ຂ່າວສານຊີອາໄອລາຍງານ ໃນວັນທີ 26 ກັນຍາ ຜ່ານມາ, ຫ້ອງວ່າການຖະແຫຼງຂ່າວຂອງລັດຖະບານຈີນໄດ້ເປີດເຜີຍປຶ້ມປົກຂາວ “ຮ່ວມກັນສ້າງປະຊາຄົມຮ່ວມຊາຕາກຳຂອງມວນມະນຸດ: ຂໍ້ລິເລີ່ມ ແລະ ການເຄື່ອນໄຫວຂອງຈີນ” ໄດ້ຈັດກອງປະຊຸມຖະແຫຼງຂ່າວເພື່ອແນະນຳສະພາບທີ່ກ່ຽວຂ້ອງ ແລະ ຕອບຄຳຖາມຂອງສື່ມວນຊົນ.

ຂ່າວລະບຸວ່າ: ການລຶບລ້າງຄວາມທຸກຍາກແມ່ນອຸດົມການຮ່ວມຂອງມວນມະນຸດ ທັງແມ່ນເປົ້າ ໝາຍສຳຄັນອັນດັບໜຶ່ງຂອງວາລະການພັດທະນາແບບຍືນຍົງປີ 2030 ຂອງອົງການສະຫະປະຊາຊາດ, ຈີນໄດ້ເຮັດໃຫ້ການພັດທະນາຂອງຕົນ ແລະ ການພັດທະນາຮ່ວມທົ່ວໂລກເຊື່ອມໂຍງເຂົ້າກັນຢ່າງສະເໝີຕົ້ນສະເໝີປາຍ, ເປັນຜູ້ລິເລີ່ມ, ຜູ້ຊຸກຍູ້ຢ່າງແຂງແຮງ ແລະ ຜູ້ປະກອບສ່ວນຢ່າງຕໍ່ເນື່ອງເຂົ້າໃນວຽກງານຫຼຸດຜ່ອນຄວາມທຸກຍາກຂອງທົ່ວໂລກ.

ໂດຍຜ່ານການສຶກສາອົບຮົມ ແລະ ການແລກປ່ຽນລະຫວ່າງຄັງປັນຍາ, ຈີນໄດ້ແບ່ງປັນບົດຮຽນດ້ານການຫຼຸດຜ່ອນຄວາມທຸກຍາກ ແລະ ຄວາມທັນສະໄໝແບບຈີນ, ທັງໄດ້ບຳລຸງສ້າງຜູ້ມີຄວາມຮູ້ຄວາມສາມາດດ້ານການພັດທະນາເກືອບ 20 ລ້ານຄົນໃຫ້ແກ່ 160 ກວ່າປະເທດ.