ແຂວງສາລະວັນໄດ້ຈັດພິທີປະກາດອະໄພຍະໂທດຫຼຸດຜ່ອນໂທດ ແລະ ປ່ອຍຕົວນັກໂທດ ເນື່ອງໃນໂອກາດວັນຊາດທີ 2 ທັນວາ ຄົບຮອບ 48 ປີຂຶ້ນໃນວັນທີ 28 ທັນວາຜ່ານມາ ທີ່ຄ້າຍຄຸມຂັງ-ດັດສ້າງນາໄຊກອງບັນຊາການປ້ອງກັນຄວາມສະຫງົບ (ປກສ) ແຂວງຊຶ່ງມີທ່ານສົມໃຈອຸ່ນຈິດຮອງເຈົ້າແຂວງສາລະວັນປະທານຄະນະກຳມະການອະໄພຍະໂທດຂັ້ນແຂວງ, ມີທ່ານວິໄລສີລາດວງໃຈຫົວໜ້າອົງການໄອຍະການປະຊາຊົນແຂວງຮອງປະທານຄະນະກໍາມະການອະໄພຍະໂທດຂັ້ນແຂວງ, ທ່ານພັນເອກ ແພງສີໄຊຍະເພັດ ຮອງຫົວໜ້າກອງບັນຊາການປກສແຂວງພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານວິໄລສີລາດວງໃຈ ກ່າວວ່າ: ແຂວງສາລະວັນມີນັກໂທດທີ່ມີເງື່ອນໄຂໄດ້ຮັບການອະໄພຍະໂທດຫຼຸດຜ່ອນໂທດ ແລະ ປ່ອຍຕົວນັກໂທດໃນຄັ້ງນີ້ມີທັງໝົດ14ຄົນຍິງ1ຄົນ ຊຶ່ງບຸກຄົນດັ່ງກ່າວມີຄວາມກ້າວໜ້າປະພຶດດີຈຶ່ງມີການໃຫ້ອະໄພຍະໂທດຕໍ່ບຸກຄົນທີ່ຫຼົງໄຫຼກະທຳຜິດ, ມີຄວາມຮູ້ສຶກກິນແໜງແຄງໃຈຕໍ່ການກະທຳຜິດຂອງຕົນ, ມີຄວາມຈິງໃຈໃຊ້ແທນຄ່າເສຍຫາຍ, ຄ່າປັບໃໝຕາມຄຳຕັດສິນຂອງສານ.
ທ່ານພັນເອກ ແພງສີໄຊຍະເພັດ ໄດ້ຂຶ້ນຜ່ານລັດຖະດໍາລັດຂອງປະທານປະເທດສະບັບເລກທີ 219/ປປທ, ລົງວັນທີ 21 ພະຈິກ 2023 ວ່າດ້ວຍການໃຫ້ອະໄພຍະໂທດແກ່ນັກໂທດທີ່ມີຄວາມກ້າວໜ້າໃນຂອບເຂດທົ່ວປະເທດເນື່ອງໃນໂອກາດວັນຊາດທີ 2 ທັນວາ 2023 ຄົບຮອບ 48 ປີ.
ໃນໂອກາດນີ້, ທ່ານສົມໃຈອຸ່ນຈິດໄດ້ມອບໃບຢັ້ງຢືນອະໄພຍະໂທດຫຼຸດຜ່ອນໂທດ ແລະ ປ່ອຍຕົວນັກໂທດ ໃຫ້ແກ່ນັກໂທດຈຳນວນດັ່ງກ່າວ.ພ້ອມນີ້ທ່ານໄດ້ເນັ້ນໜັກໃຫ້ນັກໂທດແຕ່ລະຄົນເອົາໃຈໃສ່ດັດປັບ, ປ່ຽນແປງພຶດຕິກໍາຂອງຕົນເອງ ແລະ ຮູ້ສຶກກິນແໜງແຄງໃຈຕໍ່ການກະທຳຜິດຂອງຕົນ ເພື່ອສືບຕໍ່ເປັນເຈົ້າການຝຶກຝົນຫຼໍ່ຫຼອມຕົນເອງໃຫ້ກາຍເປັນຄົນດີ, ປະຕິບັດກົດລະບຽບຂອງຄ້າຍຄຸມຂັງ-ດັດສ້າງ, ພັນທະດ້ານລະບຽບຫຼັກການວາງອອກຢ່າງເຂັ້ມງວດເພື່ອສ້າງຕົນເອງໃຫ້ກາຍເປັນນັກໂທດທີ່ດີ, ມີຄວາມກ້າວໜ້າເພື່ອເປັນເງື່ອນໄຂສະເໜີໃຫ້ໄດ້ຮັບນະໂຍບາຍການອະໄພຍະໂທດໃນປີຕໍ່ໄປຢ່າງຕໍ່ເນື່ອງ. ຮຽກຮ້ອງໃຫ້ເຈົ້າໜ້າທີ່ເອົາໃຈໃສ່ສຶກສາອົບຮົມດ້ານການເມືອງ-ແນວຄິດ, ເອົາໃຈໃສ່ຕິດຕາມກວດກາສະພາບການຕ່າງໆຕໍ່ນັກໂທດຢ່າງມີມະນຸດສະທຳ.
ຂ່າວ-ພາບ: ວິໄລວອນ ສິດທິໄຊ
ທ່ານວິໄລສີລາດວງໃຈ ກ່າວວ່າ: ແຂວງສາລະວັນມີນັກໂທດທີ່ມີເງື່ອນໄຂໄດ້ຮັບການອະໄພຍະໂທດຫຼຸດຜ່ອນໂທດ ແລະ ປ່ອຍຕົວນັກໂທດໃນຄັ້ງນີ້ມີທັງໝົດ14ຄົນຍິງ1ຄົນ ຊຶ່ງບຸກຄົນດັ່ງກ່າວມີຄວາມກ້າວໜ້າປະພຶດດີຈຶ່ງມີການໃຫ້ອະໄພຍະໂທດຕໍ່ບຸກຄົນທີ່ຫຼົງໄຫຼກະທຳຜິດ, ມີຄວາມຮູ້ສຶກກິນແໜງແຄງໃຈຕໍ່ການກະທຳຜິດຂອງຕົນ, ມີຄວາມຈິງໃຈໃຊ້ແທນຄ່າເສຍຫາຍ, ຄ່າປັບໃໝຕາມຄຳຕັດສິນຂອງສານ.
ທ່ານພັນເອກ ແພງສີໄຊຍະເພັດ ໄດ້ຂຶ້ນຜ່ານລັດຖະດໍາລັດຂອງປະທານປະເທດສະບັບເລກທີ 219/ປປທ, ລົງວັນທີ 21 ພະຈິກ 2023 ວ່າດ້ວຍການໃຫ້ອະໄພຍະໂທດແກ່ນັກໂທດທີ່ມີຄວາມກ້າວໜ້າໃນຂອບເຂດທົ່ວປະເທດເນື່ອງໃນໂອກາດວັນຊາດທີ 2 ທັນວາ 2023 ຄົບຮອບ 48 ປີ.
ໃນໂອກາດນີ້, ທ່ານສົມໃຈອຸ່ນຈິດໄດ້ມອບໃບຢັ້ງຢືນອະໄພຍະໂທດຫຼຸດຜ່ອນໂທດ ແລະ ປ່ອຍຕົວນັກໂທດ ໃຫ້ແກ່ນັກໂທດຈຳນວນດັ່ງກ່າວ.ພ້ອມນີ້ທ່ານໄດ້ເນັ້ນໜັກໃຫ້ນັກໂທດແຕ່ລະຄົນເອົາໃຈໃສ່ດັດປັບ, ປ່ຽນແປງພຶດຕິກໍາຂອງຕົນເອງ ແລະ ຮູ້ສຶກກິນແໜງແຄງໃຈຕໍ່ການກະທຳຜິດຂອງຕົນ ເພື່ອສືບຕໍ່ເປັນເຈົ້າການຝຶກຝົນຫຼໍ່ຫຼອມຕົນເອງໃຫ້ກາຍເປັນຄົນດີ, ປະຕິບັດກົດລະບຽບຂອງຄ້າຍຄຸມຂັງ-ດັດສ້າງ, ພັນທະດ້ານລະບຽບຫຼັກການວາງອອກຢ່າງເຂັ້ມງວດເພື່ອສ້າງຕົນເອງໃຫ້ກາຍເປັນນັກໂທດທີ່ດີ, ມີຄວາມກ້າວໜ້າເພື່ອເປັນເງື່ອນໄຂສະເໜີໃຫ້ໄດ້ຮັບນະໂຍບາຍການອະໄພຍະໂທດໃນປີຕໍ່ໄປຢ່າງຕໍ່ເນື່ອງ. ຮຽກຮ້ອງໃຫ້ເຈົ້າໜ້າທີ່ເອົາໃຈໃສ່ສຶກສາອົບຮົມດ້ານການເມືອງ-ແນວຄິດ, ເອົາໃຈໃສ່ຕິດຕາມກວດກາສະພາບການຕ່າງໆຕໍ່ນັກໂທດຢ່າງມີມະນຸດສະທຳ.
ຂ່າວ-ພາບ: ວິໄລວອນ ສິດທິໄຊ
