຍຕົກລົງ ຍົກຍ້າຍ ທ່ານ ແພງຊ້ອຍ ແພງເມືອງ ກໍາມະການພັກແຂວງເລຂາພັກເມືອງເຈົ້າເມືອງໆຄອບ ໄປຮັບໜ້າທີ່ໃໝ່ຢູ່ ພະແນກ ຍທຂ ແຂວງ, ຕົກລົງແຕ່ງຕັ້ງ ທ່ານ ສົມນຶກ ສິງຄໍາ ຮອງເລຂາພັກເມືອງຄອບ ເປັນວ່າການເຈົ້າເມືອງ ແລະ ຜ່ານມະຕິຕົກລົງຂອງຄະນະປະຈໍາພັກແຂວງ ວ່າດ້ວຍການບົ່ງຕົວແຕ່ງຕັ້ງ ເລຂາພັກເມືອງ ໂດຍບົ່ງຕົວແຕ່ງຕັ້ງ ສະຫາຍ ສົມນຶກ ສິງຄໍາຂຶ້ນເປັນ ເລຂາພັກເມືອງໆຄອບ, ຈາກນັ້ນກໍໄດ້ມີການລົງນາມໃສ່ບົດບັນທຶກມອບ-ຮັບໜ້າທີ່ລະຫວ່າງ ທ່ານ ແພງຊ້ອຍ ແພງເມືອງ ກໍາມະການພັກແຂວງເລຂາພັກເມືອງເຈົ້າເມືອງ-ເມືອງຄອບ ຜູ້ເກົ່າ ແລະ ທ່ານ ສົມນຶກ ສິງຄໍາ ເລຂາຄະນະບໍລິຫານງານພັກເມືອງ ວ່າການເຈົ້າເມືອງ-ເມືອງຄອບ ຜູ້ໃໝ່ ໂດຍຊ້ອງໜ້າການນໍາຂອງແຂວງ ແລະ ການນໍາຂອງເມືອງ.
ໂອກາດດັ່ງກ່າວ, ທ່ານ ພົງສະຫວັນ ສິດທະວົງ ກໍໄດ້ໃຫ້ກຽດໂອ້ລົມ, ພ້ອມທັງໄດ້ເນັ້ນໜັກໃຫ້ເລຂາພັກເມືອງ, ວ່າການເຈົ້າເມືອງຄົນໃໝ່ ແລະ ພະນັກງານຫຼັກແຫຼ່ງຂອງເມືອງຕ້ອງເປັນເອກະພາບນຳການຈັດຕັ້ງຂັ້ນເທິງ, ຕໍ່ການສັບປ່ຽນເຈົ້າເມືອງແລະພະນັກງານການນຳຂັ້ນສູງຂອງເມືອງພ້ອມກັນນັ້ນໃຫ້ບັນດາສະຫາຍນຳພາແນວຄິດ ຂອງພະນັກງານ-ສະມາຊິກພັກຢູ່ແຕ່ລະຫ້ອງການ, ແຕ່ລະບ້ານ ຕະຫຼອດຮອດປະຊາຊົນບັນດາເຜົ່າທີ່ບໍ່ໄດ້ມາຮ່ວມພິທີໃນມື້ນີ້ ໃຫ້ເຂົ້າໃຈ ແລະຮັບຮູ້ຢ່າງທົ່ວເຖິງ, ອັນໃດເປັນຜົນສຳເລັດ ກໍໃຫ້ພ້ອມກັນປົກປັກຮັກສາ ແລະ ເສີມຂະຫຍາຍໃຫ້ດີຂຶ້ນເລື້ອຍໆ, ອັນໃດຍັງເຫັນວ່າເປັນຈຸດອ່ອນຄົງຄ້າງ, ປະຕິບັດບໍ່ທັນໄດ້ດີ ກໍຕ້ອງໄດ້ພ້ອມກັນສືບຕໍ່ປັບປຸງແກ້ໄຂ ເຮັດໃຫ້ມີການຫັນປ່ຽນຢ່າງຕັ້ງໜ້າກວ່າເກົ່າ, ສືບຕໍ່ປົກປັກຮັກສາແລະເສີມຂະຫຍາຍມູນເຊື້ອຄວາມສາມັກຄີພາຍໃນພັກ, ຄະນະປະຈຳພັກເມືອງໃຫ້ມີຄວາມໜັກແໜ້ນ, ມີຄວາມເປັນເອກະພາບສູງ, ສືບຕໍ່ເປັນຫຼັກແຫຼ່ງ, ເປັນຄັນທຸງແລະເປັນແກນນຳໃນການເຕົ້າໂຮມຄວາມສາມັກຄີ ໃນຖັນແຖວພະນັກງານ-ສະມາຊິກພັກແລະປະຊາຊົນບັນດາເຜົ່າ; ພ້ອມກັນນັ້ນບັນດາສະຫາຍກໍຕ້ອງໄດ້ຊ່ວຍເຫຼືອ, ໃຫ້ການຮ່ວມມື ແລະ ໃຫ້ການສະໜັບສະໜູນເລຂາພັກເມືອງ, ວ່າການເຈົ້າເມືອງຄົນໃໝ່ໃນການເຮັດໜ້າທີ່ໃຫ້ມີຜົນສໍາເລັດ.
(ຂ່າວ-ພາບ: ອຸ່ນເຮືອນ ໂພທິລັກ)
ໃນພິທີ ທ່ານ ສໍາລານ ສຸວັນນະໂຊດ ກໍາມະການປະຈໍາພັກແຂວງຫົວໜ້າຄະນະຈັດຕັ້ງແຂວງ ໄດ້ຂຶ້ນຜ່ານຂໍ້ຕົກລົງຂອງທ່ານເຈົ້າແຂວງ ວ່າດ້ວຍການຍົກຍ້າຍ ພະນັກງານໄປຮັບໜ້າທີ່ໃໝ່ໂດຍຕົກລົງ ຍົກຍ້າຍ ທ່ານ ແພງຊ້ອຍ ແພງເມືອງ ກໍາມະການພັກແຂວງເລຂາພັກເມືອງເຈົ້າເມືອງໆຄອບ ໄປຮັບໜ້າທີ່ໃໝ່ຢູ່ ພະແນກ ຍທຂ ແຂວງ, ຕົກລົງແຕ່ງຕັ້ງ ທ່ານ ສົມນຶກ ສິງຄໍາ ຮອງເລຂາພັກເມືອງຄອບ ເປັນວ່າການເຈົ້າເມືອງ ແລະ ຜ່ານມະຕິຕົກລົງຂອງຄະນະປະຈໍາພັກແຂວງ ວ່າດ້ວຍການບົ່ງຕົວແຕ່ງຕັ້ງ ເລຂາພັກເມືອງ ໂດຍບົ່ງຕົວແຕ່ງຕັ້ງ ສະຫາຍ ສົມນຶກ ສິງຄໍາຂຶ້ນເປັນ ເລຂາພັກເມືອງໆຄອບ, ຈາກນັ້ນກໍໄດ້ມີການລົງນາມໃສ່ບົດບັນທຶກມອບ-ຮັບໜ້າທີ່ລະຫວ່າງ ທ່ານ ແພງຊ້ອຍ ແພງເມືອງ ກໍາມະການພັກແຂວງເລຂາພັກເມືອງເຈົ້າເມືອງ-ເມືອງຄອບ ຜູ້ເກົ່າ ແລະ ທ່ານ ສົມນຶກ ສິງຄໍາ ເລຂາຄະນະບໍລິຫານງານພັກເມືອງ ວ່າການເຈົ້າເມືອງ-ເມືອງຄອບ ຜູ້ໃໝ່ ໂດຍຊ້ອງໜ້າການນໍາຂອງແຂວງ ແລະ ການນໍາຂອງເມືອງ.
ໂອກາດດັ່ງກ່າວ, ທ່ານ ພົງສະຫວັນ ສິດທະວົງ ກໍໄດ້ໃຫ້ກຽດໂອ້ລົມ, ພ້ອມທັງໄດ້ເນັ້ນໜັກໃຫ້ເລຂາພັກເມືອງ, ວ່າການເຈົ້າເມືອງຄົນໃໝ່ ແລະ ພະນັກງານຫຼັກແຫຼ່ງຂອງເມືອງຕ້ອງເປັນເອກະພາບນຳການຈັດຕັ້ງຂັ້ນເທິງ, ຕໍ່ການສັບປ່ຽນເຈົ້າເມືອງແລະພະນັກງານການນຳຂັ້ນສູງຂອງເມືອງພ້ອມກັນນັ້ນໃຫ້ບັນດາສະຫາຍນຳພາແນວຄິດ ຂອງພະນັກງານ-ສະມາຊິກພັກຢູ່ແຕ່ລະຫ້ອງການ, ແຕ່ລະບ້ານ ຕະຫຼອດຮອດປະຊາຊົນບັນດາເຜົ່າທີ່ບໍ່ໄດ້ມາຮ່ວມພິທີໃນມື້ນີ້ ໃຫ້ເຂົ້າໃຈ ແລະຮັບຮູ້ຢ່າງທົ່ວເຖິງ, ອັນໃດເປັນຜົນສຳເລັດ ກໍໃຫ້ພ້ອມກັນປົກປັກຮັກສາ ແລະ ເສີມຂະຫຍາຍໃຫ້ດີຂຶ້ນເລື້ອຍໆ, ອັນໃດຍັງເຫັນວ່າເປັນຈຸດອ່ອນຄົງຄ້າງ, ປະຕິບັດບໍ່ທັນໄດ້ດີ ກໍຕ້ອງໄດ້ພ້ອມກັນສືບຕໍ່ປັບປຸງແກ້ໄຂ ເຮັດໃຫ້ມີການຫັນປ່ຽນຢ່າງຕັ້ງໜ້າກວ່າເກົ່າ, ສືບຕໍ່ປົກປັກຮັກສາແລະເສີມຂະຫຍາຍມູນເຊື້ອຄວາມສາມັກຄີພາຍໃນພັກ, ຄະນະປະຈຳພັກເມືອງໃຫ້ມີຄວາມໜັກແໜ້ນ, ມີຄວາມເປັນເອກະພາບສູງ, ສືບຕໍ່ເປັນຫຼັກແຫຼ່ງ, ເປັນຄັນທຸງແລະເປັນແກນນຳໃນການເຕົ້າໂຮມຄວາມສາມັກຄີ ໃນຖັນແຖວພະນັກງານ-ສະມາຊິກພັກແລະປະຊາຊົນບັນດາເຜົ່າ; ພ້ອມກັນນັ້ນບັນດາສະຫາຍກໍຕ້ອງໄດ້ຊ່ວຍເຫຼືອ, ໃຫ້ການຮ່ວມມື ແລະ ໃຫ້ການສະໜັບສະໜູນເລຂາພັກເມືອງ, ວ່າການເຈົ້າເມືອງຄົນໃໝ່ໃນການເຮັດໜ້າທີ່ໃຫ້ມີຜົນສໍາເລັດ.
(ຂ່າວ-ພາບ: ອຸ່ນເຮືອນ ໂພທິລັກ)
