ໃນວັນທີ 5 ມັງກອນນີ້, ທ່ານ ຈິນດາສັກ ຍົດໝັ້ນຄົງ ຫົວໜ້າອຳນວຍການໃຫຍ່ບໍລິສັດ ເອັນທີພີ ການຄ້ານໍ້າມັນເຊື້ອໄຟມະຫາຊົນ ພ້ອມດ້ວຍຄະນະ ໄດ້ອຸປະຖຳນໍ້າມັນຫຼໍ່ລື່ນຈໍານວນ 2.280 ລິດ ລວມມູນຄ່າ 350.400.000 ກີບພ້ອມທັງມອບເງິນສົດຈໍານວນ 150.000.000 ກີບໃຫ້ກະຊວງປ້ອງກັນປະເທດ ເພື່ອປະ ກອບສ່ວນຊຸກຍູ້ເຂົ້າໃນວຽກງານການຈັດຕັ້ງພິທີສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວຄົບຮອບ 75 ປີ, ກ່າວຮັບໂດຍສະຫາຍ ພົນຕີ ຄໍາເພັດ ສີຊານົນ ກໍາມະການຄະນະປະຈໍາພັກກະຊວງປ້ອງກັນປະເທດ ຫົວໜ້າກົມໃຫຍ່ພະລາທິການກອງທັບ, ມີສະຫາຍ ພົນຈັດຕະວາ ຄໍາມ່ວນ ເລືອງວັນຫຼ້າ ຮອງຫົວໜ້າຫ້ອງວ່າການກະຊວງປ້ອງກັນປະເທດ ພ້ອມດ້ວຍຄະນະກົມນໍ້າມັນເຊື້ອໄຟ ກົມໃຫຍ່ພະລາທິການ ແລະ ພະນັກງານທີ່ກ່ຽວ ຂ້ອງເຂົ້າຮ່ວມເປັນສັກຂີພິຍານ.

ຂ່າວ: ຄໍາປະສົງ ລາດຊະວົງ