ພິທີປາຖະກະຖາວັນຄ້າຍວັນເກີດປະທານ ຄຳໄຕ ສີພັນດອນຄົບຮອບ 100 ປີ (8 ກຸມພາ 1924-8 ກຸມພາ 2024 ), ໄດ້ຈັດຂຶ້ນໃນວັນທີ 5 ມັງກອນ 2024, ທີ່ສະໂມສອນແຂວງສາລະວັນ, ໃຫ້ກຽດປາຖະກະຖາ ຂອງທ່ານ ບົວສອນ ບຸບຜາວັນ ອະດີດ ນາຍົກລັດຖະມົນຕີ ແຫ່ງ ສປປ ລາວ, ເຂົ້າຮ່ວມຮັບຟັງໂດຍ ທ່ານ ດາວວົງ ພອນແກ້ວ ເລຂາພັກເຈົ້າແຂວງສາລະວັນ, ມີບັນດາຄະນະປະຈຳພັກແຂວງ, ອາດີດພະນັກງານບຳນານ ການນຳຂັ້ນແຂວງ, ກຳມະການພັກແຂວງ, ຫົວໜ້າພະແນກການແລະພາກສ່ວນກ່ຽວຂ້ອງເຂົ້າຮ່ວມຮັບຟັງ.
ທ່ານ ບົວສອນ ບຸບຜາວັນ ໄດ້ໃຫ້ຮູ້ວ່າ: ປະທານ ຄຳໄຕ ສີພັນດອນ ແມ່ນໜຶ່ງໃນບັນດາຜູ້ນຳຮຸ່ນທຳອິດຂອງການປະຕິວັດລາວ ໄດ້ຮ່ວມກັບ ຜູ້ນຳຄົນອື່ນໆ ນຳພາ ພາລະກິດການຕໍ່ສູ້ປົດປ່ອຍປະເທດຊາດ ອອກຈາກແອກປົກຄອງຂອງຈັກກະພັດຕ່າງດ້າວ ກໍຄື ພາລະກິດປົກປັກຮັກສາ ແລະ ສ້າງສາປະເທດຊາດ,ເພິ່ນເປັນຜູ້ນຳທີ່ມີນໍ້າໃຈຮັກຊາດອັນສູງສົ່ງ ເສຍສະຫຼະທຸກສິ່ງທຸກຢ່າງ ອຸທິດສະຕິປັນຍາ ແລະ ກຳລັງວັງຊາຢ່າງບໍ່ຮູ້ອິດຮູ້ເມື່ອຍ ຄຽງບ່າຄຽງໄຫຼ່ກັບປະທານ ໄກສອນ ພົມວິຫານ ແລະ ຜູ້ນຳຄົນອື່ນໆ ຈັດຕັ້ງນຳພາຂະບວນການປະຕິວັດເຕີບໃຫຍ່ຂະຫຍາຍຕົວ ແລະ ຍາດໄດ້ໄຊຊະນະຢ່າງຕໍ່ເນື່ອງ ແລະ ຍາດໄດ້ຜົນສຳເລັດຢ່າງມີໄຊ ແລະ ພາປະເທດຊາດກ້າວຂຶ້ນສູ່ ຈຸດໝາຍສັງຄົມນິຍົມເທື່ອລະກ້າວຢ່າງໜັກແໜ້ນ.
ໃນໄລຍະການເຄື່ອນໄຫວຂອງປະທານ ຄຳໄຕ ສີພັນດອນ ໄດ້ເຂົ້າຮ່ວມຂະບວນການຕໍ່ສູ້ຕ້ານພວກລ່າເມືອງຂຶ້ນແບບເກົ່າຢູ່ພາກໃຕ້ ໃນການເປັນຜູ້ຊ່ວຍລັດຖະບານລາວຕໍ່ຕ້ານໃນການນຳພາທະຫານລາວອິດສະຫຼະ, ຕໍ່ມາຖືກແຕ່ງຕັ້ງເປັນຫົວໜ້າເສນາທິການທະຫານລາວອິດສະຫຼະ ແລະຖືກມອບໝາຍໃຫ້ຊີ້ນຳທະຫານກອງໄຊຈັກກະພັດໃນຖານະທະຫານລາວຕໍ່ຕ້ານ ແຕ່ລະໜ້າວຽກທີ່ຖືກມອບໝາຍ ທ່ານໄດ້ເອົາໃຈໃສ່ນຳພາ, ຊີ້ນຳຈັດຕັ້ງປະຕິບັດເປັນຢ່າງດີ ໂດຍສະເພາະ ແມ່ນການກໍ່ສ້າງ ແລະປັບປຸງທະຫານລາວອິດສະຫຼະໃຫ້ມີຄວາມເຂັ້ມແຂງຂຶ້ນ, ການນໍາພາຂະບວນການຕໍ່ສູ້ປົດປ່ອຍຊາດ ຮ່ວມກັບປະທານ ໄກສອນ ພົມວິຫານ, ປະທານ ສຸພານຸວົງ ແລະ ຜູ້ນໍາທ່ານອື່ນໆ ຂອງແນວລາວສ້າງຊາດ ໄດ້ຮັບໄຊຊະນະ, ສະຖາປະນາ ສປປ ລາວ ຂຶ້ນຢ່າງສະຫງ່າຜ່າເຜີຍ ໃນວັນທີ 2 ທັນວາ ປີ 1975. ຫຼັງຈາກນັ້ນ, ກໍໄດ້ປະກອບສ່ວນຄົ້ນຄວ້າ, ກໍານົດທິດທາງໜ້າທີ່ຍຸດທະສາດ ໃນການປົກປັກຮັກສາ ແລະ ສ້າງສາພັດທະນາປະເທດຊາດ ລວມທັງແນວທາງປ່ຽນແປງໃໝ່ຂອງພັກຢ່າງຖືກຕ້ອງ, ສອດຄ່ອງ ທັງໄດ້ສືບຕໍ່ນໍາພາ-ຊີ້ນໍາ ການຈັດຕັ້ງປະຕິບັດແນວທາງດັ່ງກ່າວ ໄດ້ຮັບຜົນສໍາເລັດອັນສໍາຄັນຫຼາຍດ້ານ.
ໃນໄລຍະອອກພັກຜ່ອນບຳນານ ແຕ່ປີ 2006 ມາເຖິງປັດຈຸບັນ ປະທານ ຄຳໄຕ ສີພັນດອນ ຍາມໃດກໍເປັນຫ່ວງເປັນໄຍ ແລະອຸທິດຕົນ ເພື່ອປະເທດຊາດ, ເພື່ອປະຊາຊົນ ຢ່າງບໍ່ຮູ້ອິດຮູ້ເມື່ອຍ ເພິ່ນໃຊ້ ເວລາພັກຜ່ອນພົບປະຢ້ຽມຢາມ ແລະ ມີຄວາມເຫັນຊ່ວຍການນໍາພັກ-ລັດ ຂັ້ນສູນກາງ ແລະ ທ້ອງຖິ່ນ;ອອກແຮງງານເຮັດສວນ, ເຮັດໂຄງການຜະລິດຕົວແບບ, ການສ້າງສິ່ງສາທາລະນະປະໂຫຍດໃຫ້ແກ່ຊຸມຊົນ ໂດຍມີການປຸກລະດົມ-ຊຸກຍູ້ ໃຫ້ປະຊາຊົນມີສ່ວນຮ່ວມ ທັງໄດ້ເປັນເຈົ້າການພາເຮັດຕົວຈິງ; ນອກຈາກນັ້ນ ຍັງເຄື່ອນໄຫວຕ້ອນຮັບແຂກ ທັງພາຍໃນ ແລະ ຕ່າງປະເທດ. ການກະທໍາດັ່ງກ່າວ ແມ່ນເພື່ອຢາກໃຫ້ ແນວທາງຂອງພັກ ປະກົດຜົນເປັນຈິງ, ທັງເປັນປະໂຫຍດ ສໍາລັບການສຶກສາຮຽນຮູ້ ຂອງປະຊາຊົນລາວ ບັນດາເຜົ່າ ເພື່ອເສີມຂະຫຍາຍຕໍ່ໆໄປ”.
ທັງນີ້ກໍເພື່ອເປັນການລະນຶກເຖິງຄຸນງາມຄວາມດີຂອງທ່ານ ຄຳໄຕ ສີພັນດອນ ທີ່ມີ ຕໍ່ປະເທດຊາດ ແນໃສ່ຮຽນຮູ້ ແລະ ນຳເອົາແບບຢ່າງທີ່ດີຂອງທ່ານໜູນໃຊ້ເຂົ້າໃນການຈັດຕັ້ງ, ເຄື່ອນໄຫວ ແລະ ການດຳລົງຊີວິດຂອງພະນັກງານ, ສະມາຊິກພັກ, ປະຊາຊົນ ແລະ ຊັ້ນຄົນຕ່າງໆ ເພື່ອສືບຕໍ່ພັດທະນາ ປະເທດຊາດ ກ້າວຂຶ້ນຕາມອຸດົມການຂອງພັກ ຢ່າງມີໄຊ.
ພາບ-ຂ່າວ: ທິດລານີ ໂຄດໂຍທາ
ທ່ານ ບົວສອນ ບຸບຜາວັນ ໄດ້ໃຫ້ຮູ້ວ່າ: ປະທານ ຄຳໄຕ ສີພັນດອນ ແມ່ນໜຶ່ງໃນບັນດາຜູ້ນຳຮຸ່ນທຳອິດຂອງການປະຕິວັດລາວ ໄດ້ຮ່ວມກັບ ຜູ້ນຳຄົນອື່ນໆ ນຳພາ ພາລະກິດການຕໍ່ສູ້ປົດປ່ອຍປະເທດຊາດ ອອກຈາກແອກປົກຄອງຂອງຈັກກະພັດຕ່າງດ້າວ ກໍຄື ພາລະກິດປົກປັກຮັກສາ ແລະ ສ້າງສາປະເທດຊາດ,ເພິ່ນເປັນຜູ້ນຳທີ່ມີນໍ້າໃຈຮັກຊາດອັນສູງສົ່ງ ເສຍສະຫຼະທຸກສິ່ງທຸກຢ່າງ ອຸທິດສະຕິປັນຍາ ແລະ ກຳລັງວັງຊາຢ່າງບໍ່ຮູ້ອິດຮູ້ເມື່ອຍ ຄຽງບ່າຄຽງໄຫຼ່ກັບປະທານ ໄກສອນ ພົມວິຫານ ແລະ ຜູ້ນຳຄົນອື່ນໆ ຈັດຕັ້ງນຳພາຂະບວນການປະຕິວັດເຕີບໃຫຍ່ຂະຫຍາຍຕົວ ແລະ ຍາດໄດ້ໄຊຊະນະຢ່າງຕໍ່ເນື່ອງ ແລະ ຍາດໄດ້ຜົນສຳເລັດຢ່າງມີໄຊ ແລະ ພາປະເທດຊາດກ້າວຂຶ້ນສູ່ ຈຸດໝາຍສັງຄົມນິຍົມເທື່ອລະກ້າວຢ່າງໜັກແໜ້ນ.
ໃນໄລຍະການເຄື່ອນໄຫວຂອງປະທານ ຄຳໄຕ ສີພັນດອນ ໄດ້ເຂົ້າຮ່ວມຂະບວນການຕໍ່ສູ້ຕ້ານພວກລ່າເມືອງຂຶ້ນແບບເກົ່າຢູ່ພາກໃຕ້ ໃນການເປັນຜູ້ຊ່ວຍລັດຖະບານລາວຕໍ່ຕ້ານໃນການນຳພາທະຫານລາວອິດສະຫຼະ, ຕໍ່ມາຖືກແຕ່ງຕັ້ງເປັນຫົວໜ້າເສນາທິການທະຫານລາວອິດສະຫຼະ ແລະຖືກມອບໝາຍໃຫ້ຊີ້ນຳທະຫານກອງໄຊຈັກກະພັດໃນຖານະທະຫານລາວຕໍ່ຕ້ານ ແຕ່ລະໜ້າວຽກທີ່ຖືກມອບໝາຍ ທ່ານໄດ້ເອົາໃຈໃສ່ນຳພາ, ຊີ້ນຳຈັດຕັ້ງປະຕິບັດເປັນຢ່າງດີ ໂດຍສະເພາະ ແມ່ນການກໍ່ສ້າງ ແລະປັບປຸງທະຫານລາວອິດສະຫຼະໃຫ້ມີຄວາມເຂັ້ມແຂງຂຶ້ນ, ການນໍາພາຂະບວນການຕໍ່ສູ້ປົດປ່ອຍຊາດ ຮ່ວມກັບປະທານ ໄກສອນ ພົມວິຫານ, ປະທານ ສຸພານຸວົງ ແລະ ຜູ້ນໍາທ່ານອື່ນໆ ຂອງແນວລາວສ້າງຊາດ ໄດ້ຮັບໄຊຊະນະ, ສະຖາປະນາ ສປປ ລາວ ຂຶ້ນຢ່າງສະຫງ່າຜ່າເຜີຍ ໃນວັນທີ 2 ທັນວາ ປີ 1975. ຫຼັງຈາກນັ້ນ, ກໍໄດ້ປະກອບສ່ວນຄົ້ນຄວ້າ, ກໍານົດທິດທາງໜ້າທີ່ຍຸດທະສາດ ໃນການປົກປັກຮັກສາ ແລະ ສ້າງສາພັດທະນາປະເທດຊາດ ລວມທັງແນວທາງປ່ຽນແປງໃໝ່ຂອງພັກຢ່າງຖືກຕ້ອງ, ສອດຄ່ອງ ທັງໄດ້ສືບຕໍ່ນໍາພາ-ຊີ້ນໍາ ການຈັດຕັ້ງປະຕິບັດແນວທາງດັ່ງກ່າວ ໄດ້ຮັບຜົນສໍາເລັດອັນສໍາຄັນຫຼາຍດ້ານ.
ໃນໄລຍະອອກພັກຜ່ອນບຳນານ ແຕ່ປີ 2006 ມາເຖິງປັດຈຸບັນ ປະທານ ຄຳໄຕ ສີພັນດອນ ຍາມໃດກໍເປັນຫ່ວງເປັນໄຍ ແລະອຸທິດຕົນ ເພື່ອປະເທດຊາດ, ເພື່ອປະຊາຊົນ ຢ່າງບໍ່ຮູ້ອິດຮູ້ເມື່ອຍ ເພິ່ນໃຊ້ ເວລາພັກຜ່ອນພົບປະຢ້ຽມຢາມ ແລະ ມີຄວາມເຫັນຊ່ວຍການນໍາພັກ-ລັດ ຂັ້ນສູນກາງ ແລະ ທ້ອງຖິ່ນ;ອອກແຮງງານເຮັດສວນ, ເຮັດໂຄງການຜະລິດຕົວແບບ, ການສ້າງສິ່ງສາທາລະນະປະໂຫຍດໃຫ້ແກ່ຊຸມຊົນ ໂດຍມີການປຸກລະດົມ-ຊຸກຍູ້ ໃຫ້ປະຊາຊົນມີສ່ວນຮ່ວມ ທັງໄດ້ເປັນເຈົ້າການພາເຮັດຕົວຈິງ; ນອກຈາກນັ້ນ ຍັງເຄື່ອນໄຫວຕ້ອນຮັບແຂກ ທັງພາຍໃນ ແລະ ຕ່າງປະເທດ. ການກະທໍາດັ່ງກ່າວ ແມ່ນເພື່ອຢາກໃຫ້ ແນວທາງຂອງພັກ ປະກົດຜົນເປັນຈິງ, ທັງເປັນປະໂຫຍດ ສໍາລັບການສຶກສາຮຽນຮູ້ ຂອງປະຊາຊົນລາວ ບັນດາເຜົ່າ ເພື່ອເສີມຂະຫຍາຍຕໍ່ໆໄປ”.
ທັງນີ້ກໍເພື່ອເປັນການລະນຶກເຖິງຄຸນງາມຄວາມດີຂອງທ່ານ ຄຳໄຕ ສີພັນດອນ ທີ່ມີ ຕໍ່ປະເທດຊາດ ແນໃສ່ຮຽນຮູ້ ແລະ ນຳເອົາແບບຢ່າງທີ່ດີຂອງທ່ານໜູນໃຊ້ເຂົ້າໃນການຈັດຕັ້ງ, ເຄື່ອນໄຫວ ແລະ ການດຳລົງຊີວິດຂອງພະນັກງານ, ສະມາຊິກພັກ, ປະຊາຊົນ ແລະ ຊັ້ນຄົນຕ່າງໆ ເພື່ອສືບຕໍ່ພັດທະນາ ປະເທດຊາດ ກ້າວຂຶ້ນຕາມອຸດົມການຂອງພັກ ຢ່າງມີໄຊ.
ພາບ-ຂ່າວ: ທິດລານີ ໂຄດໂຍທາ
